ماما كفايه كدا بجد زهقت من المواد دي اي الزفت دا هي دي مواد بتتفهم؟
=لا بتتحفظ....طيب خدي ب...(قطع صوت ماما رنه فوني)...دا فونك دا؟
_اه يماما
=طيب ردي وابقي تعالي كملي
مذاكرتك
_طيب ياماما......الو
كريم /ايوا..........منه معايا؟
_ايوا مين؟
=انا كريم
هنا عيوني اتفتحت ع اخرها واتقلب نظري ع ماما اللي جمبي وكأني بقولها شوفي مين بيكلمني بس بسرعه بعدت نظري عنها وحاولت اداري صدمتي....
_كرييييمه عامله اي يبنتي
=كريم يبنتي كريمه مين
_وحشااني والله يكريمه
كريم وهو ابتدي يفهم =انتي فيه حد جمبك؟
_اه يحبيبتي بتسلمي ع ماما... ههه ماما بردو بتسلم عليييكييي كتييير.... ياماماااا كريمه بتسلم عليكي
ابتدي كريم يضحك ع طريقه كلامي =هههههه مامتك جمبك؟!...يضنايا يبنتي ههههه... طيب انتي كويسه.... سمعت انك.... ان حصل حوار امبارح بعد لما سيبتيني
=اه انا الحمدلله كويسه يحبيبتي وهرجع المدرسه ان شاءلله الاسبوع الجاي
_طيب م اسبوع كتير؟ انا ضروري اشوفك
=لي حصل حاجه؟
_لا بس لازم اتطمن عليكي
=مانتي اتطمنتي يكريمه يحبيبتي خلاص
لقيت ماما اتدخلت ف الموضوع /اعزميها ع الغدا بكرا لو هي عايزه تشوفك يامنه
_شفتي حتي طنط بتعزمني
=معلش يكريمه يحبيبتي آجلي اننا نشوف بعض الدوري م هيطير يحبيبتي يلا سلام
وقفلت السكه ف وشه هيستهبللل؟ هو اتهبل اي عايز اتطمن عليكي دي.... مجنون رسمي قسمابالله
ماما /معزمتيهاش لي يمنه
_ياماما دي عايزاني عشان الدوري انا ما صدقت خلصت شويه اخد راحه بقي
=غريبه دا انتي كنتي عايزه تقطعي الاجازه بتاعتك من شويه عشان الدوري
_ياماما يحبيبتي كل واحد بيتغير م كل واحد بيتغير بردو؟ وانا دلوقتي عايزه اذاكر ف خلي ذهني صافي
=يعني لما هترجعي المدرسه هتطلعي من الدوري؟
_مين جاب السيره دي بس ياماما
=خلاص خلاص سكت اهو.... بس يامنه بصي
_نعم
=اي رايك نقوم ونلعب شويه؟
_نلعب ازاي
=بصي... عيد ميلاد ابوكي بعد بكرا وعايزين نجبله هديه وكمان عايزين نروح الكوافير
_انتي قررتي هديه معينه؟
=اه بس فاضل اننا ننزل نستلمها وكمان نعدي ع الكوافير اي رايك؟
_رايي؟ اكيد م محتاجه رايي يعني اكيد موافقه
=اهو بالمره نغير سلك المواعين بتاع شعرك دا
_ياماما ياحبيبتي للمره المليون اقولك دا كيرلي اندومي اييي حاجه غير سلك مواعين دي هي وكدش او نكش م عارفه بتقوليها ازاي دي
=حرقاكي اوي ام كدش مامنتي فعلا كدا يبنتي انتي م شايفه كوم القش اللي فوق راسك؟ بذمتك م بيحررك؟
_لعع بيدفيني دا ف السقعه التلج اللي احنا فيها وبعدين يمامييي يحبيبتي انتي ازاي كنتي بتتطلبي مني ابقي رقيقه وانتي بتقوليلي الالفاظ اليييع دييي اووووه لا موووش معقول رقتي بتضيع يعالم مينفعش كدا
=يلا يبنت الهبله من هنا..... الواحد ياربي عمل اي ف حياته عشان ربنا يبتليه ببلوه من بلاوي الزمن كدا وبعدين يحبيبتي مفهومك اي عن الرقه انتي هاااه
_ياماما انا بلوه؟ داااا انااااا قممررررر الشاااارع كله يشهد بجمالي هيهيهيهيهي
=يارب الصبر يارب انتي يبت انتي هتعقلي امتي؟ م المفروض انتي بقيتي انسه محترمه دلوقتي؟
_يمامي اكيييد م هعقل وانا لسه عندي 17 سنه مفهومك عن العقل يحبيبتي دلوقتي اتغير زمان كان كل ما تكبري كل ما تعقلي انما دلوقتي كل ما تكبري كل ما تتهطلي اكتر وليڨل التفاهه والتخلف بيوصلوا لليڨل الوحش
=ههه انا بقول اقوم اكمل المواعين اللي ورايا احسن....... متنسيش اللي ذاكرناه بالضبط خمس دقايق وهاجي اسمعلك
_ماما من شويه كنت بقولك كملت ال 17 سنه يعني يحبيبتي دلوقتي انا مبقتش عندي 7 سنين بس عشان تقوليلي كدا دلوقتي انا بسمع لنفسي من الكتاب
=دا اللي هو ازاي؟
_بقرأ من الكتاب واجاوب هو انا هتعب نفسي لسه واقفل الكتاب وافتكر وكدا لا الموضوع مجهد جدا
=منااااااه دمك تقيل اوي والله م عارفه وانا حامل فيكي كنت بتوحم ع اي
_ع بسكوت وملبس يماما
=لا ع قرود وبهايم بعيد عنك والله وظلمناهم كمان
_شالله يسامحك يماما انا م هرد عشان انا محترمه بس
=ونبي تتوكسي
ماما طلعت من هنا بعت ريكورد لكريم
"انت متخلللف؟ كريم لو سمحت احنا اه بقينا صحاب دلوقتي وانت هتوصلني لهدفي وانا كمان بس دا م معناه انك تعمل كدا..... انا علاقتي بيك ما هي اصلا الا كدا.... وديتك للكابتن واظن خلاص شويه وهكون خلصت مهمتي والدور والباقي عليك بقي.......بص يمكن ضايقتك بالكلام دا.... بس صدقني انت حطتني ف موقف بجد يعني لا احسد عليه..... ياريت متتصلش تاني لحد ما اجي المدرسه ولو عايزني ضروري ابعتلي ماسدج ع الواتس.... سلام"
___________
انا /ياااصباح الورد
بيبو /وهيجي ورد منين
_يابني فك بقي... طب والله بحبك وم عايزاك تزعل
=هو المفروض مين اللي يزعل؟
حضنته /خلاص بقي يبيبو... خد بوسه كمان اهي اموووواه
=خلاص م زعلان يحبيبتي والله انا بس زعلت من موقفك دا بس خلاص
ماما / اي الحب الجامد اللي ع الصبح دا؟؟ غريبه يعني مبشوفش منكوا خصوصا انتو بالذات غير انت تضرب منه ومنه تصوت وهي جايه تشتكي منك
بيبو /ياماما انا قمر وبنتك بتحبني جدا عشان كدا بتتصالح بسهوله
انا /بعيييينك هههه م هنسي ما..... هاااه (اقصد ميرنا الكراش بتاعته) ف مستنيه البيزا بتاعتي عشان مفتيش
بيبو بصلي وبص لماما ورفع صابعه ناحيتي /بنتك بجد دي ياماما ولا متبنياها هي م المفروض تبقي الاخت الحنون اللي بتداري ع اخواتها وتطبخ وتغسل وتروق وكدا
انا /لااااا داااا ف المشمشششش يخوياااااا هووو انا عشان حضنتك وضحكت معاك وكدا ابقي الخدااامه الللي امك؟؟؟؟!!!! جبتهاااالك ولا ايييي...... لااااااا فووووق كددددداااااا
بيبو /ماما الدكر التالت ظهر اهو... انا بقول اهرب قبل ما تبلعني
ضحكت ماما وابتدت تحاول تهدي فيا باين /اهدي الله يهدك (معرفش هي بتدعيلي ولا بتدعي عليا بتهديني ولا بتعصبني اكتر معرفش)
________
وقت العصر كنت ف المول انا وماما وجبنا الهديه خلاص وكنا رايحين ع الكوافير ببص لقيت محمود ( كراشي واللي يترب متكونوا نسيتوه) لقيته واقف جوا محل جوا المول وكان بيبيع لواحده طلبت من ماما ندخل وفعلا دخلنا... دخلت بصيت ع دريس كان جميل بمعني الكلمه روحت ناحيته ببص ع سعره لقيته ب 850 جنيه حطيته مكان ما جبته لقيت ماما بتناديني
_اي رايك ف البلوزه دي
=حلوه يماما بس وريني كدا ببص لقيتها ب 500 جنيه..... لا ياماما الحاجات دي غلط مضره بالصحه
لقينا صوت ضحكه محمود من ورانا وجاي يسالنا اذا كنا عايزين مساعده او حاجه
=والله يااسطا انا كنت داخله وناويه اشتري المحل بس بصراحه بالاسعار دي انا بقول اخرج بكرامتي احلي
_هههههه بصي فيه حاجات هنا عليها عروض وخصومات وفيه حاجات لا.... يعني مثلا دا عليه عرض 30 % ودا 40 % البناطيل معليهاش عروض
=طيب الفستان دا (شاورت عليه) عليه خصومات؟
_لا دا بالذات قطعه غاليه يعني م عليها
ماما /طيب يحبيبي بص احنا ورانا دلوقتي مشوار هنخلصه ونبقي نرجعلك تاني
_انا تحت امرك يفندم
مشيت انا وماما لقيت محمود بينادي
_هو انتي البنت اللي كنتي بتلعبي ضد مدرستنا ف اخر ماتش؟
