الحلقة الثالثة | الملك
دخلت المعمل بحرص وقلبي بيدق وكأنى عارف انى هشوف حاجة مش عادية، غرفة المعمل كانت ضلمة والحاجة الوحيدة اللى عليها الضوء هي الاناء الزجاجى اللى فيه الحيوان ده.
قلقت اقرب لكن تماسكت وشغلت الانوار، وبدأت اقرب ببطء للاناء الزجاجى، لحد مابقيت قدامه وبدأت ابص على الحيوان من جوه المحلول، اغلب تفاصيله مكنتش باينة من المحلول، لكن الاجزاء اللى كانت باينة اتغير لونها عن ماكنت جايبه
شكل العضم بتاعه كأنه لسه ميت جديد، مش بنفس الحالة اللى كنت جايبه عليها.
قلقت اقرب لكن تماسكت وشغلت الانوار، وبدأت اقرب ببطء للاناء الزجاجى، لحد مابقيت قدامه وبدأت ابص على الحيوان من جوه المحلول، اغلب تفاصيله مكنتش باينة من المحلول، لكن الاجزاء اللى كانت باينة اتغير لونها عن ماكنت جايبه
شكل العضم بتاعه كأنه لسه ميت جديد، مش بنفس الحالة اللى كنت جايبه عليها.
مردتش العب فى اى حاجة وخدت بعضي وخرجت، او مش مردتش العب، كان جوايا احساس كبير بالخوف انى اقرب منه.
بالرغم انى اكتشفت حيوانات اخطر بكتير لكن ده مختلف بشكل كبير.
الموضوع فضل شاغل بالى وقعدت افكر على تفسير للى شوفته وطبعا استنيت ماريان علشان افهم منها اللى حصل للحيوان ده جوه المحلول، واول ماجت قولتلها حتى من غير سلام:
.. انا دخلت المعمل ياماريان وانتى مش موجودة ولاحظت حاجة غريبة
... حاجة ايه ياساهر؟
.. الحيوان اللى جبته من البحيرة، لاحظت شوية تغيرات عليه
... تغيرات ايه؟
.. هو مكنش واضح اوى من المحلول لكن متهيألى ان عضمه اتجدد وكأنه لسه ميت جديد
... المحلول فيه مادة ملمعة علشان يبقى جاهز يتحط على الميكروسكوب، يعنى تقدر تقول كده بلمعه علشان اخد منه عينة واحللها
.. طب ومستنية ايه؟
... ايه ياساهر مالك؟ اكيد مستنية المحلول ياخد وقته، الموضوع مش سلق بيض
.. طيب لما توصلى لاى حاجة قوليلي
... انت مهتم بالموضوع كده ليه مش عادتك يعنى؟
.. علشان الحيوان ده لو طلع هو اللى فى بالى هيبقى اكتشاف عظيم بجد
... ماشي ياساهر، هشتغلك عليه حاضر
طبعا انا كنت بحمسها علشان تهتم وتشتغل عليه، لكن من جوايا انا عايز اعرف ليه قلبي مقبوض منه اكتر من اى حاجة فى الدنيا.
ومن اليوم ده بقيت ببص عليه من الوقت للتانى، وارتحت شوية لما ملقتش اى جديد، لكن مكنتش اعرف ان الحال مش هيدوم كتير، احنا قليل لما بنقفل نور المعمل، لان فيه حاجات بتحتاج للضوء بتستخدمها ماريان، يعنى اغلب الوقت بتتخانق معايا لما بفكر اقفل النور.
ومن حظى السئ ان ماريان كانت بتجيب اكل للبيت والنور قطع، طبعا هي كانت مفهمانى ان لو النور قطع وهي مش موجودة ادخل المعمل واحط كشافات على حاجات معينة، فعلا دخلت المعمل وحطيت الكشافات على الحاجات اللى قالتلى عليها، واديت ضهرى للاوضة علشان اخرج، لكن الفضول جوايا قالى ارجع ابص على الحيوان ده تانى.
وقفت قصاد الاناء الزجاجى ولاحظت ان الحيوان عضمه اغمق كتير من الاول، واللى جننى انى لاحظت بصيلتين شعر كأنه لسه شعر بينمو فى جسم انسان، ومش بس ده اللى لاحظته، انا لاحظت كمان ان حجمه بقى اكبر من الاول.
خرجت من الاوضة وكل يوم الخوف جوايا بيزيد عن الاول، ومقدرتش افسر ايه سبب انه طول الايام اللى فاتت مفيش اى تغيير ودلوقتى حصل تغيير.
النور جه على طول وقررت انى افضل وراه لحد مااعرف السبب، وبالصدفة ببحث على الانترنت لقيت....
انا كده عملت اللى عليا، لحد هنا جه دورك،
بدل ماتدور وتبحث علي الروايات خليها علي تليفونك وحمل تطبيقنا
