Ads by Google X
رواية عائلة زوجي المجنونه الجزء الثاني -->

رواية عائلة زوجي المجنونه الجزء الثاني

رواية عائلة زوجي المجنونه الجزء الثاني

    #عائلة_زوجي_المجنونة
    الجزء الثاني
    في الضلمه حسيت ان في حد مسكني من الخلف اتلفت ورايا لقيته محمد اخ هاني كان سكران وبتكلم بكلام غريب اوي مفهمتوش قلي انتي حلوة متجيبي بوسه يا بت

    قلتله عيب عليك انا مرات اخوك الكبير
    قلي هاني اصلا مش اخويا ههههههههه
    قلتله ازي يعني مش اخوك
    وانا بتكلم مع محمد شفت حماتي خارجة من غرفتها خفت اوي و دخلت اوضتي بسرعه وقفلتها عليا مكنتش عايزه اعمل مشاكل في اول يوم ليا ببيتهم بس كلام محمد شغل بالي ازي هاني مش اخوه

    الصبح صحيت تعبانه اوي نزلت قعدت معاهم عالسفرة وكالعادة مفيش اكل نباتي بجد حاسه اني هموت من نظامهم الغذائي ده سالت هدى اذا كان اخوها هاني متعود على اكلهم ده قلتلي هاني دائمآ بكون مشغول ومعندوش وقت ونادر ميكون في البيت وياكل معانا

    خالتي اتصلت عليا قمت من السفرة اتكلم معاها حماتي قلتلي مش مسموح لحد يقوم من الاكل قبل نص ساعه اقعدي
    قلتلها جالي اتصال مهم ولازم ارد عليه
    قلتلي اتكلمي هنا او اغفلي الموبايل
    فتحت الموبايل خالتي كانت قلقانه اوي قلتلي انها بعتتلي الفستان الاصفر وشوية حاجات مع بنتها نور بس لسه مجتش
    قلتلها نور مجتنيش خالص ولا شفتها جربي كلميها
    قلتلي اتصلت عليها اكتر من مرة وتلفونها مقفول
    قلتها خلاص متخفيش بتكون راحت تزور صحبتها انشاءالله هترجع

    رحت الاوضة ولسه حاسه بالشعور الغريب الي محسسني بالقلق والتوتر اتذكرت هاني وسرحت بخيالي فجاءة اتصل عليا قلتله كنت لسه بفكر فيك
    قلي عامله ايه يا روحي؟
    قلتله كويسه الحمدالله بس مفتقداك اوي
    قلي وانا كمان مفتقدك ومش مصدق امتى ارجع واشوفك وبوعدك بس تخلص المدة دي هخدك لااجمل مكان بالدنيا نقضي فيه شهر العسل
    قلتله انت بتتكلم بجد حمستني ختخدني فين بقى
    قلي خليها مفاجاءة
    قلتله ماشي

    حسيت ان في حد براغب فيا وانا بتكلم قفلت الخط ونزلت سمعت صوت حد بيجري شفت خالد شايل اكياس لونها اسود خرج بيها برة بعدها هدى جات ومعاها شاب وهيا بتضحك بصوت عالي ودخلتو اوضتها والغريب ان اخوها وابوها معملوش حاجة ولا ابدو اي ردة فعل كانو طبيعين جدآ بجد العيلة دي مجنونه وغريبه اوي دي لو عملت كدة في اكتر بلد متحرر كان زمنهم دبحوبها  بجد الي بحصل ده مش طبيعي

    قررت اني لازم اتحرك واحاول اعرف ايه الي بيحصل حوليا ده مهو مش ممكن افضل قاعدة كدة زي الاطرش في الزفة فضلت اراغب فيهم من مكان بعيد سبت باب اوضتي فاتح وانا براغب لحدي مجي وقت الغداء ورحنا قعدنا كلنا الفضول دفعني اعرف الشاب الي مع هدى راح فين لاني مشفتوش طلع من اوضتها خالص قلت لهدى هو صحبك ليه مجاش ياكل معانا
    هدى اتخضت لما سالتها وكلهم بصولي بنظرات شك وريبه
    حماتي قلتلي اخرصي قطع لسانك هدى ملهاش صاحب
    قلتلها انا بجد اسفه حصل سؤ فهم
    قلتلي اخرصي وكملي اكلك عالساكت

    المشكلة اتعقدت اكتر انا بجد شفت شاب داخل مع هدى بس ليه حماتي انكرت الكلام ده اكيد في حاجة غلط بتحصل هنا ولازم اكتشفها باي تمن نظراتهم ليا بتقول متحوليش تكشفي حاجة ولا هيكون اخر يوم بعمرك

    خالتي اتصلت عليا وقلتلي انها جاتلي زيارة بس محدش فتحلها الباب قلتلها انا بجد اسفه هما مش بسمحو للعروس تشوف اهلها او هما يشوفها قبل اربعين يوم دي تقاليدهم
    قلتلي انا قلت ازورك واسالهم عن بنتي اذا شافوها
    قلتلها هو نور لسه مظهرتش
    خالتي عيطت وقلتلي احنا بلغنا البوليس بنتي لسه مرجعتش
    قلتلها متعمليش في نفسك كدة اكيد هترجع

    بجد حاسه اني مكتفة بنت خالتي مختفية وانا مش قادرة اعمل حاجة قعدت ابكي عالطربيزة حمات جات وقلتلي مالك يا يارا فيك ايه!؟
    قلتلها بنت خالتي مختفيه بقالها يومين وانا قلقانا اوي عليها هيا بنت غلبانا ووحيدة عند امها
    قلتلي مدام غايبه بقالها يومين تبقي طفشت مع واحد واتجوزتو هههههه
    قلتلها نور لايمكن تعمل كدة دي بنت متربية واخلاقها عاليه
    قلتلي يا خبر انهاردة بفلوس بكرة يبقى ببلاش
    قلتلها ربنا يسهل

    رحت لامي اشوف حالها لقتها تعبانه اوي وصحتها مدهورة قلتلي ايه الناس الغريبين دول هما مش بياكلو غير اللحمة بطني وجعني اوي من اكلهم
    قلتلها معلش يا امي كلها شهرين وهاني يرجع ويخدنا من هنا لازم نصبر
    امي لاحظت اني حزينة ومتوترة قلتلي فيكي ايه يا بنتي حاسة انك مهمومة وزعلانة اوي ومخبية عني حاجة
    قلتلها مفيش حاجة انتي بس ارتاحي ومتشغليش بالك بحاجة

    فجاءة حسيت بدوخة فظيعة لان اكلهم سببلي ضعف في جسمي واجهاد شديد ومغص فظيع رحت للحمام بسرعة وانا ماشه لمحت فستان اصفر ده نفس الفستان الي بعتتو خالتي مع نور انا بعرفو كويس رحت اتاكد لما شلتو لقيتو مليان دم رميتو في الارض وانا مخضوضة دم مين ده معقول بنت خالتي اتقتلت

    هدى لما شفتني جنب الفستان اتخضت وقلتي انتي بتعملي ايه هنا قلتلها الفستان ده جبتهولي بنت خالتي انا حاسه انها اتقتلت.............

                    الجزء الثالث من هنا