Ads by Google X
رواية العاهره الفصل السابع -->

رواية العاهره الفصل السابع

رواية العاهره الفصل السابع

     


    رواية العاهره 

    الجزء السابع 


    الكاتبه / مي علي 



    روحت مع يحيي علي بيت العاهره اللي دافع فلوسها مقدم 


    والصدمه كانت 

    إن العاهره اللي أخويا عاوزها 


    تبقي هي شمس حبيبتي 


    رفعت عيني ف وشها وانا مذهول 

    زي اللي اتشل وفقد النطق 


    وهيا من ورا عينيها المرسومه بالكحل ومكياجها ولبسها العريان 


    في بني ادمه زباله رخيصه 

    ودموع التماسيح من ورا عنين كدابه 


    بصيت ليحي وقولت ..

    هي 

    هي دي كاميليا 


    هي دي اللي انت دفعت فلوس عشان تقضي معاها الليله بعد ما نمشي 



    بصتلو والدموع ف عيني وجوايا بركان غطي علي كل الأصوات اللي حواليا 


    ولقيت الست الوقوره اللي كنت فاكره أمها المحترمه 

    جايه ناحيتها وبتقول ...


    يا كاميليا اي هتفضلي واقفه هنا تعالي 

    سلمي علي شريف بيه وجميل بيه 


    وبصتلي وقالت ...


    اي ده انت ؟! 

    اي اللي جابك هنا معقول أشكال زي دي تخش هنا 


    انا فعلا مش عارف انطق 

    وفجأة راحت قايله من وسط دموعها الكدابه ...


    ابو الحسن انا 


    محستش بنفسي غير وانا ايدي طابعه القلم علي وشها 


    وبصتلهم بإحتقار وخرجت وانا جوايا حزن الدنيا 


    ياااه للدرجه دي انا عبيط وساذج وخيبه


    مقدرتش افهم أن اللي حبيتها 

    تبقي 

    عاهره حقيره بتتأجر بالليله ومن رخصها مع كل واحد شويه 


    وف نفسي قولت ..

    الحمدلله انك فوقت يا ابو الحسن 

    كان زمانك متجوزها ومركب الارايل وفضحتك بجلاجل 



    قاطعني يحيي اللي نزل ورايا جري ...

    يا بني استني هتجريني وراك ليه 


    - ابعد عنيييييييييييييييييييي


    - اهدي طب بس اهدي 

    هو اي اللي حصل فهمني 


    - محصلش حاجه 

    روح اجري كمل ليلتك 

    اجري يلا متضيعش الليله انت دافع فلوس 


    - ابو الحسن مالك في اي 


    مقدرتش امسك نفسي والدموع اتسحبت من عيني غصب 


    بصتله وقولت ..

    في أن الانسانه الوحيده اللي حبيتها وكنت عاوز اتجوزها

    طلعت زباله 

    رخيصه بتتباع بالفلوس 

    كنت هتجوز عاهره يا يحيي 



    - استني انت بتتكلم عن مين 


    - عن اللي انت دفعت فلوس عشان تقضي الليله معاها 


    - ابو الحسن انت اتجننت انت بتقول اي 

    هي دي شمس اللي انت بتحبها 



    - مطلعتش شمس 

    ههه طلعت كاميليا 

    العاهره 

    واخوك 

    اخوك كان هيبقي بأرايل يا يحيي 


    وسبته ومشيت وانا تايهه ف الدنيا وهو مش مستوعب 


    - رايح فين بس 


    - ماشي 

    مسافر 

    رايح ف اي داهيه 

    عليه العوض ومنه العوض يارب 

    عليه العوض ومنه العوض



    وفضلت ف الشارع بلف 

    وعنيا بتغطي الأرض دموع ف كل شارع 


    وأخر ما تعبت روحت 


    مؤمن لما شافني كده 

    استني لما دخلو نامو ودخل قعد معايا 


    - مالك يا ابو الحسن فيك اي احكيلي 


    - مفيش يا مؤمن 


    - يا جدع قول كلام غير ده 

    في اي بس احكي متخفش 



    كنت مخنوق وكان لازم اتكلم 

    حكيتله كل اللي حصل 



    قال ...


    - البت دي واحده من الناس اللي ساكنين ف الڤيلا اللي قدامنا 



    - اه ايوه 



    - ليه مقولتش يا ابو الحسن ليه 


    - اقول اي بس 


    - يا اخي كنت قول انا افتكرتك بتفهم

    علي الاقل كان حد مننا اداك نصيحه 

    البيت ده شمال والست دي قواده كبيره اوي 

    وشغلها كلو كده 

    بس مش اي شغل 

    ده للناس الكبار واللي معاهم فلوس وكده 



    - مشهورين يعني 


    - اومال اي طبعا 

    بس مسنوده محدش يقدر يتكلم ولا يهوب ناحية بتها

    لأنها بتشتغل لناس كبار اوي واتبلغ عنها كذا مره 

    وبتنزل الحكومه من عندها قفاها يقمر عيش



    - ههههه وطلعت انا الاطرش ف الزفه 


    - معلش نصيبك كده 

    واحمد ربنا أنها خلصت بدري 

    بدل مكان زمانك يعني 



    - زماني خروف وبقرون 


    - معلش والله لو كنت قولت كنا نصحناك 



    - ولا علي اي الحمد لله 

    انا بس ليه ملاحظتش عليها ده 

    دي كانت زي الملاك 



    - يابني دول عاملين زي الحيه تسبلك عينها لحد ما تحاوطك وتروح لدغاك 


    - صح عندك حق 

    بس انا حاسس اني تعبان 


    - انا عارف انك اكيد هتتعب ومش هتمر بالساهل 

    بس لازم تفوق 

    اهتم بشغلك 

    اقولك حاجه 

    عزل من هنا 

    اعمل طلب نقل لسكن تاني 

    عشان متقابلهاش 



    - أعزل 


    - اه وانسي واهتم بشغلك 

    انت بقيت احسن واحد فينا 

    ومتنساش انك مهندس مش صنايعي زينا 

    يعني مستقبلك كبير 

    وخلال سنه تجيب شقه وعربيه 



    - عندك حق يا مؤمن 


    - انا هاجي معاك كمان 

    عشان متبقاش لوحدك 


    - وانت ذنبك اي بس 


    - يا جدع متقولش كده 

    انا يعني لو موقفتش جمبك دلوقتي 

    هقف امتي 

    شد حيلك انت بس 

    وادعي يوافقو



    - يارب 

    خلاص بكره نقدم علي طلب نقل سكن 



    وفعلا خلص الكلام علي كده ولميت حاجتي وقفلت البلكونه الشؤم دي 


    ونزلت روحت الشغل 

    تاني يوم ولقيتها واقفه ف البلكونه 


    تفيت ف وشها من بعيد 

    وركبت وروحت شغلي 


    وقدمت انا ومؤمن طلب نقل سكن 


    وهما وافقوا بس قالو بعد شهر من دلوقتي 


    عشان في ناس موجوده وهتمشي واحنا نحل محلهم 


    ومن ساعتها وانا مفيش حاجه ف دماغي خالص 


    غير حاجه واحده 

    كنت عايز اعملها قبل ما امشي 


    واستنيت لحد قبل ما امشي بيوم 


    ورحت بليل ع الساعه عشره 


    لبيت السنيوره الكدابه 


    وطلعت وفتحتلي واحده 

    باين عليها انها الشغاله ....


    ودخلت وقعدتني ف الاوضه اللي بيستقبلو فيها زباينهم


    وراحت تنادي الست هانم بتاعتها


    وأول مدخلت وشافتني 


    بصتلي بإحتقار ...


    خير جاي هنا ليه 

    اتفضل اتكلم معنديش وقت 


    - هنتكلم واحنا واقفين كده 

    ممكن تقعدي وتقفلي الباب 

    عاوزك ف كلمتين 



    - ها اخلص قول 


    - طب اقعدي 


    - اديني قفلت الباب وقعدت 

    ها خير 



    - بصي بقي انا مبحبش اللف والدوران انا دوغري وصريح 


    انا جاي وعاوز خدمه 



    - سوري مبقدمش خدمات 


    - مقولتش بالمجان 

    كلو بتمنو طبعا عندك وانا عارف ده 

    ف اديني فرصه اكمل للأخر


    - خير عاوز اي 


    - عاوز ليله مع شمس 

    قصدي كاميليا 

    ايا كان اسمها انا جاي أجر منك ليله معاها 



    - انت اتجننت اي اللي بتقوله ده 


    - بصي بلاش تعملي الشريفه العفيفه عشان كل حاجه اتعرفت 

    وانا عارف انك مسنوده

    متقلقيش مفيش مني ضرر 

    انا ذبون عادي وهدفعلك اللي انتي عوزاه 



    - انت ؟! 


    - اه انا 

    ادفعلك مقابل ليله 


    - اممم بس الليله غاليه اوي شمس تمنها غالي عليك 



    - اهو كده الكلام يحلو 

    انتي قولي عاوزه كام وانا سداد 


    - اممم ممكن نقول يعني 

    وده عشان خاطر عيونك بس 

    خمس تلاف جنيه 



    بدون تردد قولت ..


    موافق 


    - الدفع مقدم 


    - لا ادفع وانا داخل 


    - عاوز الليله دي امتي 


    - انهارده لو ينفع 


    - اوووه انت مستعجل اوي 


    - اه جدا 

    وعشان اثبتلك حسن نيتي 

    هدفع نص الفلوس دلوقتي والباقي الليله وانا داخل 



    - خلاص اوك 

    طب والمكان هيبقي فين 



    - هنا 


    - لا انا مانعه عندي الحاجات دي نهائي 


    - هدفعلك زياده ٥٠٠جنيه 

    ها قولتي اي 


    - تعجبني 

    خلاص اوك النهارده تستني مني تليفون اوك 



    - معادنا الليله 


    - اه طبعا 


    - اتفضلي الفلوس اهيه

    وخدي الرقم 


    وسجلت الرقم 

    ونزلت علي طول 

    ومكنش في حد بره ولا حد شافني 


    وروحت وانا مستني الليله دي بفارغ الصبر 


    اي يعني فلوس 

    مش مهم 

    المهم انا هعمل اللي انا عاوزو 



    وفعلا بليل رنت عليا 

    وقالتلي أن كلو تمام ومفيش حد غيرها ف البيت 

    قال اي عشان ده موسم 

    والبنات شغالين 


    وخليتها مخصوص عشاني 


    وانا جهزت بقية الفلوس ونزلت 


    ووصلت عندهم وفتحتلي القواده الرخيصه الباب 

    ودخلت وحاسبتها 

    وبالزياده زي ما اتفقنا 



    وقالت ...


    هتلاقيها ف انتظارك جوه 

    بس خلي بالك انا مقولتلهاش حاجه 


    - ليه ؟! 


    - ههههه مكنتش هتوافق يا عنيا بعد اللي انت عملتو 

    يقطع الحب وسنينو ده اللي جابنا ورا 



    - طيب تمام 


    وفعلا دخلت 

    وقفلت الباب ورايا 

    وكان في مفتاح قفلت بيه وشيلتو ف جيبي 



    ودخلتلها لقيتها واقفه قدام البلكونه ومدياني ضهرها 


    ومنكمشه ف نفسها ومربعه أيدها 


    قربت منها وحطيت ايدي علي كتفها 


    واول ملفت وشها وعينها جت ف عيني 


                الفصل الثامن من هنا

    إرسال تعليق