الجزء الثالث
علاقة مشبوهة
استجمعت نفسي ورديت عليه
فى نفس اللحظة افتكرت كل حاجه شوفتها بسببه كرامتى شرفى عمرى إللى ضاع وشبابي حياتى إللى دمرهالى بس بتشكره فى نفس الوقت ظهرلى اقرب الناس على حقيقتها
فوقت على صوته وهو بيقولى ازيك يا جميل
قولتله عايز ايه وبأى وش انت بتتصل
قالى الله وانتى مش عارفة وشي ولا ايه يا رورو
قولتله يا بجح يا قذر اياك تتصل عليا تانى
قالى بقولك ايه عوج مش عايز
واللى هقولك عليه هتعمليه ودلوقتى انتى لا فى ام ولا اب ولا حد تتحامى فيه ولو مسمعتيش حرف من إللى قولته هلعبلك فى وشك البخت
رميت التليفون فى الارض جاتلى حالة انهيار تانى من إللى منه لله يارب
دخلت عليا الحجه فاطمة فضلت تهدى فيا وتحضنى لحد ما هديت قالتلى انا لازم اعرف فيكي ايه وبسبب ايه بيجيلك الحاله دى
سكت ومردتش...
قالتلى يا ميار يا بنتى لازم حد يساعدك انتى مش لوحدك فى الدنيا دى واعتبرينا اهلك
قولتلها انا هحكيلك سر عمرى
حكتلها وشها اتغير بس صدقتنى يا جماعه
تخيلوا صدقتنى وعيطت عشانى وحضنتنى عوضتنى عن حضن ماما الله يرحمها
وقالتلى يا حبيبتى يا بنتى شايله كل ده فى قلبك وساكته واخواتك دول ايه الله يسامحهم
مفيش قلب قولتلها هتصرف معاه ازاى مش عارفة قالتلى هو غيته فلوس ولا انتى قولتلها اكيد انا واكيد خايف افضحه قالتلى بصي سيبي الموضوع ده عليا وانا بعون الله هتصرف قومي يلا نصلى العصر قومت وصليت معاها وعملت كوبايتين شاى وبعدين حضرنا العشا على وصول الحج ابراهيم والبشمهندس ولقيناه جايب خطيبته معاه اول ما دخلوا وش الحجة فاطمة اتغير 24 درجة بس استغربت اوى هو ازاى متصلش بمامته يعرفها ان خطيبته جاية معاه وإنه حطها قدام الأمر الواقع يلا انا مالى كفاية إللى انا فيه
المهم حطينا العشا واكلنا واستاذنتهم عشان ياخدوا راحتهم والنوم غلبنى ونمت وانا بفكر هعمل ايه مع القذر ده وهخلص منه ازاى
تانى يوم لقيت الحجه مصحيانى وقالتلى تعالى فى الصالة عايزينك هى والحج إبراهيم والبشمهندس أحمد واخوه الدكتور ياسين
الحج قالى احنا عرفنا كل حاجه يا بنتى ودلوقتى انتى أمانة عندنا
مش هتنزلى الشغل لوحدك ورجلك على رجلى وأحمد وياسين اخواتك لو عايزة تروحى مشوار هما معاكى قولتله كلامك على عينى وراسي يا حج ومقدرتش اكسر كلمته ولا أنطق حرف فرحت اوى بجد
الحجه قالتلى مش هنزلك لوحدك يا بنتى فى الشقة إللى تحت انتى هتقعدى هنا معانا قولتلها حاضر
لقيت تليفونى رن تانى هو هموت منه الحيوان ده وفضلت اصرخ قرب منى الدكتور ياسين هو دكتور صيدلى قالى اهدى يا ميار بالراحه ردى وشوفيه عايز ايه فتحت المايك قالى أيوة يا حلوة هستناكى النهاردة فى البيت اياه فكراه ولا افكرك لقيت الدكتور ياسين طبطب عليا وهدانى والحجه بتضحكلى بضحكتها إللى كلها طيبه هديت وحسيت بالامان شاورلى الحج وقالى قوليله ماشي قولتله ماشي جاية قالى طيب الساعه 8 وقفل
الحج قالى انا واحمد وياسين جايين معاكى
قولتله هتعمل ايه قالى خطة متخرش الميا وهنوقعه فى شر اعماله وجت الساعه 8 وروحت البيت و..........
بدل ماتدور وتبحث علي الروايات خليها علي تليفونك وحمل تطبيقنا
