#مؤامرة_خسيسة
قصة حقيقية ح 8
_ اتفضل خد شبكتك ماعندناش بنات للجواز
_دا علي أساس اني ميت علي نسبكم ،،مش لما تعرفوا تربوا الاول ..
_ابو تهاني ايه الكلام دا ي مصطفي ؟؟ استني بس ي حسين
_ أسأل بنتك المصون ي حج دي طلعت مدوراها علي النت وكل ما كلمها تقولي اصلي بنام بدري ،، اصلي الباقة خلصت وهي بتبعت صورها للشباب وعايشه بمزاجها ..
ضربه بالقلم وماقدرش يستحمل يسمع كلام وحش عن بنته
_انت مش متربي ومش عايز نسبك ي خسيس
خطف الشبكة من ايد حسين وقاله .. اختك عندك حنطها 😏
_ ماشي ي ابن ال…**** ماهي الناس كدا في البداية حاجة وفي النهاية مش محتاجة ..!
_ايه الغلط اللي حصل دا فهمني ي حسين الواد دا بيقول كدا ليه..
_ ها .. دا واد قليل الادب يابا ماتاخدش علي كلامه عامل دوشة عشان عينه من بنت خالته وعايز الشبكة فداخل يغلط ..
_ولو ماياخدهاش بالسهولة دي ،، انت ماكبرتنيش ليه وسألتني قبل ماتدهاله هو ابوك مات ي حسين خلاص 😔
قال الكلمتين دول وركن عصايته وقعد زي الجبل اللي بيتهد وصعبان عليه نفسه وكسرة بنته
_ سماح ي حج الواد كلمني قبل مايجي وعصبني. ماعرفتش أفكر
________________
اليوم خلص وفهمي مشغول بترتيب السفر علي طول عشان يكمل فرحته اللي اتكسرت ومش متابع اخبار العيلة ولا اخر تطورات اخته ،، تهاني عرفت باللي حصل ومازعلت جدا أن مصطفي صدق وسابها
_ ازاي ي ماما يسيبني بالسهولة دي ؟؟
_ قليل الاصل وكويس أنه بان من أولها
_انا عملت ايه في حياتي عشان يتعمل فيا كل دا 😔الحياة بقت سودا اوووي حاسه اني ماليش حياه فيها
_ ايه الكلام دا ؟؟ لا اجمدي كدا لسه الحياة مخبيه اوجاع وصدمات اكتر
انتي كدا بتساعديني صح ..!!
ماقصدش ي حبيبتي بس دا الطبيعي البنت من ساعة مابتتولد وهي بتعاني وبتتحمل اول ماجيت الدنيا لاقيت تقاليع كتير وكلنا بنمشي عليها وكأنها دين جديد ،، لازم تتجوزي والا هيقولوا بايره دا الجواز ستره مش فاهمه ايه اللي ستره دا… !!
الجواز اول مرحلة فى رحلة التعري 😁😁
هههههه حرام عليكي ي ماما موتيني من الضحك
شوفتي مسروعه ع ايه بقي مانتي قاعده بكرامتك ف بيت أهلك ولا دكتور يكشف ولا بطن تتفتح ولا جسم يفشول
_ الكلام دا صح بالنسبة للي عاشه إنما اللي زيي نفسها تحب وتتحب ويبقي لها راجل تتسند عليه ،، شاب حلو كدا طول بعرض بصوت حمش
_لا وحياة امك المواصفات دي خدنا بيها اول مره وادي النتيجة عند أول ازمه طار لازم نعقل بقي ي تهاني عايزين نعيش في امان مع ندي ماحدش واخد منها حاجة ..
_حاضر هنعقل ونعيش ف سلام بس بعد المرة الجاية دي عشان نبقي 2 /1
مش هسيبها تنتصر عليا ابدا ..
______________________
ندي صحيت من النوم متأخر يظهر أن حماتها قررت تخف عنها شويه ، حاسه نفسها هاديه وأنها استعجلت ف الحكم علي جوزها ،، بدأت تعيد تفكير في شكل حياتها ومستقبلها الزوجي
_ انا خلاص بقيت مراته المفروض اخاف علي شكله واتكلم معاه قبل ماعمل اي تصرف بس قبل ماخد فرصة تانية معاهم لازم اصلح غلطتي الغير مقصودة .. فتحت الاكونت الوهمي اللي كلمت منه الولد
_انت ازاي تخون الإمانة وتنزل الصور ع النت ،،انت مش قبضت ليه كدا حرام عليك شوهت سمعتها
_مش دا اللي كنت عايزا توصليله ؟؟
لا ونور عيني ابدا في غلط ف الموضوع ولازم يتحل ..
_ حاضر هحله ..
بالسهولة دي ؟؟ بعد مافضحتها هتحله ازاي ؟؟
بكره تفهمي وبكره ليه الليلة ي جميل
قالت ف سرها
ي نهار مش فايت ،يارب انا عايزا اسافر مع جوزي ف امان قالي علي الساعة 10 هنمشي مش عايزا مشاكل بقي كفاية حوارات بقي 😔
ممكن تفهمني ؟
_ كل شئ باوان
لا أفهم دلوقتي مابحبش المفاجئات ..
عارف ..
؟؟
اقصد طبيعي كل البنات كدا فضولية وجبانه عموما كلها كام ساعة وهتعرفي كل حاجة .. اطمني
___________
حبيبتي انا هنزل عايزا مني حاجة ؟
ع فين ي فهمي
شغل المخابرات دا ، احنا مش مسافرين كمان كام ساعة عايز اشتري خزين وحاجات هنحتاجها
_ لسه بدري خليك معايا كمان شويه
_ بس كدا ،، ابو الحاجات علي المحتاجات 😁😁
الله كدا احس اني متجوزة بصحيح ،لما تسيب كل حاجة عشان تراضيني وتقعد معايا بس خلاص تقدر تنزل
_دا ع أساس اني شخليله انزل لا اقعد ،،
مش قصدي والله انت زعلت ،، شكلها هتقلب بخناقه هو أنا اجيلك كدا تيجي كدا ؟؟
مش هنزل دلوقتي وماتكلمنيش تاني عشان انتي باردة ومشاعرك تلاجة ..
بصتله بطرف عينها وقالت طب انا نازله عند
ماما ؟؟
_ ماما امال فين امك ،،حماتي ؟؟
_ماخلاص بقي ننسي اللي فات
ماشي .. المهم اعملي لنا عشا حلو بقي وأنا هخرج اجيب الطلبات ..
______________
خرج فهمي يشتري الحاجة وحماتها عند الجيران قاعده مع اصحابها العواجيز 😁 وأبو فهمي ع القهوة وحسين مع أصحابه مافيش غير العقربتين ف البيت
ندي & تهاني
ندي بتطبخ وتغني في المطبخ
وتهاني نايمه ف اوضتها وهاديه مش مبينه هي ناويه علي ايه ؟؟
الباب خبط
_ ايوا .. مين ؟
عامله ايه ي ندوشه
نهار اسوووود 😲 عايز ايه ي مدحت
_ عايزك
انت مجنون في حد يجي بيت خطيبته الأولي بعد جوازها ويقولها عايزك 🌚
دخليني بس ونتكلم جوا ..
وراه صوت معروف لندي جدا بيسألها
مين دا ؟؟
****** ترقبوا الحلقات الأخيرة
الحلقة التاسعه من هنا
