Ads by Google X

رواية حب اعمي الحلقة الرابعة عشر


#حب_أعمي
( الحلقه الرابعة عشر )
.....
ليلى : واحده جديده ف الحسابات اسمها مى تقريبا
احمد : ( بيحط السماعه على التليفون ) لا ماهو بصى انا هقولك على حاجه
انتى عارفه الاول انى بحبك ولا لا ..!
ليلى : حاجة ايه ! ومالك ريحت اوى كده

احمد : ولا ريحت ولا نيله . دى بنت غلبانه لسا مشتغله اليومين دول ف الشركه ومش هينفع ارفدها دلوقتى يا لولا .. بس اتطمنى انا هبهدلهالك وهخلى الموظفين كلهم يحكو ويتحاكو باللى عملتو فيها
ليلى : لا . تمشيها هى وصاحبتها
احمد : طبعا . لازم يمشوا ... بس يعنى انا بقول نستنى عليهم اليومين دول ... عشان مافيش حد ف الحسابات وكده
ليلى : انت مالك ياعم . مريح كده وحاطط ايدك ف التلج ليه . دى لو حاجه زى دى كانت حصلت قبل كده كنت بتقلب الدنيا
احمد : منا هقلبهالك فعلا . دنا هبهدلها .. بس يعنى انا بقول نصبر بس لغاية ما نجيب محاسبين جداد وبعد كده نعمل اللى احنا عاوزينه
ليلى : طب على الاقل اتصل بيها خليها يجى تعتذرلى هنا قدامك
احمد : حااااضر . بس انا بقول يعنى ان البنت سيبيها تكمل شغلها . انا اصلا طالب منها شوية شغل من الصبح قارفينها تلاقيها بس كانت متضايقه من ساعتها وانتى دخلتى كملتى عليها
ليلى : انا هتصل عليها اخليها تيجى

احمد : استنى بس الله يهديك ماتقلبيش دماغى ... روحى انتى البيت وانا هشدهالك شده محترمه ..
ليلى : ( بتسرح وبتبص ل احمد ) ماشي يا احمممد مااااشي
...........
ليلى : بت يا داليا
داليا : خير يا بت يا ليلى
ليلى : ههههههههههه عامله ايه وحشتينى
داليا : وانتى بخير والله يا لولا ابقى تعالى يا بت دايما اسالى علينا وشوفينا ونشوفك
ليلى : حاضر والله .. المهم قوليلى
داليا : اممممممم
ليلى : هى ايه الحكايه بالظبط
داليا : حكاية ايه ؟
ليلى : احمد اخويا .. انتى مش ملاحظه انه بقاله كم يوم كده مزاجه حلو ورايق ..
داليا : هههههههههههه اه

ليلى : انتى بتضحكى ليه ؟ انتى تعرفى حاجه ومخبياها عليا صح
داليا : اصلك مش هتصدقى لو قولتلك
ليلى : قولى يا داليا بقا حرام عليك
داليا : اخوك بيحب
ليلى : اييييييييييييييييه ؟ احلفى كده ههههههههههه بيحب مين واسمها ايه وبتشتغل ايه وفين
داليا : ولا اعرف عنها اى حاجه .... انا كنت بكلمه من شويه كده هو طلب منى انه يكلمنى ويقعد معايا ولقيته بيسالنى وبيضحك وبيهزر . سألته كده بشكل مباشر انت بتحب ؟ ضحك وسكت ومانطقش
ليلى : ايه الاخبار الحلوه دى يا شيخه انا عاوزه ابوسك .. طيب انتى ماعندكيش اى فكره عن البنت دى تبقي مين ولا منين ولا اى حاجه
داليا : تؤتؤتؤتؤ
ليلى : بقولك ايه ! هما البنتين اللى شغالين ف الحسابات جديد دول . شغالين بقالهم اد ايه
داليا : ده خامس يوم
ليلى : ( بتسهم وبتسرح وبتفتكر ان احمد بقاله بردو حوالي 5 ايام مزاجه حلوه ) معقوله ؟ ( وبتربط اللى حصل جوه ف المكتب وان احمد ماراضاش يعمل حاجه ل مى وسكت )
داليا : ايه يا بنتى روحتى فين ؟

ليلى : مافيش مافيش . انا نازله الحسابات عن اذنك
داليا : حسابات ايه بقا . ليلى بلاش مشاكل دول بنات طبيبين اوى وف حالهم
ليلى : ربنا ما يجيب مشاكل
.............
( ليلى بتدخل مكتب الحسابات . بتلاقى مستر وليد على مكتبه . ومى على مكتبها وسالى على مكتبها وهند على مكتبها )
ليلى : مساء الخير يا مستر وليد
وليد : اهلا يا لولا . ازيك يا حبيبتى كده تيجى من غير ما تستنى تسلمى عليا
ليلى : ماهى الاستاذه قامت بالواجب هههههههههههه
مى : معلش يا انسه ليلى ماكنتش اعرف حضرتك
ليلى : ( بتبص ل مى وبتدقق ف ملامحها بتلاقيها احلى بنوته ممكن تشوفها ) لا ابدا حصل خير ولا يهمك .. انا جايه اعتذرلك
مى : لا يا خبر ماتجيش . انا اللى لازم اعتذرلك
ليلى : خلاص بقا حصل خير هههههههههههه وبالمناسبه دى انا عازماكى انتى وصاحبتك . وهند بردو عشان هنود وحشانى بردو
هند : حبيبتى يا لولو . بس النهارده مش هينفع والله خارجه مع خطيبى
ليلى : خلاص المره الجايه هتيجى معايا يا هنود
هند : حاضر
ليلى : قولتو ايه يا بنات بقا . نخرج نشرب حاجه ؟

مى : هههههههههه ياسلام . طبعا . هو انا اطول اتعرف على القمر ده
سالى : ربنا يكرمك يا انسه ليلى والله . ماشاء الله زى القمر وذوق جدا
وليد : مش قولتلكو يا بنات ان ليلى اطيب قلب ممكن تقابلوه
ليلى : عن اذنك بقا يا مستر وليد هاخدهم ونخرج خمسه
وليد : تخرجى ايه دلوقتى ماينفعش ... لسا ساعتين
ليلى : لا هنخرج دلوقتى مافيش وقت
وليد : بقولك ايه يابنتى .. اخوكى لو عرف هيعلقنا كلنا ههههههههههه انتى تايهه عن اخوك
ليلى : طب هات تليفونك ...
وليد : اهو . اما نشوف اخرتها
ليلى : ( بتتصل على احمد ) احمممد
احمد : الو ! ايوه يا لولا فينك روحتى فين
ليلى : انا ف مكتب الحسابات .. نزلت اعتذر للبنات اللى شديت معاهم وهاخدهم وهنقعد على كافيه نشرب حاجه دلوقتى معلش عشان خاطرى
احمد : يعنى ايه مش فاهم ؟

ليلى : هههههههههه هاخدهم وننزل دلوقتى
احمد : ( بيسكت ثوانى )
ليلى : احممممد ها قولت ايه
احمد : ماشي يا ليلى
ليلى : حبيبى ! باى باي
احمد : باى
............
( ف الكافيه )
ليلى : تعالو اتفضلو يا بنات ... والله العظيم قمرااااات . ايه الجمال والرقه دى
مى : انتى اللى زى العسل يا ليلي

سالى : لا انتى اللى زى القمر والله وطلعتى بنت بلد . انا ومى كنا خلاص بنقول اننا اترفدنا هههههههههه
ليلى : بصراحه بقا ومن غير زعل . انا فعلا كنت ناويه على كده وفعلا طلعت كلمت احمد اخويا ف كده بس لقيته متبت فيكو ومش عاوز اصلا يسمع كلامى .. مع انها حاجه غريبه . انا لو طلب زى ده طلبته او فكرت فيه قبل كده كان بيهد الدنيا وكان ممكن يعمل مشاكل بس لقيته بيهدينى كده هههههههههه
مى : ( ابتسامه بتترسم على وشها فيها كل معانى الغرام والهيام والعشق جوه الصدور )
ليلى : ( بتاخد بالها من رإكشنات مى )
سالى : مستر احمد شخصيه لطيفه جدا وشخصيه جذابه جداا ويجبر اى حد يشتغل معاه انه يحبه
مى : بس انا ليا عندك حكايه كده يا ليلى لو سمحتى احكيها . طالما انتى حكيتى بصراحه
ليلى : ياريت ... احكى
مى : ليه مستر احمد قابلنا مره واتنين وتلاته وعرفنا نفسه على انه شغال ف الشركه وف المبيعات ... مش صاحبها ؟
ليلى : ايه ؟ لا افهم بقا معلش يعنى ايه ؟ قولى تانى كده

                 الحلقة الخامسة عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-