Ads by Google X
رواية حب اعمي الجزء الثاني الحلقة الخامسه -->

رواية حب اعمي الجزء الثاني الحلقة الخامسه

رواية حب اعمي الجزء الثاني الحلقة الخامسه

    #حب_أعمي_الجزء_التانى
    (الحلقه الخامسه ) 
    ........
    ليلى : اخويا ف اوضته . هينزل دلوقتى عشان نتعشي ...هبقي اكلمك بالليل عشان نتفق هنعمل ايه وهنتصرف ازاى .... احمد لازم يغير عليك جامد اليومين الجايين دول
    ( احمد واقف بره اوضة ليلى وسامعها وهى بتتكلم )
    .....

    ام احمد : ليلى ! يا لوووولا ..
    ليلى : ايوه يا مامى
    ام احمد : اطلعى اندهى لاحمد خليه ينزل يتعشى هو من ساعه ما جه من بره وهو نايم
    ليلى : ماشي
    .....
    ليلى : ماما احمد مش ف اوضته
    احمد : انتو بتدوروا عليا ولا ايه ؟ انا كنت قاعد ف الجنينه من بدرى
    ليلى : طب يلا عاوزين نتعشي
    احمد : هاتو العشا وتعالو ناكل بره ع البيسين الجو بره تحفه
    ..........

    ( وهما بيتعشوا )
    احمد : اخبارك ايه يا لولا ؟
    ليلى : بخير يا قلب لولا ...
    احمد : روحتى فين انتى واصحابك دول
    ليلى : مافيش روحنا كافيه كده شربنا حاجه وجينا منا ماتأخرتش وكلمتك على طول .. انت اللى كنت فين ؟
    احمد : انا بردو كنت مع ناس كده معرفه .. يلا ربنا يوفق الدنيا على بعض .. انا قايم اروح اقعد شويه ع الكافيه اللى بقعد عليه شويه ..
    ليلى : اجى معاك ؟
    احمد : لا خليك .. انا احتمال اقابل البت اميره
    ليلى : اميره ؟ انا مابستريحش للبت دى على فكره .. انتهازيه كده وبتحب تطلع من وراك او من ورا غيرك اى مصلحه
    احمد : وانتى يعنى شايفانى صغير ؟ منا عارف ... بصى يا لولا هقولك حاجه ... اخوكى مش صغير . انا ببقي فاهم طبيعة كل اللى حواليا بس سايب كل واحد يجيب اخره .. اخدالى بالك ؟
    ليلى : اه واخده بالى
    ..........

    ( بعد ربع ساعه احمد بيخرج )
    ليلى : الو ! بقولك ايه ... تعرفى تلبسي وتخرجى دلوقتى .. الساعه لسا 7
    مى : اخرج اروح فين دلوقتى
    ليلى : عاوزاكى تطبى على احمد ف الكافيه اللى بيقعد عليه ... كأنك شوفتيه بالصدفه واهو تقعدى معاه شويه تصفى الجو
    مى : مش عارفه ماما مش هتوافق تخرج دلوقتى ..
    ليلى : اديلى اكلمها ... هى مش هتقولى حاجه منا كلمتها المره اللى فاتت
    مى : استنى !
    ...........
    احمد : الو ! ازيك يا ميرو
    اميره : ايه يا باشا فينك انا قولت انت نسيتنى خالص
    احمد : هههههههه انا اقدر بردو .. بقولك ايه ماتيجى الكافيه انا قاعد زهقان ومش عارف اعمل ايه ولا اروح فين
    اميره : ادينى ربعايه بالكتير هكون عندك
    احمد : مستنيك
    ....

    احمد : ( بيكلم نفسه ) ان ما طلعت عينيكو مابقاش انا ... بتشتغلونى ؟ بتشتغلونى انا
    ............
    ( بعد 20 دقيقه )
    مى : احم احم .. ايه ده انت حضرتك هنا
    احمد : اهلا ! ازيك يا مى
    مى : ازيك انت يا بنى انا مش بشوفك ف الشركه خالص ليه
    احمد : مشاغل بقا . خير
    مى : ايه البواخه دى مش هتقولى اتفضلى
    احمد : اه طبعا يا سلام .. اتفضلى .. تشربي ايه
    مى : لا ماليش نفس
    احمد : لا لازم تشربي حاجه . اجيبلك لمون ؟
    مى : ماشي
    احمد : انتى بتعملى ايه ف وقت زى ده لوحدك بره البيت
    مى : مش اوى كده الساعه لسا ماجتش 8 . كنت بزور واحده صاحبتى ولقيت نفسي قريبه من هنا قولت اجى اشرب حاجه ... كان عندى احساس انى هقابلك على فكره

    احمد : بجد ؟
    مى : ايه ! هى المقابله دى مش على مزاجك ولا ايه . انا آسفه ... عن اذنك
    احمد : بلاش رخامه واقعدى
    مى : اصلك دمك تقيل مش عارفه ليه ... انا هلاقيها منين ولا منين ؟
    احمد : لا خير مين اللى مضايقك
    مى : هيكون مين يعنى ... الاستاذ اللى شايف نفسه عندكو ف الشركه
    احمد : قصدك مين
    مى : المدير بتاعكو ! ده أغتت مدير قابلته ف حياتى
    احمد : استغفر الله العظيم يارب .. عملك ايه
    مى : انا مش عارفه والله بجد شايف نفسه على ايه ... ويخصم عليا 5 ايام ليه يعنى ؟
    احمد : خصم عليك 5 ايام ؟ لا استنى بقا . هو اه شديد شويه ف شغله بس مش ظالم ... اكيد عملتى مصيبه
    مى : ولا مصيبه ولا حاجه .. دنا مظلومه والله ف الحوار ده
    احمد : حوار ايه بقي .. احكيلى كل حاجه . بالتفصيل ها
    مى : وعاوز تعرف بالتفصيل ليه يعنى ؟

    احمد : يعنى عشان اقدر اساعدك ... لو لقيتك مظلومه انا ممكن اكلمهولك على فكره
    مى : وتكلمه ليه ...
    احمد : عشان يشيل الخصم وال 5 ايام دول
    مى : وانت مين قالك انى عدت رايحه الشركه دى من اساسه
    احمد : نععععم ؟ يعنى ايه
    مى : يعنى زى ما سمعت ... هروح بكره اصفى شغلى واخد حساب الكم يوم اللى اشتغلتهم واتوكل على الله . انا استحاله هقدر اشتغل ف مكان زى ده . المدير بتاعه مربي رعب لكل الناس وبيظلمهم من غير حتى ما يدافعوا عن نفسهم .. ال وايه يخصملى انا 5 ايام مره واحده
    احمد : مانتى هتحكيلى اهو عشان اقدر اساعدك
    مى : بص يا سيدى !
    انا كنت تحت وطالعه على الحسابات تانى لقيت واحد بيقولى لو سمحتى يا انسه فيه ورقه وقعت منك واستنى . خدت الورقه منه وشكرته . ولما عرفت انه يبقي صاحب شركه تانيه وكان مع مستر احمد سيبته على الفور ومشيت
    احمد : ايوه بس انتى فضلتى واقفه وضحكتى معاه
    مى : وانت عرفت منين ؟
    احمد : عرفت ايه ؟

    مى : ( بتمسك نفسها باقصى درجات ضبط النفس انها مايبانش عليها ضحك او اى حاجه ) عرفت منين انى وقفت وضحكت معاه
    احمد : ده اكيد يعنى ! ماهو لو انا مشيتك من غير كل ده ابقي مابفهمش
    مى : تمشينى ؟ وانت تمشينى بتاع ايه ؟
    احمد : هو مين ده اللى يمشيك ؟ انا بقول عليه هو . انا مالى
    مى : ( بتدور وشها الناحيه التانيه كانها بتمسك وشها بمنديل وبتبتسم غصب عنها )
    احمد : المهم هاا كملى
    مى : بس يا سيدى لقيته نده ل مستر وليد وسمعه كلام زى السم بسببى وخصملى 5 ايام وقاله لو اتكرر الموضوع ده تانى مش عاوزها ف الشركه
    احمد : ايوه بس هو مش غلطان على فكره
    مى : كان المفروض الاول يناديلى يا احمد ويسمع منى انا عملت ولا معملتش .. ولو كنت عملت يبقي عملت كده ليه . لكن من نفسه يقرر انه يحكم عليا من غير ما يسمعنى ده ماينفعش
    احمد : يمكن مايقدرش يناديلك يكلمك
    مى : ليه يعنى ؟
    احمد : معرفش
    مى : هو انسان بارد على فكره
    احمد : بلاش شتيمه
    مى : ومستفز
    احمد : قولنا بلاش شتيمه
    مى : لازم يتشتم على فكره ....
    احمد : لا مش لازم لمى لسانك شويه .. ده مهما كان يعتبر صاحبى

    مى : انا مش عارفه انت مصاحبه على ايه ؟ يابنى والله ابعد عن الناس دى وانت الكسبان .. زى منا هروح كده بكره هقوله الكلام ده ف وشه وهسيبه وهمشي م الشركه كلها
    احمد : لا ماهو احتمال مايروحش الشركه بكره
    مى : ( بتعض على شفايفها من كتمة الضحك ) ليه يعنى . وراه ايه الاستاذ ده
    احمد : مش عارف بس مش هيروح .. قوليلى بس طلباتك عشان ابلغهاله عشان موضوع انك تسيبى الشركه ده تشيليه من دماغك خالص
    مى : لا لا ماتحاولش . انا قررت خلاص
    احمد : قوليلى بس ومش هتخسرى
    مى : اولا ! يعتذرلى قدام المحاسبين اللى زعقلى وخصملى قدامهم
    احمد : نعم ياماما ؟ هو مين ده اللى يعتذرلك ؟ اجرى اجرى

    مى : اهو شوفت ... يبقي خلاص الموضوع منتهى
    احمد : مانتى بتطلبى حاجه صعبه الحقيقه .. هو مش هيوافق
    مى : براحته بقا .. ده اول شرط
    احمد : طب بصى ! هو مقدور عليها .. هيبعتلك برقية اعتذار لمكتب الحسابات . ودى مش بيعملها لاى حد على فكره ... وهشيل الخصم اللى عمله
    مى : لا بردو مش.....
    احمد : بقولك ايه .. مشيها بقا .. عشان خاطرى
    مى : امممممم ماشي ... نيجى بقا ل تانى شرط
    احمد : اتفضلى
    مى : يصرف يوم اضافى لكل عمال الشركه ويجيبلهم غدا على حساب الشركه .. عشان يرجعوا يحبوه من تانى
    احمد : هأوأواواوا انتى بتطلبى طلبات غريبه على فكره ابقي شوفي مين هينفذهالك

                      الحلقة السادسة والاخيره من هنا

    إرسال تعليق