(الفصل الخامس)
عند صقر متفآجا: معقوله بنته روان تسآله عن امال المربيه.. وهي ولا مربيه حبتها وواطنتها الا يومين وطفشتها وش معنئ ذي احبتها...
روان وهي تنادي ابوها: بابا.. بابا وين رحت
صقر وكانه تيقظ م افكاره: اقول انتي تسآلين عن مين
روان بملل: بابا انا اقولك لييه ماتطول الساعات الي تقعد فيهم امال عندي.. يعني اتركها تقعد مع م الصبح للمغرب.
صقر بدون شعور: وش سوتلك امال ذي تركتك تحبينها كذا
روان: شكلها مررره حلو واسلوبها بعد..هي بنت فعلا مسليه وعندها افكار وراح اوريك الفساتين والاشياء الي اليوم شريناها وكلها م ذوقها
صقر وهو يهز راسه ومستغرب: واااو... طيب لييه لاا نشوف..
روان شدت ابوها م يده وركضت وهو وراها دخلت لغرفتتها وفتحت الدولاب وطلعت كل ملابسها الي شرتهم اليوم وورتها ابوها...
روان وهي فرحانه: حتئ هي شرت زيي وراح نلبسهم سووا واتفقنا باكر وش نلبس سوا..
صقر جاه فضول: وش بتلبسون باكر
روان تناظره بحبور: مراح اقولك اخليها مفاجئه
صقر وهو يناظر بنته وبقلبه يحس براحه اول مره يشعر بها وهو يشوف ابتسامة بنته رجعت لها وحيويتها وهالشي هو مدين له لآمال الي قدرت انها تطلع بنته م جو الكآبه والغموض لجو السعاده والراحه النفسيه..
صقر انا راح اكلمها اذا تقدر تجيك م الساعه 12 لـ7 المساء راح اقولك وان شاء الله مراح ترفض ياحبيبة بابا اهم شي ضحتك هذي ماتختفي
روان وهي تحضن ابوها: شكرا يابابا انا احبك وواايد... انك جبت لي امال
صقر: افااا الحين صرتي تحبيني علشان جبت لك امال ... مافي حب بدون مصالح ... يعني انا ابوك تحبين امال اكثر مني
روان وهي تزم شفايفها: بابا انت تغار؟
صقر ضحك م قلبه: ههههههههههههه لا ولييه اغار.. انا فرحان انك حبيتيها
روان تبوس خده بدلع: طيب يابابا
________________________*
اليوم الثاني الصباح... قامت ليان وكالعاده رغم لسئ ماتقدر تمشي كويس وتحس انها تعبانه والجروح آلتئمت بس لسئ يبغي لها راحه لتستعيد كامل عافيتها بس هي عنيده وتحب الشغل وماودها تجلس وبنفس الوقت حست انه صعب ع امال انها تشتغل بالبيت وبعدين ترجع وتروح للدوام..
اول مانزلت كنست البيت ولماخلصت تنظيف سوت الفطور وجهزته لانه اليوم سبت واجازه ومافيه دوام لما خلصت م الفطور راحت ونظفت الحمام
امال بتعب قامت ونزلت ومقصدها تقوم باعمال المنزل وهي طفشانه ومالها خلق بس ابتسمت براحه وهي تشوف البيت نظيف والفطور جاهز وماهي الا لحظات وشافت امال طالعه م الحمام وكانت لسئ مخلصه تنظيف ... قربت منها وباستها: الله يسعدك ياليووون ...خلصتي كل الشغل وفكيتني
ليان بآبتسامه: ماهنتي علي وانا اشوفك كل يوم مختبصه بين شغلك وشغل البيت قلت اخفف عليك...
امال وهي تحضنها مرره ثانيه: ربي لا يحرمني منك،... الحين اقول اني اقدر انام ع كيفي
ليان: نوووم العافيه حبيبتي
امال اخذت ف ايدها خبزه وحطت فيها شوية لبنه وشوي بيض ومعها كوب شاي اخضر وطلعت تفطر فوق عالسريع ونامت ع طول~~
………
ليان لما اخلصت قعدت وسوت الغدا كان وقتها الساعه عشرره ..وبعد لحظات قاموا امها واخوانها عبدالعزيز وغدير وفطروا ... بعدها عبدالعزيز جلس يلعب بلايستيشن وغدير تشوف التلفزيون افلام كارتون..
وامها لما فطرت قعدت تشرب شاي بالزعتر بالصاله وهي ملانه وشوي قالت لغدير تجيب لها اغراضها مالت الكروشيه والتريكو تتسلا فيهم شوي
اتسبحت ليان ولمت شعرها بشباصه ونزلت باقي شعرها الطويل الي انسدل لين اخر ظهرها وجلست مع امها تتسلئ في الكروشيه وتسوي ورود صغيره وامها تعمل بالتريكووو وتسوي تي شيرت صغير ... وبعد لحظات سمعوا جرس البيت ...
قامت ليان بسرعه تشوف مين .ولما فتحت الباب استغربت شافت رجال غريب اول مررره تشوفه..
نوواف وهو يناظرها وعرف انها البنت الي دعسها بسيارته قبل اسبوعين: ابوووك هنا ~~
ليان وهي منزله راسها: لااا هو طالع مو بالبيت
ام ليان بصوت عالي: ليان منو عالباب
ليان سكتت وماتدري وش تقول: .........
نووواااف: ذي امك
ليان: اييه
نوواف: طيب ممكن ادخل
ليان: اييه اتفضل
نووااف وهو يناظرررها وعينه مابعدت عنها عشق ملامحها م اول ماشافها فالمشفئ
امر السوااق ودخل ورااه وهو يدخل معاااه بآغرااض كثيره
ليان انصدمت وهي تشوف كل ذي الاغراص ودخلت تقول لامها
وماهي الا لحظات دخل نواف ووراه الخادم وهو كل شويه يجيب حاجه
نواف: السلام عليكم
ام ليان: وعليك السلام
نوواف بخجل: السموحه جيتكم كذا بدون اتصال.. انا كنت ابغئ عبدالرحمن... افتكرته هنا بحكم اليوم اجازه بس طلعت غلطان
ام ليان: يمكن مايتاخر عادي لابغيت تنتظره
نواااف: لا راح امشي .. مررره ثانيه اجي هنا واجلس معاه.... بس انا جبت لكم هنا اغراض ياريت لو تغطي جميلكم معاي ....وربي انا خجلان منكم.. خالتي انا الي كنت سبب دخول بنتك للمشفئ والحمدلله انها بخير .. انا الحين م شفتها تطمنت انها بخير والحمدلله
ام ليان بخجل: مايحتاج تجيب كل هالاغراض حنا ناس مانحب المشاكل والي صار صار والاهم عندنا ان بنتنا بخير وبصحه وعافيه... وانت جزاك الله خير وماقصرت لا جاء ابو عبدالعزيز اقوله
نوااف وهو يمشي: مع السلامه والسموحه مرره ثانيه
ومشئ نوواف~~
وام ليان وليان انبهروا وهم يفتحون الهدااايا ياهي هدااايا قيمه وحلوووه ... كان جايب لليان ذهب واايد ووست فساتين كذا شافهم واتخيل فيهم ليان واختارهم
وجايب شوكليت راقي ومغلف ومزين بطريقه حلوووه.. وبعد جايب صندوووق وفيه احذيه رجاليه وفيه ساعه ماركه ومطورره ... وداخل صندووق ثاني وصغير كان حاط فيه فلوس 5مليون ريال هذي الهدايا كانت للأب
وف صندووق ثاني كبير مليان العاب... مايدري كان متوقع يمكن بيت فيه اطفال ..
وصندوق كان للام وكانت متروس ذهب وآلماس وحاط فيه مليونين ريال وصندق ثاني صغير كان فيه مفتاح سياره..
ام ليان وليان انبهروا ماصدقوا ذا كله ... وكل الهدايا غاليه ومتعوب فيها ومبين ان الفلوس لاعب فيهم لعب
ليان بتوتر: يمه احس بابا ماراح يرضئ فيهم تدرين عزت نفسه قويه
ام ليان بس مانقدر نرجعهم الرجال جايبهم ومتعب نفسه وبعدين كل الخير ذا ونرجعه وربي حرام
ليان بآبتسامه: وينك يا امول لو تشوفين ذا الخير انشهد انك راح تتجنين
ام ليان تبتسم: روحي قوميها وخليها تجي تشوف
ليان ركضت بسرعه لفوق وبشرت امال .. امال زي المجنونه نزلت تشوف...
ولما جات انبهرت وصارت تنبش ف الذهب وناويه تاخذ منهم
ام ليان: نص الذهب لليان هي الي مقصوده الرجال جايب هالهدايا علشان ترضئ عليه وكمان علشان سلامتها..
امال: اووف طيب باخذ م ذهبك يايمه ترا حرام ماتعطوني...
ام ليان مراح ناخذ شي لين ابوك يجي انا حاسه انه بيقول مانبيهم
امال بآستهزاء: واااي م كثر فلوسه علشان يرفض طرار ويتشرط .. وهو زين يحصله كل هذا ... بس انتم تموتون ع الفقر ماتتعبون
ليان تسكتها: عيب يا امال لا تقولين عن بابا كذا
ام ليان انجرحت وكانت تناظرها بتحسف ع تربيتها وحست انها ماعرفت تربي امال الي صايره قليلة ادب وذوق: ليتك فوق ومانزلتي سميتي بدني بكلامك ياقليلة الحيا .. ابوك تاج راسك يا امال.. لولاه كنتي م زمان متي م جوع ومثل مايقول نسينا ماكلينا ياعديمة الاكرامه ...
ومشت وتركتها~~
وبعد لحظات جاء ابو لياان م برا وكان جايب معه اغراض للبيت وللمطبخ واشياء طالبتها ام ليان... حط الاغراض بالصاله ورمئ نفسه بالكنبه بتعب بس شوي ولاحظ زحمة الاغراض الي حاطينها بالطاوله ونادئ ام ليان وسآلها بتعجب
ابو ليان: وش ذي الاغراض.. م جايبها
ليان بتوتر: هو ق_ ققاااال ان__ انه هالرررج_ هالرجال الي صدمني بسيارته ذااك اليوم
ابو ليان بعصبيه: وخيررر ... لييه جايب كل ذا .. احد طلب منه شي
ليان بخوف: مدرري
ابو ليان بحمق: ولييييه ماقلتوا مانبيهم ...ولا لما شفتوا كل ذي الاغراض انهبلتوا وماصدقتوا
ليان سكتت وماتكلمت ... ابو ليان قام وراح لغرفته وصار يعصب وينافخ ع ام ليان ولييه ماقلتوا مانبيهم ولييه اخذتوهم وهو بيقول ناس ع قد الحال وماراح يرفضون وحنا منا بحاحه فيهم ذي الاغراض ومو انا الي اخذ صدقه م احد
ام ليان بخوف: بس يا ابو ليان عيب نقول للرجال مانبيهم وهو جاي يعتذر منا وع الي سوااه ف بنتنا وهذي هديه منه لليان ولنا ع حسن معاملتك معاااه لما اعفيت عنه ومادخلته مشاكل ...مافيها شي ولييه انت كذا معصب.
ابو ليان وهو يدور رقمه وفتح الدرج واخذ الرقم واتصل عليه وهو معصب: السلام عليكم
رد وبصوته الهادئ: وعليك السلام
ابو ليان: هذا رقم نوااف
نواف بآستغراب: اييييه
ابو ليان بحمق: معاك ابو عبدالعزيز الي اخذت رقمي ذاك اليوم ف المستشفئ
نوااف بآبتسامه: يا هلاااا بالناس الطيبه... وش خبارك ياعم
ابو ليان انحرج بطيبته وغير نبرته وهدئ م روعه شوي: لييه جايب كل ذيك الهدايااا لنا
نوااف بخجل: وربي كنت خجلان منك وم معروفك معاااي فقلت اجيب هدااايا تعبير عن شكري لك والي سويته معاي وبصراحه الناس الي مثلك ماتنوجد بهالزمن انت نادر يابو عبدالعزيز
ابو ليان بتردد: طيب انت خجلتني بهالشي وانا ماحب اخذ شي م احد وانا انسان عزت نفسي ماتسمحلي... صح حنا ع قد حالنا بس مانقبل صدقات م احد ...
نوووااف انكسر خاطره: السموحه يابو عبدالعزيز ماكنت ابي اجرح كرامتك بس انا كذا حبيت اعبر ع شكري ويمكن انا ماعرفت كيف اعبر عن شكري والسموحه منك ... بس علشاني هالمره تقبلها وان شاءالله مراح تتكرر ومره ثانيه انا آسف...
ابو ليان حس انه غلط لما اجرحه بهالكلام بس كان لازم يفهمه انهم مو طماعين وناس عندهم كرامه: طيب واعذرني ياولدي لي ثقلت عليك بالكلام بس انت تدري اني ما ابي اخذ شي م احد... وربي يسعدك
نواااف: تراا عادي ما ازعل م الناس الطيبه وانت رجال مافي منك وادري كل هالكلام الي قلته ماقصدك فيه تجرحني ....
ابو ليان: طيب انا بسكر ومع السلامه
سكر ابو ليان منه وهو منحرج وام ليان ابتسمت وعرفت ان الاغراض ماراح ترجع بس ماحبت تبين هالشي...
ابو ليان وهو يروح للحمام علشان يتوضئ ويصلي وام ليان طلعت تبشر بناتها انه الاغراض مراح ترجع ... استانسوا البنات وامال اولهم واخذت ثلاث قطع ذهب وغير الفلوس
وقالت لامها: عاد ذولي الحين حقي انا مابغئ تقولين ماتاخذين وم هالكلام... وانا متواضعه لو حد غيري اخذ كل شي... ومشت لغرفتها تتجهز علشان تروح دوامها
ام ليان انقهرت: وفوق ذا كله ماخذت شي لااا اخذيه كله طيب... قوية عين
ليان تضحك: ههههههه يعني يمه ماتعرفين بنتك هالطماعه... اقول هي زين ماخذت كل شي..
ضحكت ام ليان: ماتقدر تاخذ كل شي .... مادري هالبنت طالعه ع مين..
________________________*
عند امال ف قصر صقر قالت لروان: وش رايك نلعب غميضه
روان بحماس: يلاااا نلعب .. وناااسه
امال: تيب انتي اتخبي وانا اركض وراك
روان: طيب بس تعالي بالاول اسكر ع عيونك بالمنديل
قربت روان منها وسكرت ع عيونها بالمنديل وراحت روان اتخبت وقالت لامال وهي تبتسم بخبث: الحين دوريني
دورت امال ودورت مالقتها وبالاخر اضطرت انها تغش وفتحت المنديل ومالقتها بالغرفه نهائيا ...اضطرت وقالت يمكن طلعت برا وراحت تدور برا ورجعت المنديل ع عيونها وهي تناديها
روااااان ……
روووواااااانوووو ……
ررررووورررووو.....
وروان تطنش لانها تدري لو اتكلمت راح تعرف مكانها..
مشت امال وهي تكلم لوحدها: ادري فيك ماتبين تتكلمين ذكيه علشان لا اسمع صوتك واعرف مكانك بس هين انا آلاقيك يالنتفه...
وهي تدور مسكت بآحد وصرخت بحماااس: مسكتك يالنتفه
.... اهاااا عبالك مراح اللاقيك وينك انتي ... وش هالطوول الي فيكي.. واقفه ع طاوله ولا وش؟؟؟
امال وهي تضحك ولسئ تتلمس الي مسكته: وش فيك ماتتكلمين وين لسانك اكله القط
وماحست الا بآحد شايل عن عيونها المنديل وهو يشوفها ويبتسم~~~
