Ads by Google X
رواية العاهره الفصل الثالث -->

رواية العاهره الفصل الثالث

رواية العاهره الفصل الثالث

     


    رواية العاهره
    الجزء الثالث
    الكاتبه / مي علي
    اتعصبت ومبقتش شايف قدامي ولأول مره أرد علي أبويا بالشكل ده
    وغصب عني زعقت ف وشو وقولت :
    كفايه بقي حرام عليك النكد الي انت معيشنا فيه من ساعة ما أمنا ماتت
    احنا كبرنا مبقناش عيال مش خدامين تحت أمرك أحنا

    - اخرس يا كلب
    وضربني بالقلم
    - انت بتضربني بالقلم
    - اضربك واكسر رقبتك كمان
    انت فكرني هسكتلك ولا اي يا لما صوتك يعلي عليا يا كلب
    ولا تكونش فاكر انك خلاص كبرت بقي وبقيت راجل
    اومال لو كنت بتفهم وبتتصرف يا ولا كنت عملت معايا ايه
    كنت قلعت المداس وادتني بيه بقي
    - انت بتعمل معانا كده ليه هو احنا مش ولادك
    انا اتخنقت وركبتني عقد الدنيا
    وبورتني جمبك زي البت البكر
    - اخرص يا كلب حسك ميعلاش وانا عايش

    اي اطبطب عليك وانت داير ورا الفاجره دي بالأرايل وبتداري عليها
    كنت فاكرك راجل طلعت عرة الرجاله
    بدل متقصف رقبتها وتموتها تدلل عليها
    يا حلاوه يا ولاد
    - انت عاوزني ابقي زيك
    بس انا عمري مهبقي زيك ابدا قلبي مفيهوش رحمه ولا حب
    انت تعرف تحب ولا تخاف علي حاجه تاني غير مصلحتك
    يا شيخ انت موت امنا بالحيا حرام عليك
    - انت عيارك فلت يا ولا وكلمه كمان وهطردك بره طردة الكلاب
    - متقلقش انا كده كده سيبهالك بس بعد ما اطمن علي اختي
    ولعلمك بقي اختي هتتجوز اللي بتحبه
    مش هتتجوز ابن الخلفاوي
    - انت كمان بترد عليا
    وبتعصاني

    وهتجوزها بأي بقي
    - هبقي وكيلها طلاما هيا ملهاش حد غيري ومش هسمحلك تقعدها جمبك زي مانت مقعدني
    - وريني هتجوزها ازاي بعد ما سمعتها بقت علي كل لسان ف البلد
    الفاجره الرخيصه
    - اختي لا فاجره ولا رخيصه وانا هثبتلك ان مفيش كلمه من دي صح
    - عاوز تركبني انا كمان القرون يا ولا
    دي صحبتها هيا اللي قالت عليها وفضحتنا وسط البلد كلها
    وانت بتحاملها يا كلب
    - انا هثبتلك ان مفيش حاجه من دي حصلت
    وبعدها متجيش تسألني ف حاجه
    ومديت أيدي
    تعالي يا رشوانه معايا
    أخدتها علي اوضتي وسبته وهو واقف مدايق بس انا كنت تعبان فعلا
    انا بشر وبقالي خمسه وعشرين سنه ف ضغط
    مش هستني لما اموت انا كمان بالحيا زي ما موت امنا من كتر النكد والغم
    دخلت اوضتي

    - تعالي يا حبيبتي متخفيش
    نامي هنا
    انا مش هسيبك ابدا اوعي تخافي
    حضنتني وهي بتعيط
    - لا يا رشوانه متعيطيش
    انا ف ضهرك دايما يا حبيبتي
    - يا حبيبي يا ابو الحسن
    - انا مش هسيبك الا لما اتطمن عليكي ف بيتك
    نامي يلا ومتقلقيش من حاجه
    وبكره الصبح هقوم وعاوزك تقفلي علي نفسك بالمفتاح ومتفتحيش لحد لغاية اما اجي
    - هتروح فين
    - ملكيش دعوه بس تسمعي الكلام
    - حاضر بس والنبي متعاديه يا ابو الحسن احسن ده غضبو وحش
    - اعادي مين يا عبيطه ده ابويا مهما كان

    - ربنا يصلح الحال يارب
    - يارب يا حبيبتي
    نامي بقي يلا تصبحي علي خير
    ونمت وصحيت بدري لبست ونزلت وقومت رشوانه تقفل ورايا بالمفتاح علي نفسها
    انا عارف انو مش هيسكت وممكن يموتها
    بس نزلت اشوف حل ف سمعتنا اللي بقت علي كل لسان بسبب بت مفعوصه
    روحت علي بيت علي
    وسألت الغفير عليه
    وطلع ندهوهلي
    اول ما شافني ابتسم بس لما لاقاني مكشر
    الابتسامه اختفت من علي وشه
    - اي يا ابو الحسن طمني والنبي
    - تعالي بس نقعد ف حته ونتكلم
    وقعدنا وحكتله اللي حصل وقولت :

    دلوقتي انا عاوز ارد كرامة اختي وكمان عشان اثبتلو ان مفيش حاجه من دي حصلت وبعدها انا هجوزهالك بنفسي
    - اه يابنت الرفضي
    بص يا ابو الحسن سيب الموضوع ده عليا
    انا هحله
    - هتعمل اي
    - تعالي بس تعالي
    استناني هدخل لأختي بس ثواني وراجع
    - طيب
    فضلت قاعد مستنيه بره وشويه وخرج وقالي :
    - متقلقش اقعد بس وشويه وهتشوف
    - اشوف اي
    - انا خليت اختي تشيع للبت لوزه
    - وبعدين
    - لما تيجي هتعرف كل حاجه بس عاوزك تداري وتروح تستناني عند الارض هناك وانا شويه وهحصلك
    - طب ما ترسيني

    - بعدين قوم بس يلا
    وفعلا قومت وروحت علي الارض واستخبيت ورا الخص
    معداش ربع ساعه ولمحته جاي من بعيد والبت لوزه ماشيه جاره بس بعيد شويه
    ولقيته وقف
    فأنا قربت منهم عشان اسمع
    سمعتها بتقوله :
    اخيرا حنيت عليا يا علي
    - لا وانتي الصادقه انا جايبك هنا عشان أعلم عليكي
    - تعلم عليا يعني اي
    - يعني هقطعلك لسانك اللي اتكلمتي بيه علي رشوانه يا فاجره
    - انا فاجره
    لا رشوانه بتاعتك دي بقي اللي فاجره وستين فاجره كمان
    قرب منها ومسكها من رقبتها وقالها :
    بت انا لحد دلوقتي بقول الطيب احسن متخلينيش أزعلك
    وانتي فاهمه كويس انا ممكن أعمل اي
    - سيبني طب يا علي

    عاوز مني اي
    - عاوزك تكذبي اللي قولتيه علي رشوانه
    - ههههه مخلاص بقي سمعتها بقت علي كل لسان
    - لا وانتي الصادقه سمعتك اللي هتبقي علي كل لسان وفضيحتك بجلاجل
    والصور موجوده تمام وحاجه كمان يا حلوه وجودك معايا هنا دلوقتي
    وفي شهود
    - شهود مين
    لقيته نده عليا :
    ابووووو الحسن أظهر وبان
    رحت طالع
    أول ما شافتني اتصرعت
    وفضلت تعيط
    - ليه كده يا علي انا عملتلك اي
    - معملتليش انا
    عملتي للي هتبقي مراتي
    اوعي تكوني فاكره اني هبصلك انتي فاجره وتبيعي نفسك انا يوم ما اخد أخد المحترمه سامعه
    فضلت تعيط وهي بتبصلي

    وقالت :
    - عاوزني أعمل اي
    - زي ما وقفتي وسيحتي قدام البلد بكلام كذب انتي وأهلك
    هتقولي عكس الكلام وبردو قدام البلد كلها وقدام ابو رشوانه
    - بس ده يدبحوني
    - مهو لو انا قولتلهم بردو هيدبحوكي بس هتبقي دبيحه بفضايح
    ها قولتي اي
    - حاضر يا علي حاضر
    - انجري امشي
    طلعت تجري وهيا بتعيط
    انا بصتله وانا متفاجئ من اللي عمله وف نفس الوقت مبسوط عشان جاب حق اختي واتأكدت انو بيحبها
    - علي انت
    - انا اي
    - سؤال بس انت ماسك عليها اي

    - البت دي كانت بتحبني وانت عارف بقي شغل البنات والهبل بتاعهم
    وف يوم لقيتها بعتالي ع الواتس
    انا مكنتش عارف مين بس هيا عرفتني بنفسها وعرفت انها اخدت الرقم من تليفون اختي
    وعارف شغل المحن بقي تبعت ريكوردات
    وتعيط وتدلع
    وانا مبديلهاش عقاد نافع
    هوب بفتح الاقيها بعتالي صور ليها بقي
    و و وربنا يستر علي وليانا
    - علي انت عملت حاجه معا
    - لا والله العظيم ابدا والمحدثات موجوده
    انا محبتش ف حياتي غير رشوانه والحقيقه عرفتو تربو والله
    انا بس البت لوزه دي معرفش مين لعب ف دماغها تعمل كده
    شغل عيال بقي انت عارف
    - اه طيب

    - المهم انت هتروح تجيب عم الحاج
    وتروحو علي بيت لوزه وقدام الخلق تقول كل حاجه
    - خلاص تمام
    وقمت سبتو وروحت علي طول وأول ما شوفته وانا داخل روحت وقولتله :
    - عاوزك تيجي معايا مشوار يا ابويا
    - انجر من خلقتي ملكش كلام معايا
    - انا هثبتلك ان الكلام اللي اتقال عن رشوانه غلط
    قوم بس معايا
    وهتسمع قدام الخلق كلها
    بصلي شويه وقام معايا
    وركبنا الحنتور
    وطلعنا علي بيت لوزه بنت عرفان
    وقفت قدام الباب وخبطت
    طلعلي عرفان
    - خير يا ابو الحسن
    - اطلعلي بره عاوزك ف كلمتين
    - كلمتين ايه دول
    - اطلعلي بقولك قدام الخلق هنا
    وزعقت بعلو صوتي :

    اجمعو يا خلق هنا
    والناس اتلمت
    - في اي يا ابو الحسن انت جاي وعامل غلبه وراك
    - اطلعلي بس وهات بنتك ف ايدك
    وقفت وقولت :
    الراجل ده هو وبنته ومراته بيرددو كلام علي أختي رشوانه وصحبيتها بداره
    بنتو الفاجره بتقول علي أختي بتاعة صبيان
    - الله يا ابو الحسن متلم لسانك بنت مين اللي فاجره
    - بنتك انت يا عرفان فاجره وكدابه كمان وهتهالي هنا قدامي وأسألها قدام الخلق دول كلهم وانا هعرفك انها كدابه
    اتعصب اوي واتحمق
    - خدي يا بت يا لوزه هنا
    اقفي قدام الخلق دي كلها وقوللهم حقيقة بنت العمده اللي دايره مع الشبان
    بصتلها انا وقولت :
    انطقي يا بت الكلام اللي قولتيه علي اختي ودايره تتحدثي بيه دا صحيح
    فضلت بصالي ومبرقه ولسانها مبيتحركش

    - انطقي يا بت
    فضلت ساكته
    ابوها شخط فيها
    - متنطقي يا بت
    وقوليلهم بنتكو فاجره
    بلعت ريقها بالعافيه وقالت :
    بصراحه يابويا مفيش حاجه من دي حصلت
    انا
    انا بتبلي عليها
    انا ضحكت وابويا ابتسم أوي
    وابوها بقي واقف الارض هتنشق وتبلعه
    مسكا من دراعها ولاواه
    - اي يا بت اللي بتقوليه ده
    انتي خايفه منهم يابت انطقي بالحقيقه
    - والله يابا هيا دي الحقيقه
    مسكها قدام الناس ونزل فيها ضرب
    انا حوشته عنها
    - سيبها يا عرفان دي عيله

    بس تاني مره يا شاطره متتكلميش بكلام يضيعك
    وعشان خاطر الجيره بس واننا اهل بلد واحده انا هعديها وكفايه ان الخلق عرفو اختي تبقي اي وانتي تبقي اي
    سلامو عليكو يا عرفان
    واخدت ابويا اللي كان واقف بيبصلي وهو مبهور ومتكلمش ولا كلمه
    وروحنا
    اول ما دخلنا قولتله :
    أظن بقي ملكش حجه
    والواد عاوز يتقدم رسمي
    لقيت الضحكه اختفت وبصلي وقال :
    مش هتتجوزه
    هتتجوز ابن الخلفاوي
    - لا يا ابويا علي جثتي
    هتتجوز علي
    مش هلاقي احسن منه لأختي
    - ومين خد رأيك يا ولا
    والله وبقالك رأي
    - هو انت علي طول كده

    حرام عليك
    - زود يا واد ف قلة الأدب زود
    نهايتك علي أيدي يا كلب
    نزل يحيي علي صوتنا
    - في اي بس يا جماعه صوتكو عالي ليه كده علي طول
    بصتله بسخريه وقولت :
    انت لسه عايش
    انت موجود معانا ف البيت اصلا
    - في اي يا ابو الحسن
    متتكلم عدل
    - انت عارف ان انت شبهه
    انت فعلا اللي لازم تقعد معاه
    بصلي بقرف
    بصيت لأبويا وقولتله :

    رشوانه هتتجوز علي يا ابويا مش هتتجوز للمصلحه
    - انت بتعصاني يا ابو الحسن
    - عمري معملتها يا ابويا بس عشان خاطر اختي اعمل اي حاجه
    انت مش شايف غير مصلحتك يابويا بقالك سنين
    - كده
    طب لو حصل يا ابو الحسن
    مهتدخل لا انت ولا هيا البيت تاني
    - بيت ؟
    وهو فين البيت ده
    خلاص ههههه مخلاص
    ومتخفش انا كده كده سايبهولك وماشي
    بس بعد اما اتطمن عليها
    وسبتو وطلعت وهو فضل يزعق والغضب مالي وشو
    أخدتها ولميت هدومي وهدومها
    - هنروح فين يا ابو الحسن

    - هنروح لخالتنا ناصره لحد بس منشوف الدنيا فيها اي
    طلع يحيي
    - يابني انت عبيط انت هتروح فين متمشيش بس اهدي
    انا هعملك اللي انت عاوزو
    - ياعم اوعي بس سيبني اي حته احسن من هنا
    - يابني بلاش عند ابوك يجي بالمسايسه
    انا هنزل اكلمه وانا عارف هيسمع كلامي
    بصتله وسكت
    وهو نزل جري
    وشويه وسمعت ابويا بيزعق :
    - تتجوزو
    مش عاوزه تتجوزه

    انا هجوزهولها بس ورحمة امكم مهتدخل البيت ده تاني
    شوية عيال يخلوني أكسر كلمتي مع الناس
    طب ويمين الله بعد ما هتخرج من البيت ده ما هترجعه تاني
    وتبقي تيجي تتف علي قبري
    انا مبقتش عارف اعمل اي
    بس قولت الحمدلله انها جت علي ادد كده
    انا لو خرجت بيها هتتمرمط معايا
    طول عمري جمب ابويا لحد ما بقيت زي البت البكر
    اكتشفت اني لسه باخد فلوس منه لحد دلوقتي
    هه مصروفي
    بصتلها وحضنتها وانا بقول ف نفسي :
    اتطمن عليكي بس بره البيت ده
    وبعت لعلي وقعد اتفق معاهم وهو قرفان وبيكلم الناس بمنتهي قلة الذوق
    بس انا فهمته الوضع واستعجلت علي
    عشان نخلص

    وخلصنا كل حاجه وظبطنا الفرح وعزمنا كل اهل البلد
    الناس شايفانا مبسوطين
    بس ميعرفوش اللي فيها
    اخر كلمه قالها ابويا لرشوانه
    هتخرجي من هنا ومشوفش وشك تاني
    مهنش عليه حتي يقولها مبروك وهان عليه دموعها
    ف يوم زي ده
    بس انا كنت وراها وبحاول أهون عليها وفهمتها ان علي هيشيلها ف عنيه وعشان متزعلش قولتلها ان الامور هتعدي
    وهو مع الوقت هيصفي

    ومع تحضير شنطتها كنت انا كمان محضر شنطتي
    عشان نويت خلاص هسيب البيت
    واعتمد علي نفسي وربنا معايا
    وجه يوم الفرح
    ويدوبك بدأ الفرح وهنكتب الكتاب اهو ولقيت رجالة الخلفاوي هجمو علي الفرح كله
    وهوب الفرح بقي ضلمه
    وبدل الفرحه اتقلبت غم واختي فضلت تصوط والعريس
    متشال غرقان ف دمه
    وشايلينه يجرو بيه علي المستشفي .........

    إرسال تعليق