ج.4 #حب_بالاجبار
دى يا ستى واحده ملقحه جتتها عليا وعايزانى
طب وانت سايبها ليه هنا
مبحبش أقطع رزق حد
تمام
ايه غيرتى..؟
وانا هغير ليه هو ده منظر اغير منه
يا واد يا جامد
بس عيب....
ايه بتكسفى
وبعدين بقا
طيب خلاص خلاص ، حلو العصير عجبك
جدااااا روعه
الف هنا يا حبيبتى
سمعت منه الكلمه وشي احمر ومنطقتش
قومى يلا عشان اوصلك
فهمت انه غير الموضوع عشان ميحرجنيش اكتر من كده
قولتله تمام يلا
روحنى البيت وطلع يتكلم مع بابا عشان يوم الخطوبة وكده صمم انه نكتب الكتاب مع الشبكه بابا كان واثق فيه وشايفه محترم
وحددنا المعاد يوم الخميس
اتصلت بريهام
الو
أيوة يا بنت قلبي طمنينى ايه الاخبار
تمام يا ريهام بس قلبي مقبوض اوى
ليه يا نكد الواد حليوة وزى الفل
مش عارفة بس كل حاجه مثاليه لدرجه تقلق
لا يا حبي انتى بس إللى بومة😁
والله اتمنى ابقى انا إللى بومة يا ريهام
قفلت معاها لقيته باعتلى مسدج سهرانه ليه
اتصلت بيه
عرفت منين انى سهرانه هو انت بتراقبنى
لا بحس بيكي
مصطفى
نعم
انت مش الخازوق صح 😎
ليه بتقولى كده
قلبي حاسس بكده انى هاخد قلم كبير منك
لو مش مطمنالى يا سارة حبينى عادى😂 ساعتها هتطمنى
انا مش مجبورة انى أحبك
لا مجبورة يا سارة لأنك ليا مش لحد غيرى
قفلت فى وشه
ونزلت تانى يوم بعد الشغل انا وريهام عشان أنقى فستان الخطوبة
ولقيته فى وشي فى الاتيليه انا وريهام
وقفت متنحه انت جيت هنا ازاى وعرفت منين انى هنا
همستلى ريهام بت يا سارة انا بدات اتوغوش
مش قولتلك بحس بيكى
مش للدرجه دى يا مصطفى
قوليلى بقا نقيتى اى فستان ولا اقولك دقيقه كده
بص على مجموعه من الفساتين وقالى الاوف وايت ده صح
انا وريهام بصينا لبعض واحنا متنحين
قولتله أيوة ده
قالى تمام سبيه وانا هحاسب عليه
قولتله لا الخطوبة على العروسة معلش
قرب منى اوى لدرجه انى كنت بتنفس نفسه هو وحط عينه فى عينى قلبي دق اوووووى وقالى
رجولتى متسمحليش بكده وبالراحه على قلبك عشان يلزمنى وبعد
كنت حاسه انى هقع من طولى والله جذاب بطريقه تدووووووب وريحه برفانه تجنن
بس مسكت نفسي وقولتله وقلبي يلزمك فى ايه يا مصطفى
قالى لانه بتاعى يا سارة وانا عايش بيه ونزل عشان يحاسب على الفستان
سرحت فيه وفى خطواته وهو ماشي
قاطعتنى ريهام يالهوووووووى الواد يقطع النفس انتى ازاى محبتوش
قولتلها بصي انا هتجنن دلوقتي قلبي بيقول حاجه وعقلى بيقول حاجه تانيه خالص سبينى بقا
والله معاكى حق الله يكون فى عونك يا ساره
ونزلت انا وهى لقيته واقف مستنيني تحت
قولتله فين عربيتي انا كنت ركناها هنا
لا ما انا ودتها تتصلح
وانت مين يسحملك تعمل حاجه زى كده
انا
مش فاهمه
انا سمحت لنفسي انى اودى عربيتك تتصلح
ريهام 😂😂😂😂 لا مسيطر
يلا اتفضلى اركبي عشان اوصلك
فين
على الميك اب أرتست
يلا يا ريهام
جايه اتصل بماما قاطعنى وقالى انا كلمتها وعرفتها
يوووووه
قولتله عارف العنوان هو كمان ولا اقولك عليه
قالى لا عارفوا
وفعلا ودانى هناك وحجزت ليوم الخطوبه ودفع جزء
تحبي نتغدا فى الكافيه عندى
ولا اوديكي مطعم معين
راحت ريهام قاطعته طب نزلنى هنا يا مصطفى عشان مبقاش عازل بينكم
برقتلها عشان متمشيش
راحت باستنى ونزلت
قالى ايه خايفه
قولتله واخاف من ايه
قالى انى اكلك مثلا
قولتله متقدرش
راح ضحك وقالى أقدر بس مش دلوقتي
راح و دانى ماك
قولتله انت ناقص ايه متعرفوش
قالى تفاصيل تفاصيلك انا عارفها
اتفضلى
ايه دى
هديه
عارفه بس ايه هى
افتحيها وهتعرفى
فتحتها لقيت بلورة حلوة جدا وجواها تلج
قالى عارف انك بتحبي الشتا وبتحبي الحاجات البسيطة وعارف كمان انك هتحبيها
عينى دمعت كلامه لمس قلبي ، بيعمل كل حاجه انا بحبها عارف امتى ياخد عقلى منى
روحنى وبقيت كل يوم استنى هيعملى ايه
هيفرحنى ازاى بقيت استنى مكالمة من تليفونه
لحد يوم الخطوبة
عملت ميك اب هادى ولبست الفستان الاوف وايت كان عليه ورد دهبي رقيق اووووى
وطرحتى الاوف وايت
ريهام والله شبه الاميرات
بجد حلوة
قمرررررر وباستنى
ماما يا الف نهار ابيض قمر يا عروسه
وجه ياخدنى قالى ايه الجمال ده
ميرسي
لا ميرسي على واجب 😎
وهو كان حلو اوى لابس بدلة سودا ومرجع شعره الأسود على ورا ودقنه خفيفه
وريحه برفانه دخلت قلبي وهو مانكجنى
كتبنا الكتاب وكانت الخطوبة عائليه
وقالى النهارده أسعد يوم فى حياتى انتى مبسوطة
لأول مرة اسلمله قلبي وقولتله ايوة
اليوم خلص ومشي...
تانى يوم استنيته يتصل متصلش
والغريبة انى لما .....
بدل ماتدور وتبحث علي الروايات خليها علي تليفونك وحمل تطبيقنا
