#حب_أعمي
( الحلقه الثالثه عشر )
.....
مى : ماما ايه انا مش ماما ... ولو سمحتى حضرتك اتفضلى بره عشان ماتعمليلناش مشاكل بعد اذنك
ليلى : انتى بتكلمي مين كده .. انتى مجنونه ؟
مى : ايه مجنونه دى يا انسه انتى ! هو فيه ايه انتى داخله مكتب محاسبه مش ف شارع احنا وبعدين انتى مين وجايه عاوزه مين . ولما تدخلى تسالى تسألى بادب .. فاهمانى ؟
ليلى : لا مش فاهمه يا عنيا وبعد كده لما تبقي تشتغلى ف مكان جديد تبقي تعرفى مين اصحاب المكان ده وتبقي تخلى بالك من لسانك
مى : انا مخليه بالى من لسانى كويس اوى . واحنا بننفذ تعليمات المدير العام
سالى : لو سمحتى يا انسه .. مى ماقالتش غلط واحنا فعلا بننفذ تعليمات مستر احمد صاحب الشركه
ليلى : ماشي ماشي . انتى اسمك مى بقي ؟ انا هخلى مستر احمد ده يرفدك انتى وهى النهارده .. مستر احمد ده يبقي اخويا .. ( بتسيبهم وتمشى )
....
سالى : احييييييييه ايه العكه دى ؟ طلعت اخت احمد
مى : ( ساكته وسرحانه )
سالى : يابنتى ! بقولك طلعت اخته
مى : منا سمعت
وليد : ايه يا بنات مالكو
سالى : مافيش يا مستر واحده طلعت تسال على حضرتك وشدت شويه مع مى ... بتقولنا انها تبقي اخت مستر احمد
وليد : مين ليلى ؟ شدت معاكى ازاى
مى : مافيش حضرتك انا بقولها تطلع بره وان حضرتك مش هنا عشان ماتعمللناش مشاكل وكده لقيتها بتبخ فيا وقالتلى شويه كلام كده بايخ على فكره . وانا لازم ارد على مستر احمد اقوله الموضوع
..........
ليلى : داليا احمد جوه
داليا : اه يا لولا جوه . انتى مالك ؟
ليلى : حاجه تحرق الدم مش عارفه ليه ... مين البنتين اللى شغالين جديد ف الحسابات دول
داليا : مى وسالى ؟ دول بنوتين عسل اوى مالك ومالهم ..
ليلى : اهى اللى اسمها مى دى لازم تسيب الشركه النهارده ... احمد لوحده صح ؟
داليا : اه . اهدى بس والنبى يا لولا
...........
وليد : يابنات مش كنتو تسالوها الاول هى تبقي مين ؟ ماهى اكيد طالما الواد سمحلها تدخل لغاية هنا ف هى تبقي شخصيه معروفه ...
مى : انا ماجاش ف بالى والله يا مستر وليد . هى دخلت كده لوحدها وانا كنت لوحدى . خوفت ان حضرتك او مستر احمد ييجى بالصدفه يقول دى مين وبتعمل ايه هنا وساعتها هيبقي منظرى بايخ خصوصا ان حضرتك منبه علينا وعلى الواد عبد الله انه مايدخلش حد هنا نهائي
وليد : حصل خير حصل خير
شهد : انا جيت على الصوت العالى ومالحقتش الانسه ليلى وهى موجوده
..........
شهد : يعنى مش لاقيه غير ليلى اللى تطأشي معاها يا ست مى حرام عليك
مى : ليه بس
شهد : دى روح احمد .. روحه فيها والدلوعه بتاعته وبيحبها بشكل غرررررريب جدا وبينفذلها طلباتها من غير ما يفكر ولا هيقولها تلت التلاته كام ..
مى : يعنى ايه .. يعنى لو هى طلبت منه انه يمشينى من هنا هيمشينى فعلا
شهد : ومن غير حتى استفسار انتى عملتى ايه .. بقولك روحه فيها
مى : ( بتبتسم ) كويس اوى ... ده ربنا باعتهالى م السما
شهد : يعنى ايه ؟
مى : ايه ! لا لا ماتشغليش بالك . بقول ربنا يسهل يعنى وخير خير ان شاء الله
شهد : ان شاء الله
.............
ليلى : بسبسبس
احمد : اهلا ! لولتى تعالى . ايه المفاجاه الحلوه دى
ليلى : انا كنت بره مع شيماء صاحبتى بنشترى شويه حاجات كده لقيت نفسي قريبه من هنا قولت اجى اشوف الواد المز اخويا ده واتطمن عليه
احمد : بخير يا قلب اخوك .. اشتريتو ايه
ليلى : يعنى . حاجات بنات كده انت مالك انت وبعدين انت ترضي ان اختك تتهان
احمد : بتقولى ايه يا حلوه ؟ هو مين ده اللى يفكر بس مجرد تفكير انه يهينك
ليلى : حد عندك هنا ف الشغل
احمد : نععععععععععععععم ( احمد بيكشر بطريقه غريبه وغبيه وصوته بيعلى ) حد عندى هنا ف الشركه فكر يهينك ؟ مين ده ؟ ( بيمسك التليفون وبيحطه على ودنه ) مين ده وقالك ايه
ليلى : هى واحده كده شايفه نفسها وكلمتنى باسلوب مش كويس وانا داخله اسأل على حد تانى
احمد : حد مين يا لولا اخلصى .. مين ده وانا هطلعلك عين امه دلوقتى وقدامك قبل ما ارفده .. هاا مين
ليلى : واحده جديده ف الحسابات اسمها مى تقريبا
احمد : ( بيحط السماعه على التليفون ) لا ماهو بصى انا هقولك على حاجه
انتى عارفه الاول انى بحبك ولا لا .!
الحلقة الرابعة عشر من هنا
بدل ماتدور وتبحث علي الروايات خليها علي تليفونك وحمل تطبيقنا
