#مؤامرة_خسيسة
قصة حقيقية ح 9
_انت مجنون ازاي تيجي لواحده متجوزة بعد العشا كدا وجوزها مش ف البيت ؟؟
_ وحش الميعاد دا ،، تحبي اجي الصبح بدري هههه
_انت هتستظرف ،،امشي من هنا حالا
لا انا عايزك بجد
جه صوت معروف لندي وبيسالها
_مين دا ي ندي ؟؟ وواقفه معاه ليه
_دا مدحت ،،
ايوا يبقي لك ايه يعني ؟
_انا هقولك ي سيدي
بلعت ندي ريقها بصعوبة وسكتت ،، نزل عليها سهم الله زي ما بيقولوا اصل لو اتكلمت هتقول ايه ؟؟ مافيش غير الصمت حاليا
ايوا اتفضل
انا مدحت منصور ابقي جار مراتك ندي وزي اخوها شوفت اختك تهاني في الفرح وعايز أتقدم لها ..
ندي اتسمرت اكتر وماتحركتش من مكانها ،، شمت ريحة الاكل طالع من المطبخ
_ي لهوووي اللحمة شاطت
_فهمي ههههه نورت ي عريس شوفت من أولها كدا 😂😂
_بدون قصد ولو ع اللحمة نشتري عجل بحاله بس توافقوا بنسبنا…
_تعالي ادخل ونتكلم جوا .. ادخل ي راجل ايه الخطوة الهادية دي الحاجات ع ايدي من بدري ،،هدخلها المطبخ واطلع لك..
تهاني بتعرج ع رجلها وطلعت بنص رأسها كدا وتبص لمدحت باستغراب
_بس بسسيس
رفع عينه لقاها لابسة عباية بيتي سماوي وطرحه خفيفه ع شعرها قالها في حاجة ؟؟
_ طبعا ،،انت جاي هنا تعمل ايه ؟
يعني ماسمعتيش ..
لا سمعت بس مش مصدقه 😯
ليه عشان الرسايل اللي بعتيها امبارح صح ؟؟
احم رسايل ايه ،
اولا دا مش اسلوب ندي ، ندي مش رومانسية زيك خالص وعمرها ماقالتلي وحشتني 😍
ثانيا حضرتك نسيتي وكتبتي كلمة خلتني اعرف مين بيكلمني من اكونت ندي ..
كلمة ايه ؟؟
طلع فهمي وهو باصص لندي ،، اعملي لنا شاي
حاضر ..
رجعت تهاني تعرج بسرعة واترمت علي السرير وعينها مانزلتش من ع السقف وكأنها بتعد نجوم احلامها الجديده ..
رجعت ام فهمي من عند الجيران ،دخلت ع بنتها ع طول
_بت ي تهاني ،، مين اللي قاعد مع فهمي دا مش من صحابه اللي اعرفهم
تهاني سرحانه وحاسه أنها مخطوفه وطايره احساس سريع بعد فركشة خطوبتها وبس مختلف
_ بت .. ردي
_دا عريس ي ماما
_ الف بركة ربنا يجعل فيه الخير شكله محترم وعينه مابتترفعش في الحريم ..
سكتت تهاني وماقالتلهاش أن اللي موجود جوا دا خطيب ندي السابق الكرت المحروق بتاعهم .. حست أن مالوش لزمه مادام النية خير وطلعوا فاهمين بعض ..
في اوضة الضيوف فهمي قاعد مع مدحت
_ انت تعرف تهاني ؟؟
_الصراحة ايوا لكن مافيش بينا ارتباط ولا كلام هي بنت مؤدبة وأعجبت بأنها ملتزمة ومش بتلبس ضيق ..
_دخل أبو فهمي ورحب بمدحت وسأله كام سؤال
_ ابوك ماجاش معاك ليه ؟
السؤال التقليدي ،،
هيجي ي عمي بس لازم اديكم خبر واشوف في ترحيب ولا لا ..
_ أن شاء الله خير ي مدحت
طب هستأذن انا يابا عشان العربية جت برا ولازم اجهز أنا وندي ..
خدوا بالكوا من نفسكوا
الله خير حافظ ..
ف اسكندرية الجو جميل والدنيا هادية من غير حماتها وأهل جوزها وحواراتهم
_صباح الخير ي فهمي
_صباح الخير ي قلب فهمي ،، نمتي كويس ؟
طبعا .. كنت هموت وانام السفر بالليل رخم اووي الصراحة ماحبتهوش
خلاص واحنا راجعين نسافر بالنهار
اممممم طب مش لما نفكر هنعمل ايه الاول ف الاسبوع نبقي نفكر في الرجعة ..
_ غيري هدومك وتعالي ننزل البحر الشمس دلوقتي جميلة ..
بس انا مابعرفش أعوام ..
احسن حاجة ،،
ي سلام عايزني افضل خايفه وماسكه فيك زي العيلة الصغيرة
وانتي الصادقة عايزين حد نمسك فيه احنا الاتنين
هههههههه
شكلك مابتعرفش تعوم ..
ايوا ..هنقضيها مشي ع الشط واول الميه كدا
برضو حلو المهم نكون مع بعض ..
خد نفس عميق وقال
تصدقي انا اول مره احس اني متجوز
معلش الشيطان دخل مابينا وحاول يبوظ الدنيا بس أنا متفائلة خير
وانا كمان ومبسوط اووي بأن تهاني جه لها عريس عشان تفرح وماتفكرش ف الزفت اللي اسمه مصطفي ..
سكتت فسألها بشكل مباشر ..
ايه رايك في مدحت ي ندي ؟؟
فتحت اسماء خط فودافون اللي بعتت منه الفلوس للولد بتاع الصور ونسيت كلام ندي
_ اوعي تشغلي الخط دا دلوقتي ، مش عايزا ارقام ترن عليكي بقي وتتشغلي عن مذاكرتك ..
_ ماشي هو مش اساسي اصلا بالنسبة لي معايا خط تاني ودا بشغله لما اعوذ اكلم مدرس التاريخ لأنه نفس الشبكة وبيرغي كتير 😁
_يستحسن ماتفتحهوش وانا هبقي اشتريلك خط غيره ..
لما فتحت الفون لقت رسائل كتير وقبل ماتقراها جالها اتصال من رقم غريب ،، قلبها دق وافتكرت كلام ندي حست أن في مشكلة ورا الاتصال دا ومع ذلك ردت
_الو
الو .. مين معايا ؟
انت احول مش انت اللي طالب
_طب ممكن أسألك سؤال وتجاوبي بايوا أو لا
سؤال ايه ؟
انتي اسماء ؟؟
😯😯😯😯😯
انت مين ؟ وعرفت اسمي منين
مش مهم المهم تبلغي اختك اني عرفتها والحوار إياها مش هيعدي بالساهل ..
حوار ايه .. انت بتهددني
الخط قطع ..
الحلقة العاشرة والاخيره من هنا
