-->

رواية حب اعمي الجزء الثالث الحلقة الثاسعه

رواية حب اعمي الجزء الثالث الحلقة الثاسعه

    #حب_أعمي_الجزء_التالت
    (الحلقه التاسعه ( قبل الأخيره ) ) 
    ........
    احمد : هقولك هعمل ايه ..بس ياريت ده يبقي سر مايطلعش لحد لغاية يوم الخميس ..لغاية ما نرتب انا وانت اللي ناوي اعمله
    وليد : ههههههه والله فكره عظيمه جدا يا احمد . انت كل يوم بتثبتلى انك مختلفتش عن ابوك . وشغال زي ماهو شغال بالظبط . وبتكافح زى ماهو كافح ف بداية حياته .. ربنا يقويك على الحمل ده لانى انا عارف انه حمل كبير وتركه كبيره ومش سهل ابدا تحافظ عليها
    احمد : متشكر جدا يا مستر وليد ..
    ..............


    بيرى : الو !

    ليلى : الو ! ايوه
    بيرى : ازيك يا ليلى . انا بيرى
    ليلى : اهلا ! ازيك يا بيرى . عامله ايه
    بيرى : بخير يا حبيبتى . انتى ايه اخبارك
    ليلى : تمام .. خير يا بيرو فيه حاجه ؟
    بيرى : اه فيه ! فيه خبر كده لو سمعتيه مش هتصدقيه
    ليلى : خبر ايه
    بيرى : فيروز عاوزه ترجع ل احمد
    ليلى : بتقولى مييييييييييييييين ؟ وهى ايه اللى خلاها تظهر الفتره دى
    بيرى : معرفش بقا بس شكلها عاوزه ترجعله بجد ... وهتكلمه النهارده او بكره عشان يتقابلوا ..
    ليلى : انتى فين دلوقتى ؟ عاوزه اشوفك
    بيرى : مش هينفع دلوقتى ! انا ورايا شغل والله . انا قولت افرحك بس بالخبر ده .. مش انتى ومامتك كنتو دايما بتسألو فيروز راحت فين . لما لقيتو احمد ف الحاله اللى كان داخلها دى
    ليلى : ايوه بس احمد دلوقتى غير بتاع زمان .. ده بقا راجل ومسؤول عن ناس وعن شركه وعن عيله . وكبير العيله ... مابقاش ضعيف .. انا عارفه يا بيرى انتى بتكلمينى ليه وعارفه انك شبه بتغيظينى ... بس احب اطمنك ان نابك هيطلع على فاشوش .. لان احمد بتاع دلوقتى غير احمد بتاع زمان


    بيرى : ههههههههههههه انتى بتقوليلى انا الكلام ده ليه ؟ قوليه لاخوك . او قوليه لفيروز . وهنبقي نشوف هو بتاع انهى زمان .. وانتى من جواكى عارفه ان ظهور فيروز ف حياة احمد هيقلب حاجات كتيره اوى ..اخوكى لسا بيعشقها .. مأدمنها .. محبش ولا هيحب حد غيرها
    حتى انا لما حاولت اكتر من مره انى اكسبه لصفى كنت بلاقيه رافض تماما . ولسا عايش على ذكراها ... بيتهيألى يا لولا من الاحسن انك تكسبى فيروز اليومين الجايين دول بدل ما تكسبى عداوتها وساعتها هتقدر تغير احمد من ناحيتك . ده حتى لسا صورتها معاه ف جيب محفظته وابقي اتأكدى بنفسك
    ليلى : امشى يا بنت الكلب اقفلى . غورى ف ستين داهيه
    ................
    ( ف الشركه )
    ليلى : داليا .صباح الخير يا حبيبتى احمد جوه
    داليا : ايوه يا لولا
    ليلى : لوحده مش كده
    داليا : اه لوحده اتفضلى
    ..........


    ليلى : صبح صبح يا شقيق
    احمد : ههههههههه صباحك ورد . احلى بنوته ف الكون كله
    ليلى : عامل ايه يا حبيبى ! كده ماتفطرش معانا النهارده
    احمد : معلش بقا معرفتش ومالحقتش انام اصلا . هما ساعه ريحتها وجيت ع الشركه وانتو لسا نايمين
    ليلى : ربنا يعينك يا قلبي
    احمد : هاا ! يومك ماشي ازاى . رايحه فين ولا هتعملى ايه
    ليلى : مافيش .. هخرج كده ساعه زمن واحده مع صحباتى اللى هنا ف الشركه .. انا قولت اجى استأذنك بس اخدهم وامشي
    احمد : ( بيرفع حاجبه ) اممممم انتو اتصاحبتو بقي ... هتروحو فين
    ليلى : ولا حاجه ! هاخدهم ونطلع نشرب حاجه ف اى كافيه بره . ساعة زمن والله مش هأخرهم
    احمد : خلاص يا قلبي . خلى بالك من نفسك وخلى بالك منهم .. ثوانى بس هغسل وشى اصحصح كده
    ليلى : حاضر ...بقولك ايه ماتجيب الكريديت بتاعتك اشترى شويه طلبات
    احمد : والكريديت بتاعتك فين ؟
    ليلى : نسيتها والله وانا جايه
    احمد : شوفيها ف المحفظه خديها وخليها معاكى
    ليلى : تسلملى يا قلبي
    .........


    ( احمد بيدخل الحمام يغسل وشه )
    ( ليلى بتفتش ف محفظة احمد بلهفه وخوف مصحوب بحذر ... وفجاه بتلاقى صورة فيروز موجوده ..... بتخبط على وشها من الصدمه وشبه بتلطم )
    ليلى ( بتكلم نفسها ) : يا نهار اسود يا احمد . لسا بتفكر فيها ؟ لسا ممكن تنسى اللى عملته فيك وترجعلها ... هى عاملالك ايه ؟ ليه كل ده ؟ ليه لسا بتفكر فيها وليه لسا صورتها ف محفظتك ... ليه ؟ ليييييييييييه ؟ طب ومى ؟ ذنبها ايه ؟ انا تعبت
    ..........
    ليلى : ( بتكلم احمد وهو ف الحمام ) احمد انا ماشيه هاخد البنات
    احمد : ماشي يا حبيبتى . بايباي
    .............
    ( ف الكافيه )
    سالى : وبعدين بقا يا ليلى . احنا جايبينك عشان تشوفى حل معانا للبت الغلبانه دى مع اخوكى وانتى جايه تسهمى وتقعدى كده
    مى : على فكره يا ليلى ! انتى مخبيه عنى حاجه ومش عاوزه تقوليها . او خايفه تقوليها . باين من بصاتك اوى
    ليلى : انا ! خالص
    مى : لا ! فيه يا ليلى انا مش صغيره وفاهمه ... الموضوع ليه علاقه بالبنت الموديل اللى جات لاحمد وشافتنى قاعده معاه
    ليلى : ياريت كان الموضوع على قد بيرى بس يا مى . كانت محلوله
    مى : موضوع ايه ؟ انتى قلقتينى ليه ؟ احكى
    ليلى : هحكيلك يا مى ! عشان ابقي خلصت ضميرى من ربنا وقولتلك على الفوله كلها وعرفتك كل حاجه
    مى : احكى يا ليلى
    ليلى : من زماااان لما كان احمد اخويا ف الجامعه . اتعلق ببنت وحبو بعض حب خرافى . جنونى زى ما بيقولوا . حب من بتاع الاساطير ده
    كان بيعشقها بطريقه استحاله تشوفيها او تقابليها كتير ف اى مكان
    كان يقوم من نومه الساعه 3 بالليل يتصل بيها يقولها انتى كويسه ولا لا
    كانت طلباتها اوامر


    وهى كانت من بيت عيله . بنت ناس . جميله جدا .. من اجمل واحلى البنات اللى هتشوفيهم ف حياتك . ماتتخيرش عنك يا مى
    فجأه وبدون مقدمات وبعد قصة حب من اجمل واحلى قصص الحب وبعد 3 سنين قررت فيروز انها تبعد ... جالها فرصة للشهره وفيه برامج كتيره طلبوها انها تطلع ف التلفزيون وكان احمد رافض تمام موضوع التليفزيون ده .. وهى أصرت انها هتكمل وانها تبقي اشهر نجمه ف مصر . هو كان رافض تمام وبيقولها هعوضك عن اى فلوس هتكسبيها من ورا الكلام ده والشهره دى .. وهى قالت لا مش موضوع فلوس انا عاوزه ابقي معروفه ومشهوره
    كلمه من هنا على كلمه من هنا .. شدوا مع بعض .. تانى يوم كانت فيروز مسافره لبنان وقفلت تليفوناتها . والغريب انها لا كملت ف برامج ولا يحزنون وسابت كل حاجه وراها وسابت اخويا ف حالته اللى لسا مخرجش منها لغاية دلوقتى ...
    طوال السبع سنين اللى فاتو احمد كان ضعيف جداااا وكان مكتئب جداااا وكان عصبى وكان استحاله يثق ف اى بنت تانيه من بعد امه واخته . وانتو بنفسكو عرفتو وشوفتو ده ف اول علاقاتكو معاه واد ايه كان اجريسف معاكو ف الاول
    لكن ! لما ظهرتى انتى يا مى حسيت انه اتغير . حسيت انه بيحاول يبدا معاك حياه جديده لكن !
    مى : لكن ايه يا ليلى ؟


    ليلى : ( بتبكى ومتحسره ) فيروز ظهرت تانى ف حياة احمد .. وشكلها بتخطط انها ترجعله وانا عارفه ان نقطة ضعف اخويا الوحيده .. هى فيروز
    مى : ( بتنصدم من اللى بتسمعه ) بتقولى ايه ؟ يعنى البنت اللى كان بيحبها الحب الغريب والكبير ده . ظهرت تانى ف حياته ؟ اظن انا حفاظا على كرامتى دلوقتى . اروح الشركه دلوقتى اسحب ملفى واقدم استقالتى ..
    مش هقدر يا ليلى .. مش هقدر اشوفه مع واحده تانيه . سامعينى .. مش هقدر اشوفه مع واحده تانيه
    .................
    ( لأول مره فيروز بتظهر وبترن على احمد )
    فيروز : الو !
    احمد : فيروز ؟


                            الحلقة التاسعه من هنا
    فيروز : يااااه ! انت لسا عارف صوتى .؟
    احمد : ( بيبتسم ابتسامه حلوه جدااا ) هو فيه حد يقدر ينسى صوتك
    فيروز : عامل ايه ف حياتك
    احمد : حاليا بقيت كويس
    فيروز : ( بتبتسم ) وحشتنى جدااااا وكنت خايفه لاتكون نسيتنى
    احمد : عمر ما فيه حد يقدر ينساكى يا فيروز ؟ محدش يقدر يتعامل معاك دقيقه واحده ومايحبكيش العمر كله .. بس انا عاتب عليك
    فيروز : عارفه ! وجايه اصلح كل ده واترمى تحت رجلك واقولك انا آسفه . حقك عليا مش هبعد عنك تانى
    احمد : فيروز بجد الكلام ده ؟
    فيروز : بجد يا روح وعقل وقلب فيروز .. عاوزه اشوفك يا احمد النهارده ضروووووورى
    احمد : نتقابل الساعه 6 ف الكافيه بتاعنا .. فاكراه ؟
    فيروز : ههههههههه هو انا اقدر انساه ؟ هتلاقينى هناك من دلوقتى . وعلى نااار
    احمد : يخرب عقلك !
    فيروز : بايباى
    ........
    بيرى : الو !
    فيروز : الو !
    بيرى : ايه حصل ولا نقول مبروك ولا ايه
    فيروز : ههههههههههههه وحياتك من اول كلمتين . وهقابله النهارده الساعه 6
    بيرى : احيه ! انا نفسي افهم هو ضعيف اوى من ناحيتك كده ليه . .وتقيل ف نفسه مع اى بنت تانيه .. فيه ايه انتى عاملاله ايه ؟
    فيروز : سر المهنه بقا ..اللى كان بينى وبين احمد لسا كتير على ما تفهموه يا بيرى
    بيرى : المهم لو حصل ! تتوصى بالبت اللى قولتلك عليها .. وتخليه يطردها
    فيروز : ماتقلقيش .. انا مش عارفه اشكرك ازاى يا بيرى .. بقالى فتره بدور على طريقه ادخل بيها لاحمد من تانى ومش عارفه وكنت خايفه من رد فعله .. بس انتى طمنتينى وشجعتينى .. وفعلا لقيته زى ما سيبته بالظبط ..
    .............
    احمد : الو ! داليا تعالى من فضلك
    داليا : حاضر يا مستر
    ........
    احمد : داليا عاوزك ف خدمه اقعدى !
    داليا : خير يا احمد
    احمد : مش انا اخيرا عرفت مكان فيروز ؟
    داليا : بتقول مين ؟
    احمد : ( بيبتسم ووشه بيضحك جدااا ) اه والله مش مصدقه صح . زى منا بردو مش مصدق
    داليا : انت مبسوط ؟
    احمد : سيبك من كل ده .. انا عاوزك ف خدمه من نوع خاص
    داليا : خدمه ؟ خدمه ايه ؟
    احمد : بصى وركزى معايا ومش عاوز ولا غلطه وحياة ابوك تمام ؟
    داليا : تمام
    ............


    ( الساعه 6 ف الكافيه )
    فيروز : قلبى بيدق كأنى أول مره هقابله
    بيرى : ادخلى بس .. هتلاقيه جوه دلوقتى عربيته مركونه اهى
    فيروز : اوووووف ! حاسه انى اول مره اشوفه بجد .. هكلمكو شويه كده
    بيرى : خدى وقتك وراحتك يا زوزا ... انا هخلع انا ورايا مشوار كده . الليله ليلتك . وهنيالك بيه من كل قلبى والله المهم ان مافيش واحده تانيه وخصوصا البت اياها دى تاخده
    فيروز : لا خلاص اتطمنى . عن اذنكو بقي
    ................
    ( فيروز بتدخل بتلاقى احمد قاعد وحاطط رجل على رجل .. بتيجى من وراه وبتخبطه على كتفه )
    ( حاله من اللاوعى ارتابت احمد حوالي 5 ثوانى ... )
    احمد : يااااااااه لسا زى مانتى .. ماتغيرتيش ف ولا حاجه ...
    فيروز : انت اللى لسا زى مانت ... احححم . اقعد ؟
    احمد : ههههههههه يا خبر ! تقعدى واحنا كلنا نمشي ... اتفضلى ... تشربي ايه ؟
    فيروز : انت تطلبلى ايه ؟ لو فاكر كنت بشرب ايه يعنى
    احمد : هههههههههه انا النهارده اتولدت من تانى ... ( بيشاور للجرسون ) لو سمحت اتنين مانجه ... بس هاتهم كمان 10 دقايق
    فيروز : اشمعنى 10 دقايق
    احمد : مافيش . فيه ضيف جاى بس هعرفكوا على بعض .... ونكمل كلامنا من تانى .. يخرب عقلك .. هو فيه بنت بتفضل تحلو كل ما تكبر بالشكل ده ... رجعتينى 8 سنين ورا
    فيروز : كانت احلى واجمل ايام عيشتها ف عمرى كله ... احمد ! انت لسا زعلان منى ؟
    احمد : فيروز ! لو كنت زعلان منك ماكنتش قبلت اننا نتقابل ... خلى الماضي لناسه . انسيه زى منا نسيته ..... بيتهيالى كده الضيف اللى احنا مستنيينه وصل



                             الحلقة العاشرة والاخيره من هنا

    إرسال تعليق