النصيب
الجزء الثاني
بقلم /غاده سعيد
لقيت مرات اخويا بتتصل بيا ومنهاره وبتقولي اجلهم فورا اتخضيت ونزلت جري وانا كل اللي في بالي ان اخويا جراله حاجه ..
ولما وصلت مالقتش اخويا هناك ومكنتش عاوز ادخل بس ألحت وهي منهاره
وقعدت تلف وتدور في الكلام وانها مش قادره تعيش مع اخويا لانه بخيل ومش بيجبلها اللي هي عوزاه وانها كانت تتمني تتجوز واخد زي انا....
_ انتي بتقولي ايه بس ده عامر بيحبك وبيشتغل علي قد ما يقدر عشان يجبلك الي انتي عوزاه....
_ ايوة بس انا يا عادل من زمان وانا قلبي مش معاه معاك انت ...
_ انتي اتجننتي انتي مرات اخويا وانا راجل متجوز وبحب مراتي ومش ممكن اخونها وحتي لو غلبني الشيطان هبص لمرات اخويا
لولا بس اني خايف علي ولادكم كنت حكيت ل عامر كان طلقك ورماكي ياقليلة الاصل اخرتها بتتكلمي عليه وبتلفي علي اخووه....
كتابات ل ghada saeed
انا همشي دلوقتي وهعتبر الي سمعته دا متقالش لكن اوعي ترجعي تتصلي بيا تاني عشان ساعتها هعمل حاجه متعجبكيش خالص....
ومشيت ومن ساعتها مبقتش تتصل بيا خالص ولما بنتقابل بتخاف تحط عنيها في عيني حتي...
عدت العشرين سنه واحنا زي ماحنا معندناش اطفال وبعتبر ولاد اخويا اولادي ....
كنا كل يوم عند دكتور ومفيش دكتور قالنا ان عندنا مشكله مانعه الخلفه لكن دي حكمة ربنا ....
قررنا هنعمل حقن مجهري لكن حاجه جوايا رافضه اننا نعمله لو احنا معندناش مشكلة يبقي اكيد ربنا هيرزقنا ...
لحد ما واحد صاحبي كلمني وقالي...
_ انا عارف دكتور كويس جدا وهو الي هيجبلك من الاخر ويقولك ايه الي مأجل الخلفه ....
خدت علا ورحناله وطلب مننا احنا الاتنين تحاليل واشاعات تانيه غير الي باقي الدكاترة بيطلبوها ....
عملناها ورحتله اوريهاله.....
لكن كانت صدمه عمري لما شافها وقالي ....
الجزء الثالث من هنا
