الفصل التاسع
ورد : انتي هتغنيلي......
تقى : اغني و ماغنيش ليه دا شكل القمر وقع
ورد : يا بنتي انتي مجنونة دا كان بيعتذرلي
تقى : يا حبيبتي هيهزأ نفسه علشانك.....؟ ليه.. ؟
ورد : يا حبيبتي انتي هبلة هيسيب البنات الاغنية و الهاي و يحبني انا
تقى : طيب هتشوفي..
ورد : طيب اطلعي يلا يا حبيبتي بقا هغير و هاجي
تقى : ماشي بس متتأخريش
و غيرت ورد هدومها و قعدت تفكر في اللي تقى قالته
و بتكدب نفسها
ورد : البت تقى دي اصلا هبلة ايه دا هو انا ازاي كنت بفكر في ده اصلا
و خرجت ورد من الاوضة و مشت شوية و نزلت للفطار و لقت ياسين قدامها
ياسين : ها فكرتي في الطلب التاني
ورد :و الله لسة
ياسين : طيب الشغل
ورد : الشغل...... طبعا فكرت
ياسين : طب ايه
ورد : موافقة...... حتى لو كان بيني وبينك مصانع الحداد بس مقدرش انكر انك مهندس ناجح
و فضلوا يتكلموا لحد ما وصلوا عند مامتها
نادية : تعالى يا ابني اقعد معانا
ياسين : و الله حضرتك انا مش عايز ازعجك
نادية : لا يا ابني ازعاج ايه بس تعالى
و راح ياسين قعد معاهم..... و تقى فضلت تغمز لورد طول القعدة
و بعد ما فات شوية....
ياسين : عايزة حاجة يا طنط نادية
نادية : يا ابني مانتا قاعد
ياسين : لا يا طنط الف شكر..... عايزة حاجة يا ورد
ورد : لا شكرا
ياسين : تحبي تبدأي شغل امتا
ورد : وقت ما تحب انا فاضية
ياسين : خلاص بعد الرحلة
ورد : خلاص ماشي
ياسين : مع السلامة
ورد : مع السلامة
وبعد يومين الرحلة خلصت و رجعوا
ورد : كانت رحلة جميلة
تقى : آه اومال ايه
ورد : انتي عايزة ايه يا بت انتي
تقى : شوفتي يا دودو (نادية) الباشمهندس ياسين
نادية : اه الواد زوق مش عارفة في ناس حاطة صورته و مشخبطة عليها
ورد : انا داخلة انام دا انتوا..... انا اصلا عندي شغل بكرا
نادية : ابقي سلميلي على الباشمهندس...... هههه
ورد : آه منك يا دودو
و جه تاني يوم و ورد قامت سقت الورد و غيرت هدومها و فطرت و نزلت الشغل
طبعا ورد لسة مصفتش من ناحية ياسين
و اما ورد وصلت الشركة الكل قاعد بيتكلم كان لسة ياسين موصلش و شوية كدة و لقت واحدة داخلة و بتقول استاذ ياسين وصل كلو مرة واحدة فتح شغله و قعد ساكت و اما دخل
ياسين
ورد شافته مكشر عكس الرحلة خالص
و هو داخل نده ورد
و ورد دخلت وراه
ورد : صباح الخير
ياسين........
ورد : على فكرة انا بصبح عليك يبقى لازم ترد
ياسين : يا ستي صباح النور
ورد.....