لكنك_لست_من_ديانتي
الجزء_الثالث
بيتر!! مسيحيين!! لا مينفعش صدقني مينفعش فضل يهديني و يقولي هو اي اللي مينفعش اهدي مالك بس قولتله لا مينفعش بابا لو عرف هيقتلني و بعدين انا مش عيزة بيتر انا عيزة محمد بالله عليك متقولش كدا انا عيزة محمد فضلت اعيط كتير و دخلت اوضتي و سبت اخوه ف وضع صدمة و مش فاهم حاجة من كلامي ونا كل اللي على لساني لا مينفعش والله مينفعش دنا كنت بدأت احبه دنا عمري ما اتكلمت مع حد غيره دنا عمر ما حد فرحني بكلامه غيره دنا عمر ما حد احترمني غيره من كتر التفكير اغمى عليا و لقيت نفسي
بصحى بعدها لوحدي ما محدش فاكرني ف البيت اصلا مفكرني مريضة نفسية سمعت صوت حد بيرن على تليفوني اللي بقالي سنين مسمعتش رنته بمسك التليفون برعشة و خوف لقيته محمد!! مصدقتش نفسي! لا صح محمد اي ما هو طلع بيتر خلاص و من غير ما احس بنفسي ايديا ردت و اول ما فتحت قولتله ليه عملت فيا كدا حرام عليك انا مكنتش اعرف حد غيرك ولا بكلم حد غيرك ليه عملت فيا كدا سكت شوية و قولتله انا اسفة انا اسفة جدا الف سلامه عليك و ان شاء الله ربنا يقومك بالسلامة بس انا مش هعرف اتكلم معاك تاني بعد دلوقتي انت فاهمني؟! اوعى تتصل هنا تاني صدقني بابا هيقتلني.. هو عمال يسمعني و ساكت ونا عمالة اسمع صوت نفسه بس و فجأة و بتنهيدة طويلة منه قالي ياسمينا انا بحبك سمعت الكلمة من هنا و قعدت اقول هو انا سمعت بجد ولا بتخيل هو دا حقيقي! هو بجد بيحبني وقتها مهمنيش سواء هو كان بيتر ولا محمد وقتها مهمنيش اي حاجة غير انه بيحبني و قفلت الفون ف وشه من الصدمة و
بصيت لنفسي ف المراية و فردت شعري و فضلت اضحك بصوت عالي و اغني و ارقص و اقول انا اتحبيت! ياربي هموت م الفرحة معقولة حبني فعلا معقولة انا اتحب!! و لوهلة افتكرت اختلاف ديانتنا و عقلي سيطر عليا و قالي مش معقولة يعني هيحبك ف كام يوم اتكلمتو فيهم شوية طبيعي عايز يتسلى بيكي زي ما بتشوفي ف الأفلام كدا بظبط لميت شعري و روحت لسريري بهدوء تام و فضلت العن ف كل حاجة حواليا و ف حياتي كلها و قررت اني عمري ما هتكلم معاه تاني ولا هطلع البلكونة تاني ولا حتى هطلع من اوضتي تاني قررت و بكل سهولة أعذب نفسي و اي الجديد مانا طول عمري كدا انتي مخلوقة للحزن و بس انتي ملكيش الحق انك تفرحي صدقيني.. شوية و سمعت دقات باب بيتنا اي دا مين بيخبط! هو في حد بيعبرنا اصلا طاب ما يمكن بابا بس لا بابا رجع من بدري و نايم جوا هيكون مين!
ماما بتندهلي يا ياسمينا افتحي انتي عشان بعمل حاجات مهمة روحت فتحت لقيت بيتر ف وشي فضلت واقفة متنحاله و هو واقف و معاه طبق بسبوسة و بيضحكلي و بيقولي اول مرة اعرف ان شعرك جميل كدا اي الجمال دا ياسمينا ممكن متخافيش مني و تديني فرصة اتكلم معاكي صدقيني هي مرة بس بعدها قرري و اعملي اللي انتي عيزاه بصيتله بعين مليانة حزن و قولتله ماشي موافقة و عطاني طبق البسبوسة و مشي و هو عمال يبتسملي بعيون بريئة زي الاطفال ونا سرحانة ف جماله فجأة الاقي ماما ورايا بتقولي اي مين جه يا حببتي قولتلها دا حد من جيرانا الجداد و عطاني طبق البسبوسة دا عطتهولها و دخلت اوضتي تاني و طلعت البلكونة لقيته واقف
مستنيني و قالي يمكن تفكريني بكدب بس و الإنجيل انا بحبك و حلفتلك بأكتر حاجة بحبها ف حياتي و اكيد مش هحلف كدب بكتاب ديني ابدا انا بجد مش عارف حبيتك ازاي انا كل شوية عمال اكدب ف نفسي بس بجد مش قادر اعيش من غيرك يا ياسمين انتي ملاك برئ ماشي على الأرض و مش هلاقي زيك تاني والله فرحت جدا من كلامه و نفس الوقت قولتله بأستسلام تام ونا مصدقاك والله عشان العيون البريئة دي متكدبش ونا كمان بحبك جدا يا بيتر تعرف ان انت الوحيد اللي اتكلمت معايا بعد امي و ابويا طيب تعرف اني معنديش صحاب ولا اخوات طاب تعرف اني بحس اني مليش اي لازمة ف الحياة دي انا لقيت نفسي معاك معاك انت و بس و اتعودت على جودك رغم
انهم كانو ايام معدودة بس اتعلقت بيك جدا انا والله مليش غيرك بعد امي و ابويا انت الوحيد اللي شوفتني حلوة و عطتني شوية امل ف الحياة بس للاسف يا بيتر اخدت شوية الأمل دول مني ف ثانية عرفة اني طفلة ف تصرفاتي و غبية و كل حاجة بس انا محتاجاك معايا اوي محتاجاك تعلمني بتفهمك دايما معايا محتاجة اتولد من جديد معاك بس للأسف احنا لا يمكن نبقى لبعض انا ديانة ونت ديانة تانية و ديني ميقبلش بكدا ابدا ونا لا يمكن اتخلى عن ديني قالي هقنعك تدخلي المسيحية معايا و نتجوز و نبقى لبعض.. ف اللحظة دي لقيت بابا بيلفني و بيديني بالقلم على وشي
الجزء الرابع والاخير من هنا
