رواية العاهره الفصل السادس

 

رواية العاهره 

الجزء السادس 

الكاتبه / مي علي 

الباب فجأه خبط 

روحت ناحية الباب 

- ايوه ايوه مين 

فتحت الباب وانا مش متوقع مين اللي يكون بره 

واتصدمت لما لقيته 

اخويا يحيي 

- ابو الحسن اخويا بالحضن 

انا ذهلت مبقتش عارف انطق 

عرف عنواني منين ده 

- اي يا جدع متحضن اخوك 

اي مش هتقولي اتفضل 

- ها اه اه  اتفضل يا يحيي 

دخل وهو بيقول..

الصلاه ع النبي 

الصلاه ع النبي 

اي الشقه الحلوه دي 

باينها ارتاحت معاك خالص 

- انت عرفت عنواني منين 

- اي قلة الذوق اللي نزلت عليك فاجأه دي 

طب مفيش شوية شاي شوية ميه اصول الضيافه يعني 

- يحيي بطل طريقتك دي 

انت عرفت منين عنواني 

- الله تقولي عرفت منين 

اقولك من الوصل اللي سبته ع السرير يا جميل 

- وصل ؟! وصل اي 

- والله انا مش عارف اذا كنت سبته وانت ناسي 

بس اهو الوصل ده 

مسكت الوصل 

اه فعلا ده بتاعي 

ادهولي مقابل رسوم دفعتها هناك لما جيت اتعين 

بصلي وقال ...

بس فقريت الاسم بتاع الشركه دي 

ولما انت روحت وقولت عدولي 

قلت أما اجي اسأل عليك انا 

أما انت طلعت ندل بصحيح ياد يا ابو الحسن 

كده متسألش علي اخوك 

- معلش كنت مشغول 

- طب اي مفيش شوية شاي 

- هقوم اعملك اهو 

ودخلت المطبخ اعملو الشاي 

جه ورايا وقال...

لا بس الشقه حلوه اوي 

بيضالك ف القفص والله 

- اي اخبارك يا يحيي واخبار البلد وابوك 

ورشوانه 

- كلو تمام 

وابوك والله سألني عليك 

وانا طمنته وقولتله انك كويس 

- سيبك من كل ده 

رشوانه اختك عامله اي 

بتسأل عليها ؟! 

- رشوانه دي بقت حاجه تانيه خالص 

وعلي كتبلها الارض اللي ابوك كان عينو عليها

المزاد وقع علي جوزها علي 

وابوك طبعا 

- هههه بقي يجر ناعم 

- هههه لا مش للدرجه دي 

بس شيعلها حد يكلمها تبيع الأرض 

وحصل عركه بينه وبين الخلفاوي علي الأرض دي وفضو الشراكه 

- هو ابوك عرف أن علي كتبها بأسمها 

- لا مفتكرش 

بس مسيرو يعرف 

انت ابوك ده مفيش حاجه ف البلد تستخبي عليه 

وفي خير حلو بقي وأمانه بعتني اوصلهالك 

- خبر اي ابسطني

- اختك رشوانه حامل 

- بجد 

هيا لحقت 

- اه يا عم بقالها اربع شهور اهو متجوزه 

ودلوقتي ف الشهر الاول 

وبعتالك رقم تليفونها الجديد جوه الجواب ده 

- وحشتني اوي والله 

امسك الشاي علي ما اقري الجواب 

- لا خلاص اشربه انت مليش نفس 

بس بجد الشقه حلوه 

وياتري بقي بتقبض حلو 

- الحمدلله مستوره 

وفي اخبار حلوه هتعرفها قريب 

- ابسطني قول 

- بعدين بقي 

- طيب اللي تحبه 

هتكل انا بقي علي الله 

- متخليك 

لا يادوبك ألحق اصل عندي معاد 

- طب محتاج حاجه 

- منحرمش هحتاجكك قريب 

- طيب اديك عرفت البيت 

ابقي تعالي دايما 

- انشالله 

سلام 

ونزل يحيي 

وفتحت 

الجواب 

لقيت ورقه فيها رقمها 

والجواب مكتوب فيه ...

وحشتني اوي يا ابو الحسن ونفسي اشوفك 

والنبي امانه عليك اول ما يوصلك الجواب تكلمني 

ومتكسفنيش ف اللي بعتهولك 

والله ده خيرك اللي سابق ومغرقني من ساسي لراسي يا ابو الحسن 

وحشتني اوي 

كلمني ضروري والنبي 

اختك رشوانه 

ببص ف الظرف لقيت بتاع ٥٠٠ جنيه 

اه يا بنت العبيطه 

يا حبيبتي بعتالي فلوس 

طول عمرك وانتي حنينه يا رشوانه زي امك الله يرحمها 

قمت اجيب تليفوني عشان اكلمها 

بس ملقتش معايا رصيد 

فقولت بكره اشحن واتصل بيها 

ودخلت كعادتي قعدت ف البلكونه ونمت وانا قاعد 

وقضيت العيد لوحدي 

ومشفتش شمس خالص 

من ساعة مخرجت أخر مره 

وانا معرفش هيا فين 

لا بتظهر ولا حاجه 

وشايف بس رجاله خارجه داخله عندهم 

وناس كباره اوي

اكيد دول قرايبهم بقي 

وخلص العيد وكلو رجع 

ورجعنا الشغل 

وتاني يوم شوفتها ف البلكونه من بعيد 

بس وشها كان باين انو تعبان 

وانا واقف وبشورلها 

بس هيا بصالي وساكته 

ومش بترد 

لقيت واحد داخل عليها 

رحت منزل ايدي بسرعه 

اول مره اشوفه ده 

شكله راجل مش كبير اوي ف السن 

ولقيته حضنها ف البلكونه وبيبوس أيدها 

اي ده مين ده 

علني كده قدام الخلق 

ده لو ابوها ميعملش كده 

مين الجدع ده 

ودخل وهو محاوط كتفها ودخلو جوه 

انا بقيت هتجنن 

تاني يوم فضلت واقفلها من ساعة مرجعت 

انا لازم اشوفها واتكلم معاها 

والأهم أعرف مين ده 

وفعلا خرجت وشاورتلها تنزل 

وخرجت 

وكالعاده اتقابلنا ف الجنينه ..

- انتي كنتي فين يا شمس 

كل ده مشوفكيش 

- معلش يا ابو الحسن اصل كنت مسافره 

- مسافره فين 

وليه مقولتليش 

- مجاش فرصه 

انا سافرت بعد ما انت مشيت علي طول 

- يا شمس والله قلقت عليكي 

- كان لازم اسافر انا وهو 

قصدي انا وبابا عشان اغير جو اصلي كنت تعبانه 

- سلامتك ألف سلامه 

انا حسيت بردو بكده لما شوفتك امبارح ف البلكونه وكنتي 

اه صحيح مين الراجل ده اللي كان معاكي وعمال يحضنك كده 

انا اول مره اشوفه 

- ده 

خالي اصلو جه لما عرف اني تعبانه 

- اه طيب 

بس تاني مره بلاش كده قدام الخلق 

محدش يعرف انو خالك 

- بتخاف عليا يا ابو الحسن 

- طبعا اومال اي مش هتبقي مراتي 

انا بقي والنبي عاوزك تحدديلي معاد 

- تاني يا ابو الحسن 

مش اتكلمنا مره ف الموضوع ده 

- مهو اصل حوار نتعرف ده مش واكل معايا 

انا عاوز اخطبك رسمي ونروح ونيجي مع بعض بعلم اهلك مش مستخبين كده 

واظن ده حقك تفرحي بده 

- هفرح بس مش دلوقتي 

انت لسه متعرفنيش ولا انا كمان 

وارجوك هاودني بقي مش قادره اتكلم 

- خلاص طب متتعبيش نفسك 

اللي انتي عاوزاه

قومي تعالي معايا 

- هنروح فين 

- هنتمشي بعيد عن هنا ونجيب حبة حاجات 

واخدتها واتمشينا 

وجبتلها حاجات حلوه 

وبقينا بعدها نتقابل علي طول 

وانا كنت باخد منها طاقه اني اكمل واشتغل 

والحمدلله أثبت نفسي ف شغلي ومرتبي زاد 

وعدي سنه بالظبط 

وانا معاها 

وكل يوم احبها اكتر 

بس بردو بحس انها خايفه دايما من حاجه 

وف خلال السنه دي 

حاولت كتير اعرف هيا ليه رافضه أتقدم لأهلها 

بس هيا مرضيتش تقولي 

حبيتها لدرجه كبيره اوي وهيا كمان حبتني 

واختبرت اخلاقها كتير 

وكانت فعلا محترمه 

مشوفتش عليها اي حاجه وحشه ابدا 

 

لغاية مقررت اتقدم لها رسمي 

من غير ما هي تعرف 

هروح واتقدم واللي يحصل يحصل 

بس لازم اخد ابويا معايا 

تؤ بس ابويا استحاله يوافق يجي 

ده حالف ١٠٠يمين 

انا كده كده لازم انزل البلد اصلا عشان اختي رشوانه ولدت بقالها شهرين واتطمنت عليها بالتليفون بس ولازم انزلها بقي لازم 

ف انا هخبط دي ف دي 

هتعمل اي يا ابو الحسن 

هتعمل اي 

ااااه لقيتها 

انا هروح للواد يحيي 

هو اللي هيعرف يتصرف

ويجي معايا يقنعو 

وفعلا ف نفس اليوم 

روحت ليحيي 

وقفت خبطت قدام الباب بس محدش فتح 

وانا يدوبك همشي

لقيته طالع ف وشي 

- اي ده ابو الحسن 

- اي ياعم انت فين بقالي ساعه واقف 

- معلش يا اخويا كنت بجيب اكل 

تعالي ادخل اتفضل 

ودخلت وقعدت 

- ليك وحشه والله يا ابو الحسن 

- وانت كمان والله يا يحيي واحشني 

اي الاخبار 

- الحمدلله بخير

اخبارك انت 

- والله تمام 

- تعالي طب يلا عشان ناكل 

- لا انا مش جعان 

انا جايلك ف موضوع مهم 

- خير انشالله 

بس اقعد بس ناكل لقمه ونحبس بكوبايتين شاي وبعدين نتكلم 

انا كمان كنت عاوزك اصلا 

وفعلا قعدنا كلنا 

وعرفت منو انو ساب الجامعه من مده 

ودلوقتي داخل شراكه مع واحد ومعاه فلوس وبلا تعليم بلا قرف 

وطبعا لسه ف شغل السكر والنسوان 

وابوه بعتله عشان يساعده بس هو مرضيش يروح 

وقال ...

اروح فين بس هيا ناقصه قرف 

وبعدين انا مبحبش  جو البلد بقي

المهم انت مش ناوي تسافر ولا اي 

- لا ناوي اكيد 

- اختك رشوانه ولدت 

- ايوه منا عارف 

- طب هتسافر امتي 

- قريب اوي بس عاوزك تكون معايا عشان هروح لابوك ف موضوع كده وعاوزك تساعدني 

- موضوع اي احكيلي 

- مفيش بس انا أصلي نويت اتجوز 

- اوبااااا انت وقعت يا ابو الحسن 

ومين دي بقي وعرفتها ازاي وامتي

- بقالي فتره طويله 

وبنت ناس ومحترمه وجميله وبتحبني وانا بحبها 

وعاوز اتقدملها بس طبعا مش هروح لوحدي ولازم اروح وابوك معايا 

اصل أهلها ناس أكابر 

- ناس أكابر وعاوز تتجوزها؟! 

بص انا عن نفسي مباخفش غير من بنات الأكابر 

- ازاي يعني 

- اهو يعني واخدين راحتهم بزياده بقي 

- لا لا دي مؤدبه والله وغلبانه 

انا بقالي سنه معاها مشوفتش عليها حاجه وحشه 

- اسمها اي بقي علي كده 

- شمس 

- لا حلو الاسم 

- طب هاه هتساعدني ولا 

- اه هساعدك ماشي تمام وهيوافق متقلقش 

- انا متأكد انك انت لما تقولو هيوافق 

اصلك بتعرف تاكل بعقله حلاوه 

- هههه لا والله انا بس بسايسو 

كلمة حاضر بتريح 

وبردو بعمل اللي انا عاوزه 

بس طب ماشي انا هساعدك ف موضوعك 

بس انا كمان عاوز منك مساعده في حكايه كده 

- اه خير قول 

- انا كمان عيني علي واحده 

- انت كمان ناويت تتجوز يا فرج الله والله فرحالنك اوي والله و 

- اي اي اي 

اهدي واسمع للأخر 

انا عيني عليها عاوزها بس مش هتجوزها 

- عاوزها ازاي يعني 

- كده يعني بقي انت فاهم 

- اخس عليك وانا اللي بقول عقلت 

- اسمع بس 

انا بقالي مده عيني عليها 

ودفعت كمان فلوس تمن ليله معاها 

المشكله بس انها كان لازم تزيح الراجل اللي ملازمها ده عشان يخلالي سكه 

واخيرا جه الدور عليا 

وانا عاوزها هموت عليها يا ابو الحسن 

- استغفر الله العظيم يارب 

انت فظيع 

والمطلوب مني اي انا 

- هتيجي معايا 

هما عاملين حفله انهارده 

وبعد الحفله هيخلالي الجو بقي واوصلها 

هي وعدتني بكده 

- برضو مفهمتش انت عاوزني ف اي 

- عاوزك تيجي معايا 

احسن خايف يغدرو بيا وياكلو الفلوس ويدوني الصبونه 

ده انا دافع مبلغ ومقدم 

- انت محسسني انك بتتكلم علي تلاجه 

- تلاجة اي دي فرن 

فرن سخن اوي 

وسواني علي نار هاديه 

هموت يا ابو الحسن لو موصلتلهاش هموت 

- يخربيتك 

- ها قولت اي 

- قولت إلهي ربنا يهديك 

طيب حاضر 

سامحني يارب اني بطاوعه 

بس اوعي يكون المكان مشبوه 

- لا لا دي حفله عاديه خالص ف بيت محترم يعني مش اي كلام 

- طيب وعاوزنا نروح امتي 

- دلوقتي 

هخش اخد دوش والبس ونروح 

انت جيتلي ف وقتك 

- جيت لقدري الاسود 

انجز 

وفعلا دخل خد دوش ولبس 

وروحنا 

- انت متشيك اوي كل ده عشانها 

- اه طبعا اصلك مشوفتهاش 

- واسمها اي السنيوره الرخيصه بتاعتك 

- اسمها كاميليا 

وبعدين دي مش رخيصه دي صاااارووووخ 

- لا رخيصه ومقرفه وكل شويه مع واحد وخليني ساكت بقي 

انت مش هترتاح الا لما يجيلك مرض من واحده قذره زي دي 

- طب اسكت اسكت وصلنا 

ودخلنا 

يا دين النبي علي المنظر 

نسوان لابسه من غير هدوم 

ورجاله عرر 

واي ده كل دي خمرا 

استغفر الله العظيم 

الناس دي عايشه حياتها وبالمكشوف كده 

الحمدلله يارب اننا مش منهم 

فضلت قاعد وفي حاجه بتقرصني وعاوزه اقوم امشي من القرف ده 

ويحيي مندمج اوي 

وبيضحك ويهزر

وحاجه يعني استغفر الله العظيم 

ندهت عليه ...

- انت يا زفت 

- اي اي 

- انا عاوزه امشي 

- اي ده لا مش ده اتفقنا 

- اتفقنا اي انا لا يمكن استني ف مكان بالحقاره دي 

- طب استني بس لحد هيا ماتيجي واضمن انهم مش عيضحكو عليا وابقي امشي انت 

- طيب اما نشوف اخرتها 

فضلت قاعد 

قومت قعدت علي كرسي قدام البار 

بس اهو مكان هادي بعيد عن القرف ده 

ومديهم ضهري عشان مشوفش العك ده كلو

وسامع بقي صوت هيصه بقي وغني 

لقيت يحيي 

جاي 

- قوم قوم اهي جت تعالي أما اعرفك عليها 

وسحبني من ايدي وانا ببصله وقرفان منه 

وباصص ف الأرض مش عاوزه اشوفها 

لو شوفتها هتف ف وشها

دي رخيصه 

اللهم استر علي وليانا

اخدني ووقفني قدامها 

وقال ...

- كامليا اعرفك علي ابو الحسن اخويا 

وانا باصص ف الأرض 

راح همس ف وداني ...

- متكسفنيش ابوس ايدك وارفع راسك وسلم عليها 

مديت ايدي ورفعت راسي وانا مغصوب وقولت ...

اهلا وس 

وصدمة عمري اللي اتمنيت اموت لحظتها لما العاهره اللي اخويا 

عاوزها 

تبقي شمس حبيبتي ......

              الفصل السابع من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال