#حب_أعمي
( الحلقه الثالثه )
.....
سالى : والله انا اللى استريحتلك بجد .......
مى : بت يا سالى إلحقى .... مش ده الواد اللى اتخانقنا معاه الصبح ف الشركه ؟
سالى : اه هو ... ده واد مستفز ودمه تقيل اوى
مى : طيب استنى .. وحياة امه لامعرفاه
سالى : رايحه فين يا مجنونه هههههههههه
مى : اصبرى بقا دا غايظنى م الصبح والله ومسخن دماغى ... كويس اننا لقيناه انا هقوم اديله كلمتين ف جنابه
سالى : يا بنتى ... يابنتى خدى هنا
..
مى : مساء الخير
احمد : مساء الخير .... خير ؟
مى : حضرتك مش فاكرنى ؟
احمد : لا والله مش واخد بالى .. خير يا انسه فيه حاجه ؟
مى : حضرتك انا اللى انت كنت قليل الذوق جدا معاها النهارده وكنت سمج . سورى يعنى ف الكلمه بس كنت شايف نفسك اوى .. ممكن اعرف شايف نفسك على ايه ؟
احمد : انتى بتكلمينى انا ؟
مى : اظن واضح انى دلوقتى واقفه جنب ترابيزة حضرتك وبكلمك انت وعينى ف عينك ..
( سالى واقفه بعيد شويه هتموت ف الضحك وكاتمه بؤها )
احمد : طيب مبدايا كده اتكلى على الله عشان لو كنت غلطت فيك النهارده ف انتى هتخلينى اغلط فيك تانى دلوقتى ... وبعدين انا مش فاكر انى كلمتك ولا قابلتك اصلا
مى : لا حضرتك كنت ف الشركه الصبح وقليت ذوقك معايا جدا . ال ايه عشان دوستلك على جزمتك ؟؟ جزمه ايه يا ابو جزمه انت اللى زعلان عليها اوى كده ؟
احمد : لو سمحتى ! خدى بعضك وامشي ماتضطرنيش اقل ادبى وذوقى عليكى تانى ...
مى : مش ماشيه غير لما تعتذر
احمد : اعمل ايه ؟ سمعينى تانى كده ؟
مى : والله ما ماشيه غير لما تعتذر
احمد : عنك ما مشيتى . خليكى واقفه للصبح
مى : وانت حد قالك انى هفضل واقفه ؟ لا انا هقعد معاك ..
احمد : ده رمى جتت على فكره
مى : اعتبره زى ما تعتبره ... بس وحياة امى منا ماشيه غير لما تعتذر
احمد : انتى كنتى ف الشركه النهارده بتعملى ايه ؟
مى : مايخصكش ... انت بتشتغل هناك ؟
احمد : ايه ! اه .
مى : بتشتغل ايه ؟
احمد : بشتغل ...! ف التسويق والمبيعات ... ببيع اعلانات
مى : اومال شايفلى نفسك على ايه ... اومال لو كنت صاحب الشركه دى كنت عملت فينا ايه
احمد : الله ! ماقولنا بلاش طولة لسان انا لسانى طويل على فكره
مى : اه ف دى معاك حق .. منا عارفه
احمد : ماقولتيش بتشتغلى ايه ف الشركه انا اول مره اشوفك ؟
مى : لسا متعينه النهارده ف الحسابات انا وصاحبتى دى
احمد : ااااه ! طب نادى عليها هتفضل يعنى قاعده بعيد كده ؟
مى : انت هتصاحبنى ؟ انا كنت جايه افرج عليك الكافيه اصلا بس طالما طلعت زينا كده وغلبان هعديها المرادى ... بس المره الجايه مش هسكتلك على فكره . يلا عن اذنك
احمد : ( بيبصلها كده وساكت )
مى : بقولك عن اذنك
احمد : ماتتفضلى . دى مصيبة ايه دى
..........
سالى : ههههههههههههههههههه انا كنت همووووووووووت ايه الجبروت بتاعك ده دانتى طلعتى مش سهله خالص
مى : ايه رأيك ؟ بهدلته صح ؟
سالى : دانتى شطفتيه هههههههههه الواد ده لو شافك تانى مره بالصدفه هيمشى ويسيبك من خوفه منك
مى : ههههههههه بس والله صعب عليا ... انا افتريت عليه اوى هههههههه
سالى : هههههههههه طلع شغال معانا ولا ايه
مى : اه ف المبيعات ...
سالى : يعنى هنشوفه كتير
مى : بيتهيالى كده
...........
اميره : ( صاحبة احمد ) موودى اتأخرت عليك ؟
احمد : لا ابدا
اميرة : ايه مالك قاعد سرحان ومسهم كده ليه
احمد : لا ابدا مافيش حاجه . انتى اتأخرتى ليه
........
سالى : بت يا مى .. الواد ده شكله خلبوص كبير . شوفتى الحته الملبن اللى قاعده معاه دى
مى : احييييه ههههههههههه البت ملبن اوى . عرفته ازاى دى
سالى : هههههههههه بت فرسه ههههههه لا ده شكله كده بتاع بنات ..
مى : بتاع بنات ولا رجاله حتى احنا مالنا .. هههههههههه هو ف حاله واحنا ف حاله
...........
احمد : تشربي ايه يا ميرو
اميره : اى حاجه
احمد : لو سمحت واحد عصير فريش وهاتلى انا قهوه
..
اميره : ايه بقا .. هنمضى العقود امتى
احمد : لسا بدرسها الاول كده وهرد عليك كمان يومين
اميره : بس بسرعه والنبى . عاوزه اخد الكوميشن بتاعى
احمد : انتى مابتشبعيش كوميشينات .. اوعى يا بت تكونى بتسمسرى عليا
اميره : ههههههههههه محدش يقدر يسمسر عليك ولا يعمل من وراك مصلحه غصب عنك . انت شاطر ف شغلك وفاهم الدنيا ماشيه ازاى . انا باخد سمسرتى من الناس اللى هتشترى منكو
احمد : تمام .... شاطره ( كل شويه عينه تيجى على ترابيزة مى وسالى لا اراديا )
..........
سالى : انا حاسه انه لسا تايه على فكره ومش مستوعب اللى انتى عملتيه فيه
مى : ههههههههه اشمعنى . انتى بتبصى عليه ولا ايه
سالى : هههههههه اه تخاطيف كده . الفضول قاتلنى شويه عاوزه اعرف مين اللى هو قاعد معاها دى وحكايتها ايه ... البت دى موديل على فكره
مى : عادى ممكن جدا تبقى موديل ... تحبى اروح اسالهم
سالى : ههههههههههههه والله العظيم مجنونه بنت مجانين فعلا
مى : انتى لسا شوفتى جنان ... االواد ده يانا ياهو ف الشركه . هطفشهولك ... مش عارفه ليه حاسه انى عاوزه ارخم عليه كده واكرهه ف عيشته
سالى : هههههههه ربنا يوفقك
' مش بيفتح الحلقه 4 عندي
ردحذففين باقي الرواية مش بتنزل ليه
ردحذفالحلقة 4 مش بتنزل ليه
ردحذف