لست عاهرة
الجزء السابع
دنيا : في ايه يا اشهد اتكلم قلقتيني ..؟؟
أشهد : انا كنت بكلم دكتوري ..!!
دكتور نفساني بتعالج معاه ..!!دنيا : أيه ؟؟
دكتور نفساني ...؟؟؟؟
يعني هما كانوا صح ومكانوش بيكدبوا عليا ..؟؟قولت هذه الجمله بيني وبين نفسي لم أنطقها بلساني ..!!
وبأبتسامة مصطنعة تخفي ورائها قلق وخوف وبنبرة يغلب عليها المزاح وكأني لم اقتنع بجدية كلامه قولت له :
طلعت مجنون يا أش أش ههههههه..؟؟
أنا كنت شاكة فيك من الأول اصلا علي فكرة !!
بطل هزارك البايخ ده وقولي كنت بتكلم مين ..؟؟وبكل جدية وحزم رد أشهد :
انا مش بهزر علي فكرة انا بتكلم بجد ..!!
كنت بكلم دكتور نفسي انا بتابع معاه ..!!!دنيا. : طب عادي يا عم كلنا مرضي نفسيين
بس انت مالك ايه اللي تعبك نفسيا وليه
كنت مخبي عليا ..؟؟أشهد: في اول سنة من الكلية اتعرفت علي بنت
معايا من القسم ومع الوقت حبيتها وبعد
فترة قررت اني اروح اتقدملها ..!!
كلمت ابويا في الموضوع ورفض تماماً اني
أتجوز البنت دي ، بس انا مسكتش وروحت
اتقدمتلها لوحدي ، ابوها كان معارض جدا
في البدايه لما عرف ان ابويا مش موافق
بس بعد ما الحيت عليه واقنعته ان مش
هيكون في اي مشاكل وافق وحددنا ميعاد
الخطوبة ، لكن قبل الميعاد لاقيتها اتغيرت
جدا معايا ومبقتش ترد عليا ، وأبوها كلمني
وقالي كل شئ نصيب يبني ، ولاني كنت لسة
صغير مستحملتش فشل التجربة ودخلت
في أزمة نفسية وتعبت ، وابتديت اروح
لدكتور نفساني ومع الوقت بقيت كويس
ونسيت الموضوع تماماً ، وانا بروح بس أعد
مع الدكتور ده مجرد ندردش ، لانه بقا
تقريبا صاحبي ، وع فكرة حكيتله عنك وقالي
ان حبي ليكي اكبر دليل اني خلاص بقيت
كويس ونسيت الموضوع القديم تماماً ...!!!دنيا : امممم طب وليه خبيت عليا الموضوع ده
مع انك حكيتلي علي كل حاجه ..؟اشهد: كنت خايف انك تخافي مني وتسيبيني
ولو سيبتيني انا مش هرجع للعلاج النفسي
تاني وبس لا ..؟؟
انا هموت يا دنيا ..!!دنيا وبكل تلقائية ردت وقالت :
بعد الشر عليك يا حبيبي متقولش كده تاني ...!!
ثم حولت عيونها الي الارض خجلا فهي ولأول مرة تقول له "حبيبي" وخرجت منها الكلمة بعفوية وتلقائية ..!!أشهد تحرك من موضعه بكل سرعه ووقف واتسعت عيونه وامتلئ وجهه بالابتسامة ورد عليها وقال بلهفة
حا ايه ..؟؟
حبيبي ..؟
وحيات امك انتي قولتي حبيبي فعلا بجد ؟؟
يعني انا سمعت صح ..؟؟
طب مره كمان ..؟؟دنيا : اممممم أهدي شويا واقعد كده ياض وقولي
وانا بقا اضمن منين يا عسل انت ان الحاله
متجلكش تاني وتتجنن وترجع تروح للبنت
دي من تاني؟ هاه اضمن منين انا قولي ؟؟أشهد متعصبا ومستنكرا لكلامها :
الحاله تجيلي ..؟
واتجنن ..؟
ده انتي بت فصيله وسئيلة ..!!
متخافيش مش هتجيلي الحالة تاني لآني
انا خلاص نسيت الموضوع من بدري جدا
وكمان عرفت وقتها انها اتجوزت بعد كده
علي طول وبقالي اكتر من اربع سنين
معرفش عنها حاجه ومش عاوز اعرف
وبعدين بقا هيبقا معايا الجمال والحلاوة
والرقة دي واروح ابص لحد تاني ؟ ها .؟؟
وغمزلها بعينه وهيا ابتسمت واتكسفت ..!دنيا : ماشي يا أشهد بس لو حسيت في يوم انك
بتبص كده ولا كده ..؟ الرقة دي هتتحول
هاه ؟؟ وهتشوف وش تاني ..؟ وهطين
عيشتك انت والبنت والدكتور النفساني بتاع
المجانين اللي زيك ده هاه سامع ..؟؟؟؟؟أشهد: لا رقه رقة يعني مفيش كلام ...!!!
دنيا : بتقول حاجه يا أش أش ..؟؟أشهد: حبيب قلبي وانا اقدر أقول ..!!
وبصوت منخفض حتي لا تسمعه همس وقال :
بت سئيلة وبترمي دبش من بؤها بس اعمل ايه بحبها ..!!غرقت في بئر عميق من التفكير عندما اعترف لي أشهد انه كان بالفعل مريضاً نفسياً وتذكرت كل ما حدث بيني وبين مهره ، ومكالمة صالح لي وبدأت في تحليل كل ما حدث ..!!
اذا هم لم يكذبوا عليـ عندما قالوا انه كان مريضاً نفسياً فهو قد اعترف بذلك ، ولكن ليست حالته خطيرة كما قالوا لي ، وإرتباطة عاطفياً يصب في مصلحته ولن يؤذيه ويسئ حالته كما قال لي صالح ومهرة أيضاً ..!!
اذا فلماذا قالوا لي هذا الكلام الغير صحيح عن أشهد بل وحاولوا ان يقبحة من صورته أمامي ..؟
هل يريدوني ان ابتعد عنه ..؟ ولماذا ..؟؟
من المؤكد يوجد سر ..؟ وسراً كبير يجعلهم يفعلون كل هذا لابتعد عنه ..!!؟
ماذا افعل ..؟؟
أقص عليه كل ما حدث من حديث مهرة معي ومكالمة صالح لي ..؟؟
لا لا لن احكي له عن اي شئ فأنا لا اريد ان اكون سبب في أي ضغينة بينهم فأنا اعلم حجم حب اشهد لأخته مهره ولا أريده ان يخسرها ..!!
والأيام القادمة ستظهر لي كل شئ ..؟؟
ستظهر من كان علي صواب ومن كان علي خطأ
من كان خيّر ونيته سليمة ومن كان حاقد ويقصد الإيذاء والشر ، سوف اعلم قريبا ..!!
ولكن ما اعلمه جيدا ان أشهد يحبني فعلا ولن يسمح لأي شخص أيا كان من هو ان يؤذيني ابدااااااًأشهد: دنيا ..؟؟
دنيا..؟؟
دنيااااااااا..؟
ايه يا حاجه انتي روحتي في غيبوبة كل
ده سرحانة بناديلك بقالي ساعتين ..؟؟دنيا : هاه ؟ هههههه مش هتغدينا بقا عشان
نروح نشوف هنهبب ايه الامتحانات قربت
عاوزين نراجع ونذاكر شويه ...؟؟أشهد: ماشي بس مش هنا اكل الكافتريا بصراحة ميتاكلش يلا قومي انا عازمك عل طبق كشري بس حكاية ..!!؟؟
دنيا : الله .. كشري طب يلا بينا ..!!في فيلا عائلة اشهد ...
صالح : ايه اخر اخبار أش أش يا مهرة ؟؟
البت دي لسه بعيد عنه وهوه نسيها ولا لسه
ولا في حاجه جدت في الموضوع ..؟مهره :لا يا صالح الأخبار متطمنش ..!!
رجعوا يتقابلوا تاني وتقريبا مع بعض كل
يوم وكل يوم بيتعلق بيها اكتر ..!!!صالح وبعصبية وبغضب رد :
طب مقولتليش ليه الكلام ده من بدري انتي عاوزه تبوظي كل اللي عملناه صح ..؟؟فزعت من صوته العالي وابتعدت عنه وهي خائفة منه فأقترب منها بهدوء وضمها اليه واحتضنها وبصوت منخفض قال لها :
انا بعمل كل ده عشانا انا وانتي يا
حبيبتي ومتخفيش انا عمري مهأذي اشهد
ده اخوكي برده وابن عمي بس اي حاجه
تحصل تاني قوليلي علي طول ...!!مهره بعدما اطمأنت قليلا :
ماشي يا حبيبي انت عارف انا بحبك اد
ايه ومبحبش ازعلك واي حاجه هتحصل بعد
كده هقولهالك بس متتعصبش عليا تاني كده
عشان بيبقا شكلك وحش ويخاف منك اوي!!ضمها صالح مره اخري لصدرة ولكن هذه المرة كانت ضمة عنيفة فقد اطبق يديه بشده علي رقبتها وقال:
انا كمان بحبك يا مهرة بس لازم نأمن نفسنا
كويس من غدر الزمن انا تعبت اوي لحد
موصلت ليكي وللي انا فيه دلوقتي ، ومش
عاوز أخسر اي حاجه حتي لو ههد الدنيا
دي كلها ، فاهمه يا مهره ؟؟ انا مش عاوز
أخسر أي حاجه ..!!!مهره وقد افلتت نفسها من بين يديه بصعوبه بعدما ضغط عليها بشده وهو يحتضنها وقالت :
فاهمه يا صالح ..!! فاهمه ..!!
بابا كان عاوزك روح شوفه كان عاوزك في اية ؟
هو منتظرك في اوضتة ..!!صالح : ازيك يا عمي عامل ايه دلوقتي ..؟؟
فريد : ملكش دعوه بيا انا وقولي ايه اخر اخبار
"مالك شداد" ..؟؟صالح: كله تمام يا عمي والنهارده كل الجرائد
والمواقع كتبت عن فضيحة بنته ، وسمعت
انه قاعد في البيت ومبيردش علي حد ولا
بيخرج من البيت بعد الفضيحة وعرفت
كمان من ناس قريبة منه انه ناوي يسحب
ورق ترشحة للمجلس ووقتها هتبقا انت
سيادة النائب بالتزكيه لان مفيش حد مترشح
غيرك انت وهوه وبس ..!
مبروك عليك يا عمي !!فريد : لا مبروك دي تقولهالي لما تروح تتأكد
بنفسك انه سحب ورق ترشحه ..!!!
وقولي ايه اخبار اشهد مع البنت اللي بيحبها
دي خلاص نسيها ولا لسه وعاوزك تعد معاه
وتكلمه وتفهمه آني عاوز مصلحته ومصلحته
مع "مروة" بنت عبد الحميد الصفتي ..!!صالح : والله يا عمي الأخبار مش ولابد اشهد رجع يكلمها تاني والبت شكلها رسمه علي
تقيل بس متخفش انا خلاص هتصرف ..؟؟
والنهارده قبل بكره ..؟؟
كلة معمول حسابه في دماغي متقلقش انت بس وسيب كل حاجه عليا!!!
وقريب اوي اوي الموضوع ده هيخلص..!!؟فريد : انت ابني يا صالح زيك زي اشهد بالظبط
وانت عارف انا بعتمد عليك في كل حاجه.!!
واعمل اللي انت عاوزه بس من غير
شوشره يا صالح احنا داخلين علي مجلس
الشعب وهنتنقل كلنا ناقلة تانيه .. كلنا !!!
صالح: اطمن يا عمي اطمن أوي !!!!يلا يا عم الليل دخل علينا وانت لسه بتآكل !؟
ايه هتاكل المحل كله يلا انا اتأخرت كده جدا ..!!اشهد: وانا معاكي نفسي بتتفتح علي الدنيا كلها
كل حاجه بتكون حلوه في عنيا انا ممكن
أكلك انتي شخصيا ههههههههه..!دنيا : تاكلني ..؟لا كل كشري احسن ..!! هالته
كماله يا عم بدل مياكلني ...!!اشهد : هههههه لا كفايه كده شبعت يلا بينا
عشان اوصلك واروح عشان بابا تعبان
شويه وعاوز اطمن عليه ...!!في منزل دنيا ...
متتصلي بدنيا يا عبير شوفيها اتأخرت ليه كده؟؟عبير : متأخرتش ولا حاجه يا ماما زمانها جايه
وبعدين دودو ميتخافش عليها دي بميت
راجل ولسانها ااااااد كده ههههههه..!!مش عارفه يا عبير يا بنتي قلبي مقبوض ليه اليومين دول وبقيت بقلق علي دنيا وكأنها بتصغر مش بتكبر بقيت بخاف عليها اكتر من وهيا صغيره نفسي اطمن عليكم انتوا الاتنين واجوزكم واستركم وان شالله اموت بعدها ..!!!عبير : بعد الشر عليكي يا حبيبتي مالك قلبتيها
دراما كدا ليه ..؟
أهي جت اهيه !!
ايه اللي اخرك كده يا هانم الحاجه خايفة
عليكي جدا وقلبتهالنا دراما ..؟؟دنيا وبتضحك :
دراما ليه بس دانا بحب
الكوميدي هههههه مالك يا حبيبتي قلقانه
عليـ من ايه ..؟؟
وقبلت رأسها وارتمت بحضنها وقالت :
متخافيش عليا انا زي الفل وهفضل ..!!عبير : تيرارارا راااا دي حاجه مؤثرة جدا اللي
انتوا فيه ده ايه الحضن هيقعد ساعة ماشي
يا حاجه دانتي مخدتنيش في حضنك من
ايام مكنت في تالته ابتدائي لكن ست دنيا
ليها وضع خاص ..!! يلا عشان نأكل يختي
منك ليها هموت من الجوع ...!!دنيا : لا انا واكله كشري كلوا انتوا انا هخش انام
شويه وبطلي الحقد ده شويه يا بت يا عبير
هاه بطلي هههههههعبير : ايوه يا عم واكله كشري وراجعه مفرفشه
ومبسوطه انا مش مطمنالك يا بت انتي..!!؟ايوه يا أش أش روحت ولا لسه ..؟؟
أشهد : اه يا حبيبتي لسه داخل البيت اهوه
دنيا : طب تمام ابقا اطمن علي باباك وطمني
انا هنام شويه وبعدين هقوم اذاكر شويه
أشهد: ماشي يا حبيبتي يلا باي...!!صالح : ازيك يا أش أش عامل ايه فينك يابني
دانت واحشني وانا قاعد معاك في نفس
البيت تخيل ..؟؟اشهد : معلش يا حضرة الضابط كنت مشغول
شوية في الكلية الأيام اللي فاتت الامتحانات
بقا انت فاهم وانت والله وحشتني القعده
والهزار معاك انت عارف انت اخويا
وصاحبي يا صالح ..!!صالح : طب كنت عاوز اتكلم معاك شويه ينفع
اشهد : طبعا ينفع تعالي ..!!صالح : بص يا عم !!الحاج موصيني اكلمك في
موضوع مروة بنت عبد الحميد الصفتي
ايه بقا مش هتريحه بقا وتتجوز ونفرح بيك
يا اخويا عاوز ابقا عم يا عم بقا..؟؟اشهد : يااااه يا صالح منت عارف رأيي في
الموضوع ده وعارف اني عمري مهكون
طرف في صفقة الجواز دي وعارف اني
بحب دنيا وان شاء الله ناوي بعد التخرج
اتقدملها واتجوزها ..!!صالح : يا عم عارف انك مش بطيق البت دي
وبيني وبينك انا كمان مش بطيقها وخليك
فعلا مع دنيا شكلها بنت محترمه وكويسه
وانا لو عمي كلمني تاني هحاول أقنعه
انه ينسي موضوع مروة ده وهقوله كمان
انك بتحب واحده تاني كويسه وهقنعه بيها
سيب الموضوع ده عليا يا حبيبي ..!!اشهد : حبيب قلبي انت يا بن عمي انا عارف
انك هتقف معايا مانت اخويا ..!!!!!!!!في صباح اليوم التالي
وعلي اول الشارع الذي يوجد به منزل دنيا
يقف رجلين منظرهم مريب ويتكلمون معاً :- فاكر شكل البنت اللي صالح باشا وراك صورتها ولا هتودينا في داهيه يا نجم ..؟؟= يا عم متخافش حافظها وحافظ البيت اللي هتخرج منه كمان وخلاص زمانها خارجه ده ميعاد خروجها ..!!!!
اهي خرجت من البيت مش هيا دي ؟؟- اه هيا !!؟
كلم الواد يقرب بالعربية عشان اول منوقفها
ندخلها العربيه بسرعه من غير ما حد ياخد باله
يلا كلمه بسرعة جايا علينا اهيه والحمد لله الشارع فاضي ....؟؟؟دكتورة دنيا لو سمحتي ..؟؟
دنيا : انت بتناديني انا يا استاذ ..؟
الفصل الثامن من هنا
بدل ماتدور وتبحث علي الروايات خليها علي تليفونك وحمل تطبيقنا
