شقاء عاشق
الحلقة٧
الحلقة٧
بعد ما خرجت منى من منزل جاسر كانت شارده فى احساس الا انتبها من اول ماشافته حاسة أن فى شئ قوى بيربطها وخصوصا نظرات عينيه ليها حتى وقت ماسلم عليها إصابتها قشريرة فى جسمها سبب ايه
فاقت من شرودها على صوت رامى : بتقول حاجة ياحبيبى
رامى باستغراب من الحالة الا عليها والداته : وتخيل أن ممكن يكون حصل حاجة وهو مخدش باله أو تكون والداته لديها تحفظ على نور ومش عارفه ايه اللي حصل ممكن يكون وصلها للحالة ده
منى : كنت بتقول ايه يارامى
رامى : كنت بسالك على رأيك فى نور وعائلتها
منى : جميلة ياحبيبى ربنا يسعدكم
رامى فرح براى والدته وكمل : طب وبابها
منى حاسة بإحساس غريب لم رامى اتكلم عليه وسألها عن رأيها : مش مهم رأى المهم انك انت ونور بتحبوا بعض
رامى حاسة أن مامته بتهرب من الكلام ومش فاهم ايه السبب بس هو لاحظ من نظرات جاسر لوالداته أن هو عارفها ولاحظ كمان أن والدته كانت بتحاول متوجهش اى كلام الجاسر بس ايه سبب مش عارف معقول والدته تعرف جاسر بس ازاى وهى ملاحظ عليها اى حاجة لم عرفت اسمه
بعد شوية كانوا وصلوا البيت رامى يستأذن من والدته أنه هيعدى على شركة علشان فى الاوراق لازم يراجعها مع عمر
_______________________________
فاقت من شرودها على صوت رامى : بتقول حاجة ياحبيبى
رامى باستغراب من الحالة الا عليها والداته : وتخيل أن ممكن يكون حصل حاجة وهو مخدش باله أو تكون والداته لديها تحفظ على نور ومش عارفه ايه اللي حصل ممكن يكون وصلها للحالة ده
منى : كنت بتقول ايه يارامى
رامى : كنت بسالك على رأيك فى نور وعائلتها
منى : جميلة ياحبيبى ربنا يسعدكم
رامى فرح براى والدته وكمل : طب وبابها
منى حاسة بإحساس غريب لم رامى اتكلم عليه وسألها عن رأيها : مش مهم رأى المهم انك انت ونور بتحبوا بعض
رامى حاسة أن مامته بتهرب من الكلام ومش فاهم ايه السبب بس هو لاحظ من نظرات جاسر لوالداته أن هو عارفها ولاحظ كمان أن والدته كانت بتحاول متوجهش اى كلام الجاسر بس ايه سبب مش عارف معقول والدته تعرف جاسر بس ازاى وهى ملاحظ عليها اى حاجة لم عرفت اسمه
بعد شوية كانوا وصلوا البيت رامى يستأذن من والدته أنه هيعدى على شركة علشان فى الاوراق لازم يراجعها مع عمر
_______________________________
فى المنزل عند منى
بعد ما رامى موصله رامى دخلت الفيلا وهى فى حالة غريبة جواها شعور انها تعرف جاسر أو شافته قبل كده بس فين مش فاكرة وكمان حاسة أن. بتربطها بيه حاجة قوية بس مش عارفة اى هى
هى متاكده ان اول مرة تسمع اسمه لم رامى كلامها عن نور وأنها بنته
فكرت انها تكلم لبنى تشاركها معها زي طول عمرها ما تعمل كده
طلعت تليفونها وطلت رقم لبنى استنت الرد
لبنى : بنت. حلال يامنمن كنت لسه بفكر اكلمك علشان اعرف عملتوا ايه
منى وصوتها يوحى أن فى حاجة : اه الحمد لله البنت ماشاء الله عليها وكمان بابها كويس
لبنى حاسة أن صوت منى مش طبيعى : مالك يا منى فيكى ايه
منى بتنهيدة : طول عمرك بتحسى بيه من صوتى الحقيقة أنا مش عارفة انا فيه ايه بس انا محتاجة اتكلم معاكى
لبنى بقلق على صديقتها : اتكلم على طول انتى قلقتينى
متى بدات تحكى كل حاجه من مقابلتها لجاسر وشعورها ناحيته وكمان نظراته ليها وإحساس انها شافته قبل كده وكمان أن فى حاجة بتربطها بيه
منى بعد ما خلصت كلامها لحظة أن لبنى ساكتة مش بترد : لبنى انت معايا
لبنى بسرحان : احم اه معاكى
منى : لبنى انت صوتك اتغير ليه انت عارفة حاجة انا مش عارفها
لبنى وهى تفكر فى كلام منى افتكرت حاجة حصلت بس معقول بسرعة نفضت الفكرة من دماغها واستبعدت أن يكون هو الشخص ده : ابدا ياستى انت بس الا عندك حساسية زيادة مش اكتر ممكن يكون الناس عاديين وكملت ضحك ويمكن الراجل أعجب ولا حاجة ونفرح بيكى مع رامى
منى ضحكت على طريقة لبنى : والله انت رايقة ياشيخة
لبنى : المهم اتفقتوا على كل حاجة
منى : اه واتفقت مع نور اننا ننزل انا وانتى وملك علشان نشوف فستانها ونساعدها
لبنى : انت من اولها كده هتعملى حماه على البت
منى بضحكة : ابدا والله انا بس نفسى انها تندمج معانا وكمان البنت يتيمة وانت عارفة البنات فى الوقت ده بتبقى محتاجه والدتها تكون معاها
لبنى : عارفة وربنا يسعدهم
منى : يارب المهم دلوقتى بكره بعد الظهر ننزل نشوف الحاجات
لبنى : من عيونى حاضر
قفلت منى مع لبنى وقد هدات قليلا
أما لبنى بعد ما قفلت مع منى أخذت تفكر فى حديث منى
اخذت تحدث نفسها معقول يكون هو ليه علاقة بموضوع زمان بس ازاى نفضت تلك فكرة من دماغها ان مش ممكن الاموات يرجعوا تانى للحياة
__________________________________
أما فى شركة عند رامى
وصل رامى الشركة ودخل على طول على مكتب عمر كان ساعتها يجلس أمام ترابيزة الرسم الهندسى بس سرحان
رامى وهو ينقر على ترابيزة : ياسيدى ياسيدى هو انت إلا عريس ولا انا
عمر انتبها لرامى : انت هنا من امتى
رامى وهو يجلس على الكرسى : من بدرى وحضرتك ولا هنا
عمر وهو يقوم من على كرسية ويجلس على كرسى أمام رامى : ابدا كنت بفكر فى حوار كده
رامى بقلق : خير ياعمر
عمر : انت عارف تعب طنط لبنى كان ايه
رامى: لا
عمر استغراب أن منى محاكتش لرامى بس فسر ده أن علشان موضوع خطوبته : الا اسمها أحلام ظهرت تانى و تهددها انها تقول لملك على الحقيقة
رامى : انت عرفت ازاى
عمر: طنط منى جاءت النهاردة وهى الا حكت ليه
رامي باستغراب : ماما بس هى مقولتش حاجة ليه
عمر: اكيد مش عايز تشغله وانت داخل على جواز
ابتسم. رامى : المهم هتعمل ايه
عمر : انا عملت انا كلفت حد يجمعلى عنها معلومات يمكن القى حاجة اعرف امسكها عليها وساعتها مش حرحمها
رامى : أن شاء الله واوعى تعمل حاجة من غير مااعرف انا عارف انك متهور
عمر : ماشى ياعم العاقل المهم طمنى لقاء جبابرة انتهى على خير
رامى ضحكة بصوت عالي : جبابرة بتقول على طنط منى جبارة انا بقى هقولها عشان تبطل تدافع عنك قصاد ملك ولولو
عمر وهو يمثل الخوف : إلا ملك ولولو ابوس ايديك دول مش بيرحموا
رامى ضحك على شكل عمر : ماشى ياعم عموما كل تمام وبكره ان شاء الله كل الجبابرة هينزلوا يتفرجوا على الفساتين ويحضروا لوازم الخطوبة
عمر : نهار اسوح ملك هتنزل وجالك قلب تعرف نور على ملك انت عارف معنى ايه
رامى وهو بيخبط على مقدمة رأسه : معنى انى خلاص فقدت سيطرتي وكل فاضيحى بتتقال ربنا يستر
بعد شوية من الهزار مع بعض استأذن رامى أن بمشى
_____________________________
عدى الليل عادى على الابطال بدون اي احداث تذكر
وجاء الصباح وهو يحمل الفرح
صحيوا ابطالنا كالعادة وكل واحد خطط ليومه هيقضى ازاى
وبعد الضهر كان موعد لقاء لبنى وملك مع نور ومنى وكان هذا اللقاء امام احدى بيوت الازياء ألا هم متعودين عليها
وصلوا كلهم وعرفت منى نور على ملك ولبنى
منى بحب لنور : بس ياستى ده محل كبير مشهور احنا بنتعامل معاها من سنين تحبي ندخل ولا تشوف مكان تانى
قبل مانور ترد كانت لبنى الا كانت قالبه على مارى منيب : لا طبعا ازاى الا حضرتك تختارى لازم تشوفه مش صح يانور
نور بكسوف : اه طبعا
منى بضحكة على طريقة صديقتها : نور ياحبيبتى متتكسفيش شوفى اللى يناسبك انتى
لبنى جاءت تتكلم بس قبل ما تنطق بكلمة منى نظرات ليها نظرة جعلتها تسكت
نور : لا ياطنط من غير كسوف انا اعتبرت حضرتك من امبارح فى مقام المرحومة ماما وعلشان كده اسمحيلى اقولك ياماما
منى عيونها دمعت وحضنتها: طب يااحلى بنوته
لبنى همست فى أذن ملك : شوفت البت اكلت بعقل منى حلوة
ملك وهى بتحاول تكتم ضحكاتها : وبعدين ياماما انت مالك كده قلبتى على حماتى قنبلة ذرية أهدى كده
لبنى ضربت ملك فى كتفها : يلا واحنا كده ممكن ناخد فعل فاضح فى الطريق العام
منى نور وملك ضحكوا على طريقة لبنى
ودخلوا الاتيليه يحاولوا يختاروا فستان مناسب
وطبعا كل مانور تختار فستان لبنى تتريق عليه
نور وهى تغمز لملك ومنى : ايه رايك يا طنط ولو حضرتك تختار ليه حاجة على ذوقك
لبنى اتصدمت : هه
نور : اختارى حاجة ليه
لبنى حبت تستفزها اكتر : راحت ماسكة فستان الوان كتيرة ومش حلو ده هيبقى شكله حلو عليكى
منى وملك اتصدموا من الفستان قبل ما يتكلموا كانت نور : الله ياطنط ذوقك حلو اوى وانا هدخل اقياسه
لبنى مازالت غير مستوعبة فاقت من صدمتها على آخر لحظة قبل مانور تقيسه : تعالى هنا فستان الا هتقيسيه ده وبعدين انت عايزة تقولى للناس انه ذوقى
تعالوا ضحكاتهم على لبنى وطريقتها مع نور فهى تمثل عليه دور الحماة الصعبة
وفى الاخر نور اخترت فستان باللون الفيروزى تصميمه بسيط جدا وعندما ارتديته كان جميل عليها وانبهروا كلهم بيه
اختاروا كل حاجته معه
وبعد كده خرجوا يتغدون برا فى جو من الألفة والمودة وشعرت نور انها بين امها فعلا فمنى غمرتها بحياتها
ورحبت ملك اوى وخصوصا بعد ما حكت ليها على رامى ومواقفه وهم صغيرين
أما لبنى فكانت هى الحماة بالنسبة لنور مش منى وده بسبب انها هى إلا ربت رامى
قاموا بتوصيل نور لمنزلها وبعد ما اتفقت أن هى تكلم ملك ويبقى اصدقاء
_____________________________
فى منزل جاسر
دخلت نور وجدت والداها يجلس فى انتظارها وقبلت خده : مساء الخير على احلى بابا فى الدنيا
جاسر : مساء النور على احلى بنوته
نور وهي تجلس بجوار والدها : رجلى وجعانى اوى
جاسر بحب : سلامتك المهم انبسطي يا حبيبتى
نور بفرحة : اوى يا بابا وأخذت تخرج كل حاجة اشترتها تفرج عليها والداها وهي في قمة سعادتها
وقصت لوالدها كل حاجة من ساعة ما خرجت وتصرفات لبنى وحب وحنان منى واحتوائه ليها
كل ده تحت نظرات جاسر الا كلها فرحة بسبين أولهم الفرحة الا شايفها فى عيون نور وثانيا فرحة قربه مرة ثانية من منى
وفي هذه الأثناء تليفون نور رن
جاسر وهو بيضحك رد على البشمهندس
نور وهى تخرج تليفونها من جيبها وعندما رأت اسم المتصل : ده مش البشمهندس دى ماما منى
نور : ايوه ياماما
سرح جاسر فى كلمة نور لمنى وتخيل للحظة ولو كان اتجوز منى وخلف منها اكيد كان هيبقى اسعد واحد فى الدنيا
بعد ما قفلت نور مع منى لحظت أن والداها سرحان : بابا بابا
جاسر: هه
نور قربت منه : بابا هو حضرتك اضيقت أن قولت لطنط منى ياماما
جاسر بنفى : ابدا ياحبيبتى انا بس استغربت
نور : بصراحة يابابا انا حبتها اوى وكمان لم ضمتني لحضنها حاسة بحنانها اوى علشان كده قررت اقولها ياماما
جاسر سرح فى كلام نور واتخيل فعلا لو كانت نور بنته هو ومنى كانوا هيبقوا اسعد عائلة ولكن كان للقدر رأي آخر
افاق من شروده على صوت نور : بابا مالك
جاسر بابتسامة حانية : ابدا مفيش حاجة
نور : بابا انا ملاحظة أن حضرتك على طول سرحان وكمان صحتك مش عاجبنى قربت منه حبيبى انت مخبئ على حاجة
جاسر وهى يربط على كتفها : مفيش ياحبيبتى متقلقيش يلا ادخلى غيرى هدومك وذاكرة شوية
نور وهي تقبل رأس : حاضر
بعد مامشيت نور جاسر لنفسه : انا دلوقتى اسعد واحد فى الدنيا ياترى يامنى هيكون رد فعلك ايه لما تعرفى الحقيقة و هتقدرى تنفذي طلبي ليكى
____________________________________
عدت باقى الايام على ابطالنا بدون احداث غير أن عمر جاء تلوا معلومات عن احلام هيقدر من خلالها أن يساومها على سكوتها ويقدر من خلالها ان ينهي موضوعها نهائي وطبعا بلغ رامى بس مش هيقدروا يعملوا حاجة الا بعض خطوبة رامى
أما جاسر وبدأت أعراض التعب تظهر عنده وهو يحاول يتماسك أمام نور
أما منى مازالت بالها مشغول بجاسر واحساسها أن في شي يربطهم ببعض
لبنى تحاول تكذب إحساسا وخائفة من رد فعل منى لو تأكدت شكوكها
أما عند رامى ونور دول بقى كانت حياتهم كلها حب وبيعدوا الأيام إلا تقربهم من بعض
فبدأوا فى حجز البيوتى سنتر وتجهيز المكان
فالمكان أصرت لبنى وعمر أن يكون هدية رامى حجزوا قاعة
__________________________________
جاء اليوم إلا انتظاره رامى منذ ما وقعت عينيه على نور
فاليوم هو يوم الذي سوف يرتبط نور ورامي برباط مقدس
صحى رامى من نومه على يد تحاول تفوقه
بدأ رامى فى فتح عيونه على ابتسامة منى : اصحى يا عريس
رامي وهو يبتسم : صباح الخير ياست الكل
منى وهى عيونها تتلأ بدموع : صباح النور ياحبيبى
رامى وقد رأى الدموع في عيون والدته: ممكن اعرف لدموع ده بقى
منى وهى بتحاول تبان طبيعية : مفيش حبيبى ممكن ده تكون دموع الفرح انا فرحانة اوى علشان رامى ابنى كبر وبقى عريس ربنا يسعدك ياحبيبتى
رامى هو يقبل يد والدته : ربنا يخليكي ليا يا ست الگل
منى : يلا اصحى
قام
ڤى الأمر لم يختلف كثيرا فمثل مافعلت منى مع رامى
كان جاسر مع نور
فكلا من جاسر ومنى يربطهم بولادهم رباط الحب
________________________________
فى المساء
كان رامى متألق ببدلته التي كانت من اللون الرصاصة التى تلائم فستان نور الفيروزى
وأول ما خرج من اوضته مع عمر أطلقت لبنى الزراغيط وقامت بتقبيله وكانت ماسكة طبق فيه ملح قامت برميه عليه : الف مبروك ياروميو ماشاء الله قمر والله انت خسارة فى البيت ده
رامى وهو يضحك على طريقتها : الله يبارك فيكى يالولو بس ايه الا انت عملتيه
لبنى : عملت ايه ياحبيبى دى انا برمى الملح علشان الحسد
ظلوا جميعا يضحكون على لبنى وأفعالها
أما منى فظلت تنظر لابنها ودموع ترقق فى عيونها اقتربت من رامى : مبروك يا ابن عمرى
رامى وهو يمسح دموعها : الله يبارك فيكى يااحلى ام
عمر وملك : ممكن يلا احسن كده هتأخر
وبعد فترة وصل رامى لمركز التجميل
اول مادخل وعينه وقعت على نور بفستانها الفيروزى فكانت مثال لجمال ورقة : مبروك ياعمرى
نور وقد احمرت وجها : الله يبارك فيك
ظل نور ورامى ينظرون إلى بعض إلى أن تدخل عمر : ايه ياجماعة نلغى القاعة والناس يلا ياعم النحنوح
امسك عمر بيد نور وخرجوا ركبوا مع عمر وملك
أما منى ولبنى فقد سبقوهم إلى القاعة
--------------------------------------------------
أما فى قاعة الفرح
فكان جاسر يقف فى استقبال المدعوين هو وادم
فى لحظة توقف فيها الزمن اول ماوقعت عين جاسر على منى فكانت فى عينيه الفتاة التي سرقت قلبه
لاحظت منى نظرات جاسر لها فظهر عليها الارتباك والتوتر
تقدمت منى ولبنى الى المكان الذى يقف بيه جاسر وادم: الف مبروك يااستاذ جاسر
جاسر وهو ممسك بيدها : الله يبارك فيكى يامنى اه قصدى يا مدام منى
حاولت منى أن تسحب يدها من جاسر وتكمل تعرف على لبنى : ده لبنى صديقتى الوحيدة وتعتبر ام رامى
جاسر وهو يمد يده إليها : اهلا وسهلا يا فندم
التفت جاسر ليقدم ادم لمنى ولبنى : وده ادم صديقه الوحيد وشريكى وهو الا مربى نور معايا
متى وهى تمد يدها : اهلا وسهلا يا استاذ ادم
ادم بابتسامة : اهلا بحضرتك
ادم وهو يسلم على لبنى : اهلا يا فندم
لبنى وقد اندهشت : اهلا بيك بس مش عارفة انا شوفت حضرتك فين قبل كده
ادم وقد ابتلع ريقه خوفا من أن لبنى تكشف السر الان : اولا انا ليه الشرف بس ده اول مرة اشوف حضرتك فيها
لبنى : لا انا متاكده انى شوفت حضرتك قبل كده فين فين اه شوفتك فى
هنا انقطعت لبنى عن الحديث حينما قطعت انوار القاعة لاستقبال العروسين
حمد الله آدم على ذلك والا كان القواعد لو لبنى اتكلمت وخيمة
دخل رامى ونور وسط تصفيق حاد من المدعوين وصلوا إلى مكان جلوسهم إلا أن آدم أصر أنهم يذهبون لتربيزة لعقد مراسم كتب الكتاب
فاقوا أخيرا على جملة بارك الله فيكم
قام رامى بتقبيل رأس نور : الف مبروك يا مراتى
نور اخفضت وجها أرضا من الكسوف
توافد باقى المدعوين فى التهانى للعروسين
أما لبنى افتكرت ان رات ادم
كان ادم يحاول أن يهرب من لبنى الا أنها وقفت أمامه : على فكرة متحاولش تهرب انا افتكرت شوفتك فين واعتقد انك انت كمان افتكرت والا مكنتش تحاول تهرب منى
ابتلع آدم ريقه وأخذ يد لبنى وخرجوا بره القاعة
لبنى وهى بتحاول تشد ايدها منه : ممكن افهم حضرتك بتحبنى ليه كده يبقى الا انا افتكرته صح
ادم ترك يديها وانزل وجه أرضا
لبنى بعصبية : انا عايزة افهم مش انت الا كنت موجودة يوما ما
ادم وهو مازال ينظر للأسفل
لبنى بحدة وانفعال زايد : هتفضل ساكت كده تمام يبقى هدخل وحكى وساعتها هتتكلم
كادت أن تتحرك لكن ادم نطق اخيرا : جاسر هو
وقفت لبنى مصدومة من آثار كلمة ادم : يعنى هو إلا طب ازاى انت قلت انه مات وكمان الا
ادم بنظرة رجاء : هفهم حضرتك بس مش دلوقتى علشان خاطر رامى ونور
كادت ترد إلا أن منى خرجت : انت هنا وانا قالبه الدنيا عليك جوه ساكتة منى عندما وجدت آدم وظاهر الارتباك عليهم
لبنى بارتباك وهي تنظر لآدم : اصل بصراحة
تدخل ادم بكلام : اصل مدام لبنى شوفتها خارجة شكلها تعبان فخرجت وراءها اشوفها
منى لاحظت أن فيه نظرات بينهم بس ساكته: مالك يالبنى حاسة بحاجة
لبنى حاولت تبان طبيعية : صداع وتعالى ندخل نشوف رامى
دخلت منى مع لبنى لكن قررت انها تعرف ايه الا مخبيها لبنى
وخصوصا لما دخل آدم وأتكلم مع جاسر وملامحه تغيرت وفجأة حاول نظراته ليه
أما عند نور ورامى
فكان رامى ممسك طول الوقت بيد نور كأنه يريد أن يتحقق بأنها أصبحت ملكه
نور بكسوف : رامى ممكن تسبب ايدى
رامى بنظرات حب : مقدرش انا نفسى اخبيكى جوه حضنى
اصبح وجه نور مثل الطماطميه : رامى متكسفنيش
رامى : اموت فى الطماطم
أقبل عليهم عمر وجذبهم لساحة الرقص
انتهى حفل الخطوبة واستاذن رامى جاسر بأن يأخذ نور لسهره
وافق جاسر
كانت لبنى تحاول أن تهرب من منى لكى لا تقول لها عما عرفته : أستنى يا لبنى عايزاكى
لبنى بارتباك: الصبح هعدى عليكى
منى : دلوقتى
حاسة لبنى انها محاصرة فكيف لها أن تهرب: حاضر
كادت منى ولبنى أن يغادروا لكن سمعوا صوت التفتوا الى مصدر الصوت شهقوا من الصدمة
