Ads by Google X
رواية حب اعمي الجزء الثاني الحلقة السادسه والاخيره -->

رواية حب اعمي الجزء الثاني الحلقة السادسه والاخيره

رواية حب اعمي الجزء الثاني الحلقة السادسه والاخيره

    #حب_أعمي_الجزء_التانى
    (الحلقه السادسه ...نهاية الجزء التاني) 
    ........
    مى : يصرف يوم اضافى لكل عمال الشركه ويجيبلهم غدا على حساب الشركه .. عشان يرجعوا يحبوه من تانى
    احمد : هأوأواواوا انتى بتطلبى طلبات غريبه على فكره ابقي شوفي مين هينفذهالك
    مى : انا قايمه ماشيه بقي وبكره ربنا يحلها هستنى للساعه 2 لو مالقتش طلباتى دى اتنفذت قول لصاحبك ده يعتبرنى ماشيه وسايبهاله
    احمد : ما تخليك شويه

    اميره : مساء الخير
    احمد : مساء النور ! طيب اشوفك انتى ف الشركه بكره يا مى
    مى : لا هستنى شويه اشرب اللمون اللى انت طلبتهولى
    احمد : لمونهم مش حلو هنا
    اميره : مش تعرفنى بالانسه
    احمد : دى مى معانا ف الشركه ودى اميره
    اميره : شركتك ؟
    احمد : اه شركتى اه اللى انا شغال فيها
    اميره : ايه ؟
    احمد : ايه ايه ؟

    مى : ( فاهمه رإكشنات احمد وماسكه نفسها بالعافيه ) بس ماشاء الله عليكى يا استاذه اميره زى القمر
    اميره : مش اجمل منك ,,, ايه يا احمد انت تعرف الجمال ده منين بس
    احمد : ( وشه بيحمر وجايب ألوان وخايف اميره تتكلم )
    مى : طيب انا هستأذن بقي يا احمد وماتنساش اللى قولتلك عليه بكره بقي
    احمد : اه ان شاء الله ... اجى اوصلك
    مى : لا مانت عارف انى مابركبش مع حد غريب
    احمد : ماشي ... تمام .. اتفضلى
    ........
    اميره : ايه يابنى . دى الجو بتاعك الجديد ولا ايه
    احمد : جو ايه ؟ لا انا مش بتاع جو انا ... سيبك انتى بس انا عاوزك ف موضوع كده
    اميره : موضوع ايه يا كبير
    احمد : الواد سليم
    اميره : ماله سليم .. اؤمرنى
    ..............

    مى : الو !
    ليلى : الو ايه الدنيا
    مى : ( بتضحك ف الشارع بشكل هيستيرى وبتخبط على رجليها ) انا النهارده كنت بموووووووووووووووووووت بسبب اخوك ... رإكشناته مالهاش اى تلاتين حل يا عينى ووقع بلسانه ف الكلام كذا مره بس كان بيحاول يخلينى ماخدش بالي .. اخوكى ده سكر على فكره والله كنت هقوله انى بحبك ياواد انت
    ليلى : ههههههههههههه انتى فين دلوقتى
    مى : يدوب لسا خارجه بره الكافيه اهو هوقف تاكسي وهمشي ...
    ليلى : طيب لما تروحى كلمينى
    مى : منا لازم اكلمك . عشان افهم مين اميره اللى جاتله دى
    ليلى : هى اميره جاتله ؟
    مى : انتى عارفه انها جاياله ؟
    ليلى : اه ! ماتشغليش بالك هى بتاعة شغل بس وطالما احمد كلمها يبقي اكيد عاوز منها مصلحه ف شغله
    مى : مصلحة ايه يا ام مصلحه . وهو يقعد معاها بتاع ايه . لا الكلام ده لازم يتغير .. خلينى بس اوصل البيت وهكلمك
    ليلى : اوكى .. خلى بالك من نفسك
    ...........

    سالى : الو ! ايه يا ميويه فينك
    مى : راكبه ومروحه يا روحى انتى فين
    سالى : ف البيت .. خلى بالك من نفسك واما توصلى طمنينى عليك
    مى : حاضر .. هعمل مكالمه جماعيه لينا احنا وليلى عشان عاوزاكو ف موضوع كده . انا كنت بموت من كتر الضحك من شويه
    سالى : اه منا بكلمك عشان اعرف انتى عملتى ايه ف المقابله
    مى : هههههههههههههه كانت مقابله مسخرررررره . احمد ده سكر اصلا
    سالى : ههههههههههههههههه فعلا والله سكر
    مى : باى باى دلوقتى يا روحى وشويه هكلمكو
    سالى : باى يا قلبى
    .........

    احمد : فهمتى ؟
    اميره : فهمت يا ريس . انت عاوز يتلهى ف الحكايه دى ومايجيلكش الشركه تانى ؟
    احمد : بالظبط . انا عاوز تجيله مصيبه تقعده ف البيت شهرين بحالهم
    اميره : بس ليه يعنى دانتو اصحاب
    احمد : اصحاب حاجه والشغل حاجه يا ميرو
    اميره : شغل ايه يابنى مش المفروض انك كنتو هتوقعوا عقد مابينك وبين شركته النهارده تقريبا او بكره
    احمد : مش مهم عقود بقا .. العقد ماكنش هيجيب همه انا كنت هديله الصفقه دى عشان منير بيه ابوه ... لكن سليم عيل مايستاهلش ..
    اميره : مانت لو تريحنى بس وتقولى عملك ايه
    احمد : مالكيش فيه . هتعملى اللى قولتلك عليه ولا لا ؟
    اميره : اعتبره حصل يا كبير خلاص عيب
    ...............

    ( تانى يوم )
    احمد : الو !
    داليا : الو ! ايوه يا مستر احمد
    احمد : داليا ! اتصليلى كده على المحاسبين شوفيهم كلهم وصلو ولا لا
    داليا : كلهم وصلو يا فندم ماعدا الانسه مى
    احمد : ليه ان شاء الله ؟
    داليا : تحب اتصل عليها يا فندم ؟
    احمد : اه شوفيها كده مجتش ليه ...
    داليا : حاضر يا فندم
    احمد : ولا اقولك ! اتصلى على شهد خليها هى تتصل عليها ... شهد سكرتيرتهم هما
    داليا : حاضر
    ..........
    شهد : الو !
    مى : الو ايوه
    شهد : ايه يا مى فينك
    مى : مافيش زفت مواصلات . والطريق واقف وحاجه اخر قرف
    شهد : يعنى انتى جايه ولا مش جايه
    مى : انا جايه والله بس غصب عنى .. الطريق واقف خالص النهارده
    شهد : طيب حاولى ماتتأخريش بس عشان الناس بتسال عليك
    مى : ناس مين ؟
    شهد : المحاسبين . وداليا كلمتنى بتسال عليك
    مى : ( بتضحك ) لا حاضر اهو والله غصب عنى ... ربع ساعه بالكتير هكون موجوده
    ...........

    ( الساعه 11 )
    احمد : داليا ! تعاليلى من فضلك
    داليا : حاضر يا فندم
    ........
    احمد : بصى ادى الظرف ده لمستر وليد وماتقفيش وتعالى
    داليا : تحت أمرك
    .........
    داليا : مستر وليد ... مستر احمد باعتلك الظرف ده
    وليد : ظرف ايه ؟
    داليا : مش عارفه هو بلغنى اديه لحضرتك
    وليد : ماشى يا دودو متشكر ...
    داليا : عن اذنك . عن اذنكو يا بنات
    مى : مع السلامه يا دودو
    ........

    وليد : ( بيفتح الظرف بيلاقى ورقه مكتوبه بخط ايد احمد مكتوب فيها )
    " يا مستر وليد . اقرا الكلام بصوت عالى قدام محاسبينك اذا تكرمت , زى ما تجنيت على الانسه مى وظلمتها امبارح بخصوص موضوع الاستاذ سليم .. ولما عرفت ان الموضوع فيه لبس وفيه سوء تفاهم قررت انى ماكابرش واعتذر للانسه مى وبشيل الخصم اللى عملته عليها . وفوق منه 3 ايام اضافى ليها تعويضا عن اي ضرر سببتهولها "
    هند : هههههههههههههههه الله الله . ايه الاخبار الحلوه دى
    وليد : هههههههههههه على فكره دى اول مره تحصل حاجه زى دى ف الشركه
    سالى : ايوه بقا هههههههههههههه ( بتبص ل مى )
    مى : ( بتدمع كده لانها بتعرف غلاوتها عنده ) والله مش عارفه اقول ايه
    شهد : ههههههههههههههههههه الله الله انا سامعه مستر وليد وهو بيقرأ الجواب من بره جيت جرى ايه الجمال ده .. محدش قدك يا ست مي والله
    مى : متشكره جدا لذوقكو يا جماعه
    .............

    ( سالى ومى بيتكلمو على جنب لوحدهم )
    سالى : بقولك ايه حركه النهارده دى مخليه جسمى يقشعر هههههههههههههه الواد طلع بيفهم
    مى : لا ولسا . حركة الغدا واليوم الاضافى بتاع الناس
    سالى : لا لا انتى تحمدى ربنا انه عمل الحركه دى ... وزى ما ليلى قالتلك امبارح واحنا بنتكلم انه استحاله هيعمل كده وفضلت تضحك وتتريق عليك
    مى : هيعملها .. ولو معملهاش هسيبله الشركه زى ما قولتله امبارح
    ...........

    احمد : انتى يا زفته ياللى اسمك داليا
    داليا : هههههههههههههه ايوه يا مستر احمد
    احمد : اتصلى على المشتريات خليهم يطلعوا ياخدوا فلوس م الحسابات ويروحو يجيبو وجبه لكل العمال اللى موجودين .... وانتى اتصلى على مستر وليد خليه يطلع لكل عامل اجرة يوم النهارده استثنائي ...
    داليا : ههههههههههههه ايه ده يا فندم بسبب ايه
    احمد : اهو ربك بيسلط ابدان على ابدان . اخلصى
    .....

                            الجزء الثالث الحلقة الاولي من هنا

    إرسال تعليق