Ads by Google X
رواية حب اعمي الجزء الثالث الحلقة الاولي -->

رواية حب اعمي الجزء الثالث الحلقة الاولي

رواية حب اعمي الجزء الثالث الحلقة الاولي

    #حب_أعمي_الجزء_التالت
    (الحلقه الأولى ) 
    ........
    ( سالى ومى بيتكلمو على جنب لوحدهم )
    سالى : بقولك ايه حركه النهارده دى مخليه جسمى يقشعر هههههههههههههه الواد طلع بيفهم
    مى : لا ولسا . حركة الغدا واليوم الاضافى بتاع الناس
    سالى : لا لا انتى تحمدى ربنا انه عمل الحركه دى ... وزى ما ليلى قالتلك امبارح واحنا بنتكلم انه استحاله هيعمل كده وفضلت تضحك وتتريق عليك

    مى : هيعملها .. ولو معملهاش هسيبله الشركه زى ما قولتله امبارح
    ...........
    احمد : انتى يا زفته ياللى اسمك داليا
    داليا : هههههههههههههه ايوه يا مستر احمد
    احمد : اتصلى على المشتريات خليهم يطلعوا ياخدوا فلوس م الحسابات ويروحو يجيبو وجبه لكل العمال اللى موجودين .... وانتى اتصلى على مستر وليد خليه يطلع لكل عامل اجرة يوم النهارده استثنائي ...
    داليا : ههههههههههههه ايه ده يا فندم بسبب ايه
    احمد : اهو ربك بيسلط ابدان على ابدان . اخلصى
    ...........

    داليا : الو ! شوشو
    شهد : ايه يا داليا خير
    داليا : لا ده خير اوى . الفنان مزاجه رايق النهارده , بقولك ايه نسقى مع المشتريات وطلعولهم تمن وجبات غدا لكل العمال زياده عليهم يوم اضافى النهارده لكل عامل
    شهد : ايه ده ؟ بمناسبة ايه ؟
    داليا : معرفش ! مش بقولك الغزاله رايقه . وحاجه قمر ههههههههه
    شهد : ههههههههه انشالله يارب .. خلاص هنسق معاهم
    ..........
    كريم : ( مسؤول ف المشتريات ) ايه يا شهد طلعتولنا الفلوس ؟
    شهد : اه يا كريم . الفلوس مع مستر وليد ادخل امضى عليها بس ,,
    كريم : بس الحركه دى ماتعملتش من كتير
    شهد : ياعم هو اكل وبحلقه هههههههههه مش احسن من مافيش
    كريم : على رأيك .. مستر وليد جوه ؟
    شهد : اه يا باشا جوه
    ........

    كريم : مساء الخير يا مستر وليد ..
    وليد : اهلا يا كيمو تعالى وقع .. هتنزل انت تشترى ولا هتبعت رائد ؟
    كريم : لا هنزل انا ورائد .. مساء الخير يا بنات
    هند : اهلا يا كيمو عامل ايه ؟
    كريم : الحمد لله .... هو انتو المحاسبين الجدد ؟
    مى : اه يا مستر
    كريم : مستر ايه بقا انا زميلكو .. وان شاء الله الشركه تكون عجبتكو
    سالى : كفايه الناس المحترمه اللى بنشتغل معاهم
    كريم : ربنا يكرمك .. ( بيبص ل مى بتمعن زياده ) طب يا جماعه ايه . اسماؤكو ايه بقي ؟
    مى : انا مى .. وهى سالى
    كريم : اهلا وسهلا .... صاحبكو وزميلكو كريم
    وليد : خد يا كيمو وقع وماتتأخروش بقا
    كريم : عيونى يا مستر .. ( بيرجع يبص ل مى وهى بتاخد بالها وبتدور وشها الناحيه التانيه )
    ...............

    كريم : بت يا شوشو الحقينى
    شهد : ايه يابنى خير
    كريم : ايه العسل اللى قاعد جوه ده ؟
    شهد : قصدك مين ؟ وبعدين وطى صوتك ل مستر احمد يسمعك ولا يسمع ويروح يقوله
    كريم : هو مين هيقوله بس . بقولك ايه انا وقعت ... هى مرتبطه ؟ ولا مخطوبه ولا اى حاجه ؟
    شهد : لا انسه لسا ؟ وبعدين يا عم كريم ابوس ايدك وبلاش كلام مع اى محاسب بالذات . مستر احمد محرج . ده قبل كده بهدل شريف ابن مستر وليد عشان دخل وكلمهم وقعد معاهم خمس دقايق . ماتعملش لنفسك وتعملهم هما كمان مشاكل .
    كريم : لا ماتقلقيش . انا هحاول الاغيها بره
    شهد : ماشي س خلى بالك دى بنوته بنت ناس جدا
    كريم : وهو احنا عاوزين ايه غير كده .... انا بقول هحاول الاغيها يعنى هحاول اكلمها حتى اسال عنها وكده
    شهد : ربنا معاك ... اخلص بقي روح شوف رايح فين
    كريم : باى يا عسل
    .......

    بيرى ( موديل , شعر واستايل وحركات وجميله جدا ) : دودوووو
    داليا : ايه ده . استاذه بيرى . فينك وحشانى جداااااا
    بيرى : هههههههههه موجوده يا روحى اهو بقالنا كتير ما تشغلتش معاكو
    داليا : يعنى هو لازم يكون فيه شغل عشان نشوف القمر ده هههههههه
    بيرى : انا اسفه فعلا بس والله غصب عنى مشاغل بقا مانتى عارفه طبيعة شغلى
    داليا : عارفه والله ربنا يعينك
    بيرى : بقولك ايه ! احمد جوه ؟
    داليا : اه جوه ثوانى هبلغه .. تحبى تشربي حاجه ؟
    بيرى : اه يا ريت لو نسكافيه بقا وهاتوهولى جوه اشربه مع احمد لان فيه شغل كتير معاكو الفتره الجايه وهتفق معاه .. هو على علم وعارف
    داليا : طيب تمام ثوانى . الو ! مستر احمد . استاذه بيرى هنا يا فندم وعاوزه تشوف حضرتك
    احمد : خليها تتفضل .
    داليا : اتفضلى يا حبيبتى
    ............

    بيرى : ايه يابنى ده عمال تحلو ليه
    احمد : هههههههه محدش حلو غيرك هنا يا بيرى . تعالى اتفضلى . تشربي ايه
    بيرى : طلبت بره نسكافيه وانا مع داليا
    احمد : عامله ايه ف شغلك
    بيرى : تمام اهو السوق نايم اليومين دول بس فيه عروضات الفتره الجايه ومطلوبه ف كذا عرض ازياء
    احمد : يا باشا هما هيلاقو زيك فين بس
    بيرى : ماتقول لنفسك ... مش مديلى ريق حلو ليه انت بس
    احمد : هو احنا هنفتح السيره دى تانى ولا ايه يا بيرى
    بيرى : بس انا ماقفلتهاش وهفضل ازن عليك كده .. انت يا واد عاجبنى هههههههههه دانت جبله
    احمد : همشيك والله واشوف غيرك ...
    بيرى : وانت تقدر ؟ ههههههههههه ماتقدرش تعملها
    احمد : طيب نتكلم ف الشغل بقا
    بيرى : نتكلم ياخويا ...
    احمد : تعالى يا عبدالله هات النسكافيه لاستاذه بيرى .. وابعتلى داليا وانت خارج والنبى
    عبد الله : حاضر يا مستر
    .............

    ( ميعاد الراحه )
    شهد : بقولكو ايه يا بنات ماتيجو نشرب حاجه ف الكافيه اللى بره الشركه
    مى : يلا .. رنى على داليا خليها تيجى
    شهد : لا اتصلت عليها قالت اسبقونى . هى خمسه وجايه . قاعده مع بيرى واحمد
    مى : بيرى ؟ بيرى مين دي ؟
    شهد : بيرى مين دى ؟ دى miss egypt السنه اللى فاتت .. حاجه فخمه كده وبنت عز وصاروخ ماشى على الارض هههههههههههه عينيها على احمد والكلام ده سر ... هههههههههههه يلا يلا انا جوعت وريقى نشف عاوزه اشرب حاجه
    مى : تصدقى انا كمان ريقى نشف ... وشكلها نشفان بنشفان بقي وهتبقي ليله طين ع الكل

                                  الحلقة الثانيه من هنا

    إرسال تعليق