Ads by Google X
رواية علاقة مشبوهة الجزء الرابع -->

رواية علاقة مشبوهة الجزء الرابع

رواية علاقة مشبوهة الجزء الرابع


    الجزء الرابع

    علاقة مشبوهة


    وجت الساعه 8 وروحت البيت المشؤوم اول ما دخلته جسمى كله كان بيترعش تمالكت نفسي لانى لازم اقوى اكتر من كده عشان الخطة تظبط

    كانوا كلهم معايا الحج ابراهيم كان فى العربية الدكتور ياسين تحت البيت وعلى اتصال بيا البشمهندس أحمد واقف ورا شجرة قدام البيت مستخبي ومعاه كاميرا 

    طبعا وخبط على باب الشقه فتحلى اول ما شوفته ضربات قلبي زادت كنت مرعوبة بجد هموت قولت فى نفسي لازم ابقى اقوى من كده واجيب دليل برائتى ويا انا يا انت يا ايهاب

    قالى أهلا يا رورو وحشانى يا موزتى

    قولت أهلا ودخلت

    قعدت واتكلمت معاه كأن فى سكة بنا وفى نفس الوقت زعلانة

    قالى انتى من الليلة اياها واخده على خاطرك ليه 

    قولتله ابدا يمكن عشان فضحتنى وجبت بكرامتى الارض ولا عشان خونتنى مع بنت عمك وخوفت افضحك فعملت فيا كده وانا مش فى وعيي قالى بس اقولك على حاجة كنتى جامده اوى يوميها 


    مقدرتش استحمل اكتر من كده وقومت ضربته بالقلم على وشه كل ما افتكر الليله دى بكل تفاصيلها اموت واحس بسكاكين ونار فى قلبي

    جريت على تحت كل الكلام ده اتسجل بس مش كفايه لازم دليل وقوى جرى ورايا قالى تعالى هنا انا مخدتش حقى وابقى عبيط لما تجيلى برجلك واسيبك تمشي من غير واجب يا عسل قام جرنى ع فوق فضلت اصرخ جامد ياسين جرى طبعا لانه كان معايا على الخط أحمد شاف ياسين بيجرى قام جرى معاه عشان يفهم فى ايه جم على صريخى فى الشقه طبعا الباب كان مفتوح ايهاب نسيه مفتوح وكان جرنى على الاوضة نقذونى منه عشان الجريمة دى متتكررش تانى وخدونى على برا وضربوه وانا كنت نزلت تحت والبشمهندس أحمد اتعور من البلطجى ايهاب ونزل تحت هو واخوه وسابو ايهاب مضروب فوق والحج إبراهيم خدنا بالعربية وطلعنا على المستشفى قولنالهم محاولة سرقة والحمد لله جت سليمة


    روحنا البيت الحجه مخضوضة جدا على البشمهندس لانه اتعور فى دراعه بمطوة واحتاجت خياطة بس هيبقى كويس ان شاء الله

    قولتله هغيرلك انا على الجرح انا خريجة تمريض واسفه جدا على إللى حصلكم بسببى

    الحجه زعلانة مني وفى نفس الوقت انا صعبانة عليها بس ابنها اكتر طبعا فاكتفت بنظراتها ليا

    والحج قالى احنا اعتبرناكى بنتنا وحقك هيرجع ان شاء الله


    الدكتور ياسين قالى ازاى تقولى كده يا ميار احنا اهل

    البشمهندس نام واحنا بنتكلم من تعبه وسيبناه ينام اليوم كان صعب علينا كلنا

    تانى يوم صحيت بدرى حضرت الفطار الحج سابلى نسخه من المفتاح كتبت فى ورقة على السفرة حضرتلكم الفطار وهنزل افتح المحل الف هنا وشفا على قلبكم

    نزلت وفى طريقى للمحل فجأة......


                                      الجزء الخامس من هنا

    إرسال تعليق