اول ماسمعت سيرة ان حسن عايز العُقد، اللى حرفيًا امى ممكن تموت من غيره ،
اتعصبت عليه وقولتله:
= عقد ايه اللى انت عايزه ، الناس كلها ترجع من السفر
تبنى لاهلها وانت جاى تهد وبس ، انت ايه يااخى !!!!
بصيت على ايده لقيتها مخرمة من كل الاوردة ، اتصدمت وقولتله بذهول:
.. يانهار اسود! ، انت بتضرب ماكس ياحسن
= لا لا دى شوية مهدئات بس
.. مهدئات ايه اللى يخربيتك ، ده عينك بقت هبابة من اللى بتضربه
= يلا يااخويا مفيش وقت ، روح هات العُقد من امك
.. عُقد ايه اللى انت عايزه ، امشى اطلع بره ياحسن
= طب ايه رأيك بقى انى هروح اخده بالعافية
زقنى وراح جرى على اوضة امى اللى اول ماشافته صرخت من الحالة اللى هو فيها
طبعًا جريت وراه ومسكته قبل مايوصلها على السرير وضربته
وكتفته ووقعته على الارض وشديته وهو بيزحف على الارض وطردته بره البيت
امى انهارت ودخلت فى حالة نفسية سيئة جدًا ولقيتها مرة واحدة وقعت على الارض
شيلتها بسرعة ووديتها للمستشفى ، والدكتور قالى :
= الوالدة عندها جلطة ودخلت فى شلل نصفى ومش هتقدر تتحرك ولا تتكلم
كلام الدكتور كان عبارة عن سكاكين بتقطع فى قلبي ، شيلت امى وروحت البيت
اختى الصغيرة دخلتها الحمام وحميتها ، امى اول ماخرجت من الحمام
لقيت عينيها بتدمع من الحسرة على اللى حصلها والمنظر اللى شافت حسن عليه
معدتش ايام كتير وامى تعبت جامد ومكنش فيه حد جنبها غيرى انا وياسمين
لحد مافى يوم جت بليل ولقيت شفايفها بتتحرك وعايزة تكلمنى
فرحت اوى انها ممكن تتكلم تانى ، ويادوب قدرت اجمع كلامها وقالتلى:
= خد العُقد وشيله لياسمين ، لكن اوعى تديهولها دلوقتى لان اخواتك هياخدوه منها
هزيت دماغى وقولتلها
.. كلامك اوامر ياحبيبتى ، كلامك اوامر
قلعتلها العُقد من رقبتها وتانى يوم خدته شيلته فى الخزنة بتاعتى اللى موجودة فى الشركة
فى نفس اليوم بليل سمعت صوت امى عمالة تنازع من الالم وهي على السرير
وكالعادة جريت عليها انا وياسمين ، بصت لياسمين وقالتلها :
= اخوكى ضهرك وسندك ، ثقى فيه ومتعارضيهوش ابدًا
واتلفتت ليا الناحية التانية وقالتلى:
.. وانت ياناصر خد بالك من اختك ومتعاديش اخواتك
ماتت امى وراحت كل حاجة حلوة معاها ، ياسمين انهارت وبدأت تصوت
كتمت شفايفها بإيدى علشان متصوتش ، طبعًا ايمان وسميرة جريوا على الاوضة
اول ماشافوا امى ماتت ، سميرة قعدت تعيط عند رجل امى ، وايمان وقفت
جامدة ، ولا كأن امها ماتت ، وبصت على رقبتها وسألتنى بكل جحود
= هو العقد فين ؟!
محستش بنفسي غير وانا بضربها بالقلم على وشها
وبشدها من شعرها وسميرة وياسمين بيشيلوها من ايدى
الحمد لله موضوع دفنة امى عدى على خير والدنيا كانت سلسة
وحسن طبعًا لما عرف الموضوع لقيته موجود فى الدفنة وبالرغم ان
حاله مش عاجبنى وهو كان السبب فى كل اللى حصل ده
لكن مقدرش امنعه من الحضور ، ربنا هيحاسبنى لو عملت كده
خلصت الدفنة وفى العزا لقيته بيقرب من ودنى وبيهمسلى:
= سرقت عُقد امك ياناصر
معرفتش انطق واقوله ايه ، لولا انه اخويا الكبير كنت دفنته مكانه
بصتله بإحتقار وكملنا العزا وخلصنا ، ولقيتهم متجمعين فوق
اول مادخلت من باب الشقة قولتلهم
طبعًا انتوا متجمعين علشان العُقد ماهو متهيألى ان هو الحاجة الوحيدة
اللى في البيت ممكن يكون فيها الطمع ، لان غير كده الفار لو دخل البيت يخرج لاطم
وقبل ماحسن يتكلم قولتلهم :
