الفصل العاشر
ورد : مش كدا لازم تكون مبتسم و انت بترد عليا
ياسين : و الله انا مش فايق
ورد : الطلب التاني....
ياسين : يا خبر ابيض دا انا كنت نسيت
ورد : بما انك مش بتعامل الموظفين حلو و كمان مش بتديهم بريك
ياسين : و مين اللي قال اني مش بديهم بريك
ورد : انت هتضحك على نفسك و لا عليا.... دا انت بتخليهم يراجعوا الشغل فيه
ياسين : عرفتي ازاي
ورد : مصادري الخاصة... فالطلب هو انك اما تدخل الشغل كل يوم تكون مبتسم و تقول للموظفين صباح الخير و كمان تديهم بريك محترم
ياسين : ماشي يا ستي على الله نخلص..... يلا علشان تتعرفي على الموظفين
ورد : و مين قالك اني متعرفتش عليهم
ياسين : دا انتي اجتماعية بقا و كدا....طب روحي هاتي الملف اللي في الرف الاول... هتعملي التصميم الداخلي
ورد : خلاص ماشي
و بعد ساعات من الشغل ورد خلصت التصميم
ورد : استاذ ياسين انا خلصت ايه رأيك
ياسين : انتي مشيتي حسب المطلوب و هو حلو بس محتاج تعديلات
ورد : و ايه التعديلات دي ان شاء الله
ياسين : اقعدي و هعدله معاكي
طبعا التصميم مكانش محتاج تعديل و لا حاجة بس ياسين عايز ورد تفضل قدامه
و بعد نص ساعة من التعديلات
ورد : شكرا يا استاذ ياسين على التعديلات اللي ملهاش لازمة دي
ياسين : طيب استني اوصلك
ورد : لا مش مشكله انا هقابل صحبتي اصلا
ورد كانت رايحة تقابل سلمى صاحبتها اللي تقريبا كدة مكلمتهاش من ساعة الحفلة
بس سلمى هي اللي كلمت ورد و قالتلها انها وحشتها
و راحواعند ورد البيت و قعدوا مع تقى يسمعوا فيلم...
سلمى : احكيلي بقا
ورد :احكيلك ايه..
سلمى : تقى قالت انك قابلتي ياسين
ورد : اه.. ما هو اعتذرلي و عرض عليا شغل
طبعا سلمي بتغيى من ورد و بتغل منها علشان سلمى كمان معجبة بياسين و عمرها ما قالت لورد
و قعدت تقول من جواها : ليه ورد تاخد الوظيفة و انا لا
و فجأة الموبايل بتاع ورد رن لقت ياسين هو اللي بيتصل
تقى : ابن الحلال عند ذكره يبان
ورد :شش
و ردت ورد على ياسين
ياسين : الو يا ورد
ورد : ايوة يا استاذ ياسين..
ياسين : بقولك.... ابقى اطبعي التصميم الناس صحاب المشروع جايين بكرا و كمان ابقى تعالي بدري
ورد : آجي بدري ليه...
ياسين : علشان نشوف مين اللي هيقدم المشروع ة نراجعوا مراجعة اخيرة
ورد : ماشي
ياسين : طيب فكرتي في الطلب التالت
ورد : اما تبقى تنفذ التاني نبقى نشوف
ياسين : و الله انا مقلق منك مش عارف ليه
ورد : هههه.......
