(الفصل السادس)
*الغمـيضــه وبــداااايـــة العشــق*
عند امال ف قصر صقر قالت لروان: وش رايك نلعب غميضه
روان بحماس: يلاااا نلعب .. وناااسه
امال: تيب انتي اتخبي وانا اركض وراك
روان: طيب بس تعالي بالاول اسكر ع عيونك بالمنديل
قربت روان منها وسكرت ع عيونها بالمنديل وراحت روان اتخبت وقالت لامال وهي تبتسم بخبث: الحين دوريني
دورت امال ودورت مالقتها وبالاخر اضطرت انها تغش وفتحت المنديل ومالقتها بالغرفه نهائيا ...اضطرت وقالت يمكن طلعت برا وراحت تدور برا ورجعت المنديل ع عيونها وهي تناديها روااااان ……
روووواااااانوووو ……
ررررووورررووو.....
وران تطنش لانها تدري لو اتكلمت راح تعرف مكانها..
مشت امال وهي تكلم لوحدها: ادري فيك ماتبين تتكلمين ذكيه علشان لا اسمع صوتك واعرف مكانك بس هين انا آلاقيك يالنتفه...
وهي تدور مسكت بآحد وصرخت بحماااس: مسكتك يالنتفه
.... هاااا عبالك مراح اللاقيك وينك انتي ... وش هالطوول الي فيكي واقفه ع طاوله و الا وشش
امال وهي تضحك ولسئ تتلمس الي مسكته: وش فيك ماتتكلمين وين لسانك اكله القط
وماحست الا بآحد شايل عن عيونها المنديل وهو يشوفها ويبتسم~~~
صقـر وهو يبتسم: وربي خبله
امـال بآنحراج: صصـ ..... صقققررررر !!،،
صقر ولسئ يضحك: ايييه وش تسوين هنا وحاطه بعيونك هالمنديل
امال ولساتها مفهيه: نلعب انا وروان غميضه... علشان تتسلئ وكذا
صقر بحب: هالشي الي حبب رووان فيك ... انا اعجبني تصرفك مع بنتي .... وغمز بعيونه لها: وحتئ ذووقك ..
امال احمرتتت: شكررررا
انا شفت ذوقك بالملابس الي شريتيها لروان كانت حلوووه زيي وجههك الحسن ... و حتئ نفسيتها تغيرت وصارت تحب الحياة ورجعت تبتسم... وكمل وهو يتنهد: م رحلت امها وتركتنا ماعمري شفتها تبسمت كذا مثل الحين ..
وهي كل يوم تسآلني عنك وتكلمني عنك وانك احسن مربيه جيتي لها
وطلبت مني طلب علشان اقوله لك وانا قلت راح اقولك بس نسيت والحين لما شفتك تذكرت: ابي اعرف اذا تقدرين تجلسين مع بنتي ساعات اطول يعني م الصباح لين المغرب
امال بققت عيونها وتكاسلت بس لما سمعته يكمل كلامه لا لا مافيه كسل راح توافق لانها خقت لما سمعت انه راح يضاعف راتبها..
صقر بحبور: اذا تقدرين تجلسين م 12- 7 المغرب راح اضيف معاشك لـ10,000 ريال فالشهر ... وش رايك
امال بعدم تصديق: اااييييه.. مـ.. موافقه
الصقر بآبتسامه: شكرا يا امال انك وافقتي
امال: العفو ولووو... وابتسمت وهي تتذكر روان: نسيت روان بتكون الحين تنتظر اللاقيها وانا دقيت معاك سوالف.
صقر وهو لسئ يبتسم: طيب الله معاك
مشت امال تدور روان وبالآخير لقتها متخبيه ف دولابها...
وهزئت فيها روان: وينك عني انا مت بالحر وانتي وش تسوين برا
امال تفرحها: م اليوم راح تشبعين مني راح اجلس معاك م الصباح للمغرب..
روان بحماس ركضت لها وضمتها...
امال ابتسمت بخبث وهي تحضنها: هدفي اصيد ابوك واخليه م نصيبي .. مو انتوا الاغنياء تلعبون بالفلوس وتقطونها ع الي يسوئ والي مايسوئ وحنا الفقاره ندور الفلس ومانحصله ...
_______________________*
مرر اسبوع وصار عيد ميلاد انوار .. اتصلت امال ف صقر واعتذرت ان اليوم ماتقدر تجي لانه عندها عيد ميلاد صديقتها وماتقدر تطوفه.. وااافق صقر ... وتحمست امال وصارت تجهز فستانها واكسسواراتها وكانت تسوي الصبغه ف اظافرها و تصفف شعرها وحط عليه المقابض الدائريه ولوت بها شعرها بالكامل... وراحت تتسبح ولما تسبحت بعد ساعتين بدت تسوي الميك اب وخلصت م الميك اب الي كان عباره ع اللوون الرصاصي مع البني الغامق لا الفستان كان لونه بني وعليه لمعه تميل للون الرصاصي .. وبعدها وبدت تفك المقابض عن شعرها وانسدل شعرها بحركه انسيابيه ناعمه ع اكتفاها لين وصل لنص ظهرها وكانت طالعه قمر ... عدلت ف خصلاتها م قدام وحطت فيونكه باللون الرصاصي ع البف الي قدامم ... لبست الشوز الي كان باللون الرصاصي بكعب طويل... واخذت حقيبة يدها الي بعد كانت باللون الرصاصي وكانت بها لمعه ... ولما خلصت آلقت نظره اخيره ع انفسها وباست نفسها بالمرااايه وهي تبتسم برضا عن شكلها...
وع هاللحظه جاها اتصال م العنود: يالقاطعه وينك... والا الي يتوظفون ينسون اصاحبهم
امال بآبتسامه: اوووف ظروف وربي .. وبعدين انا مانسيتك انا حبيت اريحك م خشتي فتره بسيطه
العنود: الله اكبر عليك تعرفين تطلعين الاعذار م تحت الارض...
امال ابتسمت بخجل: وربي اشغال ما اكذب عليك انا
العنود: المهم مع مين راح تروحين عيد ميلاد جوجو
امال بحيره والله مدري الحين كنت بتصل فيك بس الظاهر القلوب عند بعضها سبقتيني انتي..
العنود بسرعه: تيب خليك جاهزه انا بمرك
امال بدلع: جاهزه وخالصه... اقول تعالي بس ترا انا ما احب انتظر
العنود: طيب الحين طالعين دقيقتين وحنا عندك
نزلت امال لتحت وانبهرت فيها امها وليان كانت قمه فالروووعه ... ليان وهي تسمي: بسم الله ماشاءالله كنك عروسه يا امال اقري ع نفسك المعوذات
امال بطرف عينها: عجوز وربي ~ وهي تقلدها: اقري ع نفسم المعوذات... اووووف وش ذي التصرفات تخافون م الحسد ..يعني اذا كنتوا مغرقين بالفلوس وش بتسوون
ليان انكسر خاطرها وسكتت ومشت غرفتها ترتاح شوي...
اما.... ام ليان وهي تناظر امال بنتها بقرف: مافيك خير وطول عمرك بتظلين كذاا انانيه
امال تآففت ومشت: ملينا م محاضراتك الي ماتخلص
وبعد لحظات وصلت العنود ومشوا للعيد ميلاد انوار...
_________________________*
عند روان كان كل يومها ضايقه وماعرفت وش تسوي تعودت ع امال حييل وتحس شي ناقصها...
مشت لعند ابوها وهي تجلس جنبه بحزن: ليييه امال ماجت اليوم وربي افتقدتها
صقر وهو يلعب بشعرها: لا تتضايقين يابابا بكرا امال تجيك اليوم كان عندها ظروف عندها عيد ميلاد صديقتها وهي اعتذرت وقالت ما اقدر اجي وانا وافقت اتعودي يابابا مو تتعلقين فيها واذا غابت بيوم تحزنين لا تخلين هالبسمه تطلع م ع شفايفك
روان ابتسمت بحزن: طيب
--------------------------------------
ف ميلاد انوار والاجواء الصاخبه وصوت الاغاني العاليه والبنات ترقص وفالينها وونااااسه ...كانت امال وترقص ع اغنيه ديسكو ... وهيب هوووب مع البنات.... .اتفاجئوا وشوي وهم يشوفون مجموعة شباب تدخل...
امال اتفاجئت: انوار وش قصدك سويتي لنا كمين..
انوار وهي ترقص: خلينا نستااااانس ونفلهاااا
انوار وهي تناديهممم: واااو شباب ورونا ابداعتكم
قرب منها احمد وهو يساسرها بآذنها ويغمز بعيونه: وش تبين حبيي
انوار وتبوس خده بدلع: نبغئ نشوف ابداعكم بالهيب هوب انت والشباب
احمد ونظراته تلاحق امال: لعيونك الحلوه
مشئ وكلم اصحابه وكانوا متدربين ع رقصه وارقصوها وصرخات البنات والتشجيع عطاهم حماااس وكانت رقصتهم رووووعه ابداااع...
امال بعدم ارتياح قربت للعنود تساسرها: العنود وش فيها ذي المجنونه... كيف تخلي الشباب يدخلون معانا تبي تسوي لنا مشاكل
العنود وهي تكشر ومو مرتاخه للصخب والفوضه الي صايره: تبين نمشي وربي حاشني ضيق لو يدرون احد عوايلنا لا ذبحونا
امال وهي معصبه: هي ماخذه راحتها وتدري محدن وراها اهلها كلن فحاله ومايدورن عنها
امال وهي تناظر الرقص وتبتسم وربي رقصهم ابداااع هذول
الشباب
العنود: اييه بس انا بتصل بالسواق يجي ما اقدر اقعد هنا اكثر
امال: اييه اتصلي..
اتصلت العنور وكلمت السوااق وقالت له يجي~~
مشت امال وهي ترووح تاخذ عصير تحس انها عطشانه وهي تشرب العصير حست بآحد مسك كتفها بخفه..
امال بسرعه انتفضت واللتفتت تشوف مين... ولما ناظرته عرفته هذا صديق انوار
امال بصرامه: وش تبي؟
احمد: ابيك انتي
امال بحمق: وقح
احمد بحب: عيونك الحلوه ذوبتني
امال بعصبيه: تذوب ف نار جهنم يارب
احمد وهو يضحك: ترضين علي
امال: اييه ارضئ.. وش تصير لي علشان ما ارضئ عليك
احمد وهو يقرب لها وبوقاحه: حبيني ونصير اقرب
امال دفته بقوووه لين طاح ع الكرسي والكاس الي بآيدها طاح عليها وتتكسر ع فخذه...
الكل اللتفت وهو مستغرب وامال ابتعدت م عيون الناس ومشت لاقرب غرفه لها
انوار عصبت وخجلت م تصرفات امال: صدق بنات الفقر وش عرفهم بالحفلات
مشت وراها للغرفه وهي تهاوشها: وش فيك انجنيتي .. انتي فضحتينا وخربتي حفلتي
امال بحمق: اييه ماهمتك غير حفلتك هالتعبانه الي كلها مصاخه انا لو فكرت كذا كان ماجيت.. انتي ماوراك احد عامله حفله فاسقه فيها شباب وشرب وين اهلك عنك..
انوار تضحك بآستهزاء: وين كلامك ذا م قبل ... والا قبل ماقمتي تشوفين ذا كله علشان الفلوس الي معميه عيونك علشان الفلوس تغاضيتي عن اخلاقي وش فيك الحين مسويه نفسك مآدبه
امال: اييه صادقه انا الفلوس معميه عيوني بس لسئ مانسيت اخلاقي وراح تشوفين وتذكري كلامي زين انا امال ان ماجبت صقر وخليته يتزوجني ويعشق التراب الي ادوسه وصرت مقامي احسن منك ... ماكون انا امال يانذله ياخسيسه
انوار تضحك بآشمئزاز: صقر ياخذك انتي ... وااااو حلمك كبير بس تحقيقه صعب
امال وهي تنافخ: وراح تشوفين بس خلي هالكلام حلقه بآذنك
اانوار ولسئ بتتكلم.. بس دخل احمد وفمه كان ينزف دم وشياطينه قايمه ومعصب ع امال...
احمد بعصبيه: اطلعي برااا يا انوار واتركيها علي..
انوار بدلع ووقاحه: شوووف شغلك معاها
امال بققت عيونها وصارت تلف عيونها يمين ويسار: وش تبي انت
احمد وهو يمسح الدم م فمه: ف حياتي ولا بنت تسوي معي كذا غيرك انتي يالحقيره
امال بقوووه: تستاااااهل
احمد بقهر: نعنبوك ماتخافين انتي
امال بآستهزاء: وش اخاف منه
كانت تقوي نفسها م الداخل بحكم شخصيتها قويه تقدر انها تسيطر ع مشاعرها وخوفها
وقربت منه وحاوطت ايدينها ع رقبته: تبغئ كذا ... وفكت ايدينها م رقبته وقربت شفايفها لخده وباسته: والا كذا..
احمد ارتبك م تصرفها وماصار يدري وش يقول وبدون شعور: لا لا ماقصدي بس كنت
امال وهي تسكته بدلع: انت بنفسك قلت لا ... اجل الحين خليني امشي وراي دوام باكر
احمد ولسئ مسبهه: لا لا تمشين
امال فكت الباب وطلعت وع وجهها ابتسامه انتصار وانها تقدر تطلع نفسها م المشاكل بسهوله
احمد لسئ حاير بمكانه: وربي قويه كيف تركتها تروح مني
..... طلعت بسرعه وقالت للعنود: خلينا نمشي هالوووقحه انا الي راح اربيها
العنود انا م اول انتظرك ..وين كنتي
امال بآنتصار: بعدين اقولك. .
وهي تمشي كانت تناظر انواو المقهوره والي كانت مستغربه كيف احمد يفك عليها ليييه ماسوااا الي قالته له..
انوار بقهر مشت بسرعه للغرفه لقت احمد لسئ مسبهه مكانه ومو مصدق حركتها الي كهربته وخليته ينسئ عصبيته وكبرياءه
انوار بعصبيه: لييه تركتها تمشي
احمد: وربي مجنونه هالبنت... الا قووويه
انوار بحمق: وش سوت فيك خلتك كذا
احمد بسرعه: اعطيني رقمها
انوار وهي تتحلطم: وربي مامنك فايده كنت جاي معصب وثاير قلت ع عصبيتك ذي بتكسر خشمها بس الظاهر هي الي كسرتك
انوار اعطته الرقم بدون نفس وطلعت م عنده..
________________________*
فالسياره مع العنود وامال .... العنود بصدمه: معقوله حضنتيه .. كيف سويتي كذا ما تستحين انتي
امال بعدم اهتمام وهي تقلد صوتها: لا اجلس اتبكبك احسن.... ايييه اتعلمي الانسان لما يكون عصبي روضيه بسهوله ينسئ عصبيته ويعطيك الي تبين... مو تجلسين تبكبكين ماراح تستفيدين شي غير الذل والاهانه...
بس انا خليته صنم حتئ مشيت وماوقفني تركته يعيش ويحلم ف حركتي الي عملتها معاااه ....
العنود بحماااس: يبختك بقوتك عقبالي استقوئ كذاا لو كنت مكانك كان سوا الي يبغاه وانا لسئ ابكي هالدموع ماراح تفيدني بشي
امال ببرود: ودي ارجع البيت وانام ...ليتنا ماجينا لذي الحفله السامجه... انوار الحقيره راح تشوف الي مايسرها وربي بلحظه نسيت اني كنت اعرفها ذي الوصخه
العنود بآستغراب: وربي لسئ متفاجئه فيها
امال بعدم اهتمام: تفكرين الناس كلها طيبه زيييك.. ماتضمنين احد بهالزمن ... حتئ انا ماتثقين فيني... ونزلت .. كان وقتها السواق وقف قداام بيتهم
العنود بققت عيونها: قوويه وتخوف بنفس الوقت ذي البنت
امال وهي ماشيه: تصبحين ع خير
العنود ببراءه: وانتي م اهله
