(الفصل الرابع والعشرون)
بعد مرور فتره من الوقت...
هتف ثائر وهو ينظر حوله :
الصبح طلع يا دنيا يلا عشان اوصلك قبل ما يصحوا الي عندك في البيت ويلاحظوا غيابك
_ هو انا هشوفك تاني يا ثائر انا عايزه اشوفك كل يوم ونبي
صمت قليلآ ثم قال :
هخليكي تشوفيني كل يوم بس يلا اوصلك دلوقتي
رفعت عينيها اليه وهي تقول بعدم تصديق :
بجد يا ثائر ولا بتكدب عليا
_ لا مش بكدب عليكي يلا بقي
___________
منذ ان استيقظ في الفجريه ولمح باب غرفتها المفتوح والذي كشف له ان غرفتها فارغه وهو يشتعل بداخله بحث عنها في كل مكان ولم يجدها من البدايه وهو يكره ابنه لطيفه تلك !!!!
لف علي يديه ذلك الحزام الجلدي وهو يقول :
بس تيجي يا بنت لطيفه
____________
اوقف سيارته ثم هتف :
يلا انزلي يا دنيا وبلاش تقعدي لوحدك ماشي؟!!
اجابته بتساؤل :
هشوفك تاني يا ثائر انت وعدتني
_ هتشوفيني بس مش عايز كلامك بتاع نتجوز وكده عشان مقفلش منك والي اقولك عليه تعمليه من غير ما تخليني اكررها اكتر من مره
_ لا والله مش هقول خلاص وهسمع كلامك وانزل اهو
قالتها وهي تستدير وتنزل من السياره ثم اغلقتها ..
ادار ثائر السياره ورحل اما هي وقفت امام باب فيلا بحيره تذكرت انها ليس لديها مفتاح من الاساس!!!
دقت الباب بخفه وفي نفس اللحظه وجدت عماد امامها...
_ الله وكمان بتخطبي ومش هامك حاجه كنتي فين يا بنت لطيفه
دلفت الي داخل وهي تردف :
كنت في الجنينه صحيت بدري قولت اتمشي فيها شويه
هتف هو بسخريه :
لا وحياتك دي كانت في الفجريه
ثم تابع بزعيق :
انطقي يا بت كنتي فين من الفجر ومتقوليش جنينه انا طلعت ادور عليكي وملقتكيش براه اصلا كنتي فين ؟!!
_ كنت في الجنينه ومتكلمش معايا بصوت عالي كده
تناول الحزام الجلد الموجود علي الاريكه وهو يهتف :
ايه رايك نتكلم بالحزام ده
لمعت عينيها برعب عندما وجدته يرفع يديه لاعلي ركضت وهي تصرخ :
لا انا مش عايزه اضرب لا ونبي لا
دلفت الي احدي الغرف وهي تصرخ باكيه :
كنت في الجنينه صدقني
اعتدل هادي من فراشه بخضه وهو يقول :
في ايه يا دنيا
_ عماد هيضربني بالحزام متخلهوش ونبي يعمل كده انا كنت في الجنينه
وفي تلك اللحظه دلف عماد الي غرفه هاتفآ :
جنينه ايه ؟! انتي هتصيعي عليا يا بت
حركت راسها بالنفي وهي تقول بانهيار :
لا متخلهوش بضربني ونبي يا هادي ارجوك ونبي
قالتها وهي تتمسك بيديه بقوه
رتب عليها هادي هاتفآ :
مش هيضربك متخافيش والله
ثم نظر الي عماد وهو يقول :
سيب الي في ايدك ده وفهمني في ايه
_ في ان بنت لطيفه نزلت في الفجر ولسه راجعه دلوقتي الله اعلم بقي كانت فين وحيات امها بنت الكلب دي ما هسيبها
قالها وهو يقترب منها اوقفه هادي وهو يقبض علي يديه هاتفآ :
ما تبطل تخلف بقي يا عماد هضربها بالحزام ازاي يعني
_ اضربها يا عماد عشان اكسر ايدك
قالها انور الذي دلف توءآ الي غرفها عندما استمع الي صوت صراخات هذه
اسرعت الي والدها وهي تقول :
متخلهوش يضربني بالحزام انا جسمي واجعني والله
_ محدش يقدر يمد ايده عليكي وانا موجود متخافيش
قالها وهو يحاوطها بين ذراعيه ثم التفت الي عماد وهو يقول :
حسابك معايا بعدين يا عماد
استدار والدها وخرج من الغرفه وهي معه
هتف هادي :
مينفعش كده يا عماد وهات الحزام الي في ايدك ده
جذبه من هادي من يديه بقوه انتبه كلاهما علي صوت رامز وهو يتتاؤب هاتفآ :
ايه صوت صراخ الي علي اول صبح ده
___________________
_ مصدق يا دنيا انك كنتي في الجنينه بس بلاش تكرريها تاني وتخرجي من الفيلا في الليل كده
اومات راسها بالايجاب وهي تقول :
حاضر انا اسفه بس متخليش عماد ده يضربني انا معملتهوش حاجه والله
_ انا هسافر اسبوع كده خلي بالك من نفسك ولو عماد ضايقك قولي لزينب
تسائلت باستغراب :
هتسافر فين
_ مشوار كده لازم اعمله واقفله لابد ...
_________________
سخر رفاقه منه عندما اخبرهم بان سوف يقوم بخطبه زهوه ...
_ هتسلم بيتك واسمك لوحده بعتتلك صورها بشكل ده ده غير كمان الي حصل بينكم علي موبيل
اجابه رامز :
والله هي عملت كده غصب عنها عشان كانت خايفه اسيبها وزهوه محترمه اسلملها بيتي واسمي وانا مطمن والحاجات الي اتبعتتلكم ياريت تتمسح ومحدش يجيب سيرت زهوه تاني
صفر احداهما وهو يقول :
ده التغير الجامد ده يا رامز من امته يعني
_ اسكتوا مش انا طلعلي اخت جديده وعرفت ان كما تدين تدان توبت الي الله
قالها رامز بسخريه واضحه
_ اخطب واتجوز اي واحده غير زهوه دي خانت ثقه اهلها عشانك بسبب انك لعبت في دماغها وفهمتها انك بتحبك ممكن جدا تخونك وانت جوزها لو حد قرب منها ولعب في دماغها وفهمها انه بيحبها ده غير صورها العريانه الي بعتتهالك فكر فيها كويس مش عشان عيطتلك في موبيل تبقي محترمه وعملت كده غصب عنها البنات الي زي كده مش ساهلين وياخدوا اوسكار تمثيل
ليكمل رفيقه الاخر :
ملناش دعوه بشكلها ولا بطولها طلاما هي عجباك خلاص بس الي يتجوز واحده لازم يتاكد من اخلاقها صدقني يا رامز انت الي هتتعب بعدين من الشك جايز دلوقتي تكون بتحبها وسكينه الحب سرقاك بس اما يتقفل عليكم باب واحد مش هتنسي انها في يوم خانت اهلها عشانك !!!
وكلام رفاقه عقد افكاره باكملها ....
_________________
_ هتقعد في القاهره اسبوع تعمل ايه يا انور
قالتها زينب وهي ترتب حقيبه زوجها ليجيبها هو
عندي شغل هناك ضروري وشوفي حل مع ابنك لولا اني صحيت كان زمانه ضربها بالحزام جاي يعمل راجل علي اخته هنا
_ حاضر يا انور انا هتكلم معاه خلي بالك من نفسك انت في القاهره ومتقلقش علي دنيا
____________________
لم يصدق ما بين يديه دعوه خلع ..!؟
رفعت عليه غرام دعوه خلع لم يكفي انها تركت له البيت ؟!
زفر بضيق واضح فتلك اللعبه انقلبت باكملها فوق راسه ...
ضغط علي الورقه بقوه وهو يلعن نفسه !!!
_ خلاص يا عماد طلقها بدل المحاكم والفضايح دي
قالها هادي
_ انا بحبها هي مش عايزه تنسي ليله السوده دي
لمح بعينيه تلك التي تهبط الدرج بهدوء وعندما وقعت عينيه علي عماد الجالس استدارت مره اخري للخلف
اصبح وجوده امامها يرهبها
_ وادي البلوه الي بابا جايبها تعيش معانا الهانم نزلت من البيت الفجر الله اعلم بقي كانت فين
نهض هادي من مكانه لم يعجبه حديث عماد اطلاقآ ...
_ دنيا
استدارت اليه وهي تقول :
ايوه
_ انا سالت عمو قبل ما يسافر علي افتتاح ووافق هتيجي ؟!
اومات راسها بنعم هاتفه :
اه هاجي عادي
__________________
وفي المساء ...
_ زهوه ليه مرفضتيش الي طلبته منك قبل كده وافقتي ليه ؟!!
قالها رامز بتساؤل
واجابتها كانت المتوقعه دومآ منها :
كنت خايفه تسيبني هو انت لسه شايفني وحشه صح ؟!
_ لا مش شايفك كده والله انسي سؤال ده خلاص
ثم تابع عندما انتبه لشئ ما :
ايه ده اول مره اشوفك حاطه روج
ابتسمت وهي تهتف :
حلو عليا ؟! انا اتعلمت احط كل انواع المكياج من اليوتيوب انت مش واخد بالك من باقي المكياج الي في وشي ده انا حاطه بلاشر وكحل ومسكرا وكونتور
_ كل ده !!! انا مش شايف غير الروج بس تعرفي يجنن عليكي
وابتسمت هي اكثر باشراق وزادت لمعه عينيها فـكلمات رامز تشعرها بالسعاده مهما كانت بسيطه ...
_________________
استقلت بجانبه السياره فهي سوف تذهب معه الي ذلك الافتتاح
_ انتي روحتي فين مع الفجر كده
اجابته بضيق وانفعال :
قولتلكم كنت في الجنينه ايه ده كل شويه انت تسال وطنط زينب تسال وعماد ورامز كلكم بتسالوا انا كنت في الجنينه
كاذبه وهو يعلم انها كاذبه عماد اكد له انها لم تكن في الجنينه وبحث عنها اكثر من مره بها ولم يجدها
_ علي فكره عماد دور عليكي في الجنينه متخافيش انا مش هقول لحد اي حاجه تقولهالي وكلامنا هيبقي سر بينا انتي شوفتي ثائر !؟
اجابته بنفي وهي تقول :
لا مشوفتهوش هشوفه ازاي وهو في بلد تانيه بعيده عني
لم يقتنع باجابتها فهتف مره اخري :
انا قولتلك كلامنا سر مش هيطلع لحد ثقي فيا ومتخافيش
_ قابلته اه جه خدني وروحنا قعدنا في مكان واتكلمنا وهقابله كل يوم هو وعدني بكده
كان يتوقع تلك الاجابه فمنذ ان ظهرت هي في حياتهم لم تتحدث سؤي عن ثائر هذا ...
اوقف سيارته ثم التفت اليها وهو يقول :
لو عايز يشوفك يجي البيت يشوفك مش ياخدك في نص الليل كده الي هيشوفك معاه يقول عليكي ايه !!!
ثم تابع وهي ينظر لتلك الدبله التي في يديها :
انتي مخطوبه
اخفت الدبله بيديها وهي تقول بسرعه ;
لا دي دبله ثائر جبهالي هديه من لندن متقولش لعماد اني كنت بقابل ثائر انت وعدتني انه سر
قاد سيارته مره اخري هاتفآ ;
مش هقوله متخافيش انا وعدتك ومش بخلف وعدي
_ ثائر كان بيقولي كده بردو ومكنش بيخلف وعده معايا
لم تعجبه جملتها الاخيره ثائر واللعنه علي ثائر والف لعنه .....
_________________
