Ads by Google X

رواية عصيان زوج البارت الخامس عشر


البارت الخامس عشر

فتح عيونه بمنتصف الليل على صوت همهمتها
لقى وجهها عرقان بشده وبتخترف باسمه حاول يفوقها مافيش استجابه أكن روحها بتتسحب منها

فهدبخوف عليها
لمار فوقي لمار ياحبيبتي اصحى ماتخافيش اصحى يضربها بخفه على خدودها وهو هيموت من القلق عليها والرعب دب في قلبه خدها في حضنه وراسها على صدره
نداه بصوت مهزوز أقرب للبكاء
لمار فوقي ياقلبي لمار
فتحت عيونها مره واحده ومسكت في  قميصه واتكلمت بانفعال
ضربتني يافهد وعاوز تتجوز ياحيوان دانا هموتك بتضربني انا يافهد
فهد بزهول
ضربتك فين يالمار انا مجتش جنبك ياحبيبتي اهدي ياروحي

لمار بعصبيه  غير مدركه للواقع تماما
كداب انت واحد خاين وضربتني عشان تخلف وتتجوز  بس انا مش هسمحلك بدا فاهم انت جوزي انا وبس
حضنها فهد رغم اعتراضها
هششش اهدي ياروحي انتي في حضني دا حلم انتي كنتي بتحلمي انا نايم في حضنك اهدي يالمار
حس بتراخي جسدها على جسمه عدلها
لقاها مغمى عليها

لمااااااااار
لمار فوقي ياقلبي
جاب علبه برفان ورش بيها على وجهها  بدأت تصح وتستعيد وعيها
فهد بلهفه ودموع بتلمع في عيونه
لمار انتي كويسه ردي عليا
لمار حضنته بكل قوتها وبكت
فهد متسبنيش انا اموت من غيرك يافهد اوعي تجرحني يافهد صدقني هموت فيها انت حبيبي وعشقي اوعي تسبني متسبنيش يافهد

فهد حس بانهيارها
حضنها  واتكلم بحب
اهدي ياحبيبتي انا معاكي ومش هسيبك عمري ماسيبك
مسك وجهها بين ايده ونظر لعيونها
انتي روحي يالمار  في حد يسيب روحه  مستحيل اجرحك ياحبيبتي انتي روحي ياقمري  خدها في حضنه يهديها
بعد شويه هديت في حضنه  ومتمسكه فيه
فهد :انتي حلمتي بايه خلاكي عامله كدا انتي كان هيجيلك انهيار عصبي  وبعدين انتي ضربتيني
لمار بضحك هههههه دا مش حلم دا كابوس يافهد
كابوس وحش اووي كنت حاسه انه حقيقي كنت حاسه اني بموت و
مكملتش كلامها فهد حط صابعه على شفايفها منعها من الكلام
فهد:اوعي تجيبي سيره الموت دا تاني بتعصبيني يالمار
لمار مسكت ايده وباستها  حقك عليا ياقلبي
خدها في حضنه واتكلم
فهد؛ انا بكرا الصبح هدور على شقه لينا بعيد عن هنا
لمار بشهقه
ليه يافهد
فهد :عشان راحتك ياقمري انا مش عاوزة تتبهدلي وماما بتبهدلك كل شويه  دي بتعمل كدا قدامي اكيد  بتعمل اكتر من كدا  وانا مش موجود  وانا مش هخلي حد ياذيكي مهما كان حتى لو امي بنفسها
فاهشوف شقه ونبعد عن هنا

لمار :لا يافهد انا مش موافقه  على كلامك دا
فهد؛ ليه  المفروض تفرحي ان هيبقى ليكي حياه مستقره لوحدك رافضه ليه
لمار : هقولك ياعيون لمار انا من يوم مدخلت البيت دا وانا عروسه وانا شايفكم ايد واحده انت وبابا واخواتك وبابا مبيحبش حد منكم يبعد عنه لحظه دا مبنامش يافهد الا لما يطمن عليكم وانكم بخير  انتو عزوته يافهد هتيجي تقوله انا هبعد عنكم ومش هاجي  تاني هيبقى رده ايه ساعتها
فهد :بابا هيوافق لأنه عاوز سعادتي  مش هيرفض

لمار :صح مش هيرفض بس هيبقى حزين من جواه ومش هيبين لأي حد انه زعلان  وانا مش هقدر اخلي بابا حزين ولا اقدر ابعدك عنه انت ابنه وزي مانا ليا حقوق عليك هو كمان له حقوق عليك ولازم تنفذها انا اسفه يافهد بس انا مش هقدر افرق بين اب وابنه عشان خاطر راحتي   احنا هنعيش هنا معاهم لأن دا بيتنا والشغل مابيتعبش يافهد وماما اكيد هيجي يوم وتحبني فيه زي مانا بحبها
فهد؛ مسك ايدها ورفعها عند شفايفه وباسها  ربنا يحفظك ليا ياحلي واحن لمار في الدنيا كلها
لمار؛ حبيبي يافهد

____________________________
في شقه سامح ودعاء

حضرت عشاء فاخر وزينت السفره  بالورد والشموع

عملت اكلات زوجها المفضله والحلويات وضبت السفره بأحلى واشيك الأكلات وجهزت نفسها
لبست فستان بحمالات رفيعه وقصير لفوق الركبه  وفردت شعرها على ظهرها وكانت في غايه الجمال   وحطت العطر المفضل لزوجها وجلست تنتظر عوده زوجها
بعد ساعه
سامح دخل بيتكلم في التليفون وبيضحك
دعاء شافته جريت عليه حضنته  واتكلمت
وحشتني ياسامح اتاخرت ليه ياحبيبي
سامح زقها بعيد عنه
انتي غبيه مش شيفاني بتكلم في التليفون
دعاء :معلشي ياسامح مخدتش بالي سيب التليفون وتعالى نتعشي سوا
سامح؛ لا اتعشيت برا
دعاء  مسكت ايده  وبتشده ناحيه السفره
تعالى نتعشي سوا   كل حاجه خفيفه
سامح بعصبيه
قلت اتزفت كلت خلاص اطلعي من دماغي بقى دانتي رغايه سابها ودخل الاوضه ويتكلم في الفون
ولا همه إلى داس على قلبها برا  محسش بنار قلبها إلى بتغلي   واقفه  مصدومه من فعلته
مشافنيش اكني هوا  دا حتى مبصش عليا ولا قالي كلمه حلوه لغايه أمته هفضل كدا مش حاسس بيا خالص ليه بيعاملني كدا اكني  مشرفهوش ليه مابيخرجنيش معاه هو بيعاملني ليه كدا انا لازم اعرف اي إلى غيره من ناحيتي كدا

راحت عند باب الاوضه وفتحته لقته واقف ظهره مقابل ليها وماسك الفون ويتكلم وعايش حياته عادي

اتقدمت منه وخدت الفون منه  حطته على ودنها وسمعت إلى دبح روحها   وقلبها

ايه ياحبيبي هيا  مراتك نكدت عليك تاني هههه مانا قولتلك تعالى بات عندي انهارده مردتش دانا كنت هبسطك وانسيك ارف مراتك  وعيالك

سامح خد الفون منها وفصل الخط  ومسك ايدها  جامد وزعق فيها
انتي ازاي تاخدي التليفون مني انتي اتجننت يادعاء
دعاء بدموع
بتخوني بتخوني ياسامح ليه انا قصرت معاك في ايه عشان تعمل كدا  بتكلم بنات زباله  وبتسمع اه انتي منهم وتسكت ازاي وياترا بقى انا منكدا عليك في ايه يابشمهندس يامحترم
سامح :صوتك مايعلاش عليا يادعاء
دعاء بغضب
لا هعلي صوتي  انا قصرت معاك في اي خلاك تبص لغيري قولي عملت ايه دانت حتى كلمه حلوه مابتقولهاش دانا كل يوم بستني انك تاخدي في حضنك زي زمان  بس مابيحصلش مستني كلمه حلوه منك تعبرلي عن مشاعرك بس مابتقولش وصابره وساكته عليك وبقول هيتغير ويرجع  بس مابيحصلش كل يوم بتبعد عني وفي الاخر تخوني  ليه
سامح بغضب وعصبيه شديده كلامها خرجه عن شعوره حطت الحق كله عليه وعملت نفسها ضحيه بس هيا الي جابته لنفسها تستحمل لأن الغلط غلطك من الأول

لأنك مش ست انتي حالا مظبطه نفسك واخر حلاوه بس كان فين دا من زمان ياهانم انتي حطيتي اللوم كلوه عليا انا اني بخونك ايوا يادعاء بخونك وانتي السبب بسببك خلتيني اكلم بنات عالفيس عشان انسى إلارف اللي عايش فيه الغلط غلطك من الأول انتي الي اهملتني في نفسك من الأول خلتي منظرك بقى وحش بسبب طخنك كام مره قولتلك كدا غلط علي صحتك ولازم تخسي عشان نفسك قبل أي حد بلاش دا كام مره ادتك فلوس  وقولتلك روحي سنتر وظبطي نفسك غيري لون شعرك وظبطي نفسك  عملتي كدا لا  خليتي الفلوس معاكي ومعملتيش حاجه من الي قولتلها  كل مره بقول هتحس من نفسها وتتغير وترجع دعاء بتاعه زمان  بس كنتي كل مره بتزيدي وبتتلخمي في العيال وسيباني انا خالص اجي اقعد معاكي شويه تقولي انا عاوزه انام العيال تعبوني وكل يوم من دا انتي الي بعدتيني عنك  يادعاء مش انا انا حاولت معاكي كذا مره اخليك تتغير بس انتي الي مش عاوزه  تفتكري أن انا مسمعتش كلامك لغاده في الحفله
صدمت دعاء من كلامه
سامح :ايوا سمعتك سمعت كل كلمه قولتيها شوفت كل دمعه نزلت من عيونك بس انتي الي وصلتنا لكدا انتي السبب في اهمالك لنفسك وليا خلتيني ابص برا  ودا ميدينيش الحق اني مش غلطان لا انا غلطان وبقولهالك اهو انا غلطان بس انتي السبب اما بقى بالنسبه للاهانه إلى بتقولي عليها انا عمري ماسمحت لحد انه يهينك أو يغلط فيكي  انا كلمت بنات من غلبي كنت محتاج حد اتكلم معاها تسمعني وتفهمني وكنت بجيلك عشان تسمعيني بس انتي الي كنتي بتبعدي لغايه ماحبيت البعد والفضل يرجعلك فمتجيش دلوقتي تجيبي الغلط عليا انتي غلطي من الأول
اقعدي مع نفسك وراجعي نفسك وتشوفي غلطك  فين
عن اذنك

سابها وخرج راح عند اوضه الولاد وهيا واقفه مذهوله من كلامه
معقوله انا السبب  انا صحيح اهملته شويه بس دا مايدهوش الحق  انه يخوني  انا فعلا اهملته واهملت نفسي بس خلاص دا مش وقت دموع لازم ارجع جوزي لحضني تاني انا غلط بس مش هكرر غلطي بالبعد دا تاني لازم ارجعه لحضني

_________________________________
في كافتريا عالنيل

مالك :سلام عليكم ورحمة الله وبركاته
ديالا :وعليكم السلام ورحمة الله وبركاته
مالك :عمي قالي انك عاوزاني في موضوع
ديالا بحرج   ايوا عاوزه ارفع قضيه على جاسر  واخد حقي
مالك : تمام نرفع القضيه بس هحتاج توكيل منك
ديالا :ماشي هعمله  مالك
يانهار اسود عليا وعلى سنيني
مالك :نعم
ديالا :انا اسفه اني ضربتك
مالك :لا انا الي اسف بس والله مكنش قصدي حاجه  انتي كنتي هتقعي وانا لحقتك
ديالا؛ خلاص حصل خير
مالك؛  مد ايده ليها طيب اذا كان كدا تقبلي تبقى صديقتي
ديالا :مدت ايدها  موافقه نبقى أصدقاء
مالك  بفرحه طيب ناكل بقى
ديالا  لا انا لازم امشي
مالك :وانا قولت ناكل انا جعان مكلتش
ديالا :طيب تعالي ناكل في البيت
مالك :حرام عليكي لسه هستني اكل يتعمل  جعان
ديالا :ههههه لا مش هتستني كتير  بصراحه مبحبش اكل المطاعم  وبعدين هنا هياكلونا مكرونه
وانا بقى هدوقك احلى مكرونه إياد علطول بيشكر فيها واهو فرصه اعرف هيا حلوه ولا الواد بيشتغلني
مالك :هههههه ماشي يالا

___________________________________

في بيت الحاج سليم

زغاريط بتملي البيت  فرحه وسرور
توفيق :بتزغرطي كدا ليه ياناهد انتي اجننتي
ناهد؛ البت مقصوفه الرقبه ياسمين وافقت على فارس
الكل فرح للخبر وتوفيق راح يبلغ فارس بموافقه ياسمين

هنيه :مبرووك ياحبيبتي الف مبرووك
ياسمين؛ الله يبارك فيكي ياتيته

مالك وديالا داخلين
مالك :اي الزغاريط دي  حد هيتجوز
سليم :ايوا ياسمين وافقت على فارس
مالك :مبروك يابت ياصغننه كلكم اتجوزتم وانا لا حتى الصغيره هتتجوز وانا لسه متجوزتش  ينفع كدا ياجدي
آدم؛ هو حد قالك ماتتجوزش  مالبنات كتيير قدامك بس اظاهر انك أعمى يالا
الكل ضحك عليهم
ديالا راحت عند ياسمين  حضنتها مبرووك ياحبيبتي الف مبروك ياقلبي

توفيق :عقبالك يامالك
مالك :امين يارب بس هيا تحن عليا
آدم بمشاكسه
لا كدا بقى في واحده رسمي فهمي نظمي في حياتك
ههههههههه
مالك :ايوا في بس هيا توافق
توفيق :وماتوفقش ليه دانت ماشاء الله اي واحده تتمناك
مالك وعيونه على ديالا  بس انا عاوزها هيا وبس إلى ملكت قلبي وعقلي خطفت قلبي من نظره عينيها
آدم :لا دانت واقع رسمي داحنا نخطبهالك بقى
مالك :اتلم يالا وتعالى عشان نحضر لخطوبه اختك الصغيره دي
توفيق :ههههه مش هتكبرو ابدا انتو الاتنين    انا بلغت فارس وجاي بكرا هو وعيلته  جهزو نفسكم بقى
مالك :ديالا وربنا عصافير بطني هوهوت
ديالا؛ خبطت رأسها بايدها نسيت الفرحه بياسمين نستني
توفيق ؛ هتاكلو ايه
ديالا :هعمل مكرونه اسباكتي باللحمه المفرومه
ياسمين؛ مكرونه ومن ديالا هاكل
لانا :وانا كمان
ديالا :طب يالا ياحلوه انتي وهيا عالمطبخ ساعدوني
نص الساعه والاكل يبقى جاهز

لانا :ياسمين تصدقي أن فارس مجنون زيك
ديالا ههههه ليه بتقولي كدا
لانا؛ والله دماغه مطرقعه زيها بالظبط صح يابت

ياسمين واقفه سرحانه مش معاهم
ديالا؛ ياسمين انتي يابت
ياسمين :ها
لانا :انتي لحقتي طبيتي على بوزك يامنيله
ياسمين :بنات انتو اخواتي وانا بحبكم جدا لاني ماليش اخوات بنات وانتو دايما جمبي  وبتنصحوني
ديالا؛ مالك يابت انتي كويسه
ياسمين :مش عارفه انا خايفه وفرحانه مش عارفه  فارس شخص كويس ولطيف  ساعات بحس ان في إعجاب بس خايفه اكمل وافشل انا خايفه اتجوز بجد يابنات
ديالا :ياسمين انتي كبيره مش صغيره حكمي قلبك شوفي قلبك بيقول ايه وامشي وراه   فارس انسان كويس وفي فتره خطوبه ارتاحي كملي مرتاحتيش محدش هيجبرك على حاجه  وصدقيني هبقي معاكي في اي قرار تاخديه
ياسمين  ؛ ربنا يخليكي ليا ياحلي اخت

لانا :عاااااا المكرونه هتتحرق يامجانيين
ديالا؛ يخربيت هبلك ماهي حلوه اهي متحرقتش يالا روحو  جهزو السفره وانا هغرف في الأطباق

لانا؛ تمام  ياسمين هاتي السلطه
ياسيمين :حاضر

ديالا بتجهز الأطباق وبتغرف المكرونه  فجاءه سمعت صوت من وراها صوت عرفاه كويس جدا  قرب منها وحضنها من وسطها

لسه بتعملي  احلى مكرونه باللحمه امممم ريحتها  تجنن هتاكليني بايدك  ولا اكلك انا لا عندي حل أسهل
 سحب سكينه من جنبه حطها على رقبه ديالا وهمس لها بصوت دي الرعب في اوتارها اي رايك اقتلك   واقطع رقبتك الحلوه دي؛؛؛؛؛؛؛

          البارت السادس عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-