#حب_أعمي
( الحلقه الثانيه )
.....
سالى : خلاص يا استاذ احنا اسفين قولنا اسفين
احمد : خلصت روحك انتى كمان انتى هتتعصبى على اللى خلفونا ؟ ماتفتحو وانتو ماشيين ... دى اصطباحة ايه دى ..
...
مى : ايه ده ماله ده ؟ هو ماله مش عاجبه حد ليه
سالى : شايف نفسه ليه معرفش هتلاقيه شغال هنا بتاع بوفيه
مى : هههههههههههه مش أوى كده . المهم تعالى يلا هنروح فين
سالى : حرقلى دمى ابن الجزمه
مى : هههههههههه بس الواد عسل سيبك انتى
سالى : ماهو اللى غايظنى انه عسل ههههههههه ابتديتى تفهمينى يا يويو .. تعالى انا عارفه مكان حلو قريب من هنا نروح نشرب فيه فنجانين فهوه نظبط فيه الجمجمه اللى اتبهدلت النهارده دى
مى : اه ياريت . انا صاحيه من بدرى وكنت قلقانه طول الليل وعمال اقول وادعى واصلى واقول يارب يقبلونى
سالى : طب تعالى عشان تحكيلى حكايتك بقا واحكيلك حكايتى عشان دى بداية صحوبيه واخوه سوا سوا
مى : هههههههه يلا
...........
احمد ( 29 سنه ) : الو ! داليا تعاليلى من فضلك
داليا : حاضر يا فندم
...
داليا : مستر احمد الورق ده لازم حضرتك توقعه دلوقتى عشان الشئون هتاخده وهتعتمده ف البنك
احمد : سيبيهملى ابص عليهم وهبقي اناديلك
داليا : حاضر يا فندم
احمد : وليد عمل ايه مع الناس اللى كان عاوزهم
داليا : اه كان فيه بنات الصبح واختار منهم بنتين على ما اعتقد .. شويه ويبعت ل حضرتك السي في بتاعهم عشان تمشي قرار تعيينهم معانا
احمد : كلمى وليد قوليله يجيلى حالا
داليا : حاضر يا فندم . عن اذنك
احمد : اتفضلي
........
داليا : الو ! ايوه يا شهد
شهد : خير يا دودو
داليا : حولينى على مستر وليد والنبى ... او بلغيه ان مستر احمد عاوزه
شهد : حاضر ! الدنيا تمام ولا ايه
داليا : تمام ايه بس ده شكله مقفل خالص وعمال يشخط وينطر ههههههههه
شهد : ماهو على طول كده ... قارف نفسه وقارفنا معاه ثوانى هحولك على مستر وليد
داليا : يلا
وليد : الو
داليا : مستر وليد لو سمحت مستر احمد كان عاوزك
وليد : حاضر انا كنت جايله اصلا ومعايا كم ورقه كده عاوز توقيعه ... بقولك ايه يا دودو هو تمام ولا ايه ؟
داليا : ههههههههههه لا متعصب
وليد : العادى يعنى . ههههههه ماشي تمام
..........
سالى : ايه يا بنتى سرحانه ف ايه
مى : مافيش . بفكر ف الشغل الجديد ده . محتاج هدوم ومحتاج مصاريف جديده
سالى : يا حبيبتى اللى عندك . ماتكلفيش نفسك اكتر من حجمها . عادى خليكى طبيعيه زى منا عرفتك كده
مى : انتى ماشوفتيش البنات لابسه ايه ف الشركه وشكلهم عامل ازاى
سالى : اسم الله ! دانتى بكره تبقي اهم واحده ف الشركه دى اسمعى منى
مى : انا مش عارفه الثقه اللى انتى بتتكلمى بيها دى معايا جايباها منين . يابنتى ارحمينى بقا
سالى : هههههههههه بصى يا مي
انا اشتغلت قبل كده ف بدل الشركه اتنين وتلاته ... وعندى فراسه اقدر افهم فلان ده عاوز ايه وفلان ده عاوز ايه
وفلان ده هيوصل ولا لا ... وانا شايفاكى عندك طموح وشايفاكى ذكيه
وشايفاكى عسوله اوى وملامحك تشد اى حد
وعلى فكره انا سمعت كلام كتير عن صاحب الشركه وشخصيته غلسه شويه ونمكه ومابيحبش حد ف الدنيا ههههههههههههه بس بيحب شغله جداااا عشان كده قدر يكبر الشركه بتاعة ابوه ف اقل من 4 سنين ماسك فيهم الشركه دلوقتى
مى : ليه هو كام سنه ؟
سالى : مش عارفه بس اكيد اقل من 30 يعنى . لسا صغير
مى : 30 سنه وماسك شركه بالحجم ده . لا شكله شاطر
سالى : شاطر بس بيقولوا عليه صعب ...
مى : ياستى احنا هنعوز منه ايه يعنى ... اهو كله شغل وان ربنا يكون هاديه كده ويبعد عننا بحلوه وبشره
سالى : ربك يسهل .. المهم قومى أروحك بقي انا معايا عربيتى راكناها ف جراج الشركه
مى : مش هعطلك ؟
سالى : بلاش الكلام الخايب ده بقا . عطلينى يا ستى ولا يهمك
.............
احمد : اهلا ! ازيك يا مستر وليد صباح الخير
وليد : صباح الفل يا مستر احمد
احمد : اقعد يا وليد ثوانى بس همضى الورق اللى معايا ده
وليد : تمام خد وقتك
....
احمد : ها عملت ايه النهارده
وليد : دول السي في بتاع البنتين اللى قبلناهم ... وده تقرير الارباح والخساير بتاع الشهر اللى فات . وده تقرير المبيعات بتاع الشهر اللى فات بردو
احمد : متأخرين يا وليد ... متأخرين اوى انتو . داحنا يوم 9 ف الشهر الجديد . المفروض الكلام ده يكون عندى من اسبوع فات
وليد : مش بايدينا والله احنا شغالين بايدينا وسنانا ...
احمد : طيب . علم البنتين اللى هيشتغلو دول بسرعه بقا عاوزهم ف اقل من اسبوع يكون فاهمين الشغل وقاعدين على مكاتبهم
وليد : تحب تشوفهم ؟
احمد : اشوفهم ليه ؟ مش انت اخترتهم ؟ على مسؤليتك بقي ..
وليد : تمام
............
( ف احدى الكافيهات ف منظقة مدينة نصر الساعه 7 بالليل .. سالى قاعده مع مى )
سالى : ايه رأيك ف الكافيه ده بقي
مى : انتى هتقضى حياتك كلها كافيهات ولا ايه
سالى : هههههههههه يا شيخه ملعون ابو الهم والكتمه .. طالما بنخرج نبسط روحنا من غير غلط خلاص ...
مى : انا مش عارفه امى رضيت ازاى تخرجنى . انتى مفعولك ساحر
سالى : هههههههههههه مامتك باين عليها جدعه وبتحبك اوى . هى عاوزاكى مبسوطه
مى : امى تعبت وشقيت علينا انا واخواتى لغاية ما وصلتنا لمكانه كويسه اوى ... وماشاء الله ليا اخت ف تالته صيدله والتانيه ف اعدادى هندسه السنادى ....
سالى : ربنا يخليلكو مامتكو يا يويو ..
مى : يارب يا سالى . انا مش عارفه انتى طلعتيلى منين والله انا بقيت احبك بجد
سالى : والله انا اللى استريحتلك بجد .......
مى : بت يا سالى إلحقى .... مش ده الواد اللى اتخانقنا معاه الصبح ف الشركه ؟
سالى : اه هو ... ده واد مستفز ودمه تقيل اوى
مى : طيب استنى .. وحياة امه لامعرفاه
الحلقة الثالثه من هنا
بدل ماتدور وتبحث علي الروايات خليها علي تليفونك وحمل تطبيقنا
