#حب_أعمي
( الحلقه السابعة عشر ) ( نهاية الجزء الاول )
.....
مى : ااااه ! لا لا خلاص مالوش لزوم ماحنا زمايل هنا اهو وخلاص
احمد : ( بيكشر وشبه بيزعق ) يعنى ايه يعنى مش فاهم
مى : ايه يا احمد مالك ؟
احمد : لا ابدا .. عن اذنك بقا عندى شغل
مى : ماشي يا باشا
...........
ليلى : فهمت ياسطا هتعمل ايه ؟
هشام : خلاص يا ست ليلى فهمت .. هدخل اسال عنها كده واهزر معاها ف الشركه
ليلى : المهم لو انضربت النهارده انت ماتعرفنيش
هشام : هننضرب من مين مش قولتى ان اخوك بس اللى هيشوفنى
ليلى : وانت يعنى مستقل باخويا هههههههههه ماهو ده اللى عليه الكلام وممكن يديلك اللى فيه النصيب
هشام : بزمتك يعنى صاحب شركه زيه كده هيضرب والكلام الخايب ده
ليلى : انا قولتلك اللى عليا بقا . والبنت عندها علم ومستنياك ... عاوزين شوية شطه يا اتش انا جايباك انت عشان حاجتين
الاولى انك بارد وهتعرف تستفز احمد
والتانيه انك نحنوح واحمد مابيكرهش ف حياته اد النحنوحين ههههههههههههه
هشام : هههههههههههههه دا عشان انتى متغاظه منى بس . انا قايم بقا
.............
داليا : الو ! مستر احمد وفد شركة الحسن وصلو يا فندم
احمد : خليهم يتفضلو انا مستنيهم من بدرى .. واتصليلى على وليد خليه ييجى
داليا : حاضر يا فندم
.......
احمد : اهلا .. اهلا يا عم سليم نورت الشركه
سليم : ( 32 سنه . نائب رئيس شركة الحسن وابن صاحبها ... وسيم وغنى وبريستيج ومنصب عالى ) حبيبى يا ابو حميد . واحشنى والله بقالى كتير ماشوفتكش
احمد : يا اخويا ظبط انت بس وقتك ونتقابل ف اى وقت انت اللى مش هنا خالص
سليم : غصب عنى والله
زياد : ( 27 سنه محاسب ف شرك الحسن والمسؤل عن التسويق . ابن ناس وشكله حلو ومبسوط ماديا ) ازيك يا مستر احمد
احمد : اهلا يا زوز واحشنى والله .. تشربو ايه يا جماعه
سليم : انا لو ممكن قهوه مظبوط
زياد : ساده يا باشا
احمد : عنيا .. الو ! داليا فين وليد
داليا : على وصول يا فندم هو جاى
احمد : تمام ..شوفيلنا اتنين قهوه واحده مظبوطه والتانيه ساده . ومظبوطه ليا
داليا : حاضر يا فندم
.............
وليد : مساء الخير يا جماعه
سليم : اهلا ! ازيك يا مستر وليد
وليد : حبيبى يا سليم .. ازيك يا زياد
زياد : تمام يا مستر والله بنتعلم من حضرتك
وليد : اتفضلو يا جماعه
احمد : مستر وليد . هتدرس العقود اللى سليم جايبها وتشوف البنود بتاعتها ... رغم انى مش حابب اراجع وراكو عشان عارف عروضكو بس طالما دى رغبة منير بيه ابوك يا سليم يبقي على عينى .... وخلص معاهم يا وليد ولو اتفقت ... هنعمل لجنه من عندنا وعندهم ويقعدوا مع بعض عشان نرتب الشغل
سليم : احنا مش عاوزين غير ان الالتزام بمواعيد التسليم بس يا احمد .... ودى الحمد لله عندكو عاليه اوى ومافيش قلق ف الكلام ده ... ولينا قعده مع الحسابات بتاعتك عشان نرتب الخصم والتحويل هيبقي ازاى ..
احمد : على خيرة الله .. والبركه ف مستر وليد
سليم : صحيح انا شوفتلك اتنين محاسبين زى الفل . مش كنت بتقول انك عندك نقص ف المحاسبين
احمد : لا منا تمام ربنا رزقنا باتنين شاطرين
سليم : تمام يا ريس
احمد : هتجهزوا العقود الاخيره امتى يا زياد
زياد : حضراتكو بس تبصوا ع العقود الابتدائيه ولو فيه اى تعديل من عندكو هنعدله ونجيب العقود بكره ونمضيها كلها مره واحده
احمد : تمام . قوم معايا يا سليم نبص بصه كده على المصنع
سليم : يلا بينا ...
احمد : كمل كلام مع زياد بقا يا مستر وليد على ما اخد سليم وافرجه المصنع
...........
( بعد ربع ساعه )
سليم : لا ماشاء الله ايه العظمه دى ... ابوك تعب جدا ف الشغل ده . ربنا يبارك ويباركلك انت كمان دانت كبرت الشغل عن الاول بردو
احمد : الحمد لله . وبعدين انا بشتغل على الاسم اللى عمله ابويا مافيش احسن من كده استثمار عن اذنك يا سليم دقيقتين بس وجايلك
سليم : اتفضل يا ريس انا هجيبلى شاى من هنا
.......
( سليم بيشوف مى وهى ماسكه ورق وطالعه بيه الاسانسير ناحية الحسابات وبتقع منها ورقه )
سليم : لو سمحتى لو سمحتى
مى : ايوه !
سليم : الورقه دى وقعت منك ( بيوطى يجيب الورقه وبيديهالها )
مى : سورى جدا معلش
سليم : ايه ! لا حصل خير انتى حضرتك شغاله هنا
مى : اه يا فندم ..( بتبصله بتفتكره انه هو هشام اللى ليلى متفقه معاه عشان يضايقوا احمد وبتفتح معاه كلام وعاوزه احمد يشوفهم ) وانت بقا من هنا ف الشركه ؟
سليم : لا انا اول مره ادخل الشركه النهارده وشكلى حبيتها
مى : ( بتضحك وبتبتسم ... كل ده وهى مقتنعه ان ده يبقي هشام اللى ليلى متفقه معاه على احمد ) ههههههههههه مستر احمد فين صحيح ؟؟
...............
( احمد بالصدفه بيشوفهم واقفين مع بعض بيضحكوا من بعيد )
الجزء الثاني الحلقة الاولي من هنا
بدل ماتدور وتبحث علي الروايات خليها علي تليفونك وحمل تطبيقنا
