قصة ... قوينى بيك
الحلقة الثالثة
ريان : احم .. هو انا عكيت الطبيخ
ليلى : حرقته
ريان : طاااه
( تعيط ميادة من الى سمعته .. تمسك مخدة احمد الى وخداها تحطها ع وشها تكتم فيها صرختها )
ميادة : اكيد مش صح الي قاله اكيد مش صح
( تخبط سلمى وريهام ع باب اوضة ميادة .. متفتحش ميادة .. يطلع الصبح .. تقعد سلمى وريهام مع ميادة )
ريهام : ميادة .. اكيد ريان بيهزر انتى عارفة رخامته
سلمى : ايوة صح اكيد بيهزر
( تبتدى ميادة تعيط )
ميادة : كفاية بقا بالله عليكم كفاية تصبرونى بكلامكم .. هو مبيحبنيش
ريهام : لا احمد بيحبك
ميادة : زى اخته .. زى اخته مش اكتر
( يخبط الباب )
سلمى : ادخل
( يدخل ريان )
ريان : لسة بتهروا في دماغها ؟؟
ريهام : ريان هو الي انت قولته دة صح ؟
ريان : قلت ايه ؟
ريهام : ان احمد بيحب هندا
ريان : ايوة صح
سلمى : ريان اوعى تكون بتهزر
ريان : وانا بردوا بتاع هزار
ريهام : لا والله ابدا !!!!
ريان : انتوا قالبنها مناحة ليه ؟؟
سلمى : يعنى مش عارف ليه ؟
( تدخل الشغالة )
الشغالة : ليلى هانم بتقولكم انزلوا الغدا جاهز
ريهام : اوك
سلمى : يلا
ميادة : انزلوا انتوا انا مش جعانة
ريهام : لا هاتنزلى يلا
ميادة : مش جعانة يا ريهام سيبونى والنبي
( يبصوا لبعض وبعدها ريان يشاورلهم بدماغه انهم يطلعوا برة .. تطلع ريهام وسلمى .. ميادة قاعدة ع طرف السرير .. يقعد ريان في الارض نص قاعدة قدامها )
ريان : اهو دة الي معملتش حسابه .. انتى زعلانة ليه بس عاوز افهم .. المفروض تفرحى انك اخيرا عرفتى اذا كان بيحبك ولا لا
ميادة : عمري متصورت من نحيته حاجة وحشة انه يكون مبيحبنيش او بيعاملنى زى اخته او في يوم من الايام يطلع بيحب واحدة تانية ومش اى واحدة دى كمان بنت عمي
ريان : انا قصدت انى اقول كدة امبارح عشان تفوقي شوية
ميادة : طب هى احسن منى في ايه ؟؟
ريان : في حاجة واحدة
ميادة : ايه هي ؟؟؟؟
ريان : هاقولهالك بعد الغدا يلا قومى
ميادة : لا انا مش عاوزة انزل انت
ريان : مش هانزل من غيرك يلا
( يقوم ريان ويشد ايد ميادة يقومها ويمسح دموعها )
ريان : مهما حصل اوعي تعيطى تانى ماشي ؟
ميادة : ماشي
( تنزل ميادة وريان يتغدوا .. احمد في الشغل مجاش ع الغدا .. ييجى الليل .. يوصل احمد البيت .. ميادة بتحاول ع قد متقدر متدخلش المكان الي هو فيه او يجمعهم كلام عشان مش عارفة ممكن ساعتها تعمل ايه .. ميادة معدية ينده عليها احمد )
احمد : ميادة
( ترد ميادة وهى باصة قدامها مترضاش تبص لاحمد )
ميادة : نعم ؟
احمد : اعمليلي فنجان قهوة انا بحب اشربه من ايدك
ميادة : حاضر
( تروح ميادة المطبخ .. ع اخرها مش طيقة يطلب منها حاجة )
ميادة : اعملي فنجان قهوة لاحمد
الشغالة : حاضر
( تقعد ميادة في المطبخ تستنى الشغالة تعمل القهوة .. تاخد ميادة القهوة وتوديها لاحمد )
احمد : تسلم ايدك
ميادة : شكرا
( تييجى ميادة تمشي يكلمها احمد )
احمد : قررتوا هاتعملوا الحفلة فين ؟
ميادة : في يخت
احمد : فكرة حلوة
ميادة : فكرة ريان
احمد : اه .. هو انتى كويسة ؟
مياة : اه كويسة
احمد : اوك
( تطلع ميادة اوضتها تعيط وتنام ع مخدة احمد بس متلاقيش فيها ريحته .. تفتكر اسم هندا وكلام ريان .. تمسك المخده تحدفها في الارض وتعيط .. يطلع الصبح .. تقوم ميادة من النوم تاخد دش وتنزل تفطر .. يمشي عم ميادة و احمد يروحوا شغلهم )
ريهام : اومال فين ريان ؟
ليلى : نايم فوق
سلمى : لحد دلوقتى دة !!!!
ليلى : واخد دور برد
سلمى : يعنى مش هايروح معانا عند جده ؟
ليلى : ايوة روحوا انتوا
سلمى : اوك .. يلا بينا
ريهام : يلا
( تمشي سلمى وريهام يروحوا عند جدهم وتمشي ليلى تروح النادى .. تطلع ميادة تخبط ع باب اوضة ريان .. محدش يرد .. تدخل .. تلاقي ريان نايم ع وشه .. تحط ايدها ع دهره تصحيه )
ميادة : ريان
( يصحى ريان )
ريان : ايوة
ميادة : انت كويس ؟؟
ريان : اه كويس
( ميادة تحط ايدها ع دماغه بتشوف حرارته .. يبصلها ريان )
ريان : انت سخن اوى
ريان : جالي الاستبحلس ؟؟
ميادة : والله يا ظريف
ريان : اه
ميادة : انت شكلك داخل ع دور برد جامد
ريان : تقريبا كدة
( يقوم ريان يقف )
ريان : هادخل اخد دش يمكن افوق
ميادة : اوك .. هاروح اوضتى ولو لقيت نفسك لسة تعبان قولي اوك ؟
ريان : اوك
( تروح ميادة اوضتها .. يدخل ريان ياخد دش ويطلع مازل تعبان .. بعد شوية ترجع ميادة تشوف ريان .. تحط ايدها ع دماغه )
ريان : حامل ولا ايه ؟
ميادة : بطل هزار انت تعبان بجد قوم نروح مستشفى
ريان : لا يا ماما لا انسي
ميادة : ليييه ؟؟
ريان : مبرحش مستشفيات انا
ميادة : انت هاتروحها عشان تعبان
ريان : لا والله .. انا فكرت هانروح نقبض الجمعية ونرجع
ميادة : ايوه عليك .. قوم عشان خاطري
ريان : خدت اسبرين وهابقا كويس دلوقتى لو تعبت اكتر هانروح وعد
ميادة : اوك وانا وراك
ريان : ماشي يا كبير
( تقعد ميادة قصاد ريان ع السرير )
ريان : مسوقتيش عربيتك ولا مرة ؟
ميادة : لا انا مبعرفش اسوق
ريان : لا والله
ميادة : اه احمد قال هايعلمنى لما يفضا .. دة لما يعنى
ريان : خلاص هابقا اعلمك انا
ميادة : بجد ؟!!!!
ريان : اها بس تخلص حفلة بكرة
ميادة : فكرتنى بصراحة انا مكنتش عاوزة حفلات
ريان : ليه ؟؟
( طبعا ميادة مش عاوزة الحفلة عشان عارفة انها هتقابل فيها هندا بنت عمها )
ميادة : كدة مش تبعي الجو دة احنا كنا بنحتفل في البيت احسن
ريان : يا بنتى فكك بقا وعيشي سنك بطلي تدخلي في الجو القديم دة صدقينى مش هايلفت نظر حد وانتى عارفة قصدى
ميادة : وانا هاعمل ايه يعنى
ريان : تعرفي ايه الذيادة عن هندا عنك ؟
ميادة : ايه بقا ؟؟؟
ريان : انتى عندك عقل وهى عندها عقل بس الفرق بسيط انها بتعرف تستخدمه
ميادة : انا الغبية يعنى ؟؟
ريان : بالظبط كدة .. ممكن اسالك سؤال ؟
ميادة : لا
ريان : انتى بتحبي احمد صح ؟
( تتحرج ميادة )
ميادة : ودة ايه علاقته بالموضوع ؟
ريان : مهو هو دة الموضوع .. ردي ؟؟
ميادة : ايوة .. بحبه
ريان : يبقى تسمعي الي هاقولك عليه
الحلقة الرابعه من هنا
