ف اول خمس دقايق ف الجيم
_Hheeeelllppp
=منيييش مصحيكي تاني بقي عشان دي المره التالته ولما اقولك اترزعي ف البيت ومتطلعيش من البيت تسمعي الكلام
_حاضر والله يحموووو همسع الكلااام...... والله.... هسسسسسمع والله يعررررههه.... البووووووت هيموووووتنيييييي.... تحاااالف ياااابن ال****
=ههههه موووتي احسسسن نيهاهاهاها (ضحك ضحكه شرير يباشا...اه والله)
_يعرررره الحقققنييي بمووووت يعماااا..
هنا دخلت ماما _الحقني؟ انتي بتكلمي مين يا **** انتي
_ثواني يماما هموووت يعماااد.... تصدق يلااا وربي لهطلع من الجيم هييه يارب تموت والله لقوم اتوضي واصلي وادعي عليك تموت ف كل جيم تنزله ف ببجي
=اتنيلي انتي بتركعيها هههه
_غوور يااااض انا غلطانه اصلا اني قولتلك نلعب
(وطلعت من الجيم وقلعت الهاند فري)
_كنتي بتقولي اي بقي يماما
=كنت بقول بتكلمي مين يابنت ال**** ياللي سايبه امك وبتكلمي عماد تعرفي لو اخوكي او ابوكي لو عرفوا انك بتلعبي معاه هيعملوا فيكي اي؟
_يماما.... م كل مره نتكلم ف نفس الموضوع ونبي عماد ذي اخويا م اكتر وبقولهالك يماما لو سمحتي متدخليش ف حياتي الشخصيه تا....
هنا لقيت قلم خماسي علم ف خدي ف وقتها
=انتي م محترمه اساسا.... فيه بنت تقول كدا لمامتها؟ بناات ناقصه تربيه صحيح.....
_ماما انتي...
=مسمعششش صوووتك..انتي فاهمه...... وهاتي التليفون دا كدا تقعدي تتزفتي تذاكري ومسمعش صوتك...... لو دخلت عليكي ولقيتك مبتذاكريش يمنه... صدقيني هتخليني اقلب عليكي واخليكي تقطعي علاقتك بماريا عشان اخوها.... اترزعي يلا
حصل دا كله وانا ف صدمه لسه من القلم دا... انا اول مره ماما تمد ايدها عليا... او تكلمني بالطريقه دي حتي.... يمكن انا اتماديت شويه بس م معناه انها تزعل مني قعدت فعلا ذاكرت...... احمم ذاكرت رسم عشان عملت مع نفسي مسابقه اشوف انا ولا انا اللي هخلص الرسمه الاول
......
صحيت الصبح لبست اليونيفورم بتاع المدرسه وطلعت عشان افطر
_صباح الخير
بابا واخواتي =صباح النور
بصيت لماما _صباح الخير يماما
مردتش عليا وبصت ف الطبق اللي قدامها
بابا /انتو زعلانين من بعض ولا اي
انا /والله يبابا مكنت اقصد ازعلها
ماما /مكنتيش تقصدي بردو؟
وقالت الحمدلله وقامت من ع الاكل
حسام /هو فيه اي؟
انا /مفيش... انا رايحه المدرسه عن اذنكو
قومت وروحت المدرسه
.........
ف الفصل
ماريا /اي يبنتي مالك قالبه بوزك كدا
انا /لا مفيش خناقه بسيطه ف البيت
_ربنا يعديها ع خير
=يارب
_صحييييح نسيت اقولك
=اي
_مش المدرسه بتاعه محمود دخلت ف الدوري
=طب وانا مالي ما اكيد هيلعبوا ولاد ضد ولاد وحتي هتبقي ف مدرسه محمود او اللي ضده ف اكيد لا هعرف اروح دي ولا دي
_أنتي هبللله يبنتي؟ انتي نسيتي ان مدرسته دي مشتركه؟
=واااالله؟
_لااا دا انتي حالت بقت صعبه
=ما هعملك اي يبنتي المدرسه دي عمرها ما اشتركت ف دوري وولا بشوف حد بيدخلها او بيخرج منها ولا حتي اعرف بنات منها انا مالي
_هتشوفيهم ازاي واصلا مواعيد الحضور بتاعتهم غير بتاعتنا يعني هما الساعه 9 وبيخلصوا 12 واحنا من 8 الا لحد 2 مستنيه تشوفيهم ازاي وبعدين اشتركوا السنه دي ف الدوري معرفش لي باين الكيييرااشش بتاعك قام بالواجب ووقعهم كلهم هههه
=ونبي م نقصاكي اصلا عايزه استرخي عشان ورانا انهارده الماتش وعايزه امحي المدرسه دي عشان الدوري اللي فات فااكره... لما فضلوا يحفلوا ع التيم بتاعنا بعد ما خسرنا
_لا مهي المدرسه طلعت اصلا
=اي دا يعني مفيش انهارده ماتش؟
_لا فيه... بس... ف مدرسه الكيييراااش (غمزتلي وضحكت)
=انتي بتتكلمي بجد؟ يعني احنا هندخل المدرسه دي؟ وهنلعب هناك؟ بتتكلمي بجد؟
_اي يبنتي بتعيدي ف الكلام لي م كدا ههه
=ونبي يبنتي من الصدمه ههه بس بجد بتتكلمي بجد
_اه بجد بتكلم بجد هههه
=بههه متتريقيش ع طريقه كلااامي
_جرا اي يوحش م كدا بخااف هههه
=طيب خافي بعيد بقي بعييد اوي عشان اطير مع فراشات خيالي المتخلف ههه
_طيري بعيد بس ههه
=غوري ياابه دمك يلطش
_بالقلم ولا بالقفا
=لا بالشبشب ع دماغك وقومت جريت وراها
.........
روحنا المدرسه بتاعه محمود كانت بجد المدرسه جمييله بمعني الكلمه مدرسه دي ولا منتج سياحي؟ دا الكانتششين اللي عندنا ف المدرسه قد بالضبط حمام من حمامات المدرسه ولا الملعب.... ملعب ف مدرسه عادي دا ولا ملعب لاعيبه كوره كبار دا اي دا ياربي الملعب جااامد بمعني الكلمه والبنات الله اكبر هما والولاد م عارفه حلوين كدا ازاي طبيعي ولا قيصري دا....... بس اللي لفت نظري اوي اوي اوي يعني ان لقيت بنت حاطه فووول ميكب انما ايي حاجه ف منتهي القرف يعتبر هي اكتر واحده وحشه ف المدرسه كلها هو لسه فيه حد بيعمل فول ميكب غير ف الافراح دا اذا حطوه اصلا؟
فوقت من النميمه ع البنت دي ع صوت سما وهي بتقرصني
_ااااه انتي حماااره يزفتته انتيي
=ايي يبنتي بقالي ساعتين بناديلك تايهه ف اي
_البت اللي هناك دي مضايقاني اوي والله بمنظرها دا
=معلش مش وقته خالص دلوقتي نتكلم شكلك م واخده بالك ان المس قالت بالضبط دقيقه وهنلعب اجهزي يلا ونحفل عليها بعد الماتش
_طيب.....
بدأ الماتش وحمدت ربنا ان ولا بنت يعتبر منهم بتعرف تلعب ف طبعااا بما اني عايزه الفت نظر الحمار اللي واقف ف شباك فصله وبيتفرج ع الماتش دا (هو الحمار اللي ف دمافكوا) ف فضلت افلس ف البنات واجيب جول ف التاني ف التالت وابتديت اعمل اسيست لبنات معايا ف التيم وتجيب اجوال وهيييصه (وخلص الماتش 6/0
)
)واحنا بنجهز الشنط بتاعتنا عشان نروح مدرستنا خلاص لقيت اللي بيقول....
_احممم... هااي
بصتله ثانيه كدا اتاكدت من اللي شايفاه قدامي و.....
