الفصل الثامن
عايده وفريد قاعدين بالصاله والاتنين ضاربين بوز وعايده حاطه ايدها علي خدها وبتبص علي فريد اللي مطنشها وعامل نفسه مش واخد باله وهيا عماله تاكل بنفسها .
_ شالت ايديها من علي خدها وبصت لفريد وكشرت بغيظ
عايده // انت هتفضل كدا زي النسوان ما تقوم تشوف ابنك راح فين من امبارح مرجعش البيت تاني.
بصلها فريد باعصاب بارده متجاهل غضبها )
فريد // طب واي يعني مجاش البيت هو صغير يعني دي راجل طول بعرض. مفهمتش اي الغريب في كدا
( عايده شايطه من الغضب )
عايده // يا برودك يا اخي انت اي مش بتحس هو دي مش ابنك ولازم تعرف عنه كل حاجه راح فين وجي منين
فريد // الكلام دي تقوليه لو كان صغير يا هانم مراد راجل دلوقتي وموظف وليه كيانه مش هدور علي طفل انا. وبعدين قلتلك سبيه يختار شريكت حياته ومتقفيش في طريقه لاحسن تندمي بالاخر
عايده // ابني ميعرفش مصلحته فين يا فريد وانا مش بقف في طريقه البنات كتير يختار علي كيفه لكن بنت صلاح اخويا لا يعني لا فهمت
فريد // كفايه حقد وغل بقي علي اخوكي واعتقيه من قرفك دي لوجه الله . انتي مش ضامنه نفسك تعيشي لبكره
عايده // اللي بيني وبين صلاح مش بيخلص يا فريد وقلتهالك مراد مش هياخد بنت صلاح وانا واثقه ومتاكده من كدا !
فريد باستغراب // وايه الثقه جبتبها منين إن شاء اللة
عايده بضحكه // انا عايده يا فريد وقلتلك انا وصلاح عمرنا ما نبقي نسايب ولا حتي يكون بينا ود . وحتي لو راح مراد برجله بيت صلاح هسيبهم ويمشي .
فريد // وكمان حتي لو راح بيت صلاح طب قوليلي انا جوزك بردو عملتي ايه ومخبياه عني يا عايده . انا بدات اخاف علي نفسي منك يا عايده هانم.
عايده بضحكه عاليه // تؤتؤ انتي لا يا فريد عمري ما افكر اعمل معاك حاجه وحشه طلما انت بتسمع كلام عايده . اما بقي لو فكرت بس مجرد تفكير وحسيت بكدا انك هتخرج عن طوعي وقتها متلمش الا نفسك يا فوفا يا حبيبي.
فريد بيضرب كف ع كف
فريد // حسبي الله عليكي .انتي جبروت انا مشفتش كدا ابدا ربنا علي المفتري.
( قام فريد غضبان وساب عايده وطلع بره البيت )
______________________
عند صلاح
( مراد ساكت ومزهول من اللي بيسمعه من صلاح وكانه بيسمع حكايه من حكايات الاساطير او مش مستوعب الا هو فيه وامام امر واقع وحقيقي. خلص صلاح كلامه وعرفه كل الحكايه الا حصلت لهدير )
صلاح // بس كدا يا بني ودي اللي حصل وانا مقدرش اوافق علي جوازك غير لما تعرف كل حاجه وابقي صادق قدام ربنا وقدام ودي جواز وعشره لازم يبقي مبني علي الصراحه والوضوع..
__ مراد ساكت ومخضوض من الموقف نفسه وكمان بيفكر في عايده لو رجع ليها تتحكم فيه وبنفس الوقت قدام جوازه هو نفسه مش عارف مصيرها اي ..
صلاح لاخظ سكوت مراد وشروده بالتفكير .
صلاح // مراد يا مراد
فاق مراد من تفكيره ..
مراد // نعم يا خالي معاك. بس سرحت شوي
صلاح // شوي بس دنا من بدري بكلمك وانت من هنا خالص
مراد // اسف يا خالي . طيب وهدير عامله اي دلوقتي
صلاح// لا الحمد لله احسن كتير والدكتور طمنا مفيش عندها اي حاجه
مراد // طيب الحمد لله اهم حاجه هيا تكون بخير
صلاح // اسمع يا بني انا مقدر اللي انت فيه دلوقت وعارف صعب تاخد قرار بموقف زي دي والجواز قسمه ونصيب وربنا يرزقك بالبنت اللي تحبها ويكون لك نصيب فيها
مراد سكت شويه ..
مراد // خالي انا موافق اجوز هدير وحالا. وعمري ما هلاقي زيها وفي الاول والاخر دي بنت خالي شرفها من شرفي وانا اولي اصونها واصون عرضها.
صلاح بفرحه مداريه// يا بني خد وقتك وفكر براحتك طيب علي اي مستعجل
مراد بحماس // خالي انا بحبها وعايزها مراتي بكره قلت اي
صلاح // لا اله الا الله . طيب ادينا فرصه نجهزها طيب وكمان عشان تكون جاهزه للفرح
مراد // خالي انا شقتي جاهزه ومستعد وجاهز . وحلوين اسبوعين تجهزوا نفسكم فيهم . بس سامحني يا خالي ليا شرط صغير وياريت متعرضش عليه
صلاح // اتفضلي يا بني قول
مراد // انا مش عايز ماما تعرف بس نخلص الفرح وانا هبقي اقولها براحتي مفيش غير بابا هيحضر معايا الفرح وكام واحد من صحابي بالشغل
صلاح // اللي تشوفه يا بني توكلنا علي الله
(( صلاح وقف من مكانه هو ومراد وحضنوا بعض واستاذن مراد يمشي وصله صلاح وخرج بره الشقه )
__ صلاح وقف لحظه للتفكير بعد ما خرج مراد ونهده لسميره !
صلاح // سميره تعالي عايزك
خرجت سميره من المطبخ وراحت عند صلاح بالصاله.
صلاح بنبره خشنه // ادخلي كلمي هدير وجهزي نفسك معاكم اسبوعين بس وهيكون فرح هدير علي مراد ابن عايده
سميره مستغربه // عايده تاني بعد اللي حصل دي كله يا صلاح
صلاح // متخفيش ابنها اصلا مش عزمها علي الفرح وبعدين هدير هتجوزه هو مش امه مراد بقي راجل وبيعتمد علي نفسه وجاهز من كلوا وانا خلاص عطيته كلمه قومي يلا
سميره // امري لله ربنا يسترها
( سميره قامت وسابت صلاح ودخلت الاوضه عند هدير ومنار )
__ سميره بتبص علي هدير بتامل شويه . استغربت منار من بصتها وكمان هدير .
هدير // خير ماما مالك ؟
سميره // خير يا حبيبتي مراد ابن عمتك عايده طلب ايديك وبباكي وافق خلاص وفرحك بعد اسبوعين
منار // وليه السرعه دي يا ماما اسبوعين قليل اووي
سميره // معلش يا بنتي باباكي عطي كلمته خلاص.
هدير بصت لسميره// طيب وهو عرف حاجه عني يا ماما
سميره // باباكي قاله كل حاجه متقلقيش شدي حيلك انتي عشان نجهز كل حاجه قبل موعد الفرح. وربنا يسترها ويتمم علي خير
( خرجت سميره من اوضة البنات وسابته لوحدهم )
منار لهدير // انتي رايك بالجوازه دي يا هدير
هدير بحزن // مش عارفه يا منار ، حقيقي انا تايهه المفروض دي اليوم اللي بتتمناه اي بنت وبتجهز وبتحضر لكل حاجه نفسها فيها اليوم دي وتكون كلها فرحه وبهجه بس انا للاسف كاني عايشه في كابوس ولا قادره اهرب منه ولا عارفه نفسي انا عايشه بالدنيا او لا . انا خلاص انكتب عليا معرفش طعم للفرح ولا للحياه الحاجه خلاص خسرت كل حاجه بسبب واحد معندوش ضمير ضمر حياتي بلي ذنب عملته..
منار حاوطتها بايديها وحضنتها// يعني يا منار حقيقي انتي مش عارفه مين دي ولا حاسه باللي حصل
هدير بأسي ودموع محبوسه بعنيها// المفروض انتي اول واحده يا منار تكوني مصدقه كلامي وانا عمري ما ابيع نفسي بالطريقه البشعه دي واقضي حياتي مهزوزه من جوايا وبلي امل بالحياه
منار سكتت وبتفكر بالساعه اللي مخبيها معاها
منار بتمتم مع نفسها // طيب الساعه الرجالي اللي لقيتها تحت سريرك بتاعت مين بقي
منار رجعت لوقعها وحضنت هدير اللي غلبتها دموعها واصبحت كالمطر تنزل بغزاره
منار لهدير // سامحيني يا حبيتي ربنا ينتقم وربنا ان شاء اللة هيظهر الحقيقه قريب
هدير بدموع// اي حقيقه بتتكلمي عنها اللي راح راح ربنا ينتقم من اللي كان السبب
منار // اهدي يا حبيبتي خلاص بقي . هقوم اعملك كوباية ليمون بسرعه وارجع تهدي اعصابك.
( منار خرجت علي المطبخ وشغال بالها موضوع الساعه ومحتاره تقول لباباها دلوقت او تخليها بعد الفرح تكون اتجوزت هدير )
منار / ايه الحيره دي بس يا ربي انا خايفه اعطي بابا الساعه تبوظ الجوازه. لا انا هخليها بعد فرح هدير واهو اعمل اي حجه واقول اني لقيتها بعد ما اجوزت وانا بنضف اوضتها وبكدا نضمن انها اجوزت.
__ منار دخلت اوضتها وخبت الساعه بدولابها بسرعه ورجعت تعمل الليمون لهاير ،،
________________________
رشدي قاعد مستني احمد يرجع من بره . وبعد شوي خبط الباب . فتحت زينب وكان احمد اللي علي الباب . احمد دخل الشقه ورايح علي اوضته علي طول وقبل ما يدخل وقفه صوت رشدي )
رشدي // انتي جيت يا احمد تعالي عاوزك ضروري
_ احمد بص وراه لقي رشدي قاعد بالصاله. رجع وراح ناحيته وقعد بقرب منه
احمد // نعم خير يا ولدي معاك
رشدي // اسمع يا بني من غير لف ودوران عايز اعرف الفلوس اللي معاك بالشنطة دي بتاعت مين.
__ احمد بلحظه اتوتر وحاول يتكلم بثبات قدام رشدي
احمد// بصراحه يا بابا دي فلوس الشركه اللي بشتغل فيها بعد الكليه وكمان مكنتش حابب اقول عليها .
رشدي مش داخل عليه الكلام وحاسس ومش مصدقه
رشدي // وانت بتشتغل ليه هو انا مقصر معاك باي فلوس تطلبها مني.
احمد // ربنا يخليك يابا بس انا بحاول اعمل نفسي بنفسي وعشان كدا بشتغل بشركه محاسب والفلوس الا شفتها بالشنطة انا رايح اسلمها البنك.
رشدي // اسمع يا احمد انا هقولك الكلمتين دول ومش هكررهم تاني . انا ابوك يعني عمرك ما تلاقي حد يسندك ويخاف عليك غيره اوعاك تكون مخبي عليا حاجه واعرفها بعد فوات الاوان ووقتها مش هعرف اعمل حاجه ليك وهتخليني اتحسر عليك العمر كله
__ احمد بخضه وتوتر شديد
احمد // ااااا..نا لا يابا حاجه اي اللي هخبيها عنك مفيش حاجه وربنا يبعد عننا اي شر
رشدي // يارب يا بني . يلا قوم غير هدومك عشان نتعشي ناكل سوا
(( احمد دخل اوضته وزيتب طلعت من المطبخ وقربت من رشدي )
زينب // خير يا رشدي حصل اي
رشدي بعدم رضا// ادعي ربنا يسترها حاسس ان بردو مخبي حاجه عني . والفلوس بيقول بتاعت شركه بيشغل فيها وربنا يستر بقي . بس حاولي تخلي عينك عليه الايام الجاي لحد ما يروح كليته وبعدين يبقلها حلال
زينب // ربنا يسترها يا رشدي .
بدل ماتدور وتبحث علي الروايات خليها علي تليفونك وحمل تطبيقنا
