(الفصل الثالث)
بدات المعازيم توصل في بيت ام سعود
و ام سعود استاجرت خدم زياده عشان صحون الحلا و العصير و عملت بوفيه كبير في الحديقه و الديكور اريام اللي عملته و الكل انعجب فيه و صوت الديجيه ما وقف
نزلت ساره من الدرج و الكل انبهر بجمالها و تمشي بكل غرور و ابتسامه عريضه
كانت لابسه ثوب بني على ذهبي كت من فوق و فتحه صدر كبيرمطرز بالكرستال و فيه نفشه من تحت مع صندل كعب عالي ذهبي و كان مكياجها ناعم في الجفن الوان برونزيه و روجه حمراء صارخه و مناكير اححمر و جلست على طول من غير ما تسلم على ام فيصل او حتى امها
مريم تهمس ل امها :ماشاءالله حدها جميله بس ليه حضرتها جلست من غير ما تسلم عليك يمه ما تستحي ذي
ام فيصل:اصصص فشلتينا البنت خجلانه
مريم:اي خجلانه ... شوفي اسنانها بانت من الضحكه
ام فيصل:قومي خلينا نسلم على العروس
مريم:مقدر يمه انتي نسيتي انك ملبستيني صندل كعب مقدر امشي فيه
ام فيصل: مريموه بلا طوله لسان و يلا امشي معي عيب ما تسلمين على زوجه اخوك
مريم:و الله اطيح يمه مقدر امشي فيه
قامت ام فيصل و سحبت مريم و هي مو قادره تمشي من الكعب كل شوي تلوي رجلها بالخفيف
ام فيصل:مبروك حبيبتي
ساره و هي جالسه و لا حتى قامت و من غير نفس:الله يبارك فيك
مريم ب ابتسامه من غير نفس :مبروك زوجه اخوي
ساره بس ابتسمت في وجها و لفت راسها تكلم صديقتها
مريم فتحت عينها بقوه من الصدمه و هي تهمس ل امها:شفيها ذي يمه وين كلامك تواضع و مدري شنو
ام فيصل:البنت خجلانه شفيك انتي
مريم :اي خجل يمه
سحبت ام فيصل مريم و جلسو
راحت لهم اريام و سلمت عليهم
اريام سلمت على ام فيصل و باست راسها:مبروك يا خاله
ام فيصل و هي مبتسمه:الله يبارك فيك انتي اكيد اختها الكبيره
اريام:ايوه يا خاله
ام فيصل:وش اسمك
اريام:اريام
ام فيصل:ماشاءالله اسم حلو
اريام و هي تسلم على مريم:هلا اخبارك
مريم:اهلين الحمدالله بخير
اريام:عن اذنكم بروح اسلم على المعازيم
مريم فتحت فمها من صدمه
ام فيصل بحده :سكري هالفم تقولي مغاره فشلتينا
مريم:يخلق و يفرق هذيلا خوات عكس بعض بكل شي الحين اختها تسلم عليك و تبوس راسك و هي لا
ام فيصل:و انتي حكمتي عليهم من اول يا نظره يالحكيمه
مريم:و الله الكتاب ينعرف من عنوانه يمه
ام فيصل:احنا للحين ما عرفناها انا متاكده انا بنت تجنن صبري و بتشوفين بعينك
مريم بعدم اقتناع:ايه نشوف
ّ!@#$%^&*)(_+()*&^%$#@!ّ@#$%^&)(_+_()*&^$#@!ّ!@#$^ &*)(__()*&%$#@!@#$%^&*)_+_()&^%$#@
في مجلس الرجال فيصل كان فرحان باليوم هذا و تركي جنبه
تركي بينه و بين نفسه:يربي اقول له لو لا خايف اتكلم و اخرب فرحتك ياخوي و اذا سكت يمكن مو من صالحه
فيصل:تركي تركي
تركي:ها شنو
فيصل:وين سرحان
تركي: و لاشي
الشيخ:تفضل ياولدي وقع هنا
فيصل و هو مبتسم :انشاءالله
وقع فيصل و الكل بارك له
سعودو هو يسلم عليه:مبروك يالنسيب
فيصل:الله يبارك فيك
تركي حضن فيصل
تركي:مبروك
فيصل:الله يبارك فيك
ّ@#$%^&*)(_+_()*&^%$#@!@#$%^&*)(_+()*&^%$#@@#$%^&* )(_+_()*&^%$3
عند الحريم
دق سعود على امه و قال لها ان تم العقد و خلصوا كل شي و راحت على طول حضنت ساره
ام سعود:الف مبروك حبيبتي
ساره و هي مبتسمه :الله يبارك فيك
اريام و كانت واقفه معها جنا :مبروك حبيبتي
ساره من غير ما ترد على اريام:يمه اهم شي جهزتي الملح عن الحسد يقولون لك الحسد يجي من اقرب الناس لك
اريام حاولت تمسكت اعصابها و جات لها العبره من كلام اختها اللي مهما تعمل معاها ما يبان في عينها شي
جنا ما تحملت كلام ساره و همست لها:فيصل صديق زوجي يعني مثل اخوي ان ما احترمتي نفسك ل اكلم فيصل و اقوله كل شي لان انا اعرف شنو ناويه تسوين
و ابتعدت عنها و هي مبتسمه :مبروووك حبيبتي
جنا سحبت ايد اريام و طلعت معها الحديقه
ام سعود سكتت لان ما تبي تخرب فرحه ساره بخطوبتها على فيصل
اما ساره خافت من كلام جنا و حاولت تخبي توترها من كلامها
ّ!@#$%^&*)(_+_()*&^%$#@!@#$%^&*)(__()*&^%$#
"في الحديقه"
اريام و هي تبكي:تعبت يا جنا من كلامها حيل تعبت
مو عارفه شنو اعمل لها عشان ارضيها دائما تحسسني اني ما احب الخير لها و يشهد ربي علي اني اتمنى لها الافضل اكثر من نفسي
حضنتها جنا:بس يا اريوم قطعتي قلبي من البكي خلاص حبيبتي (بنبره مزح)الحين بتخربي مكياجك زين
ابتعدت شوي عن جنا :هههه
جنا:ايوه اضحكي ما عليك منها يلا امشي معي نعدل مكياجك شوفي الكحل و المسكارا سالت كلها على خدك
اريام:اوكي
ّ!@#$%^&*)(_+()*&^%$#@!@#$%^&*)(_+()*&^%$#@!@#$%^& *)(_+()*&^%$#@!@#$%^&*)(_+()*&^%
فيصل كان واقف عند الباب عشان يدخل و يلبس ساره الشبكه جات له امه
حضنته ام فيصل و هي فيها العبره:الف مبروك يممه
و لما حضنته ما قدرت تمسك حالها و بكت
فيصل و هو يبوس راس امه:ليه البكا يالغاليه
ام فيصل:و الله من فرحتي
سلمت مريم على فيصل:مبروك اخوي
فيصل و هو يبوس خد مريم:الله يبارك فيه ...يمه يلا عشان ادخل
مريم:ايه مستعجل دخليه يمه لا يموت علينا
ام فيصل:وجع انتي اسكتي
فيصل و هو يقرص خد مريم:الحساب بعدين
$دخل فيصل و عينه على ساره اللي وقفت تنتظره انبهر بجمالها و سرح فيها @
ام فيصل:يلا يمه شفيك وقفت
مريم:ههههه شكله يضحك شوفي كيف يناظر في ساره
ام فيصل:الحمدالله الظاهر عجبتته يلا يمه
فيصل و هو مبتسم :ها ايه يلا مشينا
وقف فيصل جنب ساره و هو منبهر بجمالها
و ساره تناظر فيه و تبتسم >>>و لا تخجل حتى مالت *_*
عطت ام فيصل عقد الالماس لفيصل
فيصل و هو يلبس ساره همس لها و بصوت ما تسمعه الا هي:ليتنا لحالنا الحين و انا البسك العقد
ساره قربت من اذنه قدام الناس و همست له:الايام جايه
فيصل استغرب من حركتها و ابتسم لها
بعد ما لبسها باقي الشبكه و جلسوا فيصل و ساره
ساره بهمس لفيصل:شرايك نروح المجلس الثاني نسولف شوي
فيصل :اوكي ليش لا
ّ!@#$%^&*)(_+_()*&^%$#@!
"في غرفه اريام"
جنا:ما راح تنزلين تحت
اريام:مالي مزاج انزل كلام ساره جرحني بقوه مو قادره اتحمل اكثر من كذا
جنا:هاذي ساره و هاذي طبايعها وش نسوي يعني قومي خلينا نرقص شوي صوت ديجيه موصل لهنا فيني رقصه
اريام :هههههه طيب
نزلت جنا و اريام تحت
اريام:يمه وين ساره
ام سعود:جا فيصل لبسها الشبكه و راحو مجلس الثاني و انتي ليه ما حضرتي لما جا فيصل الكل كان موجود
اريام :و اذا جا انا مالي دخل الملك حضرته يعني لازم اكون موجوده و يمكن بنتك تفشلني بكم كلمه فتمام اني ما حضرت
مشت عنها ام سعود
جنا:و الله يطلع منك يا اريام وش هالكلام
اريام :مو انتي تبين ترقصين يلا روحي ارقصي
جنا:ارقصي معي
اريام:لا ما ابي
جنا:مو كيفك
@سحبتها جنا و رقصوا على اغنيه سلام العشق @
سلام العشق وأعماقه ...
يضم القلب وأشواقه ..
تجيك الروح مشتاقه ...
وتهديك القصيد ألوان ...
على درب الهوى جينا ..
من أول ما تلاقينا ...
تغير كل ما فينا ....
وعشنا فرحة الأزمان ...
عرفنا الحب وأسراره ..
وكتبنا أجمل أشعاره ..
وغنينا على أوتاره ...
وذبنا بالغرام ألحان ...
نسينا كل مواجعنا ...
وبقينا اثنين ما معنا ..
سوى الأشواق تجمعنا ..
بلا هجر وبلا حرمان ...
ألا يا حبي السامي ..
لقيتك بأول أيامي..
تعال وجدد أحلامي ...
ترى قلب الهوى سهران ..
شربت الحب من كاسك ..
وطعم الورد بانفاسك ..
لأنك عذب باحساسك ..
وانا مغرم بك وولهان ..
حبيبي كان ما تدري ..
ترى حبك بدا يسري ...
بدمي وانت يا عمري ...
سكنت بداخل الشريان ..
قطعنا الحب ودروبه ...
وصغنا روعة اسلوبه ...
حكاية عشق مكتوبه ...
وصرنا للهوى عنوان
بعد ما خلصوا رقص راحت جنا مع تركي البيت اما اريام جلست مع مريم
مريم:رقصك حلو حييل
اريام و هي مبتسمه:مشكور حبيبتي ...انتي في اي مرحله
مريم:اول ثنوي
اريام:ماشاءالله لازم تشدي حيل اجل هاذي ثنويه
مريم:نسخه من كلام فيصل دائما يقول لي كذا
اريام:هههه لان هذا هو كلام صح حبيبتي ما راح ينفعك الا شهادتك
مريم:خلاص بفكر
اريام :ههههههههههه ضحكتيني بتفكرين بعد ههههههههه مبين عليك انك خفيفه دم حيييل
مريم:اجل لو تسمعين سوالفي مع الابلات شنو تقولين
اريام:سمعينا يلا
@#و ظلت مريم و اريام يسولفون مع بعض !@
#$عند ساره و فيصل@#
فيصل:امي ظلمتك لما وصفتك لي طلعتي احلا بكثير
ساره بدلع :جد يعني عحبتك انا
فيصل :اكييد وش هالجمال اللي عليك ملاك مو انسان
ساره :و انت بعد ماشاءالله عليك حيل وسيم
فيصل:عينك الحلوه
ساره كانت تحاول تغري فيصل بشفايفها و هي تحركهم بس هو حاول يمسك حاله
فيصل و هو رايح فيها:ااا انا بروح البيت بكره عندي دوام في شركه
ساره:وين تو الناس الشركه لاحق عليها
فيصل :الايام جايه بجي لك بكره بجلس معك اكيد
ساره و هي معصبه من داخل لكن تبين دلع له:اوكي
طلع فيصل من مجلس
ساره و هي معصبه:شفيه هذا لكن هين يا فيصل الايام جايه باخليك تموت فيني و تصير خاتم في صبعي
ّ!@#$%^&*)(_+_()*&^%$#@#$%^&*)(_+_()*&^%$#@!@#"
"في بيت جنا و تركي"
تركي جالس على كرسي في الغرفه جات له جنا و جلست جنبه
جنا:حبيبي شفيك احسك مضايق
تركي: كلامك خوفني ..انا اعرف ذوق فيصل و اذا البنت مثل ماتقولي خايف ان يفشل و خايف ان تقدر تنفذ الا تبيه الله يستر من اللي ناويه تسويه
جنا مسكت ايد تركي:انا متاكده ان فيصل بيكون بخير تدري ليه
تركي:ليه
جنا و هي مبتسمه:لان عنده صديق لو يدور دنيا ما يلاقي مثله
ابتسم لها تركي:حبيبتي انتي (و حضنها )
ّ!@#$%^&*)(_()*&^%$#@!@#$%^&*)(_+_()*&^%$#@#$%^&*) (_()*&^%$#
في غرفه اريام فتحت دفترها كعادتها كل ليله
#اشتقت كثيرا لضحكاته العاليه و همساته بكلمات الحب التي تذوبني عشقا و شوقا ...
كم احتاجه الان ليكون بجانبي و المس يداه و اشعر بدفا احضانه ....اااه كم اشتقت اليك حبيبي @
ّ!@#$%^&*)(_()*&^%!@#$%^&*)(_)*&^%$#@#$%^&*)(_+()* &^%$#@@#$%^&*)(__()*&^%$#@
"الصباح في بيت ام فيصل على الفطور
ام فيصل:يمه فيصل طمني وش صار
فيصل:فيصل ماصار شي يمه البنت ماشاءالله عليها جميله فوق ما كنت اتصور عمري ماشفت بجمالها
ام فيصل:الحمدالله ريحتني
مريم و هي ماسكه الجوال تقرا:هههههههههههههههههه واي يمه بطني هههههه
ام فيصل:انا لله و انا اليه راجعون انتي ما راح تهدي هالحديد اللي عندك
مريم:ههههه يمه بطني خلاص
راشد:صباح الخير ....(يكلم مريم)صوت ضحتك موصل عندي لفوق شفيك
مريم:حسبي الله و نعم الوكيل يعني الواحد حرام يضحك
فيصل:طيب اذا عندك نكته قولي ضحكينا معك
مريم:ماعندي نكته اكلم اريام
ام فيصل و هي مستغربه:اريام!!
مريم:البنت هاذي تجنن
ام فيصل:المفروض تتقربين من زوجه اخوك مو اختها
مريم:عذرا فيصل يعني بس زوجتك ما عجبتي ما حبيتها مغروره و ما تستحي يعني مفروض من تشوفك تخجل مو فاتحه عينها تناظر فيك
فيصل ضايق شوي من كلام مريم لان حس ان كلامها صح بس يحاول يتغاظا عن الامر:انا ما شفت منها شي مو حلو و مستحيل احكم عليها من اول يوم و تكلمي عدل يا مريم هاذي زوجتي المفروض ما تتكلمين عنها قدامي بالطريقه هاذي انا بروح الشركه ....راشد لا تتاخر احنا ننتظرك
راشد:اوكي
"بعد ما طلع فيصل"
ام فيصل بعصبيه:و انتي و بعدين مع لسانك اللي يبي له قص عن قريب انشاءالله
مريم:يمه انا ما قلت شي غلط انا قلت الصدق
ام فيصل:و مره ثانيه لا تتكلمين عن اريام قدامه مو زين يا يمه مريم:ليه عادي
ام فيصل:الرجال ممكن يغير نظرته من مجرد الكلام عن الشخص حتى من غير ما يجلس معه و اخوك توه مالك ما مداه يعرف زوجته عدل و لا افهمك اكثر
مريم :لو كنتو خاطبين له اريام احسن
ام فيصل:ياربي على هالبنت بتجنني انتي ما شفتي خير البنت من شرها و حكمتي عليها من غير ما تجلسي معها
مريم:لاو الله يمه انا شفتها امس كيف اذا من بدايه كذا كيف بعدين
ام فيصل توها بتتكلم قاطعهم راشد
راشد:خلالالالالاص وجعتوا راسي و مريموه كلام امي صح لا تحكمي على الناس من غير ما تجلسي معهم انا بروح عشان ما اتاخر
مريم بينها و بين نفسها:و الله قلبي مو مرتاح لها و بتشوفون ان كلامي صح
راشد:يلا قومي اانا بوصلك للمدرسه
مريم:ما ابي اروح
ام فيصل:اذا كنتي ناويه تجربين ضرب نعال جديد اللي حقي لا تروحي
مؤيم بخوف:هههه لا ما احب اجرب عليك بالعافيه يلا راشد عشان ما نتاخر
راشد:ههههه ما ينفع معك الا كذا يلا مشينا
ّ!@#$%^&*)(_+()*&^%$#@#$%^&*)(_+()*&^%$#@34567890_ +_()*&^%
"في بيت ام سعود"
اريام:انا بروح يمه ساره ما راح تجي
ام سعود:توها عروس ما تبي تروح المدرسه هاليومين
اريام:طيب ...يلا سلطان حبيبي خلنا نروح لا نتاخر
سلطان:اوكي
"وصلت اريام سلطان و دقت على جنا"
جنا:هاي يا حلو
اريام:هايات انا جايه لك خلينا نروح مع بعض الجامعه ملانه اجلس لحالي طول طريق
جنا:امممم اوكي انتظرك
"طلع تركي من الحمام"
تركي:كنتي تكلمي من؟
جنا:اريام راح تجيني و بروح معها الجامعه
تركي:طيب حلو انا بروح البس عشان لا اتاخر عن الشركه
جنا:اوكي حبيبي
ّ!@#$%^&*)(_()*&^%$#@!@#$%^&*)(×÷‘إلإًٌَُ ًٌَُلإإ‘÷×؛
"جلست ساره الساعه 11 و توها تصلي الفجر و خذت لها شاور و لبست شورت قصير اقصر من نص الفخد مع بلوزه كت عاريه الظهر بس ربطه و تعطرت و استشورت شعرها و دقت على فيصل"
ساره بدلع مصطنع:الو
فيصل:هلا
ساره:كيفك بيبي
فيصل استغرب من كلمه بيبي:بخير الله يسلمك انت اخبارك
ساره:بخير ...امم شو عندك على الغذا
فيصل:و لا شي
ساره:اجل تعال اتغذا معنا في البيت
فيصل:لا خليها مره ثانيه
ساره :لا ما راح اخليها مره ثانيه بللللليز حبيبي
فيصل:طيب خلاص راح اجي
ساره:وااااو ثينكس يا قلبي باي
فيصل:باي
ّ!@#$%^&*)(_+()*&^%$#@!@#$%^&*)(_+()*&^%$#@#$%^&*) (_+_()*&^%$#@#$%^&*)(_
"الساعه 1 و نص الظهر في الجامعه اريام و جنا في الكفتيريا يتغذون"
جنا:اريام بقولك شي
اريام:قولي
جنا:انا قلت لتركي كل شي
اريام :شنووووو انتي كيف تقولين له
جنا:مدري كيف قلت له ...انا قلت له قبل ما يروح المكله و لما رجع شفته حيل مضايق خايف كثير على فيصل
اريام:ساره صح فيها اشياء خطا بس اكيد بتتعدل مع الايام يمكن تحب فيصل و تعيش معه احلا حياه
جنا:بس انا و انتي نعرف ساره ...طول عمرها ما تفكر الا بحالها مصلحتها فوق كل شي فوق سعاده الناس مهما يكون شخص اللي تهدم سعادته على حساب سعادتها هي
اريام سكتت لان تعرف ان كلام جنا صح :بس ان
قاطعتها جنا:لا بس و لا شي لا تكذبي على حالك و لا علي
اريام تنهدت بحزن :ااا
ّ!@#$%^&*)(_+()*&^%$#@!ّ!@#$%^&*)(_()*&^%$#@!@#$%^ &*)(_
"وصل فيصل بيت ام سعود و راح جلس في المجلس و جات له ساره و هو توتر من شافها و من لبسها راحت و حضنته على طول"
ساره:مس يو بيبي (اشتقت لك حبيبي )
فيصل جمد مكانه من جراءه ساره الزايده بعدها عنه:و انا بعد ساره انقهرت لما بعدها عنه (اي واحد مكانك يا فيصل مستحيل يكون بارد لما يشوفني الا انت بس هين الايام جايه:يلا حبيبي الكل ينتظرك
فيصل:اوكي
"على طاوله الطعام كان موجود سلطان و ام سعود بس"
فيصل:الا وين سعود و اريام؟
ام سعود :اريام في الجامعه ما ترجع الا العصر و سعود في شغل ما نشوفه كثير
فيصل:اها
"بعد ما خلصوا اكل "
فيصل:الحمدالله الاكل مره لذيذ
ساره:بالعافيه حياتي
فيصل :الله يعافيك ..طيب انا استاذن
ام سعود:حلفت عليك ما تروح تجلس معانا تتحلا و نشرب شاي و نسولف شوي
ساره:ماما حلفت يعني ما راح تروح
فيصل :ليه تحلفين ياخاله
ام سعود:انا حلفت يعني بتجلس
فيصل:طيب
سلطان:انا بروح انام تعبان شوي عن اذنكم
!@جلس فيصل مع ام سعود و ساره و شرب شاي و اكل الحلا و سولفو للعصر !#
فيصل حط صحن الكيك على طاوله:عن اذنكم انبسطت معكم كثير
ساره مررت ايدها على شفايفه بحجه انها تنظف شفايفه عن الكيك و فيصل انحرج من حركتها لان ام سعود جالسه و نزل ايدها بسرعه و هي انقهرت بقوه
فيصل:اممم انا بروح اكلمك بعدين ساره
ساره بقهر:اوكي
فيصل:مع سلامه خاله
"نزلت اريام بنفس الوقت من سياره و هي تمشي في الحديقه رن جوالها و ظلت تدور عليه و ما انتبهت للي قدامها و اصطدمت في فيصل اللي كان لاهي بجواله بعد و هو يكتب فيه "
اريام بالم شوي:اااااااا
فيصل:ااا ...اريام ..اسف
اريام بخجل :انا اللي اسفه
فيصل: ههههه و كل مره لازم تصدميني و السبب جوالك
اريام و هي مستغربه:كيف
فيصل:انتي صدمدتي فيني في بيت تركي بس انتي ما رفعتي راسك و كنت تدوري على جوالك و بعدين شفتيه
اريام بخجل اكبر :هههه اسفه و ربي ما كنت اقصد
فيصل:ههههههه عادي ...شوفي حطي جوالك في سلسال اللي داخل شنطه لحاله
اريام:اووكي على امرك
فيصل و هو مبتسم لها :عن اذنك
اريام:اذنك معك
مشت اريام و هو مشا و دار شافها و ابتسم و راح لسيارته@ @
ّ!@#$%^&*)(_+_()*&^%$#@!@#$%^&*)(_()*&^%$#@#$%^&*) (_+()*
"...... هي مع ابوها في سياره"
..... بصرخه خوف:بابا انتبه سياره يا بابا لالالالا
"و صوت حادث سياره
