Ads by Google X

رواية حب بالاجبار الجزء الثامن عشر


 

ج.18 حب بالاجبار 


انتوا جايين تصلحوا ولا تعدوا عليا انا كل إللى بعمله بيزنس وبرضا الحكومه

هنا مصطفى وده وقال تمام كدة يا باشا اعترف وبلسانه 

دخلت الشرطة قبضوا على نمر ورجالته 

نمر بصلى وقالى مش بالسهولة دى يا مصطفى وفضل يبصلى ويبتسم وفى عنيه صدمه بيداريها ورافع كتافه وكأنه انتصر ( سبحان الله على جبروت الانسان)


احمد طبطب على كتفى وقالى مبقاش غير عمر هتعمل فيه ايه

عمر ده حسابه معايا انا

قصدك ايه يا مصطفى 

هتعرف بعدين استنى بس عايز اصور نمر اصله محتاج صوره وفيديو كدة وفضيحه حلوة تليق بيه 

هههههههه انت مصيبه 

وطلعت موبايلى وصورته كم صورة وكم فيديو وبعتهم لصحفيين اصل حبايبه كتير😉

ومنشتات على احلى جرايد بالخبر التقيل 

يلا يا مصطفى اسيبك انا 

على فين يا عم 

خارج مع اصحابي 

انت عايز تفهمنى انك ليك صحاب غيرنا هتصيع عليا انا دانا مصطفى ياض 

يا عم خارج مع واحده خلاص محدش بيعرف يكدر عليك ابدا كدة😏

ومين بقا إللى امها داعية عليها بيك 

حرام عليك دانا غلبان 

ما غلبان إلا الشيطان بس هتقولى برضوا 

اشطا يلا سلام عشان متاخرش ابقى عدى على كرم فى الشركة ده بيغرق فى شبر ميا 

طيب يلا 

وسيبته وطلعت على الشركة لقيت كرم قاعد مع السكرتيرة على مكتبها وشكله بيشقطها 

ندهت عليه قام اتنفض 

ايه يا درش انا كنت بسالها على مواعيدك 

مانا عارف ايه الاخبار 

زى الفل يا باشا العربية الجديدة محققة مببعات عاليه والإعلان بتاعها مكسر الدنيا 

طب الحمد لله ده فضل من ربنا علينا 

مش هتعمل حفله بقا بمناسبة النجاح الساحق ده 

اركن على جنب يا كرم دلوقتى لما اخلص موضوع عمر ده الاول 

صحيح هو نمر اتقفش خلاص الخبر نزل من ٥ دق على النت 

اه خلاص وقع ولا حد سمى عليه 

😅 يلا ابن حرام ويستاهل ، احمد فين 

عنده معاد مع موزة 

معقول احمد واحده جابت رجله

تخيل انا مكنتش مصدق

ومتصدقش ليه ما سارة سبب كل إللى انت فيه 😄

وشي اتقلب وزعقت مع كرم قولتله اقسم بالله العلي العظيم لو سمعتها منك تانى يا كرم ما هعرفك 

ايه يا عم انا بهزر انت قفوش ليه 

خلاص يا كرم يلا روح انت

يا عم والله بهزر فى ايه

قولتلك خلااااااااص 

طيب يا عم اشطا😏🚶‍♂️🚶‍♂️


......


سارة 


فضلت طول اليوم إستناه واتاخر عليا جدا

غصب عنى نمت 

لقيته بيبوسنى وبيصحينى وبيلمس على شعرى 

اممممم مصطفى 

عيونو وحشتينى اوى 

انت اكتر اتأخرت ليه 

كان عندى شغل يا حبيبتى ، تعالى يا سارة عايز احضنك 

مالك يا مصطفى ، ايه ده انت بتعيط ، مالك في ايه 

مفيش حاجه بس مش عارف لو مكنتيش معايا دلوقتى كان حصلى ايه 

طب ايه حرام تقول كدة انت عملت كل حاجه تخلينى احبك وفضلت ورايا لحد ما اتجوزتنى انا إللى مش عارفه لو مكنتش اتجوزتك كنت هبقى ايه معرفش لو حد مكانك كنت هبقى عايشه معاه مبسوطة كدة 

سارة انتى السعاده اتخلقت عشانك ، عايزك تفضلى جوا حضنى كدة متطلعيش منه 

بتحبنى اوى كدة؟

وانتى مش حاسه؟! .... انتى عارفه انا عشت كم سنة احلم بيكي عشت قد ايه مستنى اللحظة دى وانتى فى حضنى ومعايا 

بس احنا كدة ولا الافلام 🤭

ازاى 

يعني المفروض ننكد على بعض اضربك بالمخده كده اهو 

اااااه انتى بتضربيني طب تعالى 

لا يا مصطفى متعضنيش 

لا هعضك اهو 

انت نوتى 

انا ايه يا عنيا🤔

نوتى ووحش 

هى نوتى دى شتيمه 

اه 

طب وربنا لاعضك تانى 😂


خلص يومهم وتانى يوم ....


للكاتبه منة الله فؤاد 


مصطفى 

صحيت على خبط ورزع على الباب 

سارة قامت مخضوضه فى ايه مين بيخبط كدة

اقعدى انتى هنا 

طلعت برا لقيت امى مخضوضة ورايحه تفتح قولتلها خليكي انا هشوف مين 

فتحت الباب لقيت مها 

فين عمر يا مصطفى 

دخلت وسيبتها على الباب ومردتش عليها 

امى جريت تحضنها بنتى وحشتيني 

اوعى بس كدة من فضلك بقولك فين عمر يا مصطفى 

جرا ايه يا بت حد قالك انى الحارس الخاص بتاعه هتلاقيه فى داهيه متلقح مع واحده شكله ولا مع مراته ما هى ولدت ولا انتى متعرفيش 

لا عارفه بس عمر قعدته معايا انا مش معاها 

والله ما شوفت ببجاحتك وجبتها من شعرها لو رجلك القذرة دى عتبت باب بيتى ما هيحصلك كويس وبدل ما تعاتبيني على حبيبك ومبتخافيش كدة خافى ربنا انا لولا امى كنت قتلتك 

عيشت وشوفت ولادى بياكلوا فى بعض تعالى يا مها يا بنتى تعالى نقعد فوق انا وانتى 

انا مكانى مش هنا مكانى عند عمر

انا صابر عليكي بقالى كتير المرة الجايه هحطك تحت رجلى مش هرحمك يلا براااااا 

انت بتطرد اختك قدامى 

يا امى ارجوكى متضغطيش عليا اكتر من كدة انتى مش شايفاها 

انا شايفه مش عاميه ولو هى غلطت احنا نقودها للصح مش هنعلق حبل المشنقه ليكم هى دى تربيتي ده إللى ربتكم عليه يا اولادى

يوووووه انا مش فايقه للمواعظ دى ، وانت يا مصطفى انا عارفه انك انت إللى خفيته بس لو مظهرش انا هموتلكم نفسي 

يلا فى داهيه تبقى ريحتي الناس من شرك 

مها انتى مش زانيه يا بنتى صح ردى على امك وريحينى 

بصتلنا ومشيت ومردتش 

انهارت امى وقعدت على الكرسي اه يا حسرة قلبي عليكم يا خسارة تربيتى وشبابي إللى راحوا هدر

يا امى ليه بتقولى كدة انا متخلتش عنك لحظة 

بس اتخليت عن اختك ده انت ضهرها وسندها لو وقعت توقفها لو غلطت تسامحها 

حاضر يا ماما لو ده هيرضيكي انا هعمله 

انقذ اختك يا مصطفى متسيبهاش للنار 

حاضر يا ست الكل بس انتى اهدى 

ربنا يهديكم يا اولادى ويصلح حالكم 

طلعت سارة وقالتلى تعالى 

دخلتلها قالتلى هى فعلا على علاقه مع عمر 

ايوة يا سارة 

يعني عمر بينتقم منك فى اختك 

ايوة 

يعنى انا السبب 

انتى مش سبب حاجه انتى فاهمه 

ازاى يا مصطفى مش انا السبب ازاى 

سارة لو شيلتى نفسك ذنب انتى مش سببه مش هسامح نفسي ابدا 

مصطفى انا سبب كل إللى انت فيه 

قولتلك مش انتى انا إللى حبيتك انا إللى اختارتك انا كنت حاسب كل خطوة بس الل متوقعتوش اختى يا سارة افهمى انا لو فى حاجه حلوة حصلت فى حياتى هى انتى انا لما الدنيا ضحكتلى كان بسببك انتى انا بحبك اوعى تقولى كدة ولا تجرحى نفسك 

عيطت وخدتها فى حضنى طب انتى بتعيطي ليه دلوقتى 

انت كتير عليا اوى يا مصطفى 

والله انتى إللى كتير عليا يا مجنونه ايه مش بتتوحمى على حاجه برضوا 

اه نفسي فى مانجا 

يا بنتى قولى حاجه صعبه ادور عليها عايز اعيش دور الاب بقا وادور واقول مراتى بتتوحم 

ههههههههههههههههه ماشي هاتلى فراولة 

😅 بس كدة من عيونى ، يلا انا نازل عشان متاخرش على الشركة 

وفعلا جهزت ونزلت كلم كرم واحمد وقولتلهم قابلونى فى الكافيه بتاعنا 

وروحت الكافيه قابلت عماد 

هو فين يا عماد

جوا 

طب يلا ودخلنا و.....


الجزء التاسع عشر هنا 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-