كانت رشا واقفه امام الموقد ومعها اختها ليلي التي تصنع شايا للضيف وذلك لانها تري ان اختها بالفعل تعاني من عطل بالتفكير الذي يخيم عليه جوا من التشويش والتساؤل..فاخذت تسال نفسها عن السبب وراء مجئ صاحب عملها بنفسه الي بيتها الم تفسر لصديقتها الامر بالفعل ؟ام مازالت لم تبلغه بظروفها ولكن حتي لو الامر كذلك هل الامر كبير للغايه حتي يستدعي اهتمام صاحب المطعم اليه ويهتم حتي يأتي الي بيتها؟ ...زفرت بعمق عندما تذكرت موقفها وهي تفتح الباب له كانت حمقاء ومتوتره
>قبل عشر دقائق<
كانت رشا تدردش مع اختها بينما تساعدان والدتهما في حياكه بعض مفارش السرير حتي سمعوا والدهما ينادي عليهم لكي يروا من الذي علي الباب. فذهبت رشا وفتحت الباب لتصدم بوقوف رفعت قبالتها بابتسامه هادئه ويقول/ازيك يارشا
حاولت رشا لمام شتات نفسها لكي ترد عليه /الحمد لله كويسه.. خير ياحج فيه حاجه.لعنت نفسها علي تورد وجنتيها الواضح وكل هذا بسبب ذلك الحلم الغبي
ظل رفعت محافظا علي ابتسامته وهو يقول/اه كنت عاوز والدك في كلمتين هو موجود؟
رشا قاطبه حاجبيها/اه موجود بس حضرتك عاوزه في ايه؟
رفعت/ايه يارشا مش ناويه تدخليني ولا ايه.
شعرت رشا بحماقتها لتندفع وتقول/لا طبعا اتفضل. وارشدته الي غرفه الضيافه ثم استاذنته لتبلغ والدها بالامر. صحيح انه تفاجئ بالبدايه لكنه جر كرسيه ليري مالامر وذلك بعدما طلب منها ان تصنع الشاي للضيف....افاقت من شرودها علي نداءات اختها المتكرره.
ليلي/ايه يابنتي قلقانه من ايه
رشا/مش قادره افهم ايه سر الزياره دي انتي مش متخيله رفعت بيه بشحمه ولحمه جايلي هنا مخصوص البيت بقي معقوله عشان يقنع بابا يرجعني الشغل
ليلي/معرفش خودي واديلهم الشاي. اذعنت رشا سريعا لتستكشف الحوار الذي يدور بينهما ولكنها للاسف لم تستطع فوالدها طلب منها ترك الشاي والمغادره تاركه اياهما بمفردهما.
**************************
رفعت/مش عاوز ترجعها ليه بقي ماانا اعتذرتلك عن اللي عملته مرات ابني
والد رشا/هي مجبتش حاجه من عندها دي بتحكي اللي سمعته وانا مش ممكن اسيب بنتي للقيل والقال
رفعت/كلام الناس مبيخلصش ومسيرهم هينسوا
والد رشا/اللي مضايقني ان بنتي شافت المرمطه دي بسببي بسبب عجزي وانا مش هقدر اكون السبب في تشويه سمعتها
رفعت/متقولش كده بنتك جدعه وبميت راجل ... و لامؤاخذه يعني انا اعرف ان هي كانت مصدر الرزق الوحيد ليكو دلوقتي هتعملو ايه
والد رشا/هتفرج باذن الله والدتها هتشتغل وانا هدور علي شغل ربنا بيرزق
رفعت/ونعم بالله بس سامحني في الكلام انت بتضحك علي نفسك هو حد لاقي شغل اليومين دول ده الشباب بيتخرجو وقاعدين علي القهاوي.. انا مقدر حالتكو جدا وعاوز اساعدكم
خصوصا بعد اللي عملته مرات ابني
صمت والد رشا لبعض الوقت مفكرا في كلمات رفعت ثم بالاخير قال/هترجع ازاي وفيه لامؤاخذه كلام زي الزفت طالع عليها وعلي حضرتك لا الموضوع ده انا ناهيته
رفعت/طيب اديك يومين تفكر وترد عليا... قاطعه والد رشا/اسف لحضرتك بس انا خلاص صرفت نظر عن موضوع شغل البنات ده وبالذات رشا.
تنهد رفعت وصمت قليلا ثم قال/الواحد كان بيتصرف بحسن نيه بس كلام الناس بيرحمش...تمام انا هتحمل مسؤليه كل المشاكل اللي سببتهالكو
والد رشا/ازاي؟
**************************
في صباح اليوم التالي كان علاء يتحدث مع رفعت ببعض الاعمال لكنه لاحظ فقدان تركيزه مابين الحين والاخر فتنهد وساله/مالك يارفعت فيه مشاكل جدت بينك وبين ولادك تاني ولا ايه
رفعت/انا قررت اتجوز. فتح علاء عينيه علي وسعهما وهو يقول بذهول/ايه!تتجوز
رفعت/اه هتجوز مالك اتصدمت كده ليه
علاء/انت فاجئتني عمرك ماجبتلي قبل سيره قبل كده انك بتفكر تتجوز تاني بعد المرحومه
رفعت/هو يعتبر لسه مشروع جواز العروسه لسه مقالتش رايها
علاء/وياتري مين العروسه
رفعت/هقولك بس متجبش سيره لحد مالموضوع يبقي رسمي ماشي. اومأ علاء له موافقا فاردف رفعت/رشا هي العروسه
علاء بعدم استيعاب/رشا مين!
رفعت/رشا صبري
علاء قاطبا حاجبيه/اوعي يكون قصدك رشا اللي بتشتغل عندنا
اومأ رفعت وقال/ايوه هي.. فاغتاظ علاء وقال بضيق/انت بتهزر ولا بتتكلم جد عشان لو جد يبقي اتجننت رسمي
رفعت /وايه الجنان في كده لا خالفت شرع ولا قانون انا وحداني ومحتاج حد يونسني
علاء بغيظ/وملاقيتش الا دي
رفعت /مالها دي
علاء/يارفعت البت دي تعبانه ادحلبت مره لمديرها القديم ولما ملاقيتش منه رجا سابيته ولما شافتك طيب استغلتك وادي النتيجه
تنهد رفعت وقال/متخترعش قصص من دماغك البت معملتش اي حاجه انا اللي روحت وطلبت ايدها من ابوها
علاء/ليه عملت كده طب فرق السن مش عامله اي اعتبار
رفعت/سني مايعبنيش وبعدين 51سنه مش عجوز اوي يعني عالعموم انا مغصبتهاش علي القبول انا اديتها مهله هي واهلها يفكرو ويردو عليا
علاء بنصف عين/صارحني البت دي عجباك..مش كده؟
رفعت/بيني وبينك انا عملت الموضوع ده عند في عيالي
علاء/وايه دخل عيالك؟
رفعت/البشوات هما السبب في قطع عيش البت
علاء قاطبا حاجبيه/ازاي
رفعت/مرات محمد راحت قلبت ابو البت عليها قال ايه طلع عليها كلام وسمعتها بايظه ده غير موضوع مديرها القديم
علاء/وايه اللي خلاهم يعملو كده
رفعت/الانانيه والطمع خايفين للاشاعات تطلع صح واجيبلهم واحده تقاسمهم في ورثهم فعلا
علاء/اممم عشان كده اتجوزتها؟
رفعت/اه ده غير انها بت جدعه وقد المسؤليه حاسس اني ممكن اطمن معاها بس خايف اظلمها معايا
علاء/هي كانت تحلم تتجوز واحد زيك
رفعت/برضو لما تتجوز واحد في سنها هيفهمها اكتر ويهننها احسن مني ده غير اني متاكد ان عيالي مش هيسبونا في حالنا.
الفصل الثالث عشر من هنا
بدل ماتدور وتبحث علي الروايات خليها علي تليفونك وحمل تطبيقنا
