#حب_أعمي_الجزء_التالت
(الحلقه الرابعه ) ❤
........
احمد : الو !
كريم : ايوه يا مستر احمد كريم مع حضرتك
احمد : بقولك ايه يا كيمو ! انت عارف انى بحبك ولا لا
كريم : طبعا يا مستر ودى محتاجه كلام ربنا يخليك يارب
احمد : طيب انا عاوزك تروح تساعد وتنجز مع عصام ف اسكندريه اتأخر اوى ف الجرد اللى بيعمله هناك وشكله لايص
كريم : بس كده . انت تؤمر يا كبير
احمد : لو مش عاوز تروح خلاص بلاش انا هشوف حد
كريم : ده اسمه كلام يا مستر احمد ؟ انت تؤمرنى يا ريس والله شوف حضرتك تحب اروح امتى وانا جاهز
احمد : والله لو ينفع دلوقتى ياريت عشان تلحق تروح تبيت معاه هناك والصبح تشتغلو على طول
كريم : حاضر .. هقوم اعدى ع البيت اخد شوية لوازم وعلى طول هطلع هناك
احمد : يابنى لو مش عاوز تروح قولى عرفنى
كريم : ههههههههههه يا ريس انت تؤمر والله . ربنا يخليك لينا
احمد : حبيبى يا كيمو يلا قوم انت وسيب اللى ف ايدك وسلمه ل رائد واتوكل على الله .. وانا هديلك 2000 جنيه بدل السفريه دى عدى عليا خدهم ماتروحش الحسابات
كريم : حاضر
....................
( بعد الشغل على الكافيه اللى قدام الشركه )
سالى : يابنتى انتى مقعدانى ليه ف الحر والفرهده دول
مى : استنى بقا منا برن ع الواد اللى اسمه كريم ده مابيردش وتليفونه اتقفل
سالى : مانتى لو تقوليلى انتى عاوزاه ليه كنت ارتاح
مى : هقولك عشان اريحك وارتاح انا كمان بصى يا ستى
انا ناويه الفتره الجايه دى اخلى احمد ينطق عاوزاه يشوفنى كده رايحه جايه مع كذا حد عاوزه احسسه انى ممكن اضيع منه لو هو ماتكلمش
سالى : ايوه يا مى هى فكره حلوه بس افرضى قلبت ف الآخر واحمد طلع مابيحبش الجو ده
مى : انتى ماشوفتيهوش كان عامل ازاى لما كان اللى اسمه مستر سليم ده ف الشركه او بره الشركه ... احمد محتاج حاجه تخليه يتلحلح ويتكلم .. وحاسه ان كريم ده هيكون المفتاح
سالى : امممم بس عاوزه اقولك حاجه
مى : حاجة ايه ؟
سالى : كريم ده شكله بتاع بنات وعينه كانت عليكى على فكره وبصات مش اللى هى
مى : انا عارفه وخدت بالى .. وتقريبا كل الناس اللى ف الشركه عارفين كده وأولهم احمد . وبالعكس لقيت ان كريم هو الشخص الوحيد اللى ينفع يعصب احمد او يخليه يتكلم وبصراحه اكتر ناويه ادخل كريم معانا ف اللعبه واعرفه الموضوع كله من اوله لاخره . وهو شكله واد جدع وهيبقي معانا
سالى : طيب ناخد رأى ليلى طيب
مى : بالليل بقا لما اخلص كلام مع كريم
سالى : طب رنى عليه يا مى هو انتو مش متفقين على بعد الشغل على طول
مى : استنى هرن عليه يارب يكون تليفونه اتفتح
اهو الحمد لله بيرن .. الو !
كريم : والله والله عاوز اكلمك من بدرى بس تليفونى فصل شحن ولسا يدوب مفتوح اهو بشحنه من شاحن العربيه
مى : لا ولا يهمك . انا قولت انت نسيت الميعاد بس
كريم : هو انا اقدر انسي بس هو .... انا مش عارف اقولك ايه بس
مى : ايه يا بنى فيه ايه ماتقول
كريم : انا رايح اسكندريه يومين تلاته كده اساعد عصام ف الشغل بتاعه وجاى .. مستر احمد فاجانى النهارده وقالى لازم تروح ضرورى
مى : ( بتنفجر م الضحك غصب عنها )
كريم : فيه ايه انتى بتضحكى على ايه
مى : لالالا مش بضحك عليك اصل واحده وقعت جنب منى ومنظرها حلو . معلش انا اسفه ...
كريم : خلاص المهم ماتزعليش وميعادنا لسا زى ماهو لما ارجع ان شاء الله
مى : دا اذا رجعت ههههههههههههه
كريم : اعوذ بالله ايه الفال الوحش ده
مى : ركز انت بس ف طريقك وسلملى على عصام هههههههههههه
كريم : يوصل
مى : مع السلامه
كريم : سلام
.....
مى : ( بتضحك بصوت عالى جدا غصب عنها ف الكافيه والناس ابتدت تبص وتتلفت عليها )
سالى : ايه يابت يخربيتك ههههههههههههههه فيه ايه اول مره اشوفك بتضحكى كده
مى : يخربيت عسل اهله هههههههههههههه
سالى : هو مين ده كريم ؟
مى : كريم مين بس ههههههههههههههه احمد
سالى : ليه . كريم قالك ايه خلاكى تضحكى كده
مى : هههههههههههههههه بعت كريم اسكندريه يشتغل مع عصام وشكله كده هيخليهم هناك على طول هههههههههههههه وكل ده عشان وقف معايا وكلمته كلمتين على جنب
سالى : ههههههههههههه ( بتضحك غصب عنها هى كمان بصوت عالى والناس فعلا ابتدت تبص وبيضحكوا على ضحك مى وسالى )
مى : هههههههههههههه يابن اللعيبه .. انا دلوقتى بس خدت بالى انه هو اللى مشى عصام وعمرو من الشركه عشان مايبقوش حواليا
سالى : يخربيت كده يا شيخه . انا عمرى ف حياتى ما شوفت حب اعمى بالشكل ده
محاوطك بشكل غريب
مابيخليش حد يقرب منك
وبيمارس سلطته وعنفوانه انه يدافع عنك بكل ما اوتى من قوه بالرغم انه لسا مابانش عليه اى كلام ولا اعترفلك باى حاجه
انا لو كنت قريت الكلام ده ف روايه ماكنتش هصدق ان حد بيعمل كده عشان يخلى باله من حبيبته من قبل ما تبقي حبيبته
مى : عرفتى بقا انا ليه غيرت على احمد النهارده ومن ساعتها وانا حالفه انى لازم اطلع عينه واربيه من اول وجديد عشان يبطل يبص هنا ولا هنا
انا حاسه انه بتاعى يا سالى حاسه انه ملكيه خاصه بيا انا وبس
احتواؤه ليا ده رابكنى .. حابسنى جوه دايرته ومش عارفه اطلع منها .. بالعكس دنا مش عايزه اطلع منها ومبسوطه بيه وبعلاقته وف غموضه معايا ده
حركة كريم دى واللى مشاه بعيد عشان مايقربش منى دى عندى حاجه عظيمه جداااااا تخلينى عاوزه ارجع الشركه دلوقتى حالا اقوله بحبك
سالى : لا . احنا نخلى ليلى معانا ف الخط ... هى اكيد هتجيبلنا قرار اللى اسمها بيرى دى وتحكيلنا الحكايه .... اكيد عندها المفتاح
مى : تمام ! يلا بقا نمشى عشان اتأخرت .. وبالليل هبقى ارن عليك وعلى ليلى نتكلم سوا
..............
شهد : ايه يا داليا مروحه ولا لسا شويه
داليا : لا مروحه اهو عدى عليا ف المكتب
شهد : ماشي .. الفنان لسا عندك
داليا : اه ! بس باله مشغول بحاجه . قاعد ومسهم كده . دخلت عليه من شويه لقيته قاعد القعده بتاعته ووشه لشباك المكتب ومدى ضهره للمكتب بتاعه وسرحان
شهد : طيب يا حبيبتى انا هعدى عليك اخدك وامشي
داليا : يلا بسرعه اكون قفلت الكومبيوتر والمكتب
...........
( الساعه 7 المغرب على الكافيه اللى احمد بيقعد عليه )
مى : احححم . ازيك يا احمد
احمد : اهلا ! ازيك يا مى .
مى : ايه غلست عليك ولا حاجه ؟
احمد : عيييب . اتفضلى اقعدى . تشربي حاجه ؟
مى : لا انا كنت مستنيه حد كده
احمد : حد مين
مى : انت مالك بقيت حشرى كده
احمد : ولا حشرى ولا حاجه فضول بس هههههههههه الواحد بيحب يتكلم معاكى بس
مى : اممممم ماشي يا عم ! قريب اوى هتسمعو اخبار حلوه ف الشركه
احمد : انشالله يارب دايما .. خير
مى : فيه عريس كده يبقي ابن صاحب بابا الله يرحمه متقدملى وانا بصراحه بشاور دماغى كده .. ولما شوفتك قاعد لوحدك دلوقتى قولت سبحان الله محدش هيقدر يساعدنى ف الموضوع ده ويدينى رأي محترم كده وعاقل غير احمد
الحلقة الخامسه من هنا
بدل ماتدور وتبحث علي الروايات خليها علي تليفونك وحمل تطبيقنا
