Ads by Google X

رواية تخاتيخو الحلقة الثانيه

 


📷تخاتيخو📷
الحلقة الثانية
فضلت هبة تعيط وتضرب في راجح جامد وتقوله:
  • انت كدااااب انت مش صااااحبي .. الصحاب مش بيسيبوا بعض ....
راجح كان ساكت لانه مكنش عارف يقول ايه ولا يعمل ايه ’ وعارف ان هبة مضايقة عشان معندهاش صاحب الا هو ..


  • انا لسه صغير يا هبة يعني مينفعش اقعد عند جدو وتيتة لانهم كبار وماما مينفعش تسبني لوحدي
  • مش لازم تسافروا !
  • متخفيش انا كل صيف هقلهم يجوا هنا مصر
  • ولو موافقوش هتعمل ايه؟!
  • هفضل اعيط ليهم وماما مبتحبش تشوفني اعيط كتير
بصت هبة لراجح بكل براءة وقالت:
  • هو فيه راجل بيعيط اصلا؟
  • لا مفيش وماما بتقولي مفيش راجل بيعيط بس انا هعيط عشان يعرفوا اني مضايق اوي واجيبهم مصر
  • بس انا كده مش هيبقى عندي صحاب خالص! وانت هتعمل صحاب هناك كتير واكيد هتنساني عشان مش قدامك؟!
  • لا انا كمان عندي دبدوبة بنت ومسميها هبة وهاخدها معايا أمريكا
  • بس راجح الدبدوب اللي عندي مبيتكلمش ومبينطقش !
  • بس انتي بتكلميه ’ انا لما بيكون مش جايلي نوم بجيب هبة الدبدوبة واقعد احكيلها في حواديت لحد ما انام
انا وهي ..


*************************************
و بعد مرور 15 سنة كانت هبة نايمة في اوضتها لحد ما جرس المنبه ضرب فقامت مفزوعة من النوم وببطأ وكسل قامت من على السرير ودخلت الحمام .. بعد ما غسلت وشها وسنانها واتوضت خرجت تبص على نفسها في المراية .. بنوتة في عمر الـ 25 سنة طولها 160 ووزنها 120 كيلو ’ شعرها لونه إسود وبشرتها قمحية ولون عيونها بني عسلي .. ورغم ان جسمها مليان الا انها جميلة الشكل وجميلة الروح فضلت هبة تبص لنفسها وتبص لدولاب لبسها وتقول برتابة:
  • اففففففففف انا مش عارفة هلبس ايه ! انا كل شوية اللبس بيبقى ضيق عليا ومفيش حاجة بتدخل فيا ...
تدخل فجأة الام وتقولها:
  • يلا يا هبة فطارك جاهز.. عشان تلحقي تروحي الشغل
  • عملتيلي ايه يا ماما؟
  • عملتلك يا بنتي اللي طلبتيه 10 سندويتشات فول و5 طعمية وطبقين بطاطس ....
تقاطعها هبة:
  • اهم حاجة كباااار يا ماما؟
  • كبار يا هبة
  • طب على خيرة الله ’ اقوم انا احارب
أمل بفزع:
  • ايييييييييه تحاربي!!!!
  • اه اقوم البس يعني!

  • خضتيني يا هبة قلت هتحارب فين دي ع الصبح!
وتبتدي هبة تجيب بلوزة وتعافر تدخلها لانها بقت ضيقة عليها وفي عز حربها مع البلوزة ’ اتقطعت فعيطت وقالت:
  • يووووووووووووووووووووووووووووووووووه ده كانت من البلوزات اللي تعتبر اوسع من غيرها هعمل ايه انا بقى !!!
فتدخل أمل تاني عليها وتقولها:
  • بتعيطي ليه يا هبة؟!
  • البلوزة اتقطعت
  • وايه الجديد ما ده موال كل يوم!! كل يوم تقطيعيلي بلوزة !! ومبتحسيييش ع دمك ولا بتبطلي البلاعة اللي
انتي فاتحاها جواكي دي ولا بتخسي ولا بتعملي رياضة ! كل يوم بتتنفخي زي البالونة اكتر من اليوم اللي
قبله واسكتتتت واقووول هتحسسسس ع دمها هتحسسسسسس مفيش فاااايدة!!!!!!
هبة بعياط:
  • انا اتولدت تخينة وبحب الاكل ’ مقدرش ابطل اكل .. حاولت كتيييير وفشلت اعممممل في نفسسسسي ايه!
  • لااااااا محاولتييييش!!!! انتي كل يوم شهيتك بتكبر عن اليوم اللي قبله وبعدين كل يوم اعملك فطار احس اني بعمل للعمارة كلها معانا !!!!
هبة بعصبية تختار بلوزة جديدة تعافر معاها وتقول بعند:
  • هفضل اااااااكل واااااكل واااااكل
أمل بإرهاق:


  • كلي لحد ما تفررررقعي ولحد ما تلاقي نفسك جالك أمراض الدنيااااااا كلها ومحدش جمبك ولا حد هيعبرك ولا هيرضى يتجوزك!!!!
  • ليه يعني وووحشة ولا ووووحشة
  • لا بس قبل ما يفكر يتجوزك هيقول لنفسه دي لو اتجوزتها كل يوم هأكلها أكل يكفي شااااارع بحاله !
خليييكي اعنددددددي كده .....
وخرجت أمل وهي في قمة عصبيتها وفضلت هبة تعيط وبعدين بصت على الدبدوب وقالت:
  • غصبن عني اعمل ايه وماما بقت بتقول كلام بيوجعني اوووي ’ بيخليني اعنددد اكتر واكل زيادة ... هي فاكرة كده انها بتشجعني على اني اخس بس العكس اللي بيحصل ....
****************************
في أمريكا كان راجح قاعد في الشركة على الكمبيوتر بتاعه وعمال يصمم لوجو لشركة معينة وفجأة رن تلفونه رد بحب:


  • ايوة حبيبتي
  • فينك يا راجح؟
  • لسه في الشغل
  • راجح انا مش هستناك كتير ’ ممكن تخلص اللي في ايدك بسرعة وتيجي عشان نخرج!
  • طيب يا جينا بخلص حاجة مهمة وهاجي!
  • افففف عليك يا راجح انت دايما كده . بص متجيش .. باي.. باي
وقفلت جينا السكة بسرعة في وشه من غير ما تستنى راجح يقول باي... فرك راجح شعره الناعم البني بايده
وبص بحزن لصورة على مكتبه يوم خطوبته مع جينا وقال:
  • كاني خطبت طفلة صغيرة! مبتقدرررش شغلي أبدا !! يالله !!
قفل راجح الكمبيوتر ولم حاجته وطلع على الفيلا اللي عايشة فيها جينا وهناك أول ما شافها قال:
  • اولا لما اكون بكلمك متقفليش غير لما نقول احنا الاتنين باي!
تبص لراجح بزهق وتقول:
  • انت مبتزهقش من ملاحظاتك اللي دايما تقولهالي وكاني بيبي !
راجح بضيق شديد:


  • انت فعلا بقيتي بيبي ! دلعك ماسخ ومش راضية تتحملي مسؤولية ولا تقدري شغلي !
جينا باستهزاء:
  • هو اللوجو والعته اللي بتعمله ده اسمه شغل ! اللي زيك ومعاه شهادة زيك بيصمم لشركات كبيرة اد كده
مش شركة تعبانة يدوووب اللي بياخد باله منها اللي معدي جمبها!
بغضب شديد:
  • جينااااااا انتي اتجننتي ولا ايه ’ واضح كده انك محتاجة تقعدي مع نفسك وتهدي !
وقام واخد بعضه وماشي رجع البيت .. دخل بيته لقى عزيز بيتفرج على التلفزيون بص ليه باستغراب وقال:
  • ايه ده ؟! ايه اللي جابك؟ مش قلت هتتغدى مع جينا؟
  • اتخانقنا كالعادة
  • ليه يا بني؟ خناقتكم بقت كتيرة
  • كل مدى بحس ان خطوبتنا غلط ! مكنتش كده قبل الخطوبة! فكراني ملك ليها وانها اتملكتني !! مبقتش
قادر افهمها ولا فاهم هي عايزة ايه!


  • معلش يا بني هما كل البنات كده بيدلعوا شوية على اللي بيحبوهم
  • ياريته دلع يا بابا ! ده فكراني بوبي اشترته وهتمشيه حسب مزاجها!
ولسه الاب هيتكلم حس فجأة بتعب في قلبه وبرق عنيه جامد وصرخ بآه كبيرة جدااااااااا....
*****************************
دخلت هبة شركتها واللي كانت مخصصة للاعلانات والاعلام .. كانت بتشتغل في العلاقات العامة .. اول ما قعدت على مكتبها جت منى واحدة معاها في الشغل :
  • صباح الخير يا تخاتيخوو تأخير عشر دقايق ’ ده انتي هتاخدي دوش زعيق من المديرة زي الفل
هبة بذعر:
  • سألت عليا ؟!
  • هتسأل يا تخاتيخو مستعجلة على ايه .. اصبري وانتي هتاخدي حاجة محترمة.. ههههههههه
وسابتها منى وهي حاسة بضيق من الكلمة اللي الكل بيناديها بيها في الشغل ومن انها جت متأخر وهتتزهق.. ومفيش ثواني وبالفعل طلبتها المديرة وقبل ما تدخل مكتب المديرة الكل قعد يضحك عليها ويقولها:
  • ربنا معاكي يا تخاتيخووو
واللي يقولها:


  • ده انتي حياتك تنفع تبقى يوميات باسم تخاتيخو في الشغل
وواحدة تقولها:
  • يا حراااام يعني تخن وزعيق ’ قلبك هيشيل ايه ولا ايه ! ده انتي كده تفطسي..
دخلت هبة وعنيها مليانة دموع على المديرة واللي اول ما شافتها بأعلى صوت فضلت تصرخ:
  • لما انتي تخيييييييييينة وبتاخدي ووووقت عقبال ما تنزلي من بيتك وطبعاااا لازم تااااكلي ولا يجرى لمخك شيء مبتصحيييش بدري لييييييييه!
  • يا فندم انا .......


  • بلا يا فندم بلا يا قرررررف ! مرة تانية لو مجتيش في ميعادك بالظبط هيتخصم منك اسبوووووع
  • حاضر يا فندم
  • اتصلتي بشركة ..... تتفقي على البرنامج اللي عايزينه لحفل التكريم اللي عاملينه
  • ايوة يا فندم ورتبته كله وسلمته ليهم وعجبهم
  • طيب اتفضلي روحي على مكتبك وياااااريت يااااااريت تشتغلي شووووية زي ما بتاكلي ! افففففف انا مش
عارفة ناوية تتخني لفين بعد كده!!
خرجت هبة واول ما خرجت الكل قعد يضحك عليها ويقولها:
  • تعيشي وتاخدي غيرها يا تخاتيخو
جريت على الحمام على طول فضلت تعيط بصوت مكتوم وتقول:
  • لحد امتى يارب هفضل المسخرة بتاعتهم هنا في الشغل وفي كل مكان اروح فيه ! هو انا محدش ابدا يشوف شخصيتي ويحترمني !!
 
                      الحلقة الثالثه من هنا 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-