_احمم... هااي
=هاي.. ببص ع مصدر الصوت لقيت بني ادم مش موجود ع الكوكب دا اي دا ياربي لقيت ولد واقف بيبتسملي الولد عندو عضلات م عند حد ولابس السويت شيرت الرصاصي بتاع اليونيفورم متجسم عليه اللي هو انت لو قاصد تتعاكس ما هتعمل كدا يجدع حاولت اسيطر ع ايموجي وشي وبصتله
=افندم اقدر اساعدك؟
_جاي اقولك مبروك ع المكسب كنتو عاملين ماتش جااامد
=شكرا...(لقيته لسه واقف بنفس الابتسامه اللي هموت واقوله اقفل بوقك عشان متلاقينيش نطيت ع وشك دا واقولك غمازات دي ولا غطي ازازه بس تمالكت نفسي مهو اصلو م كدا اين حيائي رااح فين وسابني ف موقف ذي دا كان ظهر وخلاني ابص ع الارض مهو مش كدا ابقي ماشيه بوزع قلوب ع الناس ميصحش كدا)
=حاجه تاني؟
_انا اسمي كريم تقدري تقوليلي يكيمو
=تشرفنا انا منه
_طيب ممكن نبقي صحاب؟
=مبقولك اي يشبح باين كدا عشان اديتك وش هتفتكرني من البنات اياهم لااا يبابا فووق كدا لنفسك وركز انت بتتكلم مع مين
_انا اسف... بس... انا يعني...(بص الناحيه التانيه بزعل شويه) بصي هو انتي معاكي ورقه؟
=افندم؟
_معاكي كراسه فيها ورق؟ عايز ورقه
=معايا النوت الصغيره بس...... لي
_عايز ورقه وياريت لو فيه قلم
=خد بس يارب متعملش اللي ف بالي عشان مفضحكش ف نص مدرستك.... خد
مسك القلم وفضل يكتب كتب ف وش الورقه وضهرها والظاهر انو اكيد مش هيكون بيكتب رقم فونه يعني بعدها بحوالي دقيقتين لقيته بيمدلي ايده يالورقه
_اتفضلي
مسكت الورقه وقرأت " بصي اسف اني احرجتك والله بس انا عندي مرض نفسي حصلي بسبب شي حصلي من وانا صغير وجابلي عقده بقيت مبعرفش اعمل اي حاجه ف حياتي وحتي الكلام مبعرفش ارتب كلامي بطريقه صح بصي.... انتي بتعرفي تلعبي كوره وانا.... انا حلم حياتي من وانا صغير اعرف العب كوره بس كان علطول الناس بيتنمروا عليا بسبب ان حتي حركتي كان ليا رجل بتيجي ناحيه الشمال غصب عني ودا كان بسبب تشوهه كان ف رجلي وكانت بتبطئ جريي و... وانا بحب بنت هنا ف المدرسه هي علطول... علطول بتترق عليا عشان الموضوع عارف انها اكيد مبتحبنيش بس... ممكن تساعديني انها تكون ليا ومن نصيبي؟انا بجد بحبها واسف لو ضيعت وقتك وع احراجي ليكي مره تانيه "
بصتله باستغراب =انت عايزني انااا اعلمك؟
_لو م هيضايقك
=انا ممكن اساعدك بس... بس هعلمك ازاي وكمان اكيد طلما هي مبتحبكش دلوقتي اكيد بردو م هتحبك حتي لو بتعرف تلعب
لقيت نطره انكسار بانت واضحه اوي ف عنيه ودا اللي اكدلي صدق كلامه _اسف اني ضيعتلك وقتك بمشاكلي ... شكرا....... عن اذنك
ابتدا يتحرك بعيد عني
=استنيي
بصلي _نعم؟
=لو وافقت هتعمل اي؟
_هعملك.....والله اللي انتي عايزاه
=طيب خد.... انت تعرف محمود؟
_محمود مين؟
=معرفش اسم ابوه بس هو بيلعب ف الناشئين الاهلي
_قصدك محمود عبدربه؟
=هو اسمو كدا؟
_مفيش غيره هنا بيلعب ف الناشئين بس هو ف تالته ثانوي
=ايوووا هو دا
_عايزه منه اي
=لا انا م عايزه منه... انا عايزاه هو
_مقدرش... مقدرش اساعدك
=طب مانا هساعدك
_بس دا اللي اصلا حبيبتي بتحبه وبيحبها؟؟؟
=لا والله... هو مرتبط؟ طب ياعم انت اهبل... ما بالمنظر دا هقربك انت منها وهنخليه يقرب مني وبكدا هنكون فكينا العلاقه بينهم وم هتلاقي حد يفضل بقي يعملك انتقام وم انتقام ذي الافلام والروايات.
_امممم... فكره... طيب اتفقنا
=متفقين بس بردو موصلتش لهدفي ازاي هقدر ادربك؟
_بصي انتي هتعملي ڤيديوهات وانتي بتلعبي كوره وابعتهالي ع الواتس وانا هحاول اقلدها
=انت اهبل يااخينا انت؟
_طب ما قوليلي هنعمل اي
=جهز نفسك بعد المدرسه هوديك لكابتن انما اي... جااامد هيعلمك كل حاجه واهو م هيبقي فون لا دا واقعي ويدربك بقي
_ع ضمانتك
=ع ضمانتي ياعم وكمان هعرفك ع حودا
_مين حودا؟
=اخو ماريا
_مين ماريا؟
=اي ياعم انت متعرفش اي حد كدا
_لا عارفك
=ههه طيب ياعم بالاذن دلوقتي عشان المس بتناديني... سلاااااام... متنسااااش بعدد المدرررسه علطووول
خرجت من المدرسه بتاعته وروحت مدرستنا القذره تاني... بس والله ع قد ما هي قذره الا ان فيها راحه نفسيه رهيبه كدا انما هناك الواحد م حاسس الا بتلج داخل جوا قلبه ونبي بلا نيلة مفيش احلي من المدرسه او البيت المقطقطين اللي ع قدنا
...........
كريم خلص مدرسته واللي هي بتخلص الساعه 12 وراح وقف قدام مدرستي بس ملقاش صوت صريخ ابن يومين فضل مستني شويه وبعدها شويه كمان هوب عدا ساعه.... ف نص كمان وهنا كان جاب اخره
_هي كانت بتلعب بيا ولا اي؟ معقوله تكون كانت بتضحك عليا؟ بس انااا... بس انا ارتحتلهاا... انا حسيتها هتبقي البيست بتاعتي... لي عملتي كدا.... لسه هيمشي لقي المدرسه ابتدت تخرج شويه ولقي منه ف وشه
_اسسسفه وربيي اسفه نسيت خالص اقولك اننا بنخرج الساعه 2 م ذيكوا..اسفه دا حتي الحمدلله طلعنا نص ساعه قبل الوقت المحدد بتاعنا
=حصل خير مالك هتعيطي ولا اي (ضحك ع شكلي)
_اياا كنت انت مين.... ف انا مبحبش حد يتريق عليا.... الحق عليا عايزه اساعدك
هنا ظهر صوت بنت بتعاكس كريم من مدرستنا "والله وعرفتي توقعي واحد جامد يابت يمنه"
_والله يشيماء يبنت شحاته موقعت حد ولا عملت حاجه
هنا كريم ضحك جامد ع منظري وانا متضايقه
_جرررراااا اييي انت كماااان فييي ايييي
ابتدي بكتم ضحكته ويعملي بأيده تمام 
بأيده الاتنين
بأيده الاتنين _يلااا متستفزنيشش يلاااا كتك نيله وانت ضحكتك حلوه كدا
هنا فعلا انفجر من الضحك
_طب اي هنضحك كتير.... م يلا بقي ولا عايزني اتطرد من البيت بسببك ولا اي
=انتي ساكنه فين؟
_ساكنه ف 6 اكتوبر... لي
=ف طريقي يعني.... اشطا هبقي اوصلك
ابتسمت_ ولااا بقولك اي هو انت لي قاصد تخليني اشك فيك هو اي اللي توصلني دي... احنا ف مجتمع شرقي يبابا
=ونبي تتوكسي انا البنات هتموت وتركب معايا عربيتي اصلا
_طييب يخويا وانا م بنات انا منه ف اتعامل معايا باحترام كدا عشان مقلش منك
=فيه بنت تقول اقل منك؟
_م انا قولت؟
=هو انتي بنت اصلا؟؟!
_عندك حق... انا راجل وارجلل منك يلاااا
=بتتت متستفزنييييش انتي متعرفيش انا ميين ولا اي؟
_هتكون ميين يعني؟
=انا هااااني
_هاني مين؟
=لا متخديش ف بالك
_طيب احنا كدا وصلنا ادخل يلا عشان متاخرش
تم الموضوع وخرجنا
_تمم كدا ياعم
=تمم.... م هتركبي معايا اوصلك؟
_يلا ياعم اتكل ع الله بعربيتك الجامده دي
_هههههه وربي انك هبله
=متشكرين يرجوله
استنيته لما مشي قدام شويه بالعربيه وفكيت شعري وفردته عشان فروه شعري وجعتني من كتر شده شعري ف الكحكه المهم مشيت ولقيت ولد ماشي بعربيه جمبي وابتدي يعاكسني وع قد ما انا عربجيه اه وبهزق الا اني ف المواقف اللي ذي دي بترعب حرفيا بترعب وخصوصا لو عربيه دا لو شاطني بعربيته محدش هيقوله حاجه وخصوصا ف محتمعنا دا مبيحطوش الحق غير ع البنت وبس فضلت ماشيه لحد ما وصلت للمترو والمرعب اكتر ان الراجل اللي كان ماشي بالعربيه نزل ودخل ورايا المترو من بدايه هنا قلبي ابتدي يقع ف رجليا مديت شويه خدت التذكره وجريت ع السلم نزلت ورايحه المترو وانا فعليا من كتر التوتر ابتديت اعرق بالرغم من الجو ساقعه اصلا وقفت بترعش وخايفه وهو عمال يقرب مني ويقرب بصيت الناحيه التانيه وابتديت ابعد لحد ما لقيت اكتر شخص فعليا محتجاله ف وقت ذي دا جريت وحضنته وبصوت مرتعش _فيه واحد.... واحد بي... بيمشي و.. ورايا......
