الفصل الثالث
بدر: كاميليا بنت خالتو لبني
نيره: مالها
بدر: عايز اخطوبها يا امي
نيره:(بصدمه) اييييه تخطب مين دي عندها ١٦ سنه ولسا ف اول ثانوي وبتشوف الدنيا تخطبها دا اي يا بدر
بدر: يا أمي اسمعي وجهه نظري بس
نيره: قول اديني سامعه
بدر:بصي يا أمي كامليا لسا صغيره اه بس دي تربيه خالتو لبني وكمان مقولتش نتجوز دلوقتي قولت بس نبدأ الموضوع بقرايه فاتحه اهو دي قريبتنا وحد نعرفو وثقه وبعدين بصراحه البنت عجباني حتي كدا تقيله مش اي حد بتتكلم معاه
نيره: حتي لو انا وافقت خالتك لبني مش هتوافق
بدر: طب بس خلينا نفتح الموضوع بعد اما أجي وياريت لو نروحلهم بعد بكره عشان الجيش خلاص بعد يومين
نيره: طب ربنا يسهل اما نشوف
وف الجانب الاخر كريم واقف وسمع كل الحوار من اوله لاخره ودخل جري علي غرفته
____________________
عند كاميليا لسا خارجه من درس الكيمياء هي ومريم
مريم:مبروك يا كيمي يا حبيبتي انتي تعبتي فعلا ف المزاكره وتستحقي انك تجيبي الدرجات دي..
كاميليا : تسلمي يا مريم والله لو لفيت الدنيا مش هلاقي حد كدا يفرحلي من قلبه زيك
مريم :انتي اختي يا كامليا كفايه اني بلاقيكي وقت ما احتاجك
كامليا: حبيب قلبي.. ياللا ربنا يتوب علينا من الدروس دي.. ياللا هانت الاجازه فاضل عليها شهر
___________________
لبني : يا ولاد حد يجي يساعدني واخلصو بقا عايزه اعمل الاكل قبل ما ابوكو يجي
عاشور(والد كامليا) : في اي بتزعقو ليه اجي من برا كدا الاقي صوتكو جايب لاخر الدنيا
لبني: بناتك ي عم الاتنين مش راضين يقومو من سرايرهم وسايبني لوحدي وكاميليا ف الدرس
عاشور:طب خلاص انا هروح اندهلهم
____________________
عند مروه اخت بدر
مروه:ابنك دا اجنن يا ماما عايز يخطب عيله عندها ١٦ سنه هو مش شايف فرق السن وكمان البنت صغيره اوي علي كل حاجه
نيره: ما هو احنا هنروح نتكلم كدا بس بكره.. هتيجي معانا ولا لأ عشان اكلم لبني واقولها اننا جايين
مروه : بقولك اي بلاش حد يجي غيرك انتي وهو عشان تعرفو تتكلمو مع خالتو رغم اني واثقه انها هترفض
نيره: ان شاء الله
___________________
لبني : ي عيال تلفوني بيرن حد يجيبهووووولي
كامليا: ايوه ايوه انا هجيبه اهو دي طنط نيره استني اسلم عليها
نيره:الو سلام عليكم
كاميليا :وعليكم السلام ورحمه الله وبركاته ازي حضرتك يا طنط انا كاميليا ازي صحتك
نيره: بخير ي حبيبتي طول ما انتي بخير ماما موجوده
كاميليا: اه يا طنط بس انا رديت اسلم عليكي
نيره:فيكي الخير يا حبيبتي تسلميلي
لبني: ازيك يا حبيبتي عامله اي رازي عروستك اي اخبارها
نيره: الحمدلله ماشي الحال
كنت عايزه استأذنك يعني عايزه اجيلك انا وبدر نفاتحك ف موضوع كدا
لبني:تنوروني ف أي وقت بس موضوع اي
نيره: لا لما نيجي بقا مش هينفع ف التلفون
لبني:خلاص يا حبيبتي مستنياكي
نيره: ياللا مع السلامه
نيره:بدر يااا بدر
بدر:نعم يا أمي
نيره:اديني كلمت خالتك لبني اهو ربنا يستر ويعدي الليله بكره علي خير
بدر : ان شاء الله خير متقلقيش
تاني يوم
الساعه ٢ الظهر
كاميليا:ياللا يا ماما انا نازله الدرس مريم مستنياني تحت اهو عايزه حاجه
لبني:مابلاش تنزلي انهارده وتساعديني دي طنط نيره وبدر ابنها جايين انهارد
كاميليا :(باستغراب) طنط نيره وابنها!!! اشمعني يعني
لبني : مش عارفه بس مش هقولها لا اكيد
كاميليا: خلاص طيب انا هنزل عشان متأخرش وهحاول اجي بدري
لبني:طيب متتأخريش
كاميليا :طيب
_____________
الساعه ٤
بدر:ياللا يا ماما عشان نلحق نيحي بدري عشان هروح الجيش بكره والحق انام حبه حلوين
نيره: حاضر ي بني مع اني مش مقتنعه باللي هعملو دا
___________________
عند لبني
جرس الباب بيرن
لبني: اهلا اهلا دا اي النور دا كلو بس
نيره:اختي وحبيبتي متحرمش منك تسلميلي
لبني: ازيك يا بدر يا حبيبي عامل ايه
بدر: الحمد لله يا خالتو انتي عامله ايه
لبني : تسلم يا حبيبي انا بخير
لبني: خير يا نيره يا حبيبتي في ايه
نيره: اتكلم انا ولا تتكلم انت يا بدر؟
بدر: لا اتكلم انا... بصي يا خالتو انا عايز اتجوز كاميليا
كاميليا لسا بتفتح باب الشقه وسمعت بدر
كاميليا (بصدمه)............
