الفصل الثامن عشر. من (الجريمه)
عصام فى الهاتف : ياباشا انا وابنى ملناش دعوه بالى حصل لادهم
الباشا الكبير : مفيش حد ليه مصلحه من موت البنت او ادهم غيرك يا عصام
عصام بخوف : ياباشا وانا هقتل ادهم ليه
الباشا : اخرتك انت وابنك قربت ياعصام خلى بالك من المحروس أبنك .....ثم اغلق الهاتف
عصام برعب : منى ....يامنى
منى : ايوه يا عصام بيه
عصام : فين منير
منى : لسه نازل من الشركه يافندم
عصام : اتصليلى بيه خليه يروح على البيت حالا
منى : تحت امرك يافندم
ثم خرجت منى من المكتب فى محاوله منها للاتصال بمنير ...مره واثنان ....والثلاثه رد
منير بعصبيه : فى اى يامنى بترنى ليه
منى : انا اسفه يافندم بس عصام بيه بيقول لحضرتك تروح على الفيلا حالا
منير : ليه
منى : معرفش يافندم
منير : طيب اقفلى
.........اغلق منير مع منى الخط ثم تحدث مع والده
منير : الو يا بابا
عصام بخوف : منير انت فين
منير : انا فى الطريق انت مالك
عصام : الباشا الكبير لسه قافل معايا ومش هيسيبنا فى حالنا
منير : ليه
عصام : عشان موت ادهم
منير : واحنا مالنا هو فى دليل ضدنا
عصام : الباشا مش مهم عندو الدليل كان بيكلمنى وهو واثق ومتاكد ان احنا الى قتلنا ادهم
منير : يابابا اهدى هتلاقيه بيهدد وخلاص
عصام : لا مش بيهدد وتروح على الفيلا دلوقتى وانا هاجيلك
منير : هو انا هستخبى ولا اى
عصام بغضب : منيييييير اسمع الكلام
منير : حاضر يابابا
....اغلق الهاتف ثم ادار وجهته لطريقه الى الفيلا
فى الشركه عصام يجلس على الكتب فى خوف
عصام لنفسه : ربنا يستر .....هو متاكد اننا الى عملناها
فى الخارج فى مكتب منى
منى فى الهاتف : ايوه ياعمر بيه
عمر : خير يا منى عندك جديد
منى : ايوه يافندم.....الباشا الكبير عرف انهم الى وراء قتل ادهم بيه وبيهددهم وفى خطر عليهم من ناحيتو
عمر : حلو قوى استمرى فى مرقبتهم ولو حسيتى انك هتتكشفى انسحبى ومتعرضيش نفسك للخطر
منى : تحت امرك يافندم
......اغلقت منى الهاتف ثم اخرجت صوره فتاه و قالت : قربت خلاص ياحببتى اجبلك حقك من الى قتلوكى من غير ذنب
____________________________________
فى فيلا عماد الشناوى فى القاهره
الفت : ادهم مش بيكلمنى ليه ياعماد
اغمض عماد عينيه بألم وحزن ثم نظر اليها فقالت الفت بقلق : مالك ياحبيبى انت تعبان
عماد وهو يتقدم منها وامسك وجهه بين يديه ثم ابتلع ريقه قائلا : امى هقولك على خبر بس وحياتى عندك تتمسكى
الفت بقلق واضح : فى اى ياحبيبى
عماد وهو مغمض عينيه : ادهم ....
الفت : مالو ادهم
عماد : عمل حادثه ووو...
الفت : و اى .. انطق
عماد : مات ....
الفت : ب...ب..بتقول ..اى بتقول اى ياعماد مين مات ااادهم ..ادهم حبيبى ...ادهم مات ازاى ياعماد ....ادهم...
عماد وهو يحتضنها : ماما اهدى ..اهدى ياحببتى عشان صحتك
الفت : ادهم حبيبى مات طيب ليه يموت هو الى من ريحه اختى يعنى عاش من غير ام واب وفى الاخر يموت ......
عماد : خلاص ياماما اهدى اوعدك هجيبلك حلو
الفت : حقو ليه هو مات ليه
عماد : بسبب شغلو
الفت : انا قولتلو يسيبو انو دى اخرتها دى نهايتو مات .........
عماد: والله لجيب حقو _
الفت : لااااا كفايه الى راح مش هتروح منى انت كمان
عماد : متقلقيش يا امى مش هيحصلى حاجه
الفت : متتعبش قلبى عليك انت كمان
عماد : متقلقيش
الفت : عايزه اشوفو
عماد : مينفعش
الفت : ليه
عماد : الجثمان اندفن فى مدافن الشرطه من بعد اما طلعو من العربيه على طول
الفت : ياحبيبى يابنى ........ثم هدأت واستكانت بين ذراعى عماد فحملها وصعد بها الى غرفتها ووضعها على السرير
فقال عماد فى نفسه : وغلاوه دموعك عندى يا امى لجيب حقو من الى قتلو اصبر عليا ياعصام نهايتك قربت
______________________________________
حسام : يافارس اهدى
فارس : اهدى اى ..ابقى عارف الى قاتل اختى واقف اتفرج عليه وهو بيضحك ويفرح كدا عادى
عمر : بالهداوه يا فارس اهدى من امتى وانت عصبى
فارس : من ساعه اما اختى ماتت ومعرفتش احميها
حسام : فاااارس خلاص هنجيب حقها وحق ادهم وحق كل الى اتقتلو بس بالهدوء يافارس بالعقل والقانون
فارس : متقولش قانون ..قانون اى دا الى بيتستر على مجرم قاتل وبتاع مخدرات وسلاح وتجاره اعضاء قانون اى دا الى يخلى لواء زى اللواء سعيد يقبض من الناس دى عشان يعرفو يعدو بالبضاعه قانون اى دا قولى
حسام : القانون الى هيجيب حق ميرا وادهم واحلام واخت منى الى اتقتلت بنفس الطريقه وهيجيب حق كل واحده ماتت بالطريقه دى وهى ملهاش ذنب القانون الى هيقبض على سعيد ومنير وكل الى زيهم ويمسك عصام والى زيو الى بيتاجرو بارواح الناس
فارس : القانون دا فى الاحلام بس ياحسام
حسام : مكانش دا كلامك يا فارس
فارس : كلامى ساعتها كان واختى جنبى محستش بوجع الفراق محستش بوجع الناس الى بتيجى تشتكيلى وتقولى دا ققتل بنتى فين حقى وجع الام الى كنت بشوفو فى عنيها قبل اما اسمعو فى صوتوها وجع اب ظهرو اتكسر لما راح بعمل عمليه الزيده لابنو ويخرج ابنو ميت اصلهم نفضو من الاعضاء قتلو بردو ....وجع اخ على اختو الى خرجت ومرجعتش ولما لاقها لاقاها ميته وجع اخت زى منى على اختها الى كل ذنبها انها نزلت تشترى علاج لمنى عشان العلاج خلص بس ازاى لا لازم تموت عرفت الوجع الى جوايا دلوقتى وجع اى وجع اخ على اختو لسه كانت بين ايديه بتضحك وتهزر معاه تنام فى حضنو ويصحى على صوتها هزارها ضحكها طريقه كلامها اكلها دا كلو قدامى مفرقنيش اختى ماتت قدامى معرفتش اتحرك واجيبها فاهم يعنى اى ...عمرك ما هتحس بوجع حد الا لما تعيشو
تركهم فارس وغادر ثم نظر عمر الى حسام بحزن
عمر : سيبو ياحسام فارس مدبوح ووجعو على اختو عاميه عن اى حاجه وهو معاه حق لان القانون مش عارف يجيبلو حقها
حسام : ربنا يصبرو بس احنا لازم نجيب حقها
عمر : ربنا معانا
حسام : يارب
_____________________________________
قامت رنا بمحاولات لافاقت ياسمين حتى فاقت
رنا : ياسمين مالك ياقلبى
ياسمين : عايزه ارجع لندن
رنا : ليه بس مش انتى كنتى فى لندن عايزه ترجعى عشان ابوكى واخوكى
تجمع الدمع فى عينيها وقالت : عايزه ارجع يا رنا ومش عايزه اتكلم فى الموضوع دا تانى
رنا :طيب اهدى خلاص
ياسمين : هتساعدينى
رنا : هساعدك بس لازم تعرفى ان وقت اما تحبى تتكلمى هتلاقينى جنبك
ياسمين : ماشى ......ثم ذهبت فى النوم
........رن هاتف رنا برقم حسام
رنا : حس حبيبى
حسام : ازيك ياحببتى
رنا : انا بخير ياحبيبى
حسام : صحبتك لسه عندك
رنا : ايوه ..تعبانه قوى وعايزه ترجع لندن وكل اما جبلها سيره ابوها او اخوها تعيط وتتعصب
حسام : براحه عليها ممكن تكون متخانقه معاهم متسيبهاش خليكى جنبها
رنا : ماشى ياحبيبى ..انت لسه عند فارس
حسام : ايوه انا وعمر هنفضل معاه عشان اخته لسه متوفيه وهو كان متعلق بيها قوى
رنا : ربنا يرحمها ويصبرو
حسام : يارب ياحببتى ....مش محتاجه حاجه
رنا : سلامتك ياحبيبى خلى بالك من نفسك
حسام : حاضر لا اله الا الله
رنا : محمدا رسول الله
.........اغلق حسام الهاتف مع رنا فتحدث عمر
عمر : بتكلم رنا ياحوس
حسام : ايوه فى حاجه
عمر : مش المفروض تسأذنى
حسام : اس.اس... اى استأذنك عشان اكلم اختى
عمر : ايوه طبعا مش مراتى
حسام : عمر مش فايقلك يلا نروح لفارس
عمر : طيب يلا يا ابو النسب
حسام : يلا الله يكون فى عون اختى
عمر : والله الله يكون فى عونى انا
حسام : عمرررررررر
جرى عمر مسرعا الى السياره
____________________________________
عماد : الو عصام بيه
عصام : عماد باشا
عماد : خبر الاجهزه اى
عصام : التسليم فى الميعاد
عماد : مينفعش قبل كدا
عصام : ياريت
عماد : خلاص شوف وقولى
عصام : احنا ممكن نقدمو ونخلى التسليم بعد بكره
عماد : تمام
عصام : تمام
...........................
منير : خير عماد عايز اى
عصام : عايز يقدم معاد التسليم
منير : وانت وافقت ليه
عصام : لان بعد الصفقه دى احنا هنسافر
منير : نعم !!!!!
عصام : ايوه هنسافر ولا انت عايزنى اقعد اتفرج عليك وانت بتروح منى هصفى املاكى ونسافر نعيش بره
منير : انت بتقرر من غير رأيى
عصام : لازم اعمل كدا عشان مصلحتك
منير : احنا نخاف ليه ونهرب
عصام : عشان حياتك يا منير افهم انا وانت الباشا الكبير مش هيسبنا
منير : طيب نستنا شويه
عصام : اسبوعين وهنكون بره مصر
_____________________________________
دلف فى هدوء ومظاهر التعب جاليه عليه ممسك بذراعه الايسر بوجع ووجهه ملئ بالكدمات وملابسه ملطخه بالدماء الذى ينزفه من انفه .......دق الباب عدده مرات الى ان اتى له الصوت من الداخل .....
....مين
........اا....افتح...ى .....انااا .... ادهم ....افتحى يا..يا ميرا
ميرا وهى تفتح : ادهم ...اى دا مالك
ادهم : مش وقتو عالجينى ...ثم وقع بين يديها
ميرا بصريخ : ااااادهم ............
#يتبع الحلقه 19
بدل ماتدور وتبحث علي الروايات خليها علي تليفونك وحمل تطبيقنا
