اتولدت وانا عاشقه اهلويه بحب العب كوره ف الشارع وحتي ف البيت ف مره كسرت طقم كوبيات جديده لمجرد شوط الكوره فيهم م موضوعنا المهم من وانا صغيره وانا عايزه ابقي لاعبه كوره وابقي مشهوره وكل الناس بتتكلم عليا ويشجعوني ف الاستاد وكمان من ورا التليفزيون اول ما اجيب جون الاقي كل الناس فجاه بيقولوا بصوت جهوري موحد جوووووون......
_بتتت ياااامنه قومي يلا اتاخرتي ع المدرسه
=.....
_منااااااااه
=صحيييت...(قعدت ع السرير وانا مبسوطه ذي كل يوم لاني كل يوم بيجيلي نفس الحلم وهو اني خلاص حققت حلمي وبقيت لاعبه كوره مشهووره ناس بتوقفني وتسلم عليا وتخليني امضيلها وناس تتصور معايا قددد اي احسااسس م ....)
_مناااااه
=خلاااص ياماما قووومت صحيييت خلااااص
قومت وروحت التواليت بدأت يومي لبست بنطلون ابيض ع بلوڤر احمر وشوز ابيض (ودا يونيفورم المدرسه) طلعت فطرت مع العيله الكريمه واللي مبطلتش تتكلم ع تسريحه شعري وخاااصه ماما
_منه مبتفكريش تغيري تسريحه شعرك دي؟
=دي تسريحه موضه ياماما
_حبيبتي اللي هيشوفك هيقول ماشيه بكدشها
=انتي تاني يماما للمره المليون بقولك دا اسمو اندومي كيرلي اي حاجه بس م كدش اقولك منيش مكمله اكل بقي هاااه انا ماشيه (طبعا كان السندوتش خلص او اتنسف بمعني اصح)
......
هييي يجماعه انا منه عندي 17 سنه ف تانيه ثانوي عام (مدرسه بنات بس) طبعا عرفتوا حلمي واللي م هتنازل عنه ف يوم عيوني لونها بني وشعري كذالك قمحاويه (عاديه بمعني اصح)عندي اخين اكبر مني ( حسام و ابراهيم"بيبو") حسام حلمه ذي حلمي يبقي لاعب كوره وهو فعلا بيلعب ف نادي بس درجه تالته م اولي ربنا يوفقه وبيبو حلمه يبقي ممثل
......
ماريا/ منااااااه
"ماريا تبقي بيستي بس مقولكوش قمر شعرها اسمر وعيونها عسلي فيها كميه برائه م عند حد بيضا بالضبط لون اللبن الصافي وهي يعتبر البوزتيف انيرجي بتاعتي"
_اييي القمر واقف مستني مين (غمزتلها)
=هيكون مين...امي؟! (وبصتلي بنفس نظره الايمو دا
)
)_الله ع الفاظك يفخر العرب حقيقي م عارفه انتي كيوت كدا ازاي ههههه
=يلا يزفته...بسببك المستر هيطردنا من اول حصه
_احنا علينا اول حصه اي؟
=تاريخ
_هيهيهي واي الجديد ماحنا علطول بنزوغها ههههه
=هههه بس نبقي ع الاقل عرفنا العيال اننا موجودين ع يحضرونا
_ولا بيحضرونا دول شويه عرر اصلا اساليني انا اصل كنت واحده منهم السنه اللي فاتت هههه
=بت انتي قسما بالله خساره ف البلد دي هههه يفصيله
_حصل قرمط طول عمره حظه قليل ف الدنيا دي..... اه والله هههه
هوووب دبل كيك لقينا مس التربيه الرياضيه مسكانا من قفانا احنا الاتنين
المس /بتعملوا اي هنا؟
ماريا /والله يامس حضرتك شفتيني وانتي دخله كنت مستنيه منه
المس وقلبت عليا انا/اي اللي اخرك يمنه
انا / اصل يامس... اصلو...... اي داااا يااامس هااالاتك السودا راحت خااالص انتي بتحطيلهم اييي بجد واووو
المس /بجدددد يعني البطاطس عملت نتيجه؟
انا /بجد يمس وكانك حاطه البتاع اللي بيحطوه تحت عينهم دا اللي يخفي الهالات
المس /طيب يبكاشه روحي يلا ع فصلك.... وانتي كمان يماريا يلا......اااه صح منه متنسيش الدوري هيبقي انهارده ف مدرسه *** جهزي نفسك انتي وفريقك....واااه ايااكي تزوغي ذي كل مره ومبقاش عارفه اجيبك
انا /يلهوي يمس تعرفي عني كدا بردو اكيد طبعا مين دي اللي تزوغ اصلا
المس بأبتسامه/انا بحذرك بس..... و يلا ع فصلك
......
_انا هعرفك يماريا الكلب بقي من اول قلم ترميني كدا
=يلمبي مانا عارفك بتتصرف انما انا غلبانه مبعرفش احور ذيك
_وهلل دا معانااااه اني بتاعه حواراااات؟... اه عادي يعني يلا ع الحمام بقي
ماريا بضحك /لييي يبومه م كفايه المس قالتلك بتحذرك؟
_يبنتي هي اي اللي هيعرفها وبعدين هربا من الحصه الكئيبه دي اكيد م من جمال الحمام هزوره كتير يعني
=هههه لا ياستي انا رايحه الفصل
_بقي بتبيعيني تاني ياماريا اخصصص علي الصحاب صحيح الصحاب ف اجازه
=بت انتي صاحبه سوء يابت هنعيد السنه بالمنظر دا
_ يبنتي مش فيه دروس خصوصي؟ انا نفسي افهم بقي اي لازمه المدرسه وربي ما بفهم فيها كلمه
=يلا يكدابه دا بأماره امبارح وانتي بتقوليلي انا مبفهمش انجلش غير من المستر دا وهو اصلا مبيدناش دروس خصوصي ازاي بقي؟!
_يروحي م بفهم والله بس اصل بعيد عنك المستر كان معدي من جمبي وانا بكراش عليه ف قولت اما اقول كدا يعني وانتي قولتيها هو مبيديش دروس خصوصي وبناخد مع التاني دا ف...... ماريا اقولك فكك م هتفهميني اصلا
......
بعد عشر دقايق دخلت سما
_مناااه انتي هنا
=اها انا هنا اهووو
_يلا ع المس بتقول هنروح دلوقتي الدوري
=والله....... هي عرفت اني مزوغه؟
_لا قولتيلها انك روحتي التواليت بس جه ع دماغي ف الاخر
=حصل اي
_قولت قدام المستر والمستر قال انك مدخلتيش الحصه اصلا وبعتوني اجيبك
=طيب يلا يماريا
ماريا / طب انا اي وضعي ف الموضوع...... هيطردددوني بسبب صاحبه السوء اللي قاااعده معاهااا يااامااا
انا /يلااا يابه متخافيش انتي معاكي منه بردو م اي حد
ماريا /ونبي تتوكسي وانتي اصلا اول واحده هتتهزق وخصوصا ان المس محذراكي
انا /يعني م مكفيكي اني هشيل عنك التهزيق علي ما تلحقي تدخلي الفصل الحق علياااا.
سما /يلا يجدعان م وقته دلوقتي خناق
انا / بقول كدا بردو يلا ههه
......
المستر والمس بصوت واحد/كنتي فييين يهانم
انا / انااا كنت ف.... اااه كنت ف التواليت
المستر /بتعملي اي
انا / اي السؤال الغريب دا يمستر البني ادم الطبيعي بيعمل اي ف التواليت
المستر / والله البني ادم الطبيعي.... الطبيعييي هاااه الطبيعي بيكون بيعمل ذي الناس انما اللي ذيك بيبقوا مزوغين
انا /اللي ذيي دي؟!.... الله يسامحك يمستر .....(مثلت اني زعلت عشان المس كمان متعاتبنيش)
المستر /انتي زعلتي؟(المستر لسه اول سنه ليه ف التدريس وبتاع بنات اوووي)
انا /فيه حد يزعل من حضرتك بردو؟دا حتي عيب هههه
المستر /يلاااا ياااابنت ال ***
انا /عيييب اين اخلاقك يافخر العرب م كدا ههههه
المس وهي بتبص ف ساعتها/طيب يمنه يلا البسي دلوقتي انتي والتيم بتاعك ع بالضبط عشر دقايق وهنتحرك
انا /تمم يمس
......
ف المدرسه التانيه
_منااااااه..... مناااااه هووو هوووو (دي كانت انا وانا بشجع نفسي مهو اكيد م هبقي ف مدرسه مفيهاش حد يعرفني وهيشجعوني يعني .... خدت نفس عميق وقومت بعد ما دعيت دعوتي الثابته قبل اي ماتش "يااارب انت عارف اللي جوايا حققه يارب" فتحت عيوني ابتسمت وقومت ع ابدأ الماتش)
بعد ربع ساعه من بدايه الماتش كنت عامله اسست لواحده معايا ف التيم وجابتها جون الشوط الاول خلص 1/0 خدنا الريست ما بين الشوطين وكنت قاعده بسترخي استعدادٱ للشوط التاني بدأ الشوط التاني ومن بالضبط عشر دقايق من بدايته كنت جبت الجون التاني لمدرستي بعدها بتلت ساعه المدرسه اللي ضدنا جابت جون كدا بقينا 2/1 فضلنا كدا لاخر الماتش لحد ما حصل خطأ وضربه جزاء واللي شاطتها طبعا ملكه ضربات الجزاء سما.... هوووب جابت الجون الحاسم ف الوقت بدل الضايع ..... واحد.... اتنين.. تلاته..... (تووووووت صوت صفاره نهايه الماتش وهنا نطت مس التربيه الرياضيه من مكانها)
سما_شفتي جبت الجوون ازاي دا انا جاامده يبنتي تسلم رجلي
=يبنتي انتي حاسبه الجون دا جون دا ضربه جزاء يبنتي
سما زقتني لنص الشارع _ ايوووا ايوووا كيدااهم ايوووا فرسااااهم ايوووااا
=يلا يزبااا......
لسه مكملتش الجمله لقيت سما بتصرخ و....
