شقاء عاشق
الحلقة٣
منى تمشي في مكان أشبه بصحراء لايوجد بها شئ لكن هناك بقعة خضراء تسير منى بها بخطوات سريعة لكى توصل لهذه البقعة لكن دائما كانت ترى شخص يقف فى هذه البقعة وعندما يمد يديه اليها بالماء المسافة بينهم تبعد وملامح الشخص غير واضحة لكن المرة ده لا وصلت له اخدت منه الماء لكن ملامحه لسه فيها بعض الغموض والعجيب أنها عندما ارتوت من الماء حاسة كأنها قلبها نبض بشدة كأنه لسه شباب وبكامل حيويته وفجأة صحيت من نومها على اذان الفجر وعلى وجهة ابتسامة عذبة فسرت حلمها أن هذا بسبب أن اليوم هو خطوبة ابنها بس سالت نفسها اشمعنى المرة ده قدرت توصل لمكان الخضراء ومش بس كده دى شربت المياه وكمان ملامح الشخص ده بدأت تحدد هى مظهرتش بس اتحدد طول وعرضه لون بشرته فوق كل ده رائحته التى مازالت تستنشقها وكأنها عبير زهور
لكن فسرت ده بأن سعادة بانها سوف تكمل اليوم
صحيت ودخلت الحمام وتوضأت وصليت وأخذت تقرأ بعض آيات المصحف الشريف مع وردها اليومى كعادتها بعدها خرجت مع فهيمة كتحضر الفطار
أما عند رامى صحى من نومه فتوضأ وصلى وخرج لكي يفطر مع والدته
رامى وهو يقبل يد والدته : صباح الخير ياست الكل
منى : صباح النور صحى بدرى يعنى
رامى : انا اصلا منمتش غير ساعتين
منى بابتسامة : ايه الاسهرك يا بشمهندس
رامى : انت عارفة طبعا انى لم بيبقى عندى مشوار مهم مش بعرف انام والنهاردة أهم يوم فى حياتى
منى : ربنا يسعدك
رامى : يارب المهم انا هنزل هروح الجامعة وبعدين هعدى على الشركة في الاوراق لازم أمضى عليها وعمر مسافر، هرجع على المعاد مش هوصيكى تكونى جاهزة
منى بحب : حاضر
يذهب رامى للجامعة
__________________________
أما فى منزل جاسر
استيقظت نور وتوضأت وصليت وخرجت وجدت والدها ينتظرها
نور بفرحة : صباح الخير يابابا
جاسر بحب: صباح النور على احلى عروسة
نور تنظر لاسفل بخجل : لسه بدرى على عروسة يابابا
جاسر بضحكة : اومال مهندس رامى جاى يتقدم لمين لصباح مثلا
ضحكت نور على كلامه
جاسر وهو يتلاعب بنور: انا عرفت أنه شاب كويس لكن لو انت رافضت خلاص
نور مسرعا: انامرفتضش انا بس بقول بعد لم يجى ابقى عروسه
ضحك جاسر على ابنته : المهم انت هتروحى الجامعة النهارده
نور وهى تقوم من على الكرسى وتنظر فى ساعتها: طبعا دى لسه الساعة ٩ وانا عندى محاضرة مهمة وكمان معاد بليل
خرجت نور بعد ما وضعت قبلة على خد والدها
جاسر بعد خروج نور أخذ يحدث نفسه : معقول هرجع اكلمك بعد السنين دى كلها انا مشتاق انا اسمع صوتك
__________________________
أما فى الجامعة
كان تليفون يرن ومن غير حبيبها فهو تعود عندما يصل إلى الجامعة لابد من أن يرى وجها
نور وهي تقوم برد : الو
رامى : احلى الو ده احلى عروسة عاملة
نور وقد تورد وجنتها بالحمراء: ايه حكاية عروسة معاكم ده
رامي : باستغراب : ليه هو مين قال عروسة غيرى
نور بخجل : بابا
رامى : لا انا كده لازم اعرف الحكاية وصلت ولا لسه
نور : ايوه وصلت
رامى : طب استنى عند الكافتيريا
نور : بعد المحاضرة يادكتور احسن الدكتور ده بياخد غياب وانا خايفة منه
رامى بحنية : اوعى تخافى وانا جمبك مفهوم
نور : حاضر
تغلق نور التليفون وتتوجه بسرعة إلى المحاضرة وتتدخل قبل دخول الدكتور بلحظات
ويدخل رامى إلى المحاضرة وعينها على من خطفت قلبه من اول يوم رآها لبس نظارته الطبية وأخذ يشرح لطلاب
وبعد فترة كانت المحاضرة انتهت وعند خروج الطلاب اوقف خروجها صوت رامى : انسه نور ممكن تستنى لو سمحتى
انتظر رامى خروج الطلاب واقتراب من نور وقام بمسك يدها : وحشتيني
نور وهى تقوم بسحب يديها : عيب يادكتور حد يشوفها
رامى بهيام : مش مهم وبعدين كلها كام ساعة وهتبقى خطيبى على فكرة انا هتفق مع باباكى اننا نعمل خطوبة وكتب كتاب مع بعض
نور بكسوف : براحة يادكتور شكلك مستعجل اوى
رامى وهو يقترب منها : اوى اوى
نور وهى تبعد رامى : لا دى انت حالتك صعبة اوى سلام
رامى : سلامى ياقلب رامى وبعدين هشوفك كمان كام ساعة
مشيت نور من أمام رامى وبعدها خرج راح على شركة
__________________________
أما فى منزل رامى
كانت منى سعيدة وهى لا تعلم ما سر سعادتها هل السبب هو فرحة رامى ؟
أما سبب آخر لا تعلمه أو هى تعلمه لكن لا تريد الاعتراف بيه
مرالوقت حتى أصبح اقتراب المعاد فهتفت رامى حتى لا يتأخر
رامى : انا خلاص وصلت بركن العربية
منى : حمد لله على سلامتك ياحبيبى
وبعد ما أغلقت منى الهاتف مع ابنها قامت تجهز نفسها لكن هاتفها رن مرة أخرى فوجدت صدقتها لبنى
منى : كنت متاكده انك هتكلمنى
لبنى : طب لازم اوصيك انت انا عارفاكى
منى وهي تضحك على طريقة صديقتها : و توصينى عليه بقى
لبنى : اسمعى لازم تشوف البنت كويس اوى لتكون فيها حاجة صناعية وانت فهمانى بقى
منى مازالت تضحك : انت ناقص تقولى اعمل زي مارى منيب واخد معايا بندق وعين جمل
لبنى : طبعا مش لازم تطمنى على مستقبل الواد
منى : حاضر اى طلبات تانى
قبل لبنى ماترد كان جرس الباب بيرن : بس روحى اجهز انتى وانا هشوف مين
منى : ماشى
قفلت منى مع لبنى وهى تضرب كف على كف على صاحبتها
لكن هى تعلم أن قلبها ابيض وتحب رامى زى ابنها
فهى صديقتها الوحيدة وكانت خير سند ليها وقفت جمبها كتير اوى هي تعتبرها اختها و أصرت انها تيجى معاهم بس لبنى رفضت بحجة أن هذه تعتبر زيارة تعارف وكمان علشان ابنتها ملك فى شهور حملها الأخيرة وأن هذا الطفل جاء بعد فترة من زواجها بعمر
قامت منى بتجهيز طقم ليها ودخلت الحمام وخرجت كى تستعد لخروجه
__________________________
أما فى اوضة رامى قام بالاتصال بنور وبعد فترة ردت عليه
رامى : حبيبتى مش بترد عليا ليه
نور : ابدا يا رامى كنت بحضر لبسى ومحتارة عايزة اختار حاجة حلوةعشان تعجب مامتك
رامى : ايه حاجة عليكى بتبقى حلوة
نور : وبعدين بقى ممكن تسيبنى عشان الحق اجهز قبل ما تشرفونا
رامى : ماشى مع انى مش عايز اقفل بس اللي مصبرني ان كلها ساعتين وخلاص هتبقى ملكى
نور بخجل: يابنى ده لسه قاعدة تعارف مش يمكن معجبش مامتك مثلا
رامى : دى انت تعجب الباشا
نور بخجل اكتر : وبعدين يارامى
قفل رامى مع نور وفضل يدندن بأغنية وهو سعيد أن خلاص حلم عمره هيتحقق
وبعد فترة كان رامى لبس بدلة توكسيدو ونثره عطرة وكان وسيم للغاية
خبط رامى على اوضة والدته وفتح واول ماشافته كده قربت منه وعنيها كلها دموع : بسم الله ماشاء الله ربنا يحفظك ياحبيبى
رامى وهو يمسح دموع والدته : ربنا ما يحرمني من دعواتك بس ممكن افهم الدموع ده ليه
منى بابتسامة : ده دموع الفرح ياحبيبى الحمد لله عشت وشوفتك عريس
رامى وهو يقبل يده : ربنا يديك طولت العمر
وخرج رامى وهو يحضن والدته لكن فجأة تليفون منى رن
منى وهى تخرج من شنطها : اكيد لبنى علشان تقولى الوصايا
رامي باستغراب : وصايا ايه
منى وهي تضحك : متشغلش بالك
قامت منى برد وهى تقول : قولى يا ست اخرة وصاياك ايه
لكن فجأة سمع صوت عياط وصريخ ملك : الحقينى يا طنط منى ماما بتروح منى
منى وهى ترتعش فالفكرة انا لبنى ممكن تروح منها اوجعتها: أهدى ياملك فهمنى
ملك بعياط : مش عارفة انا كنت عند دكتور ورجعت لقيتها وقعه مش بترد عليا طلب الإسعاف وانا معاها فى المستشفى بس شكلها تعبان اوى
منى : قولى مستشفى ايه وانا جايلك
كل هذا تحت نظرات رامي
بعد منى ماقفلت وجدت رامى ينظر إليها : رامى ياحبيبى انت عارف طنط لبنى بالنسبة ليه ايه ارجوك يا ابنى
رامى : بس ياماما
منى بنظرة رجاء : أنا واثقة فيك وانا مخلفة راجل روح ياحبيبى ده قاعدة تعارف بس وان شاء الله هكلمهم واعتذر
رامى فهم أن لا جدال مع والدته فلبنى بالنسبة لمنى اخت وليست صديقه : رامى خلاص ياماما انا فاهم هوصلك وبعدين اروح
منى وهى تضع يديها على خده : روح انت وانا اخد تاكسى ورواح
رامى : بس
منى : من غير بس
خرجت من تحت نظرات ابنها
__________________________
أما فى المستشفى
وصلت منى بسرعة إلى مستشفى وسالت على لبنى عرفت انها موجودة فى الدور الرابع
وصلت منى وجدت ملك تجلس وهى تبكى : ملك ايه اللي حصل
عندما سمعت ملك صوت منى جريت على حضنها: ماما تعبانة اوى ياطنط انا خايفة عليها اوى
منى وهى تربط على ضهر بحنان : متقوليش كده ان شاء الله هتقوم بسلامة بس ادعيلها
ملك وهى تبعد عن حضن منى : يارب ياطنط
منى باستفسار : ايه اللي حصل
ملك : معرفش انا كنت عند الدكتور ولم رجعت فتحت باب الشقة لقيتها وقعه
منى : ممكن تهدى علشان لما ماما تفوق مشفكيش بحالة ده
ملك وهي تمسح دموعها : حاضر
بعد شوية خرج الدكتور من عند لبنى جرى عليه منى وملك
منى وملك فى نفس واحد : عامله ايه يادكتور
الدكتور : الحمد لله هى بس ضغطها عالى فجأة وهى شوية و هتفوق بس ياريت ما تتعرضش لأى انفعال تانى ربنا ستر المرة ده وعموما هى هتبات مع الليله ده بكرة تخرج ان شاء الله
دخلت منى وملك الى اوضة لبنى وجده نائمة على السرير ويدها فى محلول وبدأت في فتح عينيها
جريت عليها ملك : ماما ايه الا حصل
منى وهى بتشد ملك : وبعدين يا ملك دكتور قال ايه
ملك وهى تمسح دموعها : خلاص انا مش هتعبها تانى بس ايه اللي حصل
لبنى بتعب : مفيش تعبت فجأة
لحظة منى أن فيه شئ تخفيه لبنى ولا تريد التحدث فيه فى وجود ملك
منى : ملك اعتقد انك اطمنت على مامتك ممكن تروحى انت عشان ترتاحى
ملك : بس مينفعش انا هستنى مع ماما و حضرتك تروحى عند رامى
لبنى وقد تذكرت أن اليوم هو يوم خطبة رامى : انت سبتى رامى جتيلى
منى وهى تقترب منها : انت اختى المهم اسمع الكلام ياملك وامشى
لبنى أمنت على كلام منى : اسمعى الكلام
ملك : بس
لبنى بتعب : من غير بس
خرجت ملك بعد ما قبلت والدتها وعرفتها انها هتكون عندها الصبح بدرى
بعد خروجها سحبت منى الكرسى وقربت من لبنى : ايه الا حصل ومكنتش عايزة تتكلمى فى وجود ملك
لبنى وهى بتفتكر الا حصل : ظهرت يامنى بعد السنين دى كلها عايزة تسرق فرحتي
منى باستفهام : مين ده انا مش فاهمة
لبنى : احلام
منى وهى غير مستوعبه : احلام مين
لبنى : احلام محمد شاهين
بان على ملامح منى الصدمة : احلام
لبنى اكتفت بدموع عينيها
منى وهى بتحاول تهدى لبنى : أهدى ربنا هيحلها
__________________________
أما فى منزل جاسر
كان جاسر ينظر كل دقيقة فى ساعة
اقتراب منه آدم : ممكن تهدى شكل صعب اوى
جاسر بتوتر : مش مصدق أن هشوفها ادامى
ادم : لا اهدا كده ومسك نفسك علشان ابنها وبنتك
وعندما سمع رنة جرس انتفض من مكانه : جاءت ياادم جاءت
ادم وهو يمسك جاسر : خد نفسك صباح هتفتح ليهم
فتحت صباح الباب وجدت رامى أمامها : جاسر بيه موجود
وقد فهمت من هيئته أن هو العريس فكان يمسك بيده بوكيه ورد وعلبة شوكولاته:
صباح : موجود واكيد حضرتك بشمهندس رامى
اكتفى رامى بابتسامة
وصلت صباح رامى لاوضة الصالون
وذهبت تبلغ جاسر
جاسر اخذ نفس طويل وخرج واتجه لغرفة الصالون
وأول ما دخل جاسر وتفاجأ بوجود رامى لوحده
جاسر : ----------
ياترى رد فعل جاسر ايه ؟
وياترى ايه سر لبنى ؟
الفصل الرابع من هنا
