Ads by Google X
رواية علاقة مشبوهة الجزء الخامس -->

رواية علاقة مشبوهة الجزء الخامس

رواية علاقة مشبوهة الجزء الخامس


     

    الجزء الخامس

    علاقة مشبوهة


    نزلت وفى طريقى للمحل فجأة لقيته قدامى مبقتش عارفة اتصرف ازاى قالى مفيش مفر تانى يا رورو بابتسامه خبيثه 

    هديت وحاولت افكر اخلص منه ازاى قولتله انت عايز منى ايه ابعد عنى بقا كفاية حياتى إللى ادمرت 

    قالى مين الاتنين القمامير اللى ماشيه معاهم دول 

    قولتله اخرس يا كلب ووسع عن طريقى هو انت فاكرنى شبهك


    قالى لا انا كدة هزعل ولما ازعل بزعل بغباء جرنى من طرحتى وقالى امشي قدامى حاولت اصرخ واستنجد بأى حد الشارع كان فاضي خالص 

    معرفتش اتصرف غير انى عضيته وجريت 

    جرى ورايا بس لحسن حظى انى كنت طلعت على الشارع العمومى واختفيت منه فى الزحمة دخلت مطعم واستخبيت فى الحمام اهدى نفسي واعصابي مقدرتش وفضلت اعيط لقيت تليفونى بيرن 

    رديت الو


    ايوة يا بنتى انتى فين يا ميار عمك الحج قلقان عليكى راح المحل ملقكيش هناك 

    قولتلها انا كويسة يا حجه متقلقيش بس روحت مشوار كدة الاول ومشغولة لما اخلص هروحله

    قالتلى ماشي يا حبيبتى انتى كويسة صوتك ماله كدة 

    قولتلها لا ابدا مفيش حاجه انا هكلم الحج اطمنه

    قالتلى ماشي بس اوعى تنزلى لوحدك تانى لانه زعلان منك بسبب كدة

    وقفلت معاها وكلمه الحج وطمنته عليا


    اتصلت بمنى صاحبتى قولتلها محتجالك اوى 

    قالتلى حبيبتى تعالى انا فى البيت 

    وروحتلها البيت ( منى صاحبتى من واحنا فى حضانه وجارتنا فى بيت بابا)

    روحت هناك مقدرتش دموعى خانتنى وافتكرت احلى سنين عمرى إللى عيشتها فى البيت ده حتى بعد ما ايهاب دمرهالى كان بابا وماما وقت ما أقع يسندونى

    دخلت بيت منى هو بسيط خالص بس حلو اوى بروحه زى بيتنا بالظبط

    مامتها سلمت عليا وباستنى وقالتلى ازيك يا بنت الغالية 

    قولتلها بخير يا خالتو( انا بعتبرها خالتى لانها مربيانى مع ماما )


    قالتلى بقا يا ميار متجيش تقعدى معانا بعد إللى حصل انا واخدة على خاطرى اوى

    قولتلها خاطرك غالى يا خالتو ازاى تقولى كدة

    جريت منى عليا وقالتلى عملالك حتة مفاجاة بكرة بس بشرط لازم تباتى 

    قولتلها ماشي هبات معاكى فضلت تحضنى وتقولى وحشانى 

    قولتلها انتى اكتر والله يا حبيبتى 

    قالتلى تعالى بقا عايزاكى جوا عن اذنك يا ماما

    خالتو قالتلها هو جوزك جاى امتى يا بت عشان اعمل حسابي فى الغدا

    قالتلها لا انا كلمته وهو هيبات عند مامته النهاردة هو انا عندى كام ميار وغمزتلى


    ضحكت كدة وحسيت رجعت كم سنة ورا

    قالتلى تشربي ايه يا روحى قولتلها ولا حاجه 

    قالتلى لا ازاى ادخلى انتى الاوضه وانا جاية

    دخلت وشردت مع نفسي افكر هعمل ايه حياتى متلخبطة اوى مش عارفة هتصرف ازاى فى ايهاب ده

    وافتكرت المحل صحيح انا مش استأذنت الحج 

    كلمت الحج ابراهيم واستاذنته انى مش جاية وهبات عند منى صاحبتى وافق بس حسيته زعلان منى واعتذرتله 

    قاطعتنى منى وجت ايووووووة جاااااى وعندك واحد كابتشينو وكيك وصلحوااااا😂

    قولتلها خير فتحتى قهوة وانا معرفش😀


    قالتلى طبعا عشان عيونك يا صاحبتى مال القمر بقا

    قولتلها يوووووه حاجات كتييير

    وحكتلها عيطت عشانى قالتلى طب ليه يا حبيبتى البهدلة دى كلها مجتيش لماما ليه تقعدى معاها وماما لوحدها هى وبسنت الاوزعه كنتى تونسيها

    قولتلها انا مش عارفة ابقى قوية زى الاول يا منى

    اتكسرت اوى بعد وفاة بابا وماما وايهاب مش فاهمة عايز ايه منى والخطة إللى عملناها اخد بيها حقى هو بوظها 

    قاطعنا صوت رسالة على تليفونى بيقولى لو عايزة تاخدى حقك من ايهاب روحى العنوان ده

    راحت منى بتقولى ايه ده بقا شغل الافلام ده


    قولتلها انا لازم امشي حالا ركبت تاكسي وجريت على الصيدلية إللى فيها الدكتور ياسين قولتله انا جاتلى الرسالة دى واضح ان فى حد عايز يساعدنى 

    قالى لا جايز فخ من ايهاب مش هينفع تروحى لوحدك

    قولتله طب هعمل ايه قالى انا جاى معاكى ولازم نعرف بابا واحمد مكاننا ونبعتله الموقع

    قولتله تمام يلا بينا

    قالى هخلص بس الزباين واكلم زميلى يجي يستلم مكانى قولتله تمام

    قالى اقعدى هنا لحد ما اخلص اوك 

    قولتله حاضر بصلى وابتسم معرفش ليه قاطعتنا 

    واحدة قمر اوى وواضح انها تعرف ياسين لانها بتقوله

    ازيك يا ياسين عامل ايه 

    قالها تمام وانتى 

    قالتله تمام مين دى قريبتك 

    قالها ايوة ايه فى حاجه ولا ايه 

    قالتله اه عندى صداع وعايزة مسكن واقيس الضغط 


    قالها سلامتك استغربت اسلوبه لان واضح اوى انها عايزة تتكلم وهو بيقاطعها المهم مخدتش فى بالى لقيته بصلى وقالى زهقتى نقوم نمشي 

    قولتله زميلك جه قالى لسة بس هو فى الطريق وانا خلصت 

    قالتله انت مقيستش الضغط يا ياسين قالها طارق جاى وهو هيقيسه عن إذنك هجهز نفسي انا خارج

    دقيقة وجايلك يا ميار

    روحت لقيتها بتقولى انتى اسمك ميار

    قولتلها ايوة قالتلى انا تقى

    قولتلها اهلا بيكي

    قالتلى متتعشميش اوى كدة وتفرحى هو ده طبعه مع الكل سكت ومفهمتش قصدها

    لقيته بيقولى انا جهزت يلا


    وخرجنا انا وهو وبلغنا البشمهندس والحج ابراهيم 

    قولتله دكتور ياسين حضرتك عارف العنوان ده

    قالى ممكن نلغى الالقاب وحضرتك وعاملينى عادى زى ما بعاملك يا ميار

    قولتله حاضر راح ابتسم تانى

    قولتله بتبسم ليه قالى اصل حاضر بتاعتك حلوة اوى بالذات وانتى لدغه فى الراء اتكسفت كنا وصلنا العنوان وبعتنا الموقع ليهم اول ما وصلنا اتصلنا بالبشمهندس احمد كان مصمم يبقى معانا على الخط 

    لقينا ظرف على الأرض مكتوب عليه الى ميار فتحته ولقيت صدمه بجد ......


                             الجزء السادس من هنا

    إرسال تعليق