ج.17 حب بالاجبار
ومعرفتش انطق
اتصل بيا احمد
أيوة يا مصطفى اطلعلى فوق عايزك
مفاجاه
مفاجاه ايه انطق مش فايقلك
مش هتصدق لقيت فلاشه تحت السرير هات اللاب بتاعك واطلعلى فوق
تمام انا جاى
خدت الفلاشة وفتحتها لقيت فيديوهات كتير
خوفت افتح فيديو منهم يكون فى حاجه شمال قولت لأحمد معلش يا احمد اطلع انت
أحمد خرج برا وفتحت فيديو لقيت مها مسجلة كلام بين عمر ونمر وسهام وهما بيتفقوا هيقتلونى ازاى اتصدمت والمصيبة أنها قاعده معاهم وبتقولهم افكار ومواعيد ليا قولت اكيد دى مريضة نفسيه مها دى لا يمكن تكون طبيعيه
فتحت فيديو تانى لقيتها هى وعمر مع بعض وهى إللى اكيد مصورة أصل ايه هيجيب الفلاشة فى الأوضة دى وتكون تحت السرير
فيديو تانى بيتكلموا مع بعض فيه وهو بيقولها ان سارة خانته معايا وقتها دماغى عملت error
هى مين إللى خانتك ولا انا خونتك مع مين وانت عامل فيها شبح ومصاحب نص بنات مصر يا عم
قفلت اللاب مقدرتش اشوف قذارة اكتر من كده بس اكيد إللى مصور الفيديوهات دى يا مريض نفسي يا عبيط واهبل
ندهت لأحمد قولتله عمال تقولى مفاجأة مفاجأة قولت فى أمل لقيت عمر كتك نيلة
هههههههههههه لقيت ايه ورحمة ابوك
عينى اتكسرت من الحزن مقدرتش ارد قولتله ولا حاجه كلام اهبل
خدت بعضي ونزلت لقيت امى بتقرا قرآن وبتعيط وام سارة بتحضر الفطار دخلت لسارة لقيتها بتصلى
قولت فى سرى يا رب زيد البيت بركة
سبت سارة تصلى وروحت لامى
قولتلها مالك يا حجه
لقيتها بتعلى صوتها وبتقول قاصده تسمعنى
(قل يا أيها الذين آمنوا إذ جاءكم فاسقا بنبأ فتبينوا عسى ان تصيبوا قوما بجاهلة فتصبحوا على ما فعلتم نادمين)
صدق الله العظيم يا امى بس انا مظلمتش بنتك
انا شوفتها بعينى
قلعت النظارة وقفلت المصحف وقالتلى بس انا مربية مها يا مصطفى بنتى لا يمكن تعمل حاجه حرام زى ما ربيتك انا ربيتها
قولتلها انا شوفت بنتك بعينى وهى فى حضن رجل تانى وانتى شوفتى الفيديو بنفسك
يعنى بتقول على اختك زانيه
استغفر الله العظيم يا رب يا امى كفاية انا شوفت بما فيه الكفاية ومها دى انا اتبريت منها
يبقى تتبرأ منى انا كمان يا مصطفى
يا ماما متضغطيش عليا انا نازل عشان ورايا شغل عن اذنك
مصطفى لو مجبتش اختك هنا اعتبر أن امك ماتت
جت ام سارة على زعيق امى وقالت يا جماعه صلوا على النبي فى قلبكم كده فى ايه
ولا حاجه يا حماتى عن اذنك عشان عايز البس ورايا شغل
خرجت سارة قالتلى تعالى الأوضة انا عايزاك
وبصت لامى وقالتلها صباح الخير يا ماما
ودخلت
روحت وراها قولتلها بصي هتكلمى فى اى حاجه فانا مش فايق تمام
قالتلى بكل هدوء بس فهمنى أيه الفيلم الهندى ده
غصب عنى ضحكت على كلامها بتعرف تضحكنى
قولتلها والله انا من غيرك ما كنت اعرف انا هعيش ازاى محدش مصبرنى على الفيلم الهندى ده غيرك ، بس هو أتحول من اكشن لهندى امتى يا سارة
ضحكت هى كمان وقالتلى انا اعرف إللى يعيش معاك ياما يشوف يا اخويا
قولتلها طب اوعى بقا ورايا شغل عايز انزل
قالتلى الله يعينك يا مصطفى
دخلت خدت شاور ولبست ونزلت....
.......
سارة
انا عارفة وحاسة بمصطفى اوى وان إللى عاشه مش شوية وقلبه مليان نار مبتطفيش فبحاول مضغطش عليه وسيباه براحته وبدعيله فى كل سجده ربنا يشيل عنه ويفك كربه
دايما الدعاء بيرفع البلاء
خرجت برا وقعدت مع ماما وحماتى بس انا بقولها يا ماما برضوا
مامتى يلا يا سارة مش هتفطرى
لا والله يا ماما مش قادرة بطنى وجعانى
بصت ماما لحماتى وقالتلها طب تعالى انتى يا ام مصطفي كولى لقمه
لا عن اذنكم انا عايزة انام وسابتنا ودخلت اوضتها
ماما قالتلى هو فى ايه يا بنتى مالهم حصل ايه
بعدين يا ماما لاحسن هو حوار كبير
ربنا يجيب العواقب سليمه يا رب انا حضرت الغدا كمان وفى المطبخ لو جوعتى سخنيه
ايه ده انتى نازله
اه هشوف ابوكى ده مبيعرفش يعمل لنفسه كوبايه شاى هشوف طلباته واغسل هدومه واجيلك الصبح
ربنا يديكي الصحه وما يحرمني منك ابدا يا ست الكل
ولا منك يا بنتى ويطمن قلبي عليكي
نزلت ماما وكلمت ريهام تجيلى تقعد معايا قالتلى هعدى عليكي بعد الشغل....
.......
مصطفى
طلعت على الشركة خلصت الشغل إللى ناقص وكان ورايا اجتماع مع الموظفين في الشركة
خلص الاجتماع ندهت لأحمد وكرم وسهام
إللى جت الشركه بمنتهى البرود
سهام
نعم يا مصطفى
شوفي هتبيعى الاسهم بتاعتك فى الشركة بكام لانى هشتريها منك
ومين قالك انى هبيعها
قومت وخبطت بايدى على المكتب
بت إنتى متلعبيش عليا وتعملى دور العبيطة انا قولت هتطلعى من الشركة دى يعنى هتطلعى مصطفى مبيرجعش فى كلامه
كرم اهدى يا مصطفى بس
أحمد بصي يا سهام احنا اعتبرناكى صاحبه لينا ووثقنا فيكي بس انتى خاينه وهتفضلى طول عمرك خاينه ولازم تطلعى من الشركة دى وده احسن ليكي ومصطفى لما بيقول يا شر محدش بيوقفه
مصطفى انت بتقول ايه يا احمد واحده واطيه زى دى متتكلمش معاها كده ، بت انتى هتبيعى ولا اخليكى تبيعى بطريقتى
خلاص يا مصطفى موافقه
هات الورق وانا همضي عليه بس شرط المبلغ إللى على الورق ده ميلزمنيش
اومال عايزة كام
اهو كتبته بصفر زياده
وانا موافق
مصطفى انت كده هتخسرنا
انتوا معايا ولا لا
معاك للآخر يا مصطفى
يلا امضي
تمام انا كده مضيت على كله حاجه كمان
يلا الشيك اهو ويلا برا مشوفش وشك هنا تانى
ااااااااه اااااااااااه كفااااااايه تعببببببت كفاااااايه
اهدى يا مصطفى أهدى يا صاحبي
اهدى ايه اهدى ازااااااااااى انا بموت بالبطى كل يوم ضربه على دماغى مبيرحمووووونيش
مصطفي وطى صوتك موظفين الشركة كلهم واقفين يتفرجوا من ورا الزجاج
همووت يا احمد تعبت
المؤمن مصاب يا صاحبي صلى على النبي
عليه افضل الصلاة والسلام
يا مصطفى انت كده خلصت من سوسو يلا بقا عشان نشوف هتوقع نمر وعمر ازاى
هروحلهم
ايه؟؟؟؟؟
هروح لنمر
انا جاى معاك يا مصطفى يلا يا كرم
لا واحد فيكم يفضل فى الشركة مينفعش احنا التلاته
خلاص خلى كرم هنا وانا جاى معاك....
....
سارة
الباب بيخبط
مين
انا يا سارة افتحى
ريهام قلبي ادخلى
عامله ايه يا ام النونو
الحمد لله بخير يا رورو عقبالك يا رب
يارب عندى ليكى خبر حلو اوى
ايه قوليلى
أحمد
ماله
اتصل بيا وقالى عازمك على العشا النهارده
ايه يا بت اعجب بيكي
ايه وانا مش قمر يعنى اعجب
لا ده انتى قمرين مش قمر واحد
قلبي وربنا العشق العشق يا بت
بولبيف بولبيف يا عوووووومرى
هههههههههههه احنا مسخرة
هتلبسي ايه بقا
عندى دريس بينك هلبسه
حلو اوى وحطى ميك أب خفيف هتبقى قمر
انا قمر من غير حاجه
على وضعك😂👏
ماشي فى أكل هنا
اه يا طفسه ماما عاملاه فى المطبخ قومى سخنى هاكل معاكى
اشطا 😘
......
مصطفى
اهلا اهلا مصطفى باشا كنت مستنيك
نمر اخلص عايز ايه
ولا حاجه عايزك شوفت بسيطه ازاى
بص يا نمر
اتفضل يا احمد بيه
احنا جايين هنا نحل
طبعا طبعا وده غرضي
تمام يبقى اتفقنا طلباتك
روحك يا مصطفى
انت بقا مش عايز تجيبها لبر ولا زى ما قتلت ابويا عايز تقتلنى
بالظبط بيعجبنى فيك ذكائك زى ما قتلت ابوك عايز اقتلك
انت أخطر واحد انا شوفته فى حياتى يا نمر غسيل اموال وشغل من تحت لتحت وقتال قتلة كمان
انتم جايين تصلحوا ولا تعدوا عليا وفيها ايه كل إللى بعمله بيزنس وبرضا الحكومه
وهنا مصطفى نده وقال....
بدل ماتدور وتبحث علي الروايات خليها علي تليفونك وحمل تطبيقنا
