قصة بابا شيطان الفصل الاول بقلم شحاته توفيق
مستحيل ده يكون بابا.. انا متأكد ان مفيش اي شئ يربطني بالشخص ده...البني ادم ده الشر ماليه وكل شويه مصيبه...انا لازم اخلص الناس مش شروره لازم اخلي كل حاجه تنتهي
انا كريم عمري 18 سنه عايش في قريه في الجيزه باختصار عشان مطولش عليكم بابا قاتل ايوه قاتل وانا الوحيد اللي شفته
شفته وهو بيقتل اختي الصغيره لما كان الكل في فرح
شفته لما مسكها وغطسها في البانيو وهو بيضحك علي منظرها وهي بتطلع في الروح وقتها كنت لسه قلبي ضعيف وخفت منه دلوقتي بقيت راجل ولازم انتقم واخلص الناس كلها من شروره
#بقلم_شحاته_توفيق
الليله دي بابا كان بيلبس عشان رايح فرح وقتها جهزت السكينه في هدومي وقولتله عاوز اجي معاك يابابا كنت وقتها حاسس اني مش هرتاح غير بموته .
لقيته بيبص بنظره كلها خبث وبيقولي تعالي ياحبيبي انا كنت لسه هقولك تعالي غير جو
لبست وهو لبس واحنا خارجين ماما كانت بتودعه وداع غالي هي التانيه حقيييره عشان انا قولتلها بابا قتل اختي ياماما قعدت تعيط وتطبطب عليا شويه واول ماشافته راحت اترمت ف حضنه وقتها وعيطت هقتلها بس مش وقتها دلوقتي اهم حاجه اقتل الشيطان
بقلم شحاته توفيق
خرجنا وانا داسس السكينه وسط هدومي وكل خطوه نمشيها باغلي من جوايا. كل الناس بتسلم عليه سلام غالي كلهم بيحبوه وشايفينه طيب اوي مع اني متأكد انه عمل مصايب ثانيه
خرجنا من المنطقه السكنيه وبدأنا نمشي في طريق الزرع ورغم اني كنت مستني اللحظه دي عشان ادس سكينتي في قلبه واريح العالم منه الا اني حسيت بخوف رهيييب جسمي بدا يرتعش من الخوف بس كملت مشي وانا مصمم من جوايا اتغلب علي خوفي واريح الناس منه
بقلم شحاته توفيق
اتأخرت خطوات عنه وهو ماشي جنبي وفجأه سحبت سكينتي ومديتها عشان اقتله وانفذ مخططي
فجأه وكأنه كان عارف لقيته بص عليا
وفضل يضحك ويبصلي نظره مرعبه
ايدي كانت بتترعش من نظرته بس وسمعته وهو بيقول ارمي السكينه ياحبيبي
فجأه حسيت بكذا ايد مسكتني. قلبي كان هيتخلع من الخوف اي الايدين دي كلها بصيت حواليا مش شايف حد غير بابا وهو بيقولي قولتلك ارمي السكينه ياكريم انت مفكرني مش فاهمك ؟؟
بقلم شحاته توفيق
حسيت ان روحي بتطلع حاولت وقتها اشوف مين اللي ماسكني مشوفتش حد زي مايكونو اشباح
بصيت لبابا وبكل غل قولتله : انا بكررررهك. انا بكررررهك. كل الناس بتكرهك اوي.
ابتسملي وضحك وقالي متقلقش انا كنت سايبك لوقتك وخلاص وقتك جه خدوه علي هناك
بدأت اصرخ هناااااك فييين ووقتي ايه اللي جه
كل مفاصل جسمي كانت بترتعش وحسيت اني عملت حمام علي نفسي وحسيت خلاص ان نهايتي قربت
فجأه حسيت بخبطه جامده علي دماغي من الحاجات اللي مكتفاني ومش شايفها وبدأت عيني تزغلل وحسيت اني هيغمي عليا لكني كنت بحاول اقاوم لاني كنت عارف ان دي ممكن تكون اخر لحظه
بقلم شحاته توفيق
بدأت الرويه تشوش وبابا قدامي ابتسامته المرعبه بتزيد وبحاول افلت من الحاجات اللي مكتفاني
فجأه الكل التفت لصوت جاي ناحيتنا
اللي مكتفيني ومش شايفهم خدوني جوا زرعة قصب وقتها حااولت اصرخ كان صوتي مش بيطلع حاااولت اقوي صوتي مطلعش برضه
بابا قاعد علي ركبه وطلع خنجر من جيبه شكله غريب وابتسامته راحت وكان بيبص بتربص علي مصدر الصوت وواخد وضع الهجوم
الصوت بدأ يقرب وانا بحاول اصرخ او اطلع اي صوت صوتي اختفي و...........
