الفصل الثانى
ليل /احمد بيه محتاج عمليه
مراد /نعم ؟عملية ازاي يعني
داليا دمعت /عمليه اي دي
احمد مسك ايد داليا /اهدي ي حببتي ما نفهم الاول
مراد بحده /ما تردي علينا
ليل تنفست بغضب من معاملته. بس رجعت قالت هو معزور علشان دا باباه برضو
ليل /العمليه دي اسمها عمليه الشريان التاجي. يعني عمليه قلب مفتوح. الهدف من العمليه دي ان نخلي الدم يتدفق ل نسيج عضله القلب
داليا /قصدك اي مش فاهمين
ليل / انا هفهم حضرتك. العمليه دي ضروريه ل أحمد بيه علشان عنده مرض شريان تاجي. العمليه بسيطه. احنا بس ال هنعمله هنخلي الدم يتدفق لعضله القلب. علشان الاوعية الدموية عند احمد بيه صلبه.
مراد /اي التخريف دا. بابا مش محتاج عمليه ولا حاجة انتي ال غبيه. انا عايز دكتور شاطر يجيلي.( وقال للممرضه ال واقفه) نديلي دكتور كويس
الممرضه /الدكتورة ليل اكبر جراحه هنا
ليل /لحظه بس. انت ازاي تشكك اني ممكن اشخص بباك غلط. بقولك احمد بيه محتاج عمليه ومش هتستغرق ٣ ساعات وهيقوم بالسلامة
مراد بحده /اولا. اتكلمي كويس معايا
ثانيا
بابايا كويس ومش محتاج عمليه انتي ال غلط وفاشله
ليل اتنهدت بغضب /انا مقدره خوفك ع بباك بس مش معنى كدا انك تتكلم معايا بالاسلوب دا
داليا بدموع /بس. بس انتو بتعملو اي. أحمد محتاج عمليه ونتو هنا بتتخانقو
احمد /بس متعيطيش. انا واثق ف ليل. وان شاء الله هقوم بالسلامة
داليا مسحت دموعها /نسبه نجاح العمليه قد اي
ليل /متقلقيش حضرتك نسبه نجاحها ٩٦ ٪
احمد ل داليا/مش قلتلك
مراد /العمليه هتبدأ امتى
ليل /ممكن بعد يومين . بس اهم حاجة حضرتك متكنش بتاخد اي ادويه او بتشرب سجاير
داليا /لآلا. مبيشربش سجاير
ليل بابتسامة /تمام. الف سلامه عليك ي أحمد بيه. عند اذنكم
احمد /اتفضلي
ومشيت من جنب مراد
وحركة سلو موشن مراد بيشم ريحتها وبيغمض عينه
وليل مشيت
احمد /اي الأسلوب ال اتكلمت معاها بيه دا ي مراد
مراد /هي ال مش محترمه وبترد عليا ببجاحه. وكمان مش شاطره. مش عارف شغاله عندنا بتعمل اي.
أحمد /ال بتقول عليها مش شاطره دي. انا شاهد ع عمليات نجحت فيها بجداره. كل المرضى بيثقو فيها هي بس
بعد ما ليل خرجت من الغرفه. حياه رنت عليها
حياه /باركيلي
ليل /ع اي
حياه /الشركة ال قلتي عليها. قدمت الcv بتاعي واتقبلت. مساعده المدير
ليل ابتسمت /بجد. الف مبروك ي روحي
حياه /الله يبارك فيكي. هروح أقول ل جولد وهنحتفل سوا. هترجعي البيت امتى ؟
ليل /ورايا شغل لسه لما اخلص هرجع
حياه /مال صوتك؟
ليل /لما ارجع هبقي احكيلك
حياه /OK ي حببتي باي
ليل /باي
وقفلت
ملك جايه بسرعة ع ليل
ملك بتوتر /لو سمحتي. بابي ف اوضه كام. اقصد احمد السويفي
ليل /اهدي متخافيش. ف الاوضه دي
ملك راحت بسرعه الاوضه
ملك بدموع /بابي
و حضنته
احمد /متقلقيش انا كويس
ملك/انت كويس بجد. طب انت بتعمل اي هنا
داليا /بباكي هيعمل عمليه بسيطه
ملك بتوتر /عمليه ؟ازاي يعني
بعد شويه
مراد طلع من الغرفه
لقى ليل ماسكه الموبايل ومشغلاه ف ايد والقهوه ف ايد
مراد عدي من جمبها ورجع لها تاني
مراد ابتسم بسخريه /انتي بقى الجراحة ال جامده جدا؟
ليل بثقه /اي مش عجباك. وبعدين انت المفروض تعتذر ع الأسلوب ال اتعاملت معايا بيه جوا
مراد ابستم بسخريه /انا
ليل/اها
مراد /واعتذر
ليل /وليه لا
مراد /مشكلتكم انتو البنات مديين نفسكم قيمة كبير جدا. مع انكم عكس كدا. يعني انا هقولك ع حاجة. انتي ال هتعتزري ودلوقت حالا. علشان اسلوبك مش عجبني. ونا مراد السويفي محدش يجرؤ يتكلم معاه كدا
ليل /أنا بقى اتجرأت وعملت كدا. هتعمل اي؟
مراد بحده /دي اخر مره تتجاوزي حدودك معايا انتي فاهمه؟ الجرأه ال عندك دي احتفظي بيها علشان متنفعش معايا. هتندمي
وسابها ومشي
ليل/انسان همجي. انسان اي؟ دا مش انسان زينا. دا حتى مفكرش يهدي مامته ال منهاره من العياط جوا
ملك طلعت من الاوضه ومسحت دموعها
وراحت ل ليل
ملك /انتي دكتوره بابي؟
ليل بابتسامه /اها انتي بنته صح؟
ملك/اها. لو سمحتي قولي الحقيقه بابي هيبقى كويس؟
ليل /صدقيني العمليه بسيطه جدا. انا مقدره خوفكم بس فعلا العمليه نسبه نجاحها عاليه جدا. اطمني. إن شاء الله هيقوم بالسلامة
ملك بابتسامة /ان شاء الله
ليل /سوري بس هو انتي متأكدة ان مراد دا اخوكي
ملك ضحكت /اه اخويا
ليل /اصل انتي هاديه خالص. وهو عكس كدا
ملك ابتسمت
بعد شويه احمد و داليا طلعو من الاوضه. ومراد جه عليهم
مراد/لو مش حاسس انك كويس ممكن نقعد هنا لحد موعد العمليه
احمد /لالا انا كويس. انت عارف. مبحبش ابات ف مستشفيات
ليل راحت لهم
ليل /اهم حاجه ي أحمد بيه متنساش تيجي برا علشان هنعمل شويه فحوصات. وبعد بكرا العمليه ان شاء الله
احمد /تمام
داليا /تعبناكي معانا
ليل /مفيش تعب دي مهمتي
وتليفونها رن
ليل /عن اذنكم بينادوني من الإسعاف
في الفيلا
ليل روحت الفيلا
ليل /السلام عليكم
دهب و حياه/وعليكم السلام
دهب /يلا علشان هنتعشي. حطو الطباق ع السفرا
ليل /معقوله. معقوله في همجيه وتوحش كدا
حياه وهي بتحول الطابق من المضبخ ل برا
حياه /اه في. بس ممكن نفهم الاول
ليل قعدت ع السفرا
ليل /اكتر انسان غبي ومتوحش وهمجي
جولد /اي دا مشاء الله ال ٣ مره واحدة
حياه وهي بتقعد ع السفرا /غبي ومتوحش وهمجي. اممم
تفتكري مين ي عمتو
دهب /طور؟
ليل /عمتو
دهب/اممم
ليل /I love you هو فعلا زي ما قلتي
هروح اغير هدومي
ومشيت
حياه /مقلتش مين الطور دا. خدي بس هنا. مين ال همجي دا
ليل بصوت عالي علشان يسمعو /مش مهم بقى مين
عند ملك و أدهم
ملك بصدمه /نتجوز ؟
أدهم /اه وفيها اي. اهلك كدا كدا مش هيوافقو لو عرفو وبابا برضو مش هيوافق. بس انا مش ههتم لرأيه . ف نتجوز ف السر وخلاص
ملك /انت بجد بتطلب مني حاجة زي دي ي أدهم؟ فاكر اني هوافق ع حاجة زي دي؟
أدهم /طب وفيها اي. ولا عيب ولا حرام. جواز ع سنه الله ورسوله
ملك /اه بس مش ممكن اعمل حاجه زي دي من ورا اهلي. دول لو عرفو حاجة زي دي بابي ممكن يموت فيها. بذات انه هيعمل عمليه
أدهم بغضب /بصي بقى ي ملك. انتي لو موافقتيش ع ال بقوله. هتبقي اخر مره نشوف بعض. طبعا انتي عرفاني قد كملتي
وكان هيمشي بس ملك مسكت ايده
ملك /اسمعني ي أدهم لو سمحت. بص بابي بس ال هيعترض ع علاقتنا. يعني مراد ومامي مش هيقولو اي حاجة. اديني و
أدهم قاطعها بحده /هو احنا مراهقين. علشان نستنى رأيهم. قلت آخر كلام عندي. ينتجوز زي ما قلت. ي انسى تشوفيني مره تانيه
ملك بدموع /علشان خاطري ي أدهم انا مقدرش اعيش من غيرك
أدهم سابها وركب عربيته
وابتسم بخبث ومشي
في مكان للسهر
مراد وحاتم قاعدين
حاتم /متقلقش ع عمو احمد. هيقوم بالسلامة
مراد /انا مش قلقان
حاتم /هههههههه عليا انا. يبني وحنا صغيرين كنت بتقفشني لما اكذب. دلوقت انا البكشفك. انت قلقان عليه.وبتحاول تبين غير كدا. ونا عارف
مراد وهو بيشرب كاس /اه قلقان
يعني دا ابويا ف الاخر مش كفايه أن الست دي سابتنا ومشيت وحنا صغيرين . هو كمان هيمشي؟ لو حصله حاجة انا
حاتم /يعم اي الأفكار دي. مش الدكتورة قالت مفيش نسبه فشل ف العمليه.
مراد /الدكتوره. اممم. اول واحده ف العالم اتكلمت معايا ب اسلوب وحش. يعني لو حد غيرها مكنش يجرؤ يبصلي حتى. بس هي طلع عندها الجرأه وعملت كدا
حاتم /مين دي ال تجرأت وتكلمت مع مراد السويفي بطريقه وحشه. لا والله بجد بقى عندي فضول اعرف مين دي. يعم دي واحده قبل كدا ف الشركة حاولت تتكلم وتدافع عن نفسها بسبب انها اتاخرت . انت هزأتها وطردتها هههههههه مين بقى الدكتوره دي ؟
مراد /مش مهم هي مين بقى.
في القصر
مراد دخل القصر وهو سكران
لقى داليا قاعده مستنياه
داليا مسكن ايده /اتاخرت ليه يبني قلقتني عليك
مراد سحب ايده / ا اولا انا مش ابنك. ولا انتي امي ثانيا اتأخر براحتي انتي مالك. ثالثا بقى. اي المسهرك لحد دلوقتى. هههههههه لتكوني قلقانه عليا زي الأمهات ال بتقلل ع عيالها. هههههههه
داليا /اه قلقانه عليك. ما انت ابني. تعالي بس معايا ارتاح انت شارب
مراد بحده /اوووف. انتي مبتزهقيش ولا اى ي ست انتي. قلتلك انا مش ابنك. متقوليش ابني. ولا انتي امي. عارفه امي فين. هههههههه امي سبتنا وراحت ل راجل تاني. هههههههه تخيلي. سابت ملك وهي عندها اسبوع. وسابتني ونا عندي ٥ سنين.وسابت بابا تخيلي معايا كدا سابتنا
ليه ؟اقولك انا لي. علشان هي واطيه وخاينه. مش هي بس. لالا كلكم. كلكم صنف الستات كدا. مهما عملتو كلكم واطيين وخاينين
وسابها ومشي
تاني يوم في فيلا ليل الصبح
ليل ودهب بيفطرو
وحياه طلعت من اوضتها بسرعه
حياه /اتاخرت من اول يوم
دهب /اي دا مشاء الله صاحيه بدري
حياه /شغل بقى ي جولد هنعمل اي
ليل/مش هتفطري
حياه /لا متأخره anyway هبقي اكل اي حاجة ف الشركة
وباست ليل من خدها وباست دهب
حياه /باي
ومشيت
دهب /اي رايك ف اللوك بتاعي النهارده
ليل وهي بتاكل /قمر. انتى خارجه ف مكان؟
دهب /هروح اعمل شوبنج
ليل ضحكت /ok. حاسبي لتتعاكسي
دهب ابتسمت بثقه /انا ع طول بتعاكس. يبنتي انتي مش عارفه عمتك ولا اى
ليل ضحكت /لا ازاي
في شركة حاتم المحمدي
حياه دخلت بسرعه الشركة
حياه للريسبشن /بليز قولي انه لسه مجاش
دنيا /تؤ. لاسف وصل من شويه
حياه بابتسامه /تأخير من اول يوم
وركبت الاسانسير
لقت حاتم ف الاسانسير
حياه دخلت الاسانسير بابتسامه /احم. مستر حاتم
حاتم /اول مره اعرف ان السكرتيره بتيجي بعد المدير
حياه /سوري بجد بس ا
حاتم بمقاطعه /تأخير تاني مش هسمح ب دا. بحب المواعيد تكون مظبوطه
حياه /اسفه حضرتك مش هتتكرر
و الاسانسير وصل
وطلعو
حاتم ماشى وحياه ماشيه وراه
حاتم /كلمتلك موظفه تعلمك الشغل هنا بسرعه علشان مش عايز تأخير
حياه /متقلقش حضرتك انا اتقابلت مع موظفه هنا برا الشركة وشرحتلي كل حاجة
حاتم /كويس أوي.
ودخلو مكتب حاتم
حاتم قعد /مظبوطه
حياه /سوري مش فهمت
حاتم /قهوتي مظبوطة
حياه /اها. تمام. حالا هحضرها
وطلعت
وكمل شغل
في شركة أدهم
ف مكتبة
أدهم /و مش تنسى تاجلي مواعيد النهارده
السكرتيره /امر حضرتك
أدهم /تقدري تروحي
ومشيت
ايمن المختار دخل المكتب
أدهم وقف /ايمن بيه المختار بنفسه ف شركتي
ايمن ضحك /اقعد اقعد
وقعدو
ايمن /عملت أي ف بنت السويفي
أدهم /متقلقش كلها ايام. قعدت تتحجج وتقول ان احمد السويفي هيعمل عمليه ومعرفش اي. بس متقلقش. ايام و َهتبقي مراتي وهخلي ابوها يتحسر عليا ومن ال هعمله فيها
ايمن /ههههههههه
في المستشفى
احمد و داليا ومراد داخلين
احمد /يبني قلتلك روح شغلك انا هعمل شويه فحوصات بس. مش مستاهله تأجل شغلك علشانه
مراد /خلاص ي بابا. ملوش لازمه الكلام احنا ف المستشفى
داليا /انت قدرت تقنع ملك. بس مراد. مظنش
احمد /معاكي حق
ليل دخلت الغرفه بابتسامه
ليل /صباح الخير
احمد وداليا /صباح النور
ليل /حضرتك هتيجي معايا نعمل فحوصات القلب. بالامواج فوق الصوتية. وبعدين تصوير للصدر بالأشعة السينية.
ومراد قاعد مراقبها بهدوء
أحمد /تمام
ليل /انا بس مش عايزه حضرتك تقلق. وعيزاك تثق فيا
احمد /طبعا واثق فيكي. دا انتي بنت اعز اصدقائي ايام الجامعه
مراد قام /اااه. انا دلوقتي فهمت. يعني حضرتك ي أحمد بيه مشغلها هنا بالواسطة. علشان هي بنت صاحبك. عايز بس اقولك ان شغل الواسطه دا مش هنا. وبرضو قولي الكلام دا ل ابوكي. اكيد اقنع بابا يشغلك هنا علشان مستشفى كبيره وكدا . ولا اى
ليل دمعت /انا اسمح ب اي حاجة. الا انك تتكلم عن ببايا كدا فاهم؟
ومشيت
احمد اتنهد /لحد امتى ي مراد. لحد امتى هتفضل تتعامل مع الناس بوحشيه وقسوة كدا
مراد /هو في اي؟ قلت الحقيقه. قلت انها شغاله هنا بواسطه. وابوها هو ال
احمد بمقاطعه /ابوها ال بتتكلم عنه دا ميت من سنين. وبالمناسبه. هي مش شغاله بواسطه. انا عرفت انها بنت صاحبي من كذا سنه بس. يعني بعد ما اشتغل بكتير. فهمت؟
