الفصل التاسع عشر. من. (الجريمه)
فى صباح يوم جديد...
يتوجهه منير الى شركه السيوفى ...........
عصام : انت مش وراك شغل
منير : انا مخلص الى ورايا لما امسك قواضى جديده ابقى اروح
عصام : سعيد عمل اى
منير : مش عارف مكلمتهوش
عصام : الباشا الكبير لازم تاخد حذرك منو وياريت لو تقدم استقالتك من شغلك احنا كلها كام يوم ونسافر
منير بضيق : انت لسه مصمم على الموضوع دا
عصام : ايوه وانا خلاص جهزت كل حاجه عشان اصفى املاكى بعد الصفقه ونسافر
منير : طيب وياسمين هتقولها اى
عصام : ياسمين مش هترفضلى طلب بس المهم نجهز كل حاجه وناخد حظرنا
منير : انا هروح المدريه
عصام : انت مش قلت مفيش شغل
منير : ايوه بس اللواء محمد عامل اجتماع مفاجئ ومش عارفين السبب
عصام : خلى بالك منو دا مش سهل وكان بيحب ادهم جدا
منير وهو ينهض : متقلقش ......ثم تركه وغادر
عصام فى نفسه : مقلقش اى الباشا الكبير بدأ يخطط لنهايتنا
.....................
منير فى سيارته ......
يتحدث فى الهاتف مع ياسمين
منير : ياسمينا حببتى وحشتينى عجبتك القعده عند صحبتك كدا ونسيتينى
ياسمين : معلش يامنير بس هى تعبانه
منير : مال صوتك ياحببتى فى حاجه
ياسمين بتوتر : ها ...لا ياحبيبى مفيش بس قلقانه بسبب تعب رنا سلام انت دلوقتى بقى عشان انا جنبها
منير باستغراب : ماشى سلام خلى بالك من نفسك
....بعد ان اغلق الهاتف
منير : ياترى فيكى اى يا ياسمين شكلك مش مظبوط .....ثم انتبهه لشئ ...: اى دا ..فى اى
.
فقد كان هناك سياره تقترب منه ...وتحاول ان تصتطدم به
قام منير برفع سرعه سيارته محاوله لتخطى هذه السياره ولكن السياره كانت تسرع ايضا حتى اصتدمت به وانتقلبت السياره ب منير
وقفت السياره التى كانت تتصادم معه ترجل منها شخص واخذ يتفقد السياره المنقلبه ..........ثم تحدث فى الهاتف
الرجل : الو ياباشا ...كلو تمام
الباشا : تمام اختفى لحد اما اكلمك
الرجل : امرك ياباشا
..........بعد ان اغلق الخط
الباشا الكبير : لسه دى البدايه ....انتو الى فكرتو انى مش هعرف انكو مراء قتل ادهم ...لسه الدور عليك ياعصام
_______________________________________
فى المدريه .......
فى قاعه الاجتماعات
يجتمع اللواء محمد بجميع الفرق وايضاً اللواء سعيد
اللواء محمد : طبعا كلنا عرفنا بالحادث الى حصل مع الرائد ادهم ........قاطعه فارس
فارس : حضرتك تقصد قتل الرائد ادهم
نظر له الجميع وبالاخص اللواء سعيد بينما تحدث عمر
عمر : فارس ميقصدش يافندم
كاد فارس ان يتحدث بينما نظر له حسام بمعنى اهدأ فاكمل اللواء محمد حديثه قائلا : اولا الى حصل دا حادث احنا منعرفش اذا كان عن عمد ولا لا
ثانيا لو معاك دليل يافارس قدمه لينا
فارس : يافندم هو لو احنا شايفين شغلنا صح كنا جبنا دليل لقتل البنات او دليل يدين التجار فى الممنوعات الى احنا عارفنهم واحد واحد بس مفيش دليل او دليل للى قتل اختى الى احنا عارفينو بس منقدرش نمسكو عشان معناش دليل او دليل للى قتل الرائد ادهم الى حضرتك متاكد مليون فى الميه ان هى جريمه قتل والدليل ان عمر كان بيكلمو وساعتها قالو العربيه مفيهاش فرامل ازاى وهو كان كان بيها على المستشفى يعنى اللعب فى الفرامل حصل فى جراج المستشفى وانا معايا الكاميرات دلوقتى حضرتك طلع تقرير الحادث ان هو انحراف عن الطريق الرئيسى مع زياده السرعه ادت الى انقلاب السياره
يعنى احنا معانا دليلين مش دليل واحد لقتل الرائد ادهم اولهم الكاميرات بتاع جراج المشفى ...ثانيا شهاده الرائد عمر اثناء حديثه مع ادهم
نظر له الجميع فى تعجب ولكن نظرات اللواء سعيد كانت بها بعض الخوف والتوتر ونظرات اللواء محمد بها بعض الفخر ب طالبه ف فارس وحسام وعمر وادهم كانو فى البدايه يتدربون تحت يدى اللواء محمد .........
محمد وهو يعرف ان ادهم مازال على قيد الحياه ولكنه يفعل هذا لكى يستطيع ادهم الوصول الى الكبير والامساك به
اللواء محمد بابتسامه هادئه : خلصت كلامك يافارس
فارس : اسف يافندم على الاسلوب بس ميبقاش معايا دليل ويتكتب سبب الوفاه حادث بسبب انحراف السياره زى بردو لما كان فى الجريمه لاقو سلسله دليل والدليل دا اختفى
نظر حسام لتعابير وجه اللواء سعيد وجده قد ظهر عليه التوتر والخوف
فقد افتعل اللواء محمد هذا الاجتماع من اجل ان يتحدث عمر وفارس وحسام الى ما توصلو اليه ويجعل كلا من منير وسعيد يعرفون انهم قد توصلو اليهم فيقعو فى الفخ ويرتكبون افعال تكشفهم ويتم الامساك بهم ولكن منير لم يأتى
اللواء محمد محاولا تغير الحديث عن موت ادهم : فين منير
اللواء سعيد : كان متصل بيا وهو جاى فى الطريق بس لسه موصلش
اللواء محمد : يعنى اى موصلش دا استهتار انا مش مأكد على الاجتماع دا يا سعيد شكل الفرق بتاعتك متعوده على الاستهتار
سعيد : اول مره ياباشا تحصل
محمد : اتمنى ذلك
ثم ..رن هاتف سعيد .....نظر سعيد الى الهاتف فقال اللواء محمد .: رد
سعيد وهو يمسك الهاتف ويجيب : الو .....اى .منير ...مستشفى اى ....طيب ..
اللواء محمد : ماله منير
سعيد وهو يزدرد ريقه بتوتر : عمل حادثه والعربيه اتقلبت بيه على الطريق واتنقل مستشفى .......
محمد : اى ....عمر .
عمر : ايوه يافندم
محمد : تروح المستشفى دلوقتى وتعرف الى حصل
عمر وهو ينهض : حاضر يافندم ....وغادر الى المشفى
سعيد : هروح اشوفو ...
محمد : لا عمر هو الى راح خلاص انت تروح على مكتبك ولو عرفت انك سيبت مكتبك هتشوف تصرف مش هيعجبك
سعيد بتوتر : انت بتهددنى يا محمد انت ناسى انا مين
محمد بصوت جهور : حساااام.....اللواء سعيد ميتحركش من المكتب تحت اى ظرف ولو هو عايز يتحرك يبقى تنزلو الحبس ودى اوامر منى انا
حسام : تحت امرك يافندم ....ثم نظر الى سعيد : اتفضل معايا
سعيد بغضب : هتندم يا محمد
محمد : حسااام
حسام : اتفضل معايا ياسياده اللواء عشان مستعملش القوه
تحرك سعيد مع حسام بغضب وهو يتوعد لمحمد
نظر محمد للجالسين ثم قال : الاجتماع انتهى كل واحد على مكتبو..........غادر الجميع ...استنى انت يافارس
فارس : تحت امرك يافندم
اللواء محمد : متتسرعش
فارس : انا مش بتسرع بس حضرتك ....
محمد : فارس انت متاكد ان اختك عايشه
فارس : بس هى مش معايا
محمد : قريب هتبقى معاك بس عايز اعرف انت عرفت منين ان ميرا عايشه
فارس : من الجثه
محمد : الجثه مشوهه
فارس : الوش بس الرقبه لا وفيه علامه فى رقبه ميرا مش موجوده فى الجثه
محمد : سكت ليه ومقولتش ان مش هى
فارس : عشان انا يهمنى سلامه اختى وحمايتها واكيد هى فى امان مدام مع ادهم
محمد بصدمه : انت عارف ان....
فارس مقاطعا : ايوه عارف ان ادهم عايش لان الى يعمل لعبه لحمايه اختى اكيد هيعرف يحمى نفسو
محمد : امال ليه بتوجهنى بالطريقه دى
فارس : لازم واحد اختو قدام الناس ميته عايزنى اعمل اى خصوصا ان اللواء سعيد معانا هنا ولازم ابين للناس انى متاثر عشان ميشكوش فيا واعرض اختى للخطر من تانى.......وانا اسف يافندم انى كلمت حضرتك بالاسلوب دا
محمد : انا فخور بيك يافارس وياريت متخبيش حاجه تانى
فارس : يافندم حضرتك الى مخبى مش انا
محمد : امشى فى طريقك واوهمهم انك هتنتقم لاختك خليك زى ما انت حتى فى معاملتك معايا
فارس بمرح: بس متجيش بعد كدا وتقتلنى
محمد بابتسامه : لا متخفش بس انت متزودتش فيها
فارس : تحت امرك يافندم
محمد : اتفضل
____________________________________
منى وهى تدلف سريعا الى مكتب عصام
منى : عصام بيه ...منير بيه
عصام : ماله منير .
منى : عمل حادثه على الطريق وهو دلوقتى فى مستشفى ......
عصام بصدمه : بتقولى اى ....منير ....ثم تحرك مسرعا الى الخارج متوجهه الى المشفى
دلف عمر الى المشفى وسئل عن حاله منير وعلم انه فى غرفه العمليات وحالته خطيره ...فجلس ليعلم ماذا سيحدث
........توجهه عصام مسرعا الى الداخل وسئل على ابنه وعلم انه بغرفه العمليات توجهه اليها فوجد امامه عمر
عصام : ابنى فين ..
عمر : هو فى العمليات حضرتك ...
عصام : انت مين
عمر : الرائد عمر زميل منير
عصام : طيب هو حالتو اى
عمر : محدش خرج بلغنا حاجه
....جلس عصام بتعب على الكرسى وعلى وجهه علامات الحزن الشديد ثم تحدث : كسرنى فى ابنى هينتقم منى فى ابنى
سمعه عمر ولكنه فضل السكوت ولكنه انتبهه الى عصام وهو يتحدث فى الهاتف
عصام : ياسمين
ياسمين وهى تلتمس الحزن فى صوت ابيها : بابا مالك
عصام : مني..منير
ياسمين بخوف : ماله منير
عصام : عمل حادثه وهو فى مستشفى ...
ياسمين بصدمه : اى ..انا جايه حالا
..اغلق الهاتف وجلس عمر وعصام منتظرين خروج الطبيب
رنا : ياسمين ..مالك فى اى
ياسمين بدمع وهى تبدل ملابسها : منير .منير عمل حادثه
رنا : اى ..طيب استنى هاجى معاكى
.....اتجه الاثنين الى الخارج وتوجهو الى المشفى ....
______________________________________
يفتح عينيه ببطء ويجدها جالسه على كرسى بجوار السرير
ادهم : م..ميرا ....
ميرا : ادهم انت صحيت
ادهم : قومى ارتاحى
ميرا : انت بقيت كويس
ادهم : ايوه
ميرا : هو اى الى حصل الجريده منزله خبر موتك معايا
ادهم : اه كانو عايزين يقتلونى انا كمان
ميرا : وحصل اى
ادهم : بعدين .. ثم رن الهاتف
ميرا وهى تعطيه اياه : اتفضل
ادهم وهو يجيب : الو ..
الرجل : ادهم باشا انا مسكت صاحب الصوره ومعاه واحد كمان
ادهم : ومين التانى
الرجل : معرفش بس كان بيقاومنى معاه ف جبتهم الاتنين
ادهم : سلمهم للواء محمد من غير ما حد يعرف وابعتلى صورهم
الرجل : تحت امرك ياباشا
......بعد ثوانى وصل رساله الى ادهم تحمل صور الرجلين
فتح ادهم الرساله ووجهه الهاتف الى ميرا
ادهم : هما دول
ميرا وهى تلمع عينيها بالدمع : دا الى قتلها ودا واحد من الاتنين الى سمعتهم بيتكلمو
ادهم : طيب خلاص اهدى هما اتمسكو
ميرا بابتسامه : بجد
ادهم : بجد كدا فاضل واحد
ميرا : انا خلصت رسمتو
ادهم : طيب جهزيها عشان هاخدها وابعتهلم يدورو عليه
ميرا : طيب
___________________________________
خرج الدكتور من غرفه العمليات اثناء وصول ياسمين ورنا فوقف الجميع يسالون الدكتور ولكن عمر تفاجأ بوجود رنا افاق على صوت عصام
عصام : خير يا دكتور ابنى عامل اى
ياسمين : اخويا ...اخويا حصله اى
عمر فى نفسه : اخوكى ........
وقفت رنا بجوار عمر نظرت له ولكنهم افاقو على صوت الدكتور
الدكتور :..........
#يتبع الحلقه 20
