فضل ماشي ورايا لحد ما وصلت المترو نزلت من ع السلالم وانا فعليا مرعوبه ابتديت اعرق جامد بالرغم من ان الجو تلج وقفت ببص عليه لقيته لسه بيقرب مني بصيت ع اخر خط المترو لقيت اكتر شخص فعليا محتجاله ف وقت ذي دا جريت وحضنته وبصوت مرتعش _ فيه... واحد... واحد بي... بيمشي.. و... ورايا...
بيبو (اخويا الكبير ابراهيم) ابتدي يستوعب الموقف الاول وبعدها ابتدي يطبط عليا ويمشي ايده ع شعري / اهدي يحبيبتي... اهدي محدش هيقدر يقربلك... انا معاكي... منه.... حبيبتي تقدري تشاوريلي عليه... اهدي يحبيبتي والله ما هخلي حد يقربلك ثقي فيا
بصتله وعيوني كلها دموع وخوف وبصيت الناحيه التانيه ولقيت الشخص واقف ونظرات صدمه ع وشه رفعت ايدي وشاورت عليه
_ه.. هو... د... ا (هو دا)
=طيب يحبيبتي بصي....(لقيت الواد ابتدي يجري) خليكي هنا يامنه متتحركيش...وانا هجيلك
ابتدي بيبو يجري ورا الولد دا هو مسكه ف نص السلم لان السلم طويل وابتدي يضربه الناس ابتدت تتلم وتحوش وصوت بيبو عالي وهو بيزعقله _اختتتي لااااا
وانا مبقتش قادره اعمل حاجه قعدت ف الارض بسبب ان رجلي خلاص معدتش قادره تشلني وفضلت اعيط فضلت الخناقه لحد ما اتدخل امن المترو يفكوا المشكله والموضوع وصل ان اخويا هو والولد راحوا القسم
ف القسم
_حضرتك شايف حاله اختي... انتتت شايفهاا عاااامله ازاااي؟؟؟؟ لو مامتك او اختك اتعرضت لحاجه ذي كدا هتتراجع عن المحضر بكل بساطه
=بس انت كمان يااستاذ ابراهيم خدت حقها ولو دلوقتي اختك خدت حقها منه انت م هتعرف تعمل حاجه وذيك ذيه هتتحجزوا لحد ما تتعرضوا للنيابه وتشوف هتعمل اي ف قصتكوا ف احسنلك من قصيرها ارجع انت واختك البيت وهو م هيقدر يتعرضلك لان بكل بساطه هو كمان هيخاف ع نفسه
_ولو متراجعتش؟
هنا انا اتدخلت /يبقي.... انا اللي.... هتراجع يبيبو
بيبو /اسكتي انتي ملكيش دعوه
قومت وانا فعلا م قادره اقف يمكن هتتريقوا عليا بس الموقف كله صعب /افهمني بس يبيبو انا مش عشان اخد حقي انت تتظلم... انت معملتش حاجه غير انك كنت بتاخد حقي "مسكت ايده" انا م عايزه اخسرك ولا عايزاك تخسر مستقبلك.... بصيت للضابط... حضرتك... انا م عايزه حقي....
عن اذنك...شديت ايد بيبو وطلعنا برا القسم بعد ما صاحبه جه وضمنه
_انتي لي عملتي كدا؟
=صدقني م عايزه اخسرك
_بسسس دا حقققككك
=حقي وظلم ليك انت؟ يبقي م حق يبقي حرام
_يحبيبتي افهمي حقك متبقيش بتفرطي بيه بسهوله انا كدا كدا كنت هعرف اطلع منها
=انك بس تبات ف القسم صعبه ياابراهيم ارجوك اقفل الموضوع عشان... بجد م عايزه افتكر
_طيب يحبيبتي.... تاااكس
ركبنا تاكسي ووصلنا لحد البيت
ماما /جايين متاخرين لي؟
بيبو /مفيش يماما انا هدخل اوضتي عن اذنك
منه /وانا كمان عن اذنك يماما
ماما /حصل اي يمنه
منه /مفيش ياماما
ماما /امال لي عنيكي وارمه كدا؟
عيوني ابتدت تتملي دموع غصب عني /مفيش يا ماما
ماما وهي ابتدت تقرب مني وحطت ايديها ع رقبتي /حصل اي بس يحبيبتي احكيلي هو مش انا ماما
حضنتها وفضلت اعيط معرفش قد اي بس فضلت اعيط وملقتش منها غير الطبطبه وانها تهديني بعبارات هاديه ودافيه
ماما /هاه بقي احكيلي حصل اي
حكيتلها كل حاجه من اول العربيه اللي كانت ماشيه ورايا لحد وصولنا للبيت
ماما /ينهار اسود كل دا حصل بدون علمي ولا انا ولا ابوكي
منه /ماما ارجوكي اللي حصل حصل... صدقيني انا معنتش قادره استحمل
خدتني ف حضنها وجمدت اوي من حضني /اكيد كنتي خايفه اوي يحبيبتي
_اووووي ياماما
..............
ع الناحيه التانيه كريم وهو بيشتم ف نفسه انه بغبائه نسي ياخد رقم فونها عشان يطمن عليها انها وصلت البيت... ياعم اطمن دي اصلا محدش يقدر يقربلها... اصل بردو هو فيه حد يعاكس... واحد صاحبه الا لو كان لمؤاخذه؟... بس البت حلوه هما عارفين اذا كانت طريقتها ولد او بنت.... مهي اكيد حتي لو حد عملها حاجه هتاخد حقها تالت ومتلت... لااااا دا انا بقت حالتي صعبه وانا مالي اصلا روحت ولا لا وانا مالي ايش حشرني.... مهي اتاخرت بسببك يباشا.... انا كدا او كدا م هنول ولا اي حاجه انا استني لبكرا وابقي اعدي عليها اتطمن عليها وكدا كدا هبقي اعدي ع الكابتن.... هووووف حمااار ع الطلبات (قصداها الطلبات*) حماار
............
جه تاني يوم
_ماما هو انا ممكن مروحش...
ماما قاطعتني =انا كنت جايه اقولك اخدتلك اجازه مرضي من المدرسه اسبوع
_بس.... بس ياماما انا ورايا بعد بكرا ماتش ف الدوري
=بلا دوري بلا زفت بقي اقعدي اهدي كدا ف البيت واللي متفهميهوش تعالي اشرحهولك
قعدت ع السرير بفرحه _والله هتشرحيلي؟
=اي يبنت****مالك
_ههههه اصل بقالك حوالي سنتين ولا حاجه سيباني بذاكر لوحدي يقرمط
=اي قرمط دا؟
_متخديش ف بالك المهم بصي انا ورايا عربي وفلسفه وعلم اجتماع وعلم نفس وفرنش وجغرافيا وتاريخ بس
=بس؟ قليل اووووي يفاااشله
_طب لي الغلط بس ياعم
=قومي يلا طيب نبدأ بأول مادتين
............
بعد المدرسه راح كريم ووقف استني "منه" تخرج من المدرسه ومطلعتش لحد ما لقي سما خارجه افتكر لما شافها ف فريق منه ف راح وسالها
_لو سمحتي
=ايوا يكريم
_انتي تعرفيني؟
=منه حكتلي عنك وشوفتك وانت ماشي معاها امبارح
_طب... هي منه مجتش انهارده؟
=لا.... ومش هتيجي الاسبوع دا خالص
_لي... هو حصل حاجه؟
=هو انت م كنت معاها امبارح وعرفت اللي حصل
_لا هي مرضيتش تخليني اوصلها
=امممم بص.......
سما حكتله اللي حصل ذي ما منه حكته بالكلمه
=وبس كدا بعدها انهارده خدت اجازه مرضي عشان نفسيه منه من بعد الموقف دا وحشه اوي
_ينهااااار كل دا حصل امبارح؟.... طيب انا عايز رقم فونها
=طب بص هديهولك بس خلي بالك لتعملها فضيحه ف البيت
_متخافيش هاتي بس الرقم
..........
ماما كفايه كدا بجد زهقت من المواد دي اي الزفت دا هي دي مواد بتتفهم
=لا بتتحفظ...... طيب خدي ب.....(قطع صوت ماما رنه فوني) دا فونك دا؟
_اه يماما
=طيب ردي وتعالي كملي مذاكره
_طيب يماما........ الو
كريم /ايوا.... منه؟
_ايوا مين
=انا كريم....
هنا عيوني اتفتحت ع اخرها واتقلب نظري ع ماما اللي جمبي وكأني بقولها انووو....
